|
|
|
 Re: يا اخوانا تعالوا شوفوا الخرطوم بقت كيف (صور ما حصلت).. (Re: Ali Alhalawi)
|
Ali Alhalawi
Quote: ألفين ســلام يا بروف
نتمنى جمال النفوس قبل جمال الطوب
|
نعم القول والله..
| Quote: المحيّرنى فى كل الأشياء الظلوتية دى هو عدم وجود صينية أو إشارة مرور كما واضح فى الصورة .. يعنى الواحد يلف صينية كيف!! |
يا ابو علوة ياخي هو السودان ده خلي الناس تلف ليها صينية أكل في الأول
بعدين التشوف ليها حاجة تانية تلفها.. 
تسلم يا حبيبنا
| |
 
|
|
|
|
|
|
|
 Re: يا اخوانا تعالوا شوفوا الخرطوم بقت كيف (صور ما حصلت).. (Re: bob)
|
هذا المشروع أعلن عنه منذ فترة
لا أدري ما الجديد فيه
بس خلينا نديك المعلومات الاولية دي
ونواصل بعدين
Quote: نقلا عن: العربية نت
دبي – العربية.نت
بدأ العمل في تنفيذ البنية الأساسية لمشروع مجمعات سكنية تجارية ترفيهية في العاصمة السودانية الخرطوم تبلغ تكلفته الاستثمارية 4 مليارات دولار, ومن المقرر أن يستغرق تنفيذه كاملاً 7 سنوات.
وقالت شركة "السنط" للتنمية السودانية التي تتولى عملية التطوير العقاري, خلال معرض "سيتي سكيب 2005 " الذي يختتم أعماله الاثنين 19 سبتمبر/ أيلول 2005 إن المشروع سيقام في منطقة المقرن عند ملتقى النيلين الأبيض والأزرق, وأن مساحة المنطقة التجارية المركزية 160 فدانا بينما تبلغ مساحة المجمع السكني 1420 فداناً.
وأضافت بحسب ما نشرته جريدة "البيان" الإماراتية اليوم 19/9/2005 أن حكومة ولاية الخرطوم بالتضامن مع مجموعة "دال" ستقوم بإنشاء هيئة إدارية عامة لإدارة المنطقة المطورة, وأنه من المستهدف تشييد مركز تجاري حديث يكون ملتقى للعمل التجاري العالمي في شرق إفريقيا, مشيراً إلى أن المنطقة ستكون حيوية ومحوراً لتنمية الأعمال في هذا الإقليم النامي والغني بالبترول.
وذكرت أن المنطقة التجارية المركزية سيستغرق تنفيذها 5 سنوات بينما يتم تطوير المجمعات السكنية والترفيهية بما في ذلك ملعب عالمي للجولف يضم 18 حفرة خلال 7 سنوات, وأن العمل في المرحلة الثانية سيبدأ في بداية عام 2006 .
وتتضمن المنطقة التجارية المركزية 44 قطعة أراضي منها 18 قطعة مخصصة للفنادق و700 شقة فندقية وسيخصص منها 18 فداناً لثلاث حدائق والساحات المفتوحة ومنتزه مواجه لشاطئ النهر, فيما تتضمن المنطقة السكنية 650 فيلا و7236 شقة ومنتجعاً وحدائق وبحيرات ومحمية طبيعية مساحتها 173 فداناً, ومن المؤمل أن تستقطب 44000 مقيم.
وذكرت أنه توجد فرص استثمارية في مجال الأنشطة الترفيهية كدور السينما ومراكز التعليم الترفيهي وأندية اللياقة البدنية وخلافها, وأنه ستكون هناك هيئة إدارية مستقلة متخصصة بإدارة المنطقة وتناط بها مهمة التنسيق بين المستثمرين والجهات الحكومية، بالإضافة إلى التأكد من التطبيق الدقيق للموجهات الرئيسة للتصميم الحضري |
وكما قلت المانع شنو الخرطوم تبقي كدة
نتمني أن نري مثل هذه المشاريع وبصورة
جادة بعيدا عن التلاعب ونتمني ما تكون
مجرد صور
ابو شهد
| |
|
|
|
|
|
|
|
|
|
Re: يا اخوانا تعالوا شوفوا الخرطوم بقت كيف (صور ما حصلت).. (Re: Dr. Moiz Bakhiet)
|
هذه الصور لنماذج مصنعة ببرنامج 3D مثل 3D Max أو مايا.
هذه الصور رأيتها قبل فترة و الواضح أن هنالك شركة تكونت تحت إسم سنط وذلك لقطع غابة الخرطوم واستغلال المكان لأسباب تجارية وتستعمل هذه الصور للنصب على السودانيين.
