|
|
 المواقع السودانية بين الحسد وهكر الانقاذ بقلم شوقي بدرى
|
05:01 PM Aug, 09 2015
سودانيز اون لاين
شوقي بدرى-السويد
مكتبتى فى سودانيزاونلاين
قبل اكثر من عقد والمواقع السودانية معدودة . كانت سودانيزاونلاين هي الاشهر . ولم يكن في الامكان استيعاب كل الناس . واحس البعض بالغبن . فقاموا بتهكير الموقع وتركوا رسالات مسيئة وبذيئة . تكررت المشكلة . وكان هنالك الحاسدون . وقالوا ,, قديما كان في الناس الحسد ,, وكان هنالك من لم يقبل بنجاح الاخ الابن بكري . وزعموا انه يكسب الملاييت من الدولارات .
سمعنا ان بكري تعرض لضغوط من النظام ، لان الموقع كان حكرا علي المعاضة . وفجأة امتلأ الموقع بمناصري الانقاذ . وعملوا سويا بتنسيق كقطيع من الذئاب . و ظهر منسوبي الامن . ولكن تبقي سودايز رقما لا يمكن تجاوزه . وبالرغم من اني توقفت عن الكتابة في المنبر العام بسبب الالفاظ الغير مقبولة ، الا اني اكتب في باب ا المقالات . واقراها عدة مرات في اليوم . ويؤلمني تعرضها للهجوم والتهكير بطريقة راتبة . لماذا تتعرض المواقع السودانية لتهكير وهجوم شرس ، بالرغم من ان اصحاب هذه المواقع يضحون بالمال والوقت وصحتهم الجسمانية والعقلية . ولقد عشت هذا مع الاخ خالد الحاج طيب الله ثراه واليوم لا نستطيع دخول سودانيات الحنينة. ومع الاخ طارق الجزولي في سودانايل . والذي نشكره علي الموقع الراقي. ولنبعد عن الحسد . ولنشد بالراكوبة وحريات والحوش ... الخ لانها حقتنا ,, هولنا ,,
يجب ان نحافظ وندعم ونقف خلف هذه المواقع لانها منابر يتنفس منها الناس في زمن تفطيس الكلمة .
قبل اكثر من عقد كتبت الموضوع بين ريرة والصفية بمناسبة تهكير سودانيز قديما واعيد نشره اليوم . ربما وعسي يفهم البعض .
بين ريره والصفيه
لي ود اخوي الهكرنجي ولي اهل البورد .
في التركيه صار ود ابسن مديراً علي الخرطوم فقصده احد اهلنا من بسطاء البطانه شاكياً . الا ان ابسن لم يجد له حقاً فيما طلب . فانصرف الشكري صامتاً عابساً فناداه ابوسن وطيب خاطره وقضي امره ثم سأله انت يا شقي الحال كنت بتدور تمشي تسوي شنو .؟ وبعد الحاح علي الشكري قال . بس كنت بدور امشي أولع كدوسي بين ريره والصفيه .
ابو سن احس بأن الشكري عند انصرافه كان ينوي شراً واشعال نار في البطانه كان يسبب خراباً للزرع والضرع والحياه البريه .
والآن عندما تشتعل النيران في كلفورنيا بطريقه تكاد تكون سنويه السبب في اغلب الاوقات هو الحقد الاجتماعي فالمهاجرون من لاتين امريكا وفقراء امريكا يحسون بأنهم خارج المنظومه ويبدو ان ود اخوي الهكرنجي احس انو خارج المنظومه فلندخله معنا وهذه دعوه له اذا وافق الاخرون . واهلنا قالوا الليك ليك وكان بقه لين العشر سوي فوق عينيك . ولا داعي لتوجيه الشتائم والنعوت والصفات .
عمنا العمده بشير مصطفي عمده كساب وشقيق الناظر بكر في النيل الازرق كان يقضي اموره بالحكمه فعندما لم يجد الاحترام من مساعد الحكيم ارسل له هديه في الصباح وعندما حضر المفتش في الظهر كانت الشفخانه مقفوله ومساعد الحكيم سكران . وعندما اختلف مع المأمور المصري المتغطرس قال للمدير البريطاني عندما سأله عن المأمور فقال زول ود ناس وعالم عرفنا بعظمه مصر والزعيم سعد زعلول ومصطفي كامل . فنقل المأمور . وعندما سؤل عن المفتش البريطاني الجديد وبقيه المفتشين قال للمدير كلهم كويسين بس الا الجنا ده طول فنقل المفتش .
فلا داعي للشتائم الكيشوتيات . فالنعمان عندما لم يستطع جنده ورعاته ان يمسكوا بالمعيدي الذي كان ينهب ابله ويقتل جنوده امنه علي نفسه وانعم عليه . الا ان المعيدي لم يكن الفارس الضخم القوي الذي كان يتخيله فلقد كان قصيراً نحيلآ ولذا قال النعمان ما صار مثلا . تسمع بالمعيدي خير من تراه .
