|
|
 جواب في السلك
|
وصلني قبل اسبوعين خطاب من رفيق دربي في السودان احببت ان اشرككم فيه معي وهذا الصديق له اسلوب ابداع جدا في كتابة الخطابات وسوف انقله لكم بي ضبانته
والله بداهو كدا طوالي لا العزيز لا الغالي
التحية للشعب السوداني وبالاخص بت جاه الله تهاني
والتحية لمن باع القضية ...وجري خلف تفاح البلاد العربية ..املا في انف صغير وقامة افقية وراسية.
والتحية لمن هاجر وولي واستبدل الهادي ادم بعبد المجيد عبدالله...والتحية لناس كتار لماهم مركز مدار (مركز اتصالات حق صاحبنا)فيهم الكويس والماكويس
والله العظيم الشوق بقي بي كل الالوان وخليت راس اخوك مقطوع ..لكن برضو اخوك حريف ومركز علي التوم اخوك وعاملو بوابة علي حلتكم
السعودية :-؟
1/الجو
2/النظافة
3/ الاكل
4/ الشرتيت
5/ الجكس
تحدث عن هذه النقاط في ما لا يقل عن 25 كراس الزمن اخد وقتك ..مدة الاقامة ..اسرع تعال...والخامسة دي طبعا تشموا قدحة ههههههه
الدنيا هنا طبعا واقفة في نقطة واحدة كالعادة اخر مشهد شفتو في الحلة لو جيت بعد خمسة سنة حتلقاه لسه ما تم
..
بانوراما عام 2001
1/ ابراهيم بتاع السعوط الفي حلتكم فقد اعصابو من عمك محمود وبقي يسف وخلي الصلاة
2/ حواء (بتبيع شاي)تمكنت في الارض وربطتت قريب من بيتكم راكوبة زي الهم شوهت الحلة لحدي معرض الخرطوم الدولي
3/ محبي الاطلاع بحلتكم يترقبون وبشقف النسخة الثانية من كتاب (مصائب ......بعد الابحار(....=لقبي
4/ تيم جديد من المناصير لادارة الدكان الفي بيتكم والله الواحد بقي حاسي انه الدكان بتاعهم دا عايشة عليهو الشمالية كلها
5/ صاحبك هشام بقي فتي احلام بنات الحلة كلهم لمهارته العالية في مجالات الاتصالات وتغنت احداهن قائلة
اتصالات عالمية ومحلية
هشومي بسحروك لي
قاشر بي بنطلون الجنز
ومنو اتصالات العز
وقيل الجز بحزف الميم وللضرورة احكام
اختفاءات
شهدت البلد بعد سفركم العديد من حالات الاختفاء لشخصيات كانت اساسية دبيبية
1/ مصعب التمتام 2/ فيصل نيكسون3/تان تان4/حسن حلة
الشخصيات الحكومية
1/ صلاح والامنجي التاني داك والطاهر بتاع اللجان الشعبية
شخصيات عامة
ابراهيم بتاع المطعم وادريس النقلتيورمضان الغسال رحل في دكان تاني ودكانه فتحه الترزي الكضاب داك
العنكبوتيات وجدان وسميرة ورندا ...الخ
وفي استطلاع الشارع التقت الكاميرا بالشخصيات التالية
عمك محمود ( كان متكئا ياكل السمك فجلس وقال
واللللللللللله اساسي دا تقول كان في اللجان الشعبية
2/ سلطانة ( بتبيع كوارع )ويييييييين جماعة اساسي ديلك
3/ المنصوري بتاع الدكان وقبل الاطاحة به ( يا حليلو ابو شيبة كان لامي البلد كلها وكلهم عاوزين منه قروش
4/ امال والله صحبك دا عجيب
5/ الروضة عليك الله ما تطراهو لي
نرجع تاني لموضوعنا والاجتماعيات الخاصة اللا بتودي ولا بتجيب
شكرا علي جواباتك المميزة وعلي القميص الامريكي والجزمة
الذي 
عزيزي لا ترهق نفسك بهذا الشكل وانت في امس الحوجة لكل دقيقة في تلك البلاد وخطابات كهذه تاخز وقتك
خليها لينا انحنا الماعندنا موضوع ديل
علي العموم اتمني لك ايام سعيدة وتحصيل موفق وعودا حميدا ونهي الحوصة راجياك
|
|
 
|
|
|
|
|
|
|
|
Re: جواب في السلك (Re: اساسي)
|
أساسى
طيب دى ما صورة قلمية للحاصل فى السودان
والاحباطات المكومة..وبرضو تاخد لى فى الجبهة سايد
تحياتى
ودعزة
| |
|
|
|
|
|
|
|
|
|
Re: جواب في السلك (Re: اساسي)
|
ده شنو يا اساسي والله لكن بالغته انت كنت كاتل رقبه ولا شنو حتى الحبوبات مادايرين يسمعو اسمك هههههههههه يكه
صاحبك مبدع ياريت لو ترسل ليهو كمبيوتر عشان نشوفو في البورد ههههههه يكه
زاتوووووو
| |
|
|
|
|
|
|
|
|
|
Re: جواب في السلك (Re: ALZOLZATOO)
|
لكم التحية شباب
وهذا خطاب قبل الاول بفترة
عنوانه كدا
جواب عادي بالزبادي
