|
|
|
 Re: سأرشح نفسي لرئاسة الجمهورية: وهذا هو برنامجي الانتخابي.. (Re: محمد عمر الفكي)
|
محمد عمر الفكي
Quote: انت يا دكتور ما تشوف ليك زول صعب شوية عشان تغلبه في الانتخابات، زولك دا كيجاب زرزره!!!! اكان خطي التزوير عبادة كان كيجاب بقي رئيس "طبعا مع كامل التقدير للسلطان".
زول زي داانت تسوي فيه شنو؟!!!!!!
تحياتي لك وللاخت جدية |
ما قالوا ح تكون نزيهة يا أبوحميد
وفي مراقبين دوليين
وناس الحركة قاعدين
ولاّ شنو؟
غايتو بالغت في زرزرة كيجاب دي.. 
| |
 
|
|
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
Quote: ما قالوا ح تكون نزيهة يا أبوحميد
وفي مراقبين دوليين
وناس الحركة قاعدين
ولاّ شنو؟ |
اوعي تكون النزاهة القديمة؟ الكدرو زول واحد صوت فيها مافي ومع ذلك كلها صوتت!!!
المراقبين الدوليين لمراقبة انفصال الجنوب وما عندهم شغلة معانا، انشا الله نحرق بالجاز، والله النار لو ولعت فينا 17 سنة ما ياخدوا خبرنا.
ناس الحركة ديل بتاعين غرامات المرور؟!!!!!!!
| |
|
|
|
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: سجيمان)
|
سجيمان
Quote: Quote: عايز اشوف القصر الجمهوري من جوة
انا برضو والله
من الله خلقني ما شفتو من جوة |
والله أنا زااااااااااتي ما شفتو
لكن نشوفوا كلنا يوم افتتاح المتحف.. 
| Quote: وبرضو نفسي اتردف ورا واحد من بتاعين المواتر القاعدة تجري قدام الرئيس ديك... |
كلام فارغ زي ده تاني مافي يا سي جي
أنا ح اجي المكتب زي انقفار كارلسون
في الصيف بالعجلة
وفي الشتاء بالأندر قراوند الحنعملوأ ان شاء الله
| |
|
|
|
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
الدكتور المعز
سلام مربع
اصلك عايز تترشح في بارتي او السويد قال حب قال والله برنامجك ده في البورد ده ما يفوزك..
يا اخوى مقومات الحكم في السودان
اكذب اكذب اكذب حتى يصدقك الناس ثم صدق نفسك
وما تنسي الدقن والكحل...والشريعة..ومعسكرات تجويد سورة النمل لزوم مناظر
غايتو انا معاك في الحملة الانتخابية والساعة بدولار
مع تحيات (جبرالله جابر من بطن امو للمقابر)
لن يحكم السودان انسان نقي مثلك حتى تختفي اخر جرعة من الفكر ذى الابعار* ودين شيخ عار يمارس التنويم وبالتناوب..على الشعب المسكين والمغييب..والحديث ذو شجون
هوامش*:الاخوان المسلمين
| |
|
|
|
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: adil amin)
|
بروفنا
سلام كتيييييييييير
قصايدك تولول بينا، برنامجك الأنتخابي يبكينا، ( نار موقده)!
شعاراتك ديدن مفروض يتبعو كل من تولى أمر ناس بلدنا!! لكن للأسف دي شعارات ما سمع بيها حكامنا ولا بيعرفوها (الخالدين فيها ديل)
والله يوم لا ينفع مال ولا بنون ما نعفي ليهم قرش أحمر!
وأطمنك بأنو نيابة عن ناس حلتنا وحارتنا وفريقنا أصواتنا ليك. لأنو عطشانين للحرية والديمقراطية والوحدة والعدل والتعليم والعلاج ووووووووووووووووووووووووووووووووووووووووووو! وللحب!!! وللجمال !!!!! وللنظافة !!!!!
وأديني معاك وزارة العدل!! والله في اسبوع واحد أخلي ليك القضاة يشتغلوا ترابلة والمحامين طُلب في المباني!!!! وما ينجر قلم بلاغ في قسم شرطة.