لا يخفى على الأخ د.معز ضرورة توخي الدقة حتى لا نقع في الترويج لاغراض تجارية بالذات مع شبهات الفساد التي تفسد سماء الخرطوم غير المتعافية إلى جانب عدم التفريط في غابة الخرطوم كمساحة خضراء لا غنى عنها بيئياً خصوصاً بعد جريمة اجتثاث الحزام الأخضر وميادين الأحياء.
الباقر موسى
| |
|
|
|
|
|
|
|
|
|
Re: يا اخوانا تعالوا شوفوا الخرطوم بقت كيف (صور ما حصلت).. (Re: Dr. Moiz Bakhiet)
|
دكتور معز
لك ودي وأطيب الأماني
صور جميلة ولكن
لا أحس بها .. لا تشعرني بدفء الوطن
الدولارات التي ستبني هذه الغابات الاسمنتية الحديدية الزجاجية تنتمي للوجه القبيح للرأسمالية ، للشركات متعددة الجنسيات ، للبنوك السرطانية ، ولأذيالهم من أهل السلطة والمال في بلادي ... خوفي على محمد أحمد وأدروب ودينق ، من مآسي البدو في الخليج حيث تحتل الصور المشابهة لصورنا هذه الصدارة ويتمتع بخيرها القادمون من وراء البحار وشركاؤهم من أهل السلطة والمال المستظلين بظل الدليب ( البرمي بعيييييد ) بينما أهل الأرض وملحها ينالون الفتات . غداً ويا لهف فؤادي من غدِ ستغزونا الحيتان الكبيرة والأفيال الضخمة وعندما تتصارع الافيال ستموت النجيلة ، باختصار إذا كانت هذه هي أولوياتنا فالضرر سيعم ابتداءاً من ست الكسرة مروراً بسيد الحواشة ويتصاعد ليصل لصاحب المصنع ، والحل في البدء بمكافحة الثالوث المزمن - الفقر والجهل والمرض - وتطوير المنتجين ووسائل الانتاج ونوعية المنتج ، نحلم بأن نكون إضافة للعالم لا قطيع من المستهلكين .
عموماً صور جميلة نتمنى أن تتحق لكن بيدي لا بيد عمر ، وبالتدريج المنطقي العادل ، ففي ظل واقع البلد الذي يعيش معظم أهله تحت ظل الفقر والمعاناة تمثل أشباه هذه المشاريع الرائعة المظهر قمة السفه وأقبح الاستفزاز .
| |
|
|
|
|
|
|
|
|
|
Re: يا اخوانا تعالوا شوفوا الخرطوم بقت كيف (صور ما حصلت).. (Re: القلب النابض)
|
What a joke
I wonder if they're going to construct a special receptacle for the chewable tobacco
or provide training on how to use and maintain public latrines
This is a luxory in a country that can't even afford the basic neccessaties
A country where patients are still misdiagnosed, illiteracy is still rampant, women are still objects of male servitude
The largest country in Africa facing the threat fractionation and division
| |
|
|
|
|
|
|
|
|
|
Re: يا اخوانا تعالوا شوفوا الخرطوم بقت كيف (صور ما حصلت).. (Re: cynical)
|
cynical
| Quote: The largest country in Africa facing the threat fractionation and division |
إن شاء الله ما يحصل أخي الحبيب
والله نحن السودان ده بنحبو من حلفا لي نمولي
ومن الجنينة لي همشكوريب
لكن ربنا عجل بطلوع الإنجليز ورمانا في الإستعمار الجد....
والله لو كانوا في لي هسة
مانهاتن شنو البتحصلنا؟؟!!
| |
|
|
|
|
|
|
|
|
|
Re: يا اخوانا تعالوا شوفوا الخرطوم بقت كيف (صور ما حصلت).. (Re: Dr. Moiz Bakhiet)
|
يا بروف معز
يعطيك العافيه وشكرا على السودان الجميل من الصباح
وياناس حتى لو كان حلم ما عاوزين الناس تحلم؟ وربنا
يحقق الاحلام ورغم انى واضع صورة ملتقى النيلين وتوتى
على سطح المكتب عندى لكن فرحت شديد انى اشوف الخرطوم
من الصباح وللغير حالمين بيت قصيد0000
ترى الشوك فى الورود وتعمى***** ان ترى فوقها الندى اكليلا
صباحكم حلو مع مياه النيل الحلوه0
تحياتــــــــــــــــــــى
ســـــــــــــــــــــــيد
| |
|
|
|
|
|
|
|
|
|
Re: يا اخوانا تعالوا شوفوا الخرطوم بقت كيف (صور ما حصلت).. (Re: Dr. Moiz Bakhiet)
|
عزوز...
كيفنك و إزيك؟
إنت وين؟؟؟؟
سمعتوا...و لا...جابو ليك...؟؟؟!!!!!!