حبيبنا الاولاني اساسي
والله الواحد ما عارف يبدا من وين ولا يقول شنو ..المهم في الموضوع انه الشوق بقي ورم دي اول واهم حاجة والمشتاقين ليك معاي كتار اولهم ناس هلبوش والمجموعة وشباب الحلة عنهم ( حسن كلوجةوبابكر تنقو )عزلت ليك اكتر اتنين بقدرو يعبرو وعندهم شجاعة ادبية وللامانة العلمية خت ليهم عباس وزي ما قال المثل ( هي فضل فيها عباس)
...السارة ام خوجلي وعبد الخالق قريب صحبك البلك الطافي داك مرتضي كلهم بسالو منك
والله يا اساسي ليك وحشة واخوك متصبر بالتوم اخوك وطبعا هو زاتو علي وشك يدخل يتخرج من الجامعة عنده امتحانات قريب داوالله بعد كدا الا اصاحب رؤي بت اختك ( عمرها سنتين)عموما الحلة ما فيها جديد نفس الحاجات والمناظر الذي ديكور برنامج عالم الرياضة ما بتغير كلو كلو احمد عمر يقيف ليك في باب بيتهم ويفتح خشمو بعد ساعة تقول ماجره ...اتصالات العز جلكسات الشكل المصطنع مع هشام ..وعصام لسع بربي في عضلات جيوبو وشكله بقي ما معروف بقي زي انبوبة امان غاز الببيع فيها دي
طبعا راسم رسمة انوبة وكاتب عليها امان غاز
وراسم زول في شكل انبوبة وكاتب انبوبة ما ليها امان
اهم واخر حدث قالوا امير خطب اماني وما عزم اي زول من الشباب لا عادل لا هشام لا محمد لا بكري لا غيرو وما فاهمين اي حاجة لكن عادي امير ولا زول تاني
امي كل ما يجيبو زول سمين في التلفزيون تقول دا اساسي والله خالتك طششت خلاص
قبال كم يوم خاتي لي كرسي قام البت كدا وقاعد وقفت ليك رقشة قدامي ونزل ليك منها عسكري اخر وجاهة بدلة الف واسبلايت في السماء راح خاشي ليك فيني احضان وسلام ..القاهو ليك منو ....محمد صحبك الهرشة داك
اخباري في الحلة مرور بس ما مجمع كويس الايام دي في انصاف زولة بكري الزمان وبالمناسبة بلاقي صباح وبتسلم عليكومرات الصباح في المحطة بتسالني منك قبال اسلم عليها وبعدين بقت شديدة خالص ما عارفها مالا..
ياخي في حاجات كتيرة خلاص فايتة علينا ..؟
ما عارفين التفاصيل اللذيذة عن وضعك هناك .. الفسح ...الجكس ..ز العشرات وهلم عشان نكون معاك في الصورة يا فردةوبالمناسبة ياخي هو طلب اذا في امكانية ليهو تكون عملت العمايل ..زهارديسك بانتيوم 3 او 4 والشاشة وباقي الحاجات هنا رخيصة ومافيها مشكلة ..وختاما تقبل سلام الجميع وخصوصا نها الحوصة
| |
|
|
|
|
|
|
|
|
|
Re: جواب في السلك (Re: اساسي)
|
رومانسى صاحبك ده خطير يعنى يافرده الشمارات بجيك وانت خالف رجل على رجل بس ابو شيبه ده ماتكون انته لانى عاوز منو فلوس انا
هههههههههههههههههيكه
| |
|
|
|
|
|
|
|
|
|
Re: جواب في السلك (Re: cola)
|
صدق المنصوري دا كان مسميني ابو شيبة قال بشبه جده لكن والله يا كولا مافي داعي لشيل الحال
لووووووووووووووووووول
| |
|
|
|
|
|
|
|
|
|
Re: جواب في السلك (Re: cola)
|
الحبيب اساسى الرومانسى
مساك الله بالخير
منذ فتره ليست بالطويله سمعت اغنية بتقول
فوق الحله دى انا تانى ما بجى
الشمار كتير انا تانى ما بجى
صاحبك عسل واخباره فى السلك ومعيشك معاهم بتصويره الممتع للاحداث
ونهى مدياه شاكوش قبل كده ولا شنو شايل منها كده
عموما سلم لينا عليه كتير ورسل ليه البانتيوم عشان يتحفنا بى قصصوا وينافس لينا ابوحراز رأس الحربه الاوحد فى فريق البورد
| |
|
|
|
|
|
|
|
|
|
Re: جواب في السلك (Re: عزيز)
|
العزيز عزيز
والله الراجل يبدع تصوير المواقف الي دراما ممتعة جدا
والزول استلم كمبيوتر كامل وهو عمل نايم تاني سمعت تحت تحت انه فتح بيهو محل طباعة كمبيوتر وما عارف قال شنو قال رسل ليهو حق الاشتراك في سودانت
قلت ليهو ارجاني
لوووووووووووووول
| |
|
|
|
|
|
|
| |
اساسي
james
Wad Aljaili
Yassir Mahgoub
ALZOLZATOO
cola
عزيز
bitalneel
OmDur
فيس بوك
تويتر
انستقرام
يوتيوب
بنتيريست