هشام
| |
|
|
|
|
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: garjah)
|
garjah
Quote: لما كل زول يقيف صاح
لما نطابق القول بالفعل
يكون النجاح
لما نكون كلنا شموس في سما البلد
نطرد موحش ضلاما للابد
لما تكون نفوسنا متشابية
عالية للمرامي
لما نخت شلوتنا بقوة
في دبر الحرامي
لما نبنت ميسنا
نسنن سيفنا
لما ما ننتظر السلطان
يفيق من السكرة
ويدينا من حقنا بالابرة
لما اخوي
نسيب عيشة البلاد الرخية
ونرجع نتوسد مع اهلنا الاسية |
الحبيب قرجة،
تسلم على الكلمات الرائعة وصدق أحرفها النبيلة
إن شاء الله يصبح الرخاء في الوطن
ونتوسد مع أهلنا صباحات روعة
وتنتهي الأسية (غير المبررة)..
| |
|
|
|
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Mannan)
|
Mannan
| Quote: برنامجك الانتخابى ما فيهو (امسيات حالمة)!!! |
الغالي منان
سنحول الليل الذي خيم على الوطن منذ عشرات السنين إلى أمسيات حالمة و صباحات روعة بتحقيق حروف الشعار بآلية سنقدمها في الوقت المناسب عبر مشروع مارشال سوداني جديد بإذن الله
| Quote: خليك فى علمك (تنفعنا) وما تتلوث (تنفعهم)... |
ح يحصل ان شاء الله يا منان وقد تعلمنا من التجارب أن نتحصن
تحياتي الحارة لك ومودتي واحترامي الكبير
| |
|
|
|
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
بروف معز معليش أسمح لي أقول ليك ما حا تفوز لو نزلت في الأنتخابات لانوالسياسه دي زي
ما بقولوا ديرتي قيم وكلها لولوه وخباثه ومؤامرات ودسايس وما أعتقد انو زول بحساسيتك ورهافتك دي ممكن يكون رئيس , ياخي اتوقع في أي لحظه ممكن الجماعه الحولك يقولوا ليك يا ريس فلان دا لازم نغطس حجرو أو اتغدي بيهو قبل ما يتعشي بيك.
وبعدين وريني منو الجاء من صلب الشعب دا وبقي رئيس ما كلهم الواحد يا جاي بانقلاب والله وارثه من جده والله جابتو انتفاضه أو ثوره لفتره انتقاليه الا القليل منهم وما اتهنو بيها كتير.
لسه يا بروف عقلية الناخب السوداني (80% تقريبا) ما بتفوز الزيك ديل ودي ما أوروبا أو أمريكا عشان ما يكون في فهم قدر دا ويخلي زول يجي من مكتبو والله عيادتو ويحكم البلد, في ناس يا بروف اارئاسه دي لابدين ليها بالسنين.
أنا معاك يا بروف في فكرتك دي ودا طبعا طموح مشروع جدا بس حقو أول زي ما قلت فوق نحن نحاول نغير المفاهيم بتاعت الناس شويه شويه ودا أكيد محتاج زمن عشان كدا بقترح عليك أولا تحاول تبقي وزير ثقافه أو صحه ونلمعك شويه وننزلك في الانتخابات البعدها(دا كان ما جانا انقلاب تاني) وبعد داك أنا واثق حاتبقي الرئيس خصوصا اذا قدمت أداء ممتاز في وزارتك وكسبت ود الجماهير والانتخابات تكون نزيهه, لكن طوالي كدا من قولة تيت ما أظن والله يعلم.
