|
|
 رسالة عاجلة من ( يو نلوتى ) لأبنائها تأليف عباس حسن محمد علي طه - جزيرة صاي
|
يو نوبا صورة
صورة يو نلوتي وهي جالسة وصابرة بعد فراق أبنائها
يا أولادي وبناتي كيف هالكم يا حلييلكم ، أنتو كويسين، هيكرفيجرو،ويّرو هسع أنتو آرفين أنا منو؟ يا حليلييكم أنا يويتكم يو نلوتى بنت السكوت بنت النوبة أصيل، وإخواتي ما شاء الله خالتو يو صاي ويوكوئكة وحميد وأبوراقة ونلوة وصلب وعبود وسواردة وإرو وهم كتييريين هالس( نورينٍ هسبلقو) بس أنا هايفة من العين وخالاتي حلفا ومحس ودنقلا، يا ولادي أنا زعلانة منكم هالس هالس عشان أنتو بقيتوا بعيدين مني ومشيتوا مني بعيد هالس وكما نسيتوني بالله مش حرام عليكم تنسوا يويتكم نلوتى ال رباكم لما كنتوا صغيريين زمان في زمن الديق (الضيق) وربيتكم بالموجود بعرق جبيني ونسيتوا لما كنتو تلبسوا الدمورية وتمشوا المدرسة بالكَجّو وتأكلوا السرنقي والكابد والمِشّي، بس ربيتكم أهسن تربية ولوبتعب شديد وبقيتوا ما شاء الله اللهمصلي على النبي دكتورين ومخندسين ومخامين ومدرسين وموسفين كبيرين ومديرين أما لاكين آيه الفايدة يا أولادي خليتوني براي مع أولادي المزارعين الحارسين الواطاة وهم ما قصروا معاي وأنا عايشة بيهم أصلاً ما شاء الله زرعوا الفول والقمح والمكادا والهير وفير رطب وعجوة وبهائم ولبن سونيو وبيجيبوا لي ملابس أتفالي الصغييرين وبيقولوا لي يا يو نلوتى نحن أصلاً ما هنسافر ولا نخليك براكي مع الغرباء ويا أولادي في السعوديي والعمارات ليه ما تجوني كلكم سوا سوا وتجاملوا مزارعيني وأتفالهم وليه ما ترسلوا لأتفالهم شنتة مدرسية وقلم أرساس وكراسات ووسائل تعليمية قالوا كتيرة عندكم في بلاد بره ويا دكتورين ليه ما تجوني وتصلحوا شفهانتي وتجيبوا لي دواء سكري وضغط أنا أنا تعبانة هالس وكبيرة هالس وأمبارح دوخت ووقعت ويمكن تاني ما تشوفوني (هنا تتبكي يو نلوتى والدموع تبلل طرحتها- وبناتها-كونج،ارميتة،نصرابكي،جكعين،عبدالرحمننركي،دوكي،سادين،أرابكي-متووتنو،نبرئين،تلابان،دورمارن-وتومار،قتاب،سعدين،جديديدين،كناهين،أفيلين،قمبر،فركو،مسي- نيجا،ساب،شقيق،أشمانقي،فقيرنركي،هلاسين،احمدنركي،مارتة،كودوكلم،أجمعين،سناد،ونيسين،أمارين دفي،كنج، قردائيلكلهم واقفات حولها بيهبهبن ويا ساتر يو نلوتى وقعت من العنقريب يا ساتر) الحمد لله فاقت شوية وبدأت في آهاتها وتتكلم بتمتمة من جديد: يا مدرسين ليه ما تصلحوا مدرستي بنيتها زمان سنة 48 كانت صغيرة وبقت كبييرة وولدي شيخ نواري كان بيحفظني القرآن ويا مخندسين زراعيين ليه ما تجوا تشوفوا نخيلي بقت زي قلم جاف ويا أولادي في الغربة ليه ما تجوا عندي كلكم مع أتفالكم الصغييرين سوا وكلكم وتجمالوا أتفال مزارعيني ليه ما تجوا تشوف البحر والمسورى والطراوة يا حليلهم أنا ما شفتهم من زمان، بالله عليكم الله أنا مش أهسن من حلة كوكو وأبو آدم والكناكنات وغبيرة ومنفوحة وشوالة وهبيلة ؟ بالله أنا مش أهسن من لفة القبة كلو حرامية وناموس بالله لفة يويتكم نلوتى ومنها تشوف أختي صاي وحميد وأبو راقة وعبود مش أحسن؟( هنا بدأت يو نلوتى تبكي من جديد والدموع من جديد) وقالوا أولادي في الكناكنات ما ينوموا بالليل عشان الحرامية والناموس، تعالوا يا ولادي تعالوا ألعبوا وسط النخيل (الفنتين تو) وفنتين موكرى والكجي كجيلي والدميرة ( المسورى) والآبي آبي والدبس والرمال والأونتي كرجّا منجي ، وفي رمضان عندي يا سلام ليالي حلوة وشراب الأبري بالليمون مش أحسن من البيبسي وهمبورقور، بالله رطب وعجوة يويتكم نلوتى مش أحسن من شوككالاتا . أنا يا ولادي ما محتاجة منكم أي حاجة، وعزة نفسي مانعاني أطلب منكم ريالاتكم ودولاراتكم وبري يا يمة لو طلبت منكم مستعدة أرسل ليكم أنا هيراتي كتيير ومستعدة أربييكم تاني من جديد بس أنا عايزة أشوفكم قبلما أموت وعايزة أشوف