|
|
 انــور كيـــنغ...لا داير يعــرس ولا حــاجة
|
غشانا.... انا وفوفو..... ترجع لنا صور البت....حسي البت عندها نفسيات..مابيه الرضاعة ليها اسبوع...وخاترا مكسور...وتهضرب وتقول كينغ فو... كينغ فو..... اها حسي نسوي عليها كيفن؟؟؟؟؟؟ الراجل بيمسكوهو من لسانو.....وبعدين تعال شيل موقعك الجيبتو لنا في فتح الخشم داك.....موقعك زاتو شين...وكعب ومعفص ولون ما سمح....وبعدين نحن الوقت كلو.... نقول دا انور داير عروس... ما بتقوم فنترب وما بتقعد اوردلوب....ومن اليوم داك فوفو بقت تقوم براااااحة ..وتقعد براااحة...من سمعت بي ختوبتك دي... بقت لما تجي تقوم تنط من السرير...ولما تقعد..تقول فاكنها بي نبلة...كية فيك وفيني انا القاعد الوقت كلو ادرب فيها.... لكن انا حدستها...قلت لها... الزول دا من لبد كدي يكون ناوي علي شي.....وهي الغبيانة قايلاك لابد فوق راي داير تلملم هدوم العرس وتجي.....اها.. ان ما سوينا لك كادوك لومني....كادوكن يخلك تهضرب...ليل نهار....وان عرست ماتعرف كوعك من بوعك....وشوف لما تضهب من كوعك يحصل لك شنو؟...تجي تكوع ما تعرف تكوع كيفن علا تسعل لك زول تقولو يا جانا الزول بي يكوع كيفن؟.....ولاّّ كان جيت تبوع ما تعرف تبوع كيفن؟....
وبعدين خلي بالك....نحن بنتنا ما بنديها راجل مرا.....كان بقى شنو وشنو داك....عشان ما تجي تقول خلاس بدبل بها....فوفو قالت لك
ابشرا ابشرا.. يا اشاعة
انور علقني في الشماعة
انا مالي....... ومال الهوي
انور غشاني وفكاني عكس الهوا
|
|
 
|
|
|
|
|
|
|
 Re: انــور كيـــنغ...لا داير يعــرس ولا حــاجة (Re: سجيمان)
|
سيجمان..
| Quote: وبعدين تعال شيل موقعك الجيبتو لنا في فتح الخشم داك.....موقعك زاتو شين...وكعب ومعفص ولون ما سمح.... |
غايتو يا سيجيمان يتشبك فيك العدو..
قلبي مع الآنسة فوفو.. قول ليها ولا يهمك.. بكرة نخطب ليك الأخطر منو.. لو دايرة تعرف خليها ترسل لي في الايميل..  لووووووووووووووووووول
| |
|
|
|
|
|
|
|
|
|
Re: انــور كيـــنغ...لا داير يعــرس ولا حــاجة (Re: Dr.Abbas Mustafa)
|
كدي ياسجيمان انت كمان بايعني انا , خاطب لي بتك وبايعني لي انور كنج ,شفته كجوري قوي كيف والله ده اكعب من الجابنو من سنار , مافي زول يجي حائم عليها وكان جاها يقولشينه وعايزها شيل شيلتك , انت حاسب الشغلة لعب , درب معوج تدخل ما تعلاف تطلع , ولو سمعتك جبته اسم فلانة دي تاني السكين بره , وبتمشي في داهيه
| |
|
|
|
|
|
|
|
|
|
Re: انــور كيـــنغ...لا داير يعــرس ولا حــاجة (Re: سجيمان)
|
والله صحى...
التور ان خطب....كترن سكاكينو.... ...
سجيمان...انا الخايف منها بالجد...نونة...بت ممكونة...
زى ما قلت ليها قبل كدا...الزولة دى الخلطة السحرية من كنتاكى...
الله يكون فى العون....ويتتم لينا على خير...
ما يكون بوستك دا محاولة للالتفاف على موضوع التذاكر الحلفت الى تكون عليك...
بالنسبة لموقعك الجميل جداً... ذكرتنى اهلنا السودانيين والله...
تجيب ليهم صور من بلدهم السودان فيها ان شاء الله ربطة ملاح خضرة يقعدوا مبسوطين ويشكروا بلدنا! لكن ما بيقعدوا فيها ابداً...
