|
|
|
 Re: حالة لجنون البقر بمنبر سودانيز أونلاين!! (Re: Raja)
|
الغالية رجاء،
بتوقيت أمريكا وكاليفورنيا بالتحديد الدنيا عصر وعندنا بوردابي عزيز هناك قال ما عاوز يسبق الزمن
وكمان عرفت الكهرباء قاطعة في الجريدة حسة والمنفلة بتاعة الجنريتر ما لاقينها..
كدي خليني أتأكد إنو الجريدة مشت المطبعة
| |
 
|
|
|
|
|
|
|
 Re: حالة لجنون البقر بمنبر سودانيز أونلاين!! (Re: Dr. Moiz Bakhiet)
|
العزيز د. معز..
| Quote: وكمان عرفت الكهرباء قاطعة في الجريدة حسة والمنفلة بتاعة الجنريتر ما لاقينها.. |
دي عين عدييييييل  ..
غايتو انا خمًنت الحالة القاصدها.. واللذيذ صاحبها جا وبكل براءة قال مطعًم .. يا ربي ده يكون منو محمد منو  ..
تخريمة: هسع عمر الماحي حيضيف البقر ديل لبوستو بتاع لفت النظر لحيوانات المنبر  ..
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: Raja)
|
| Quote: واللذيذ صاحبها جا وبكل براءة قال مطعًم |
لا وحياتك يا رجاء دة ما هو.. الراجل حردان بهناك وقال ما في زول بهببو ليهو نقوم كمان ندخلو الكرنتينة!!
وبعدين هو بكتب معاي في الصفحة، والصفحة مليانة حسناوات وعصافير كيف يعني أخلي زول عندو جنون بقر وانفلونزا بتاعة طيور يكتب فيها؟؟ انت ما عارفة الحاجات دي بتعادي؟ وهو بكرة جايب لينا في الصفحة كديسة جارهم السعودي الولدت في عربيتو بدون أي كشف صحي كمان وما عملنا ليها أي حجر!
أها قصرت معاك يا سي جي؟
وكمان دافعت عنك قدام رجاء بكل عظمتها..
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: Dr. Moiz Bakhiet)
|
سلام بروف
دا كلام دكتور زي ما قال محمد موسي في وضع اخر
و تخصص اخر،،،،سجيمان اوع يكون التطعيم جا متأخر
لووووووووووول
و في الحالة دي حقو نبدل اعضاء الادارة بدكاترة لانهم
بعرفوا يحموا نفسهم و بقدر يكتشفوا الحالات سريع و يبدو
في علاجا حتي ات تطلب الامر مراجعة مستشفي بلقيتز زاتو
غايتو كويس انا جايكوم بعمتي الطاقية ما تركب فوق العمة
و الله يكضب الشينة
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: نصار)
|
عزيزي الغالي نصار،
نطالب بتطعيم الأعضاء وتعقيم البورد ورشه بالجمكسين كما تفعل مضيفات الخطوط الجوية القطرية عند الذهاب للخرطوم وبعد العودة منها حيث يرشون الطائرة بكل أنواع المضادات الحشرية ونحن جميعنا بداخلها.. إلا الكابتن (بشوف الدنيا من ورا) يعني وضعو مختلف زي ما قال عادل امام.
بالمناسبة سجيمان برضو وضعو مختلف!!!
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: bayan)
|
رجاء؟؟؟
انتى جادة؟؟؟
انا ما شفت منك اى لنك ......وحياة امى تعرفى الحليفة دى.؟؟؟..ولا حتى قريت كلامك...
لوائح شنو ياختى؟؟؟
ولا الرياح السياسة ...عصفت بروح "الاخوة " والنكتة ...
د. المعز ...هذا التعليق لم يقصد به ولم يتعدى حد المزاح
وحكاية الفاين برنت دى ...الناس بنكتوا بيها لانها دايما بتوقع الناس فى الحاجات الدقيقة من القانون...
وحرصى على البورد...ما لدرجة تتبع اللوائح
اكتر ما بتابع فيه هو الخلوص والصدق والصداقة ...قبل اللوائح ( قال لوائح قال؟)
تجدنى نادمة على تعليق لم يجد لديكم القبول..او على الاقل لم يقع موقعا حسنا ...ندمت جد
فلك العتبى
والتوبة لى حبوبة
يبدو انه انا فى الجانب الخطأ من المدينة
سلام مربع
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: Tumadir)
|
د. معز ...
والمشاركين اصحاب الشمار العالي [ما بقول رجاء وتماضر]
لكم التحايا.. ويا دكتور نحن دايريين نكشف الأ خايفين من النتيجة...
فلو عندنا المرض دا كلمنا.. براااانا بننسحب...
عندنا رأس الخيط ...وفي إنتظار [الشمار ]أقصد التشخيص ,,,
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: osly2)
|
يا بروف...
من بين الطرق الصوفيه...هناك الطريقه الاسماعيليه...والبرهانيه...والمرغنيه
والبمسك عددو غلط من الحيران بدروش...هذا ما سمعته
باضاني...في حلقه من حلقات عمر الجزلي...مع البروفيسور
الفاتح قريب الله...
