السودانيون رغم الظروف المعقدة يبدعون في النكات ... بقلم هاشم محمد علي احمد

مرحبا Guest
اخر زيارك لك: 03-28-2024, 08:55 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف اراء حرة و مقالات
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-01-2014, 07:57 AM

هاشم محمد علي احمد
<aهاشم محمد علي احمد
تاريخ التسجيل: 10-26-2013
مجموع المشاركات: 74

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
السودانيون رغم الظروف المعقدة يبدعون في النكات ... بقلم هاشم محمد علي احمد

    السودانيون رغم الظروف المعقدة يبدعون في النكات ...
    بسم الله الرحمن الرحيم .....
    السودن يمر بظروف إقتصادية وسياسية دولية ومحلية معقدة في ظل حكومة فشلت بعد خمسة وعشرون عاما من إدارة البلاد ووصلت الأمور إلي طريق مسدود ومعارضة مرتهنة رفعت السلاح في وجه المواطن والوطن وأفسدت الحياة لمواطني المناطق التي نشب فيها ذلك النزاع ، إتصلت علي صديق لي في العمل وعرفت أنه في زيارة لدولة تركيا في رحلة عمل وعندما عاد صديقي زرته في مكتبه وكعادة السودانيين في كل مكان يتناولون قضايا الوطن بشكل مستمر ويومي ، سألت صديقي عن الرحلة حقيقة صدمتني الفكرة التي رجع بها صديقي من تلك الرحلة وهو يقول كلما سافرت إلي بلاد جميلة ومستقرة أشعر بالحزن الكبير علي بلادي وأقول في قرارة نفسي متي يكون السودان مستقرا ومزدهرا وجميلا مثل تلك الدول وللأسف هذا التفكير دائما يعكر لي أي رحلة عمل أو سياحة أقوم بها للخارج وأنا أشاهد الدول من حولنا تعيش حالة إستقرار وتنمية وتطور ونحن نرفع السلاح ضد هذا الوطن ، ومن المؤسف حقا إن كل الذين يرفعون السلاح ويدمرون الوطن وكل المسئولين الفسدة في الحكم صرفت عليهم خزينة الوطن في التعليم وفي آخر المطاف يتبولون في هذا الوعاء ، يتداول السودانيون النكات الجميلة في الواتساب والذي اصبح نكتة بذاته لقد وصلتني نكتة جميلة ومعبرة عن الواقع السياسي في السودان بشكل جميل وكنت أتمني أن تحفظ حقوق هؤلاء المبدعون الذين يبدعون في هذا الجانب تقول النكتة ، واحد مربي ليهو ببغاء والببغاء دة كل كلامو ناس الحكومة الحرامية والجبهجية السراقين متين يغورو مننا وصاحب الببغاء دة بيكره الحكومة ويقول الببغاء الكيزان الحرامية السرقو البلد متين يروحو في داهية المهم الببغاء بإستمرار يشتم الحكومة بتلك الألفاظ ، وفي يوم قام الببغاء طار من سيدو وركا في بيت واحد من ألأمن ومسكوا الببغاء ولقيهو نفس الكلام الكيزان الحرامية السرقو البلد الكيزان الضيعو البلد متين يشيلهم الله مننا ويريحنا منهم ، الجماعة عشرة دقائق عرفو صاحب الببغاء وتحركت التاتشرات وقوة عسكرية كبيرة راحت بيت صاحب الببغاء وضربو الباب وفتح صاحبنا وشاف التاتشرات والشرطة والدنيا قايمة سأل الضابط صاحب البيت قال ليهو الببغاء دة بتاعك ؟؟ صاحبنا لما شاف القيامة دي ببرود قال ليهم ( أيوة بتاعي لكن أنا طيرتو عشان مختلف معاهو سياسيا ) .
    مع روعة وجمال القبائل السودانية وروعة هذا الموزائييك لكن من أكثر القبائل التي وجدت حظها من النكات كانت الرباطاب الذين يتصفون بروح النكتة والرد السريع وبين الشايقية الذين تعتبرهم النكتة أصحاب حضور كبير والجعليين الذين يتصفون بالشهامة التي توصل صاحبها حد المهالك علي حسب حبكة النكتة تقول إحدي النكات ( شايقي مالي لوري نبق وفي الطريق قابلوه رباطة وقفوه وفتشوه حتة حتة وماوجدو عندي قروش رئيس الرباطة قال ليهم فلقو الشايقي بي النبق بتاعو دة حبة حبة والجماعة يفلقو في الشايقي نبقة نبقة وهو يضحك ويضحك قالو ليهو الجماعة مالك بتضحك ونحن نفلقك قال ليهم الجعلي جاي وراي وهو شاحن دوم