عموما ما داير أحبطك ومن هسه بديك صوتي وأتمني ليك الفوز الساحق بس أعمل حسابك لانو البسقط في انتخابات الرئاسه مره واحده ما أظنو تاني بفوز أو حتي يفكر ينزل تاني.
| |
|
|
|
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Moawia Mohammed)
|
الحبيب معاوية محمد،
شكراً يا زول يا رائع على الكلام المفيد جداً
وكلو صاح
بس كمان لازم نحول المفهوم الإتبنت عليهو السياسة عموماً وفي السودان خصوصاً من مؤامرات ودسايس إلى خطط وبرامج تبني البلد
وفي الحالة دي لازم نعمل من فوق وليس من خلال وزارة واحدة
وبجهد المخلصين بتتحقق الأهداف
لأنو لمتين ح نظل هكذا تحت رحمة الفساد؟؟
لمتين بس؟؟
| |
|
|
|
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
دكتور معز سيادة الرئيس
يسعد صباحاتك
خوفي بعد ما نرشحك وتفوز برئاسة الجمهورية
يجي اليوم الثاني واحد عسكري ويقلبها
وتاني ندخل في الدوامة من جديد
وطارق جبريل تكون راحت عليه شوفة القصر الجمهوري
وسجيمان إلا يشوف ليه واحد يردفه في ركشة
نصيحتي إليك أبعد عن السودان وسياساته الملغومة
رشح نفسك مثلا رئيس أطباء السودان في الخارج أفضل.
| |
|
|
|
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
إن كنت سوف تُضَمِّنْ فلسفاتك السياسية
- في تنفيذ برنامجك الربيعى الملامح الذي قرأت -
في قصائد بألوان قوس قزح كما يفعل شافيز
و تصفع عنجهية المتطاولين على حرية
الشعوب في أن تُحْكَم بما تراه
كما فعل و يفعل
أعطيك صوتي لسببين ..
الأول لأنك ستعطي بعداً روحياً رائقاً
لممارسة السياسة
أما الثاني فلأنك ستكون الرئيس الشاعر !!
الشاعر في الترويج لسياسته بالقصائد الزاهية
و الشاعر بمعاناة الناس !!
تفند معاناتهم بالإنابة عنهم كشاعر
و توفر لهم أبجديات العيش الكريم
بسياساتك الإنسانيةكرئيس شاعر ببؤسهم !!
من يدري ؟!
لربما كان أفضل من يحكمنا شاعر
و قد تنجح رغم العراقيل
ربما لأننا نشبه اللاتينيين كثيرا!!
على الأقل في الكسل و حدة المزاج
و الشعور العميق تجاه الأشياء
الذي يصل لحد التقديس الأعمى
لقيم الحب و الجمال
اذاً قد ينجح في حكمنا من يُطَعِّمْ السياسة
بقيم الحب و الجمال !!
عندها لا يهم كثيرا لونك السياسي
تكفينا الإنجازات المزينة بألون قوس قزح
التى تنثرها القصائد !!
هل من الممكن أن تضيف إلى برنامج الإنتخابي
وضع مناهج دراسية في مادة التربية الوطنية
تتميز بالدسامة و السلاسة في آنٍ معاً ..
لنخرج بأجيال تجيد التفريق بين مفهوم الوطن
كأرض و انتماء و الدولة كحكومات تأتي و تذهب ؟!!
حبذا .
| |
|
|
|
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Ahmed Abdallah)
|
الحبيب أحمد عبد الله،
لا لم اكن اتحادياً
لكنني أحمل للإتحاديين حباً عظيماً
فالزعيم أزهري جدي من والدة أمي
ونفس الشيء بالنسبة للأنصار
فجدي من والد أمي هو الأمير عثمان أزرق صاحب الراية الزرقاء والذي استشهد في كرري..
إذن فإن دمي مزيج من الإتحادي والأمة ..
ثم..
معلومة هامة أخرى..
كان ابي من مؤسسي جبهة الدستور الإسلامي واول من دعى له من داخل البرلمان وكان ذلك قبل مولدي لكنه هجر منذ ذلك الوقت السياسة واستقال من التنظيم لاختلافه مع مجموعة المرحوم الرشيد الطاهر بكر لأن والدي كان يعتقد في الدعوة وليس في الإستيلاء على السلطة..
وفي الطرف الآخر كانت خالتي الغالية عزيزة مكي من اليسار وكذلك زوجها عليه رحمة الله أبو المعالي عبد الرحمن وهو بالمناسبة شقيق شيخ علي عبد الرحمن الزعيم الختمي..