بالنسبة لمشروع السنط فهو قيد التنفيذ و قد أبتدأ العمل فيه بالفعل و شفت يافطتو بيييييييي عيني دي....
و أفتكر خير من يزودنا بمعلومات أكثر عنه هو الأخ / حسين ملاسي بحُكم عمله مع ناس ( دال ) ديل...و بحُكم كاميرته الجوٌالة....(( أحسن ليه من مبارات الأزيار و القٌلل ))
| |
|
|
|
|
|
|
|
|
|
Re: يا اخوانا تعالوا شوفوا الخرطوم بقت كيف (صور ما حصلت).. (Re: mamkouna)
|
mamkouna
Quote: عزوز...
كيفنك و إزيك؟
إنت وين؟؟؟؟
سمعتوا...و لا...جابو ليك...؟؟؟!!!!!! |
أنا برضو يا ممكونة؟؟
وانا من زمن بغني في «خاطرك الغالي» بتاعة عثمان حسين وأقول:
حيران أسائل نفسي إيه كان السبب
أصل الخصام
يمكن أكون
في حقك اتلومت في ساعة ملام
لكن ده ما معقول يكون
أنا قلبي ليك حفظ الغرام
ما اظنو من عرف الهوى
يعرف عداوة مع السلام..
(ستة وجوه خجولة)
وين يا ممكونة ياخ اتي..
بعدين ملاسي هو وين حسة؟؟
يا ربي يكون قاعد ليهو تحت سبيل..
| |
|
|
|
|
|
|
|
|
|
Re: يا اخوانا تعالوا شوفوا الخرطوم بقت كيف (صور ما حصلت).. (Re: Dr. Moiz Bakhiet)
|
العزيز دكتور معز
انه جمال روحك سيدى انعكس جمالا على عاصمتنا الحبيبة ولو بعد حين ...
الله يبشرك بالخير كما بشرتنا بالجمال ونرجو ان تكون كذلك يوما ما
يقينى اننا لن نحضر ذلك اليوم ولكن ليراها احفادنا كذلك ويباهوا بها العالم
وليس على الله ببعيد
فهاهى ماليزيا أصدق مثال امامنا لتغيير الارادة وبلوغ المرام
يديك العافية يا دكتور ويجمل كل ايامك بما تحب وترضى
| |
|
|
|
|
|
|
|
|
|
Re: يا اخوانا تعالوا شوفوا الخرطوم بقت كيف (صور ما حصلت).. (Re: Dr. Moiz Bakhiet)
|
يا أخوان أسئلة بسيطة وأرجو عدم أساءة الفهم
1- هل هناك في الدستور مواد تحمي المحميات الطبيعية أم لا ؟ وهل غابة السنط هي البقعة الوحيدة التي يمكن فيها أنشاء مثل هذا المشروع الجميل الفخم؟؟
2- هل هناك أمكانيات كهربائية وصرف صحي تكفي لهذا المشروع؟؟
3- لعلمي أن هناك ملعب جولف في المنطقة الدائرية المخضرة ، كم عدد لاعبين الجولف في السودان؟؟؟
اللهم لا تبشتنا
| |
|
|
|
|
|
|
|
|
|
Re: يا اخوانا تعالوا شوفوا الخرطوم بقت كيف (صور ما حصلت).. (Re: NEWSUDANI)
|
NEWSUDANI
Quote: يا أخوان أسئلة بسيطة وأرجو عدم أساءة الفهم
1- هل هناك في الدستور مواد تحمي المحميات الطبيعية أم لا ؟ وهل غابة السنط هي البقعة الوحيدة التي يمكن فيها أنشاء مثل هذا المشروع الجميل الفخم؟؟
2- هل هناك أمكانيات كهربائية وصرف صحي تكفي لهذا المشروع؟؟
3- لعلمي أن هناك ملعب جولف في المنطقة الدائرية المخضرة ، كم عدد لاعبين الجولف في السودان؟؟؟
|
أسئلة مشروعة جداً والله
كل الود والإحترام
ويا ريت نلقى إجابة..
| |
|
|
|
|
|
|
|
|
|
Re: يا اخوانا تعالوا شوفوا الخرطوم بقت كيف (صور ما حصلت).. (Re: يوسف السماني يوسف)
|
الرائع / د. معز
الحمد لله على عودتك .
بلا شك الصور جميلة..وأجملها نيلنا الذي أروى أسلافنا السابقين وارتوينا نحن منه ونرتوي وسيرتوي منه من يأتي بعدنا إنشاء الله. (دون من ولا أذي..).
الخرطوم جمالها سوف يزيد ويزيد أكثر حين يعم الخير ربوعها وأطرافها ويغازلها أولادها بكل الخبرات والنشاط وووو...