أطفالكم الصغيريين( بدأت تبكي مرة أخرى ووقعت من العنقريب يا ساتر يا رب المرة دي خطرة ولكن الحمد لله بقت كويسة) يا ولادي أنا سمعت بالتواتر أنكم جايين كلكم سنة 2016 وتعملوا مخرجان عندي وأنا مبسوتة هالس دي فكرة كويسة هالس وأهان الخبر ده صحيح والا أن شفتو في المنام ( النِسَر)مزارعيني وأتفالهم مبسوطين هالس والبنات نظفن الحارة كلها ورشوا رمل في السمِنتو ولموا الحنة وعلقوها في الأبواب وعملوا المنين والكحك والبسكويت والشريك والمزارعين ضربوا الجير في الأبواب وأهان ما تخيبوا خاطرهم يا أولادي كلكم تعالوا وما تتأخروا تعالوا بس بملابسكم وبشنتة هاندي باق ولو عايزين قروش تذكرة طيارة وباص أنا برسل ليكم وما تشيلوا هم أنا يا نلوتى كرامتي لا تهتز، في سبيل أشوفكم وبس أبقوا على أشرة ، تعالوا أبنوا بيوتكم عندي أو تصلحوا بيوت آباءكم من جديد أصلوا بقت خرابة بدون أبو اب وشبابيك وثعابين وعقارب . يا ولدي حسين عمر شيبيني مبروك غنمايتك ولدت أتنين تيمان هروف واحد أبيض وأسود برق برقا والتاني بمبي غامق مبروك يا ولدي هأرسليك بالواتساب وأنا سمعت كمان ولدي مهمد أهمد مهتار نسى الروتانة وما تعلم الأربي وبيتكلم بالإشارة ليه يا ولدي كده؟ وسمعت كمان ولدي ماهر مهمد صالح كان عندي إسهال وتراش وماشي الأردن يا ولدي ما تخاف ده تسنين مبكر مبروك التسنين يا ولدي بس مش كان بدري عليك ؟ يا أولادي أنا كنت أرسلت ليكم فول وعجوة وأبرى بس ولدي صلاح علي شلبي قام باعو في أبو حمد بالله شوفتو واحد مخامي بيعمل كده ؟ ولو جيت عندي يا صلاح شلبي هأوريك بس أصبر لي. أنا أمبارح سمعت إنترنت بتاعي صلحوا من جديد وفتح بس ليه يا أولادي ما تكتبوا وتوثقي عني أنا أصلو ما بحب التيس بوك وطويتور زي لفة القبة أنا كل يوم أدخل في الأنترنتطخ بتاعي بس أولادي متكبرين هالس ما بيدخلوا وتُوفُو عليهم وأخساليهم وتذكرت اليوم بدون ترتيب وألقاب بس مجرد مر في خاطرتي وهم أصلو كتييرين و يا حليلهم شيخ نواري وآل نواري وسوركتي،آل فقير،آل دلقج،آل شريف وعطية،آل مختار،آل ضرغام،برسي،آل حمد،الصديق،آل ابوبكر،آل (عباس وحمزة)،آل أبو زيد،طمبل،دياب،الخيرة ،محمد صابر،آل مختار،آل حسينتود،عبدون،آل جبارة ،آل مبارك،آل علي خليل ،آل القاضي،آل بية،آل شامنتود،آل أمبوج،آل همد،عبد الرحمن،آل مسل،ال علي صالح،آل منير،آب راسين،كوشية،أبو القاسم وإسماعيل،آل ريحان ،عبد الكريم أوشي،آل شلباب وفضل وأل شيبيني وحنفي وآل محمد شريف وآل علي فضل وآل عبد الكريم وآل مصطفى وآل عبد السيد وآل دكو ودفي ومرجان وآل سليمان،آل شيخة،آل مراد،آل علي،حسن أحمد، ،بيرم،شبلول،بلول،منير،بشراب،مرادي، وطه احمد،ابراهيم فضل،عمر اشاري،سرور،عالم ،بدري،إدريس، عرب الشرقية آل عبد الرحمن وحمد وآل عبد الكريم وآل صالح وعرب الغربية رابح وأبو زيد وحماد وعموم عمر ثقاف ويا أولادي أنا بقيت كبيرة وبالي مش معاي ونسيت سامحوني يا أولادي ، أنا كل يوم أدعو ليكم، اللهم اغفر وارحم الأحياء منهم والأموات آمين يا رب يا وأولادي أنا سمعت في برد شديد في السعوديي غطوا أطفالكم بالليل بالبطانية كويس ومرسل ليكم عجوة ومنين قسموا بيناتكم سوا ويا ولدي الفاتح شلبي رسل لي فيزة حرة لون برتقالي عشان أناعايزة احج السنة دي مع أهتي ابو راقة وأهان ويدا مع سلامة لحدما نشوفكم في مخرجان 2016م ومش آرفة أنتو جايين والا تسكتوني أهان ويدا أنا منتظراكم بفارق الصبر وأطفالي الصغييرين ينتظرون بشوق وحنين وأهان ويدا ما سلامة ، نورين هسبلوقوا لله والرسول سامحوش وأسمعوا مني زغرودة بدء إنطلاقة مخرجان وفعاليات يو نلوتى أيوووي أيوووي يويويو ما السلامة
( من ترف يو نلوتى )
تأليف : عباس حسن محمدعلي طه – جوال (0544676864) مقيم بالرياض
|
|
 
|
|
|
|
عباس حسن محمد علي طه
فيس بوك
تويتر
انستقرام
يوتيوب
بنتيريست