رحلت ست البيت الكتارحسناتا بقلم / طه أحمد ابوالقاسم

مرحبا Guest
اخر زيارك لك: 03-19-2024, 06:26 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف اراء حرة و مقالات
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-29-2013, 07:37 AM

طه أحمد ابوالقاسم
<aطه أحمد ابوالقاسم
تاريخ التسجيل: 10-26-2013
مجموع المشاركات: 199

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
رحلت ست البيت الكتارحسناتا بقلم / طه أحمد ابوالقاسم

    رحلت ست البيت الكتارحسناتا
    بقلم / طه أحمد ابوالقاسم
    رحلت عن دنيانا أول أيام العيد .. الحاجة زهراء زوجة الفنان الكبير صلاح بن البادية .. حولت أفراح العيد الى لوحة مزيجية .. يتأملها الجميع .. تتدافع أهل الفن والمداح وجموع من كل صوب الى سرداب العزاء .. لم تشرف هذا العام على توزيع اللحم على الحوار والضيوف والاسرة الكبيرة وتوزيع الابتسام الى كل الناس ..
    الحاجة زهراء ربما لا يعرف الناس أنها كانت ضمن ايقاع فرقة الاستاذ صلاح بن البادية .. تشرف منذ خمسين عاما على الاخراج والابداع للفنان صلاح .. وهو يصعد الى المسارح بهي الطلعة
    عندما استضافتها الاستاذة أم وضاح فى برنامج البساط أحمدي .. أعطت البساط رونقا .. سارت على البساط وزادته اشراقا ومعني .. ابكت الجميع وهى تتحدث ببساطة .. عمقت اسم البرنامج .. بكيت أنا من جو قلبي عندما قالت كنت أعوس الكسرة حتى تعسم ظهري .. وتذكرت أغنية صلاح بن البادية ..
    بكيت أنا من جوة قلبي
    ليك باحر دمعة ..
    عشان أجلب سعادتي
    بشوف الآمى متعة
    هكذا نحن .. والاعلام ينسي من هم خلف الكواليس .. واسم المخرج .. الحاجة زهراء كانت هى مخرجة الروائع .. تتدفع صلاح نحو الاضواء والمجد والشهرة .. وهى تتوارى خلف ابخرة ونيران قيزان الاكل .. شلوخ تتحدى الزمن .. تذكرنا بالامهات .. وتواصل الاجيال .. ويثبت لنا صلاح أن الجمال الاصلي فى السودان .. ورسالة الى كل الشباب والاجيال القادمة كيف يستمدون الابداع من ارضهم الطيبة
    اليوم يبكى صلاح .. وتحدق اليه زهراء باجفان جامدة .. ويد الحرير باردة فى كفية ..لا نريده أن يبكى ويبكينا معه ونحن نودع ست البيت .. بل نريده أن يرعوي الى الله سبحانه .. ويتدثر بالصبر الجميل .. هذه دار ابتلاء وامتحان
    نسال الله لها المغفرة ولذويها الصبر والسلوان

    طه أبوالقاسم




    اريدا براها ترتاح روحي كل مااطراها ست البيت

    قالت جارتا مجاوراها تجي شايله وتجي مزاوراها
    تلحظ احتياجنا براها نشكر سعيها بي وراها
    ست البيت
    ربنا بالجمال كافاها لامن قال قواما كفاها
    المسروره مي تافاها ياحلاة الكلام الكلام في فاها
    ست البيت
    راقيه سكوته من ميلادا مو سكاتاً تنوبوبلاده
    نضيفه ومنظمين اولادا برضها عندي حلوه جلاده
    ست البيت
    تتلاصف سرور وجناتا الرافيه الكتار حسناتا
    طيبة عشره مي غلاتا ماسابت الشباب لي بناتا
    ست البيت
    مابتحسب علي كليا تكرم كل منسوب لي
    اطوع من بناني الي واشفق من جنايا علي
    ست البيت
    ماقالت بقيت حبوبه وتركت بوختا المحبوبه
    لوجات من رياحا هبوبه بتحيي عروقك المهبوبه
    ست البيت
    من صابحتها وماسيتا طاعمه وناعمه لومسيتا
    ماقاستني ماقاسيتاوتشكر فضلي كل ماكسيتا
    ست البيت
    مي العزايه دايماًساقده ومي الغبشه المفبره حاده
    مي اللهفانه بي ورا الماده دي اللي شبابا ديمه موادا
    ست البيت
    فاضي البال حليللا جنابو مااتغضبن لمس اشنابو
    ولايوم سوء تفاهم نابو دي الامثالا نتغنابو
    ست البيت
    لو كان يوم حبيب واصلي الكرم العريض يوصلي
    منها قط خلاف ماحصلي بس ازعاجا لي قوم صلي
    ست البيت
    ليه ماشكرا مطاوعاني وحافظه لمتعتي وحافظاني
    حاويه من الانوثه معاني ومها ابقى مر بالعاني
    ______________























                  


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de