والسمح بندورو ليها.
( يالخرطوم يالعندي جمالك، جنة رضوااااااااااااااان)
هشام
| |
|
|
|
|
|
|
|
|
|
Re: يا اخوانا تعالوا شوفوا الخرطوم بقت كيف (صور ما حصلت).. (Re: Hisham Ibrahim)
|
لك التحية والود يا ( بروف )
رغم أن المشروع قد بدأ الترويج له منذ أربعة أشهر بالإمارات
لكنني كنت دائما ما أسأل نفسي .. سؤالا ملحا وهو :-
لما تقوم مظاهرة كل الجمال دا مصيره شنو ؟؟
طبعا السؤال دا منطقي مع مآلات الحال والموضوعية الآنية
وإشكاليات التنمية البشرية .. والتوافق بينها وبين التنيمة
الإقتصادية ..
تخريمة :-
حينما شرعت سوداتل في إنشاء كابينات الإتصال العام على الطرق
والمواقع المختلفة لم يكن لديها أدني شك في أن المواطنة لن
تستجيب لهذا الظهور الفجائي .. لذا فإن الشركة قد إستخلصت قيمة
كل شيء من المدة الإفتراضية لما قبل التخريب ..
الآن وقد أضحت ( الكبينات ) مجرد أطلال وبقايا ركام من زمن مضي
كيف تنجو الواجهات الزجاجية من غضب الشارع الذي حينها لن يفرق
بين ( الوسطى السبابة ) ؟؟
وحتى لايفهم حديثي بنوع من ( البهت الإنشطاري ) يصبح السؤال هو :-
سبعة سنوات قادكات هل تكفي لإقامة مشروع يتحول فيه المواطن من شخص
( مهجوس مهووس ) الى رحاب الشموخ (الهونكونغي ) ؟؟
ومن هم سكان هذا العالم الجديد ؟؟
تخريمة :-
مثل قديم يقول :-
(( إذا وجدت عبدا نائما فلا توغظه فقد يكون يحلم بالحرية ))
مودتي للسنط وأهلها
| |
|
|
|
|
|
|
|
|
|
Re: يا اخوانا تعالوا شوفوا الخرطوم بقت كيف (صور ما حصلت).. (Re: صلاح شكوكو)
|
يا بروف
بعد ان سرقت من الزمن برهة واتعلمت لي حية قراية بقيت احلم كده
البنحلم بيه يوماتي
وطن عاتي شامخ ديمقراطي
لكن ناس قريتنا البيهناك لي بكره وبعدو
بحلم بي البوسته وماعارف اذا راجين الشفخانة ولا ملوا منها
طبعا انا عارف انك ما معا الجماعة المعجبين بقبةة ماليزيا وجنوب شرق اسيا الظانين انو تحت فكي
| |
|
|
|
|
|
|
|
|
|
Re: يا اخوانا تعالوا شوفوا الخرطوم بقت كيف (صور ما حصلت).. (Re: Dr. Moiz Bakhiet)
|
المعز
سلام
بكده تكون جمهورية العاصمة المثلثة قد اضحت حقيقة وتتحل مشكلة السودان والناس كلهم يجو يقعدو في الخرطوم وشايلاهم ومفضلة....لا نزاع في دار فور ولا جبيت...شابف كده عمارات طويلة بتشيل الناس ديل...وتذكر يا اخوي سكان شنغهاي 30 مليون نسمة يعني قدر سكان السودان
بس عندي سؤال فني كده
هل عدد الجسور فوق النيل بفروعه الثلاث كافي لمرور 30 مليون نسمة
وبعدين لو حبوبتي الحرم عايزة تعوس الكسرة تعوسا وين
اذا كان كلوواحد ساكنة تحتو راااصة حيعزل البلد كلها حتبات في الشارع
عادل امام في شاهد ما شفاش حاجة
| |
|
|
|
|
|
|
| |
Dr. Moiz Bakhiet
محمد خليل إسماعيل
الجندرية
محمد مختار جعفر
elsawi
bob
انتصار محمد صالخ بشير
Gamal Abayazid
Kostawi
khaleel
Elbagir Osman
القلب النابض
cynical
عبدالرحمن الحلاوي
garjah
othman mohmmadien
سيد محمد احمد سيدنا
أبوالزفت
mamkouna
قرشـــو
bashir adam abdalla
انعام عبد الحفيظ
يوسف السماني يوسف
Hisham Ibrahim
صلاح شكوكو
عمار عبدالله عبدالرحمن
شريف درار شريف
عشة بت فاطنة
adil amin
Ahmed Mohamedain
hatim
فيس بوك
تويتر
انستقرام
يوتيوب
بنتيريست