ثم تانيا....وهذه ايضا بعد اذنك
توبة لا حبوبة تماضر الوردت هنا...غير مقبوله...
فنحن عموم مساكين البورداب...نلتمس صدقات جاريه
من ابداع....تماضر ومعز...ورجاء..وموصلي...وحمزه...وودقاسم...
وانكم لا تملكون حق التوبه لا حبوبه وحدكم الا ان نأذن لكم...
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: osly2)
|
إزيك يا أوسلي
يا خي أنا سعيد جداً بإطلالاتك الجميلة دي
Quote: جنون البقر حنشوفوا فى الاضواء ودى مقدور عليها
لكن سيف مساعد دا لقاك وين ؟ |
عارف سيف مساعد دة حايم البوستات دي كلها يوزع في البركات وحكايتو أصلاً إنو أحد ضحايا سودان طير لما كان طالب قبل ربع قرن!!
قمنا ضميناه للبوست بتاع سودان طير الزمان داك ومنتظرنو يكلمنا عن ذكرياتو مع الخطوط البحرية
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: Tumadir)
|
العزيزة تماضر،
| Quote: المعز ...هذا التعليق لم يقصد به ولم يتعدى حد المزاح |
وحياتك أنا فعلاً حسيت إنك بتهزري ولم أأخذ ردك غير إنو مداعبة ومزاح، وكذلك كان ردي عليك في ذلك الإطار
| Quote: تجدنى نادمة على تعليق لم يجد لديكم القبول..او على الاقل لم يقع موقعا حسنا ...ندمت جد |
ليه قدر دة؟ وانت عارفة معزتك عند الجميع وأنا أولهم
| Quote: يبدو انه انا فى الجانب الخطأ من المدينة |
كل المدن تصبح صحيحة ونقية في حضورك البهي
هذا عتاب قاسٍ يا تماضر:
«كانت محطات المدائن
فى انتظارك أن تمرّى بالبيوت
و كان خط الاستواء..
يمتص منك حرارة الوهج الذى
من مقلتيك يحف أرجاء السماء
و الليل و الامطار و الوعد الذى
بك فى الوجود تألقا
يدنو على شط النقاء..»
____________
سأظل أبداً في انتظارك
فائق محبتي
معز
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: bayan)
|
الأخت العزيزة د. بيان،
والله أسعدني كلامك جداً خاصة:
| Quote: وانا بدورى اقدم لك نصيحتك التى وجدت قبول عندى.. |
يعني خلاص العفو والعافية..؟!
أما من ناحيتي أنا فهو رد حلمنتيشي لشخص أخذته العزة بالإثم وقرر أن أن يفرد حملة ضدي إعتبرتها نوع من جنون البقر ولم أذكر حتى إسمه في المقال وأنا لا أعرفه أصلاً ولم أسمع حتى به من قبل. هي فقط إشارات له كي يدرك أن كل شخص يمكنه الدفاع عن نفسه..
نصيحتك في العين والراس وإذا أحسست أن الأمر سيتجاوز حدود «حلمنتيش للتهميش» سينتهي الأمر عند نصيحتك الغالية..
Quote: وفى النهاية انت شخصية عامة
تتعرض للنقد السلبى او الايجابى..وهذه لعمرى ضريبة يدفعها الناس ثمنا لنجاحاتهم.. |
ألف شكر على كلماتك الطيبة وسعيد جداً بمرورك من هنا وبمشاركتك الكريمة
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: Dr. Moiz Bakhiet)
|
دكتور معز
سلام
ماعارف كل ما أسمع محمد ميرغني بتذكرك ليه
وبعدين بما أنكم صاحب باع في مجال الطب البشري والذي دون شك له علاقة بالطب البطري (والله هنا أتذكرت الشمباته)، هل هناك عقاقير خاصة بالطب البشري يمكن الإستفادة منها في علاج المصابيين بداء جنون البقر خاصة من هم بالمنبر.
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: إسماعيل وراق)
|
إسماعيل وراق العزيز،
التحية والشكر على مرورك الكريم
بالتأكيد محمد ميرغني يمثل كل ذاكرة الحضور في تكويني فلقد تتلمذت على يديه منذ أن كنت طالباً بمدرسة العزبة الإبتدائية وظهرت في ذلك الوقت رائعته العظيمة التى صاغها الشاعر الكبير السر دوليب:
أنا والأشواق في بعدك
بقينا أكتر من قرايب
ما بنغيب عن بعض أبداً
زي أعز اتنين حبايب
إلى أن يقول :
أي لحظة بعيدة عنك
ضايعة من أيام زماني
وكل يوم كان لي في قربك
أتمنى لو أحياه تاني
ومنذ ذلك الوقت سكن هذا الرائع في أنفاس الشجن بدواخلنا ثم صرنا أصدقاء مثل الأشواق في بعده القريب..
أنستني روعة الأستاذ سؤالك عن علاج جنون البقر الموجود في المنبر..