    ولقد وجد الرباطاب أصحاب الرد السريع والشافي حظهم كذلك بحيث تقول إحدي النكات ( شايقي إتزوج ليهو رباطابية والشايقي جاب شغالة في البيت واحدة هندية ، الشايقي قال عاوز يغيظ مرتو الرباطابية قام قال ليها ماشايفة الشغالة دي علي طول ماشية وراي الرباطابية قالت ليهو عادي أصلو الهنود بيعبدو البقر .
    ولم تترك النكتة الفرح الكبير الذي صاحب قضية الراعي السوداني الزين صاحب الأمانة مما يدل أن النكتة السودانية تواكب كل الظروف وتقول النكتة ( السودانيين في السعودية يعيشون هذه الأيام اجمل لحظات حياتهم وماشين من غير إقامات وماشغالين مع الكفلاء بتاعهم وإذا الدوريات مسكت واحد فيهم يقول ليهو إنته مابتعرفني انا منو ويقول ليهو العسكري إنته منو ؟ ( نحن أهل الطيب الأبا يبيع النعجة ) حقيقة للنكتة السودانية حضور طاغي وأنيق وجميل ومواكب لكل حدث .
    ومن اجمل النكات التي تظهر براعة الشخص الذي الفها والذي كنت أتمني أن يكون صاحب الحق في كل هذا الإبداع وتلك العبقرية التي من خلالها يسعد القارئ بكل هذا الجمال تقول النكتة ( واحد قاعد يلف في سيجارة البنقو وقت الآذان وأولادو يتوضأوا للصلاة وهناك كان والده يجلس في العنقريب ، قام أبو المسطول قال لي ولدو مابتخجل من نفسك أولادك رايحين الصلاة وإنته قاعد تلف في سيجارة البنقو قام المسطول قال لي أبوهو بالله عليك شوف الفرق بين تربيتي وتربيتك .
    الروعة في السودانيين إختيار أسماء الثياب النسائية ومن اجمل الأسماء التي لا انساها وهي واكبت الضربة التي تعرض لها الشيخ الترابي في كندا بدايات الإنقاذ من أحد الشباب في المطار ، ظهرت ثياب بإسم ( دقة الترابي ) وسمعت أن هناك سيارة جيب كان إسمها ( وداد ) كنت أبيع بضاعة لتجار من السودان وفي إحدي المرات أرسلت نوعية من البامبرز صغير الحجم مثل علبة البسكوت وهو يسمي في الشركة فايتر أو المقاتل ولكن عندما وصلت تلك البضاعة للسودان أسموها ( ركشة ) وحتي اليوم سار الإسم علي تلك البضاعة حتي الشركة صارت تسميها ركشة .
    السودان الوطن الجميل صاحب الشعب الراقي لا يستاهل مننا كل هذا التدمير لأننا إن فقدنا ذلك الوطن سوف نهيم علي وجوهنا وما نشاهده اليوم في سوريا كيف وأن ذلك الشعب المسلم العربي والذي أبدع مواطنوه في الصناعات والزراعة تتعرض نساؤه للمساومة والبيع وكيف أن كل تلك العقول سقطت من خارطة الزمن سوريا التي تنزف دما أصبحت لعبة الأمم والشعب يقتله الجوع والبرد فأنت تستطيع أن تشعل الحرب ولكن إيقاف تلك الحرب ليست بقرار من عندك لأنها سوف تكون لعبة الأمم والسودان مستهدف في عقيدته وأرضه وخيراته وإنسانه الذي لا زال يحمل الأمل لكل الأمة من عزة وكرامة ( ساعدونا بالدعاء ليحفظ لنا الوطن ) ليس لنا إلآ الدعاء فهو السلاح الوحيد اذي نمتلكه في ظل تلك الظروف المعقدة وأن يحفظ لنا وطننا ويحمينا من أعدءنا ساعدونا برفع الأكفة للسماء أن يحمي عروضنا اللهم آمين .

    هاشم محمد علي احمد























                  


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de