يا ود اخوي الهكرنجي يعني من كل بوردات الدنيا دي ما لقيت غير حق اهلك ده؟ ياخي ما تشوف ناس السي أي ايه او الامن السوداني العندو كمبيوتر مسجلين فيهو كل معارض و شريف سوط ليهم كمبيوتراتهم . ولا بس فلاحتي في ود مرتي؟ .
بعض اخوانا الاجانب من اليوغسلاف والالبان يتعبوا ويشقوا بعد سنين من الحرمان يعملوا ليهم قهوه او ملهي يجو اولاد اهلهم يتفرعنوا ويكسروها . اذكر صديقي ميلان يقول لاهله الصرب ليه ما بتمشوا للسويديين ولا عشان عندهم حراس في الباب الواحد وزنوا 120 كيلو عضلات وفقرتوا بس تسد الباب ولا عشان عارفين انا ما ممكن اجيب ليكم البوليس .
ارجو ان يتوقف الامر هنا وليس هنالك داعي للتصعيد . محلج كان تفشجي طيله عمره في الجيش يعني بصلح السلاح وفي اخر ايامه في الخدمه كان مريضا في المستشفي فاكتشف الطبيب في السلاح الطبي شلالي ان محلج يحضر العرقي في تيرمس الشاي فأصر علي طرده وعقابه فقال له محلج ( ياخي دي عيونك ولا عيون اختك ) فثار شلالي وأصر علي طرده من الخدمه فقال له حمد النيل ضيف الله قائد الجيش السوداني كلام ذي ده مع العساكر مفروض تتظاهر بانك ما سمعتوا عشان ما يحصل مواجهه حتي اذا كسبتها حتكون خسران وبعدين محلج ده شغال في الجيش ده من ما كان ولد صغير نص تعيين . انت بتعرف تصلح سلاح ؟ .
البورد ده بقه لامي الناس وباقي التايه والشايه والشونقاقه . ولا انت عايز( سراره اللعوت البتلاقوا في الحرق والموت) .
ومش حنواصل . شوقي...
أحدث المقالات
- مالا نهاية بقلم ياسر أبكر محمد 08-09-15, 04:57 PM, ياسر أبكر محمد
- الجيّد والسيّء والبشع في اتفاقيّة إيران بقلم: : أ.د. ألون بن مئيـــــــــــــــــــر 08-09-15, 04:52 PM, ألون بن مئير
- الي جنات الخلد الزميل عبدالباقي الخضر بقلم عثمان عمر رضوان و مصطفي الخير ابوبكر 08-09-15, 04:49 PM, مقالات سودانيزاونلاين
- عدد المسؤولين في السودان أربعة اضعاف عددهم في اميركا واليابان بقلم حسن احمد الحسن 08-09-15, 04:47 PM, حسن احمد الحسن
- النظام الخالف و"البذر التألف" أو أكل العدس بالشوكة والسكين بقلم بشير عبدالقادر 08-09-15, 03:43 PM, بشير عبدالقادر
- الاقصاء المنظم : الحزب الجمهوري نموزجاً!! بقلم حيدر احمد خيرالله 08-09-15, 03:41 PM, حيدر احمد خيرالله
- ماذا تخفي الحكومة وراء (درع النيل)..؟ بقلم نور الدين محمد عثمان نور الدين 08-09-15, 03:40 PM, نور الدين محمد عثمان نور الدين
- ملحمة عبد الرحمن هارون في عبور نفق المانش كداري ؟ الحلقة الثالثة ( 3- 5 ) بقلم ثروت قاسم 08-09-15, 03:34 PM, ثروت قاسم
- الامريكان واخوان السودان يحاربون الارهاب بقلم محمد فضل علي..ادمنتون كندا 08-09-15, 03:31 PM, محمد فضل علي
- فضيلي جماع : في جبال النوبة : هذه حرب إبادة بكل المقاييس ! بقلم ايليا أرومي كوكو 08-09-15, 00:05 AM, ايليا أرومي كوكو
- بعد 44 عاماً مازال على بريطانيا توضيح وتحمل مسئوليتها في إجهاض إنقلاب 19 يوليو 1971م 08-09-15, 00:03 AM, آمال جبرالله سيد أحمد
- قوت المواطن وجنون الأسعار إلى أين ؟ بقلم نورالدين مدني 08-09-15, 00:00 AM, نور الدين مدني
- الطالب محمد عبدالله بقاري يصارع الموت في بيوت الأشباح أين الضمير الإنساني؟ بقلم محمد نور عودو 08-08-15, 11:58 PM, محمد نور عودو
- أزمات السودان بقلم محمد ناجي الأصم 08-08-15, 11:56 PM, محمد ناجي الأصم
|
|
  
|
|
|
|
شوقي بدرى
فيس بوك
تويتر
انستقرام
يوتيوب
بنتيريست