يا عزيزي وراق هذا المرض مزمن ويسبب ضموراً وتآكلاً في خلايا المخ التي لا تتجدد ولا يوجد علاج لا للبقر ولا لراعيه إلا من رحم ربك.. الشيء الجيد فيه أن في مراحله المتقدمة يفقد المصاب به النطق فيسلم الآخرون من أذى لسانه
سلام ومودة عميقة
معز
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: Ana Zaty Omdur)
|
أم درمانية الغالية،
والله الواحد حاسي نفسو كأنو ما جا بلدكم الرهيبة عشان ما لاقاك في الزيارة الأخيرة وما لاقى اوسلي معاك على البالتوك (مااكون لخبطت تاني يا أوسلي؟).. وشوف أم درمانية بتقول عليك شنو!!
تسلمي يا ست الناس وشكراً على الطلة الغالية
سلام للبت الأمورة وأبوها الحلو
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: صديق الموج)
|
صديق الموج العزيز إزيك،
لكن صورتك الجايبها ناجي بهناك دي ما رهيبة و(المكشوف) بان
ياهو دة الكشف بتاع الجماعة:
1. كشف العرس
2. الكشف في العرس
3. كشف الحال في العرس
4. والكشف قبل العرس
| Quote: اللهم نعوز بك من الجانجويد والدبابين وجنون البقر...ياربى العلاقة شنو؟؟؟؟؟ |
العلاقة عاطفية
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: بلدى يا حبوب)
|
الزول السمح : د/ معز
اسمع ياخوي الناس دي قامت .. هاجت .. ماجت .. وكل واحد
حسه قام يتحسس نفسه عشان يتأكد انو ماهو المقصود !!!!.
لوعت الناس يا دكتور !!!!!
عموما زي ماقلت انت يمكن الحالات تكون كتيرة !!
غايتو نحنا عندنا كم بقرات هنا بس ماعارفين اذا
مجنونات وللا عاقلات !!!!!!!.
خضر عطا المنان
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: Raja)
|
Quote: «كانت محطات المدائن
فى انتظارك أن تمرّى بالبيوت
و كان خط الاستواء..
يمتص منك حرارة الوهج الذى
من مقلتيك يحف أرجاء السماء
و الليل و الامطار و الوعد الذى
بك فى الوجود تألقا
يدنو على شط النقاء..» |
تسلم على الكلام ...وعجبتنى خط الارتواء...جد جد جميلة
اعتبرو
bad hair day
وما اكتر...
اى عكننة عابرة .... ومعاها شوية خلعة...من مرافعة رجاء فى موضوع ما يسوى
لزمراوى ولك العتبى ...والله ...حتى ترضيا...
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: Tumadir)
|
Quote: العزيز معز الأشواق ؟ كنت متوقعه أالقاك لكن يبدو أنه وقتك ما سمح
أنا عرفت المصاب بجنون البقر
أسمه
o
s
l
y
2
غايتو دى الحاله الوحيده المتأكده منها 100% |
دكتور معز
شايف الطاقيه محلقه فوق راسى
اطالب بلفت نظر ام درمانيه ولا عندك حل تانى ؟
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: Zoal Wahid)
|
إزيك يا زول واحد..
ليك السلام والود والمحبة
شكلو الشمار كتلك.. صاح؟
| Quote: يومين وانا متابع الشغلانة دي واظنها بقت حجوة ام ضبيبينة |
الصبر الصبر الصبر..
والله الحكاية ما حجوة ام ضبيبينة
الحكاية ضبيبينة ام حجوة
طول بالك شويييية يا زوول واااااااااحد
| |
|
|
|
|
|
|
|
|
|
Re: حالة لجنون البقر بمنبر سودانيز أونلاين!! (Re: abdalla BABIKER)
|
| Quote: انت عدادك واقف ولا شنو |
وإنت قايل المزعل الجماعة شنو؟؟
أنا فُت حكاية العدادات دي زمان
لكن ح أكون صريح معاك يا اخ عبد الله،
البورد هو ملاذي الوحيد هذه الأيام فأنا جالس الأربعة وعشرين ساعة أمام الكمبيوتر حيث كلفت بوضع تصور لمشروع إنساني علمي ضخم وانام أقل من ساعتين في اليوم لذلك كلما أتعب من عناء الكتابة ورهق التفكير أدخل المنبر لدقائق أرتاح فيها قليلاً ثم أعود للمواصلة.
وكما لاحظت أن ذلك النشاط الكثيف كان فقط خلال الأسبوع السابق..
لك الشكر والتقدير سيدي
ولك المحبة
| |
|
|
|
|
|
|
| |
Dr. Moiz Bakhiet
Rawia
سجيمان
Walid Safwat
Raja
jini
نصار
هاشم نوريت
Tumadir
bayan
Ehab Eltayeb
saif massad ali
osly2
nazar hussien
إسماعيل وراق
samwal ebrahiem
صديق الموج
ولياب
بلدى يا حبوب
خضر عطا المنان
فيس بوك
تويتر
انستقرام
يوتيوب
بنتيريست