خالتي عزيزة مكي متعها الله بالصحة كانت من مؤسسي الحركة النسوية ، ووالدتي كانت من الإسلاميات ومن مؤسسي الحركة الكشفية ورئيسة جمعية المرشدات في يوم من الأيام.. يعني كل الحركة السياسية كانت في حوش العائلة بمنزلنا المجاور لمنزل الزعيم الأزهري ببيت المال..
كما لا أنسى أن خالي عيسى مكي من مؤسسي ومن قيادات حركة الأخوان المسلمين جناح الشيخ صادق عبد الله عبد الماجد..
لكل ما ورد أعلاه تجدني هنا مزيجاً من كل ألوان الطيف السياسي في السودان فتعلمت معاني الحياد الا حين يخالف الحق..
| |
|
|
|
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: منى أحمد)
|
الرائعة لأقصى حد منى أحمد،
ها أنت تلمسين عصب القضية
ونبضها
وها أنت توزعين في شرايين «صباحات مشرقة»
دماء الحقيقة
وتدركين أبعادها بشفافية مدهشة
وبمثل هذه الوسائل النقية سنحول الوطن إلى بساتين عطاء بالرغم من كل عراقيل أعداء الجمال
من سماسرة السياسة البغيضة، العسكرية منها والحزبية والمربوطة بمصالح جداً خاصة
Quote: هل من الممكن أن تضيف إلى برنامج الإنتخابي
وضع مناهج دراسية في مادة التربية الوطنية
تتميز بالدسامة و السلاسة في آنٍ معاً ..
لنخرج بأجيال تجيد التفريق بين مفهوم الوطن
كأرض و انتماء و الدولة كحكومات تأتي و تذهب ؟!!
حبذا . |
بكل تأكيد وستكون المناهج في البيت والشارع والمدرسة وعلى كل مسارح الفن والإبداع
| |
|
|
|
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: على محمد على بشير)
|
سيدي الرئيس أسعد الله صباحك
ده طبعاً كسير تلج من بدري إمكن الواحد يلقى
ليه وزارة معاكم
على فكرة لو حكمنا قبل كده زول شفيف ولمدة
إسبوع بس كان الحال تبدل 180 درجة
لكن شعب السودان موعود بالعذاب يابروف
عشان كده لايمكن زول يكون داير يقدمنا لقدام
يلقى ليه موطئ قدم وسط ناس ساس (يعوس)ديل
عموماً لك الاشراق وللسودان القومة ولقدام
مودتي
| |
|
|
|
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
بروفيسر / معز
اسمح لي اولا ان اقدم لك كامل تقديري واعتزازي لشخص بمقامك
واذا سمحت لي ان تكون مداخلتي جادة وعملية
بالنسبة للبرنامج الانتخابي ( صباحات روعة ) فهو جميل وينم عن اهداف نبيلة واصيلة هي الطبع عندك
ولكن لي سؤال : لماذا ترشح نفسك للرئاسة ؟؟؟
اقصد هل انت مستعد لتحمل هذه المسؤولية العظيمة امام الرب والناس
وبالنسبة للانتخابات هل ستضمن انها ستكون نزيهة
عفوا لا اقصد ان اشعل نار الاحباط ولكن في وطني ضاعت الحقيقة
ولم يعد الشعب يثق في اية انتخابات حتى لو كانت انتخابات مجالس بلدية ؟؟
عموما ومن قلبي اتمنى لك التوفيق
وتسلم...
| |
|
|
|
|
|
|
|
| |
Dr. Moiz Bakhiet
محمد المختار الزيادى
محمد عمر الفكي
showgi idriss
عثمان فضل الله
سجيمان
طارق جبريل
خالد خليل محمد بحر
خالدة البدوي
امتثال بشرى حسن على
adil amin
Hisham Ibrahim
رشا سالم
عبد المنعم سليمان
AnwarKing
خالد عبد الله محمود
Mannan
garjah
Moawia Mohammed
saif massad ali
Elmosley
khaleel
عزيز عيسى
نصار
mamkouna
عزالدين محمد عثمان
munswor almophtah
Ahmed Abdallah
Aymen Tabir
على محمد على بشير
الشيخ إبراهيم الشيخ
ايوب عبدالرحيم
فيس بوك
تويتر
انستقرام
يوتيوب
بنتيريست