انت أهجس فى بيتك شوية عشان تشوف الستائر الجميلة الهناك دى..
وبالنسبة لفوفو... انا عندى ليها عريس ملك والله...وكدى عاين فوق شوية 
لك الحب وانت تدخل الابتسامة الى قلوب (الدكاترة) الابو يكشفوا عليييا...
أنور... وس......
| |
|
|
|
|
|
|
|
|
|
Re: انــور كيـــنغ...لا داير يعــرس ولا حــاجة (Re: AnwarKing)
|
لووووووووووووووووووووووول سجيمان ..
مبالغه طبعا اى بوست ليك ..لكن ما فى زول قدر على انور كنق الا انت ..
انور الوداك تتصلبط فى بت سجيمان شنو ؟ انت نسيت انه قبل كده قال بته دى بتجتر؟؟ ..
تقوم تجتر ونستكم سوا وتوديها لى امها وابوها .. يجوك نص الليل يهجموا عليك يخلوك تكلم روحك .. بعدين يا سجيمان بتك البتجتر دى بتذكرنى الكتابه بالاختزال لوووووول .. تنفع تكون صحفيه .. تبارى ليك المشاهير فى اى لقاء صحفى .. بالزات الرؤساء .. عشان كده انسا لى انور كنق ده .. وخليك فى اجترار بتك .. لانه عندها موهبه نادره جدا ..بى موهبتها دى امكن تجيب ليك عريس امير ..
ودعتكم الله
| |
|
|
|
|
|
|
|
|
|
Re: انــور كيـــنغ...لا داير يعــرس ولا حــاجة (Re: soma)
|
والله يا سوما ذكرتينى ببت سجيمان دى...
واحد سواق بتاع شاحنة فى بورتسودان... بيحكى لى عن بتو...قال لى البت دى والله تفرتق حفلة...عمرها 10 سنين...وما بتلعب مع البنات أصلو...لعبه كلو مع الاولاد...ومنجداهم نجاد...
فى نص كلامو كدا...قال لى انا دايرك تسوق بتى دى معاك الصين..قلت ليهو انا فى كوريا...قال لى المهم دايرا تتعلم كراتى...
قلت ليهو فى كوريا فى التاك كوندوا ما كارتى...
قال لى المهم يا زول تكون زولا بتاعت شنكبة أصلية كدا...
قمت سألته لييه يعنى؟؟؟
قال لى انا داير أربط بيها فى الشارع بعد دا...البت عندها مستقبل والله!!!
سجيمان..ايها الرباطى...بنجيب ليك عريس دوكتور...شن قولك؟؟؟
أنور
| |
|
|
|
|
|
|
|
|
|
Re: انــور كيـــنغ...لا داير يعــرس ولا حــاجة (Re: سجيمان)
|
على قولك يا سجيمان...
هههههههههههههههههههههههههههههههههه...
يازول انت بى صحك...
دحين الموقع الما عاجبك دا...كان فى قندتو ولا الخرطوم...عشان التظاكر تكون من هناك لى هناك...
انا غايتو ما داير تظاكر ما فيها ختم الخدمة (الوطنية) والزكاة...
أنور
| |
|
|
|
|
|
|
|
|
|
Re: انــور كيـــنغ...لا داير يعــرس ولا حــاجة (Re: Dr. Moiz Bakhiet)
|
العزيز د.معز بخيت...
أبشر بالخير طوالي... وسيبك من دكتور سجيمان دا...
انت تستاهل مواقع موش واحد بس...
واحد للشاعر.. وواحد للعالم... ومن قبل واحد للإنسان..
على فكرة..تابعت حديث لك فى الاذاعة السودانية حول عدة مواضيع منها نقد ما يقدم فى الفضائيات... وجد أعجبنى رأيك الواضح والصريح... وياها دى المحرية فيك...
لكن ما قلت فى اللقاء أى حاجة عن مواقعنا المسكينة دى...
عشان كدا...نشتت ليك سكر ونقول ليك مرحبا بك فى عالم الدوت كوم...
اها رأيك شنو؟؟؟
أنور
| |
|
|
|
|
|
|
|
|
|
Re: انــور كيـــنغ...لا داير يعــرس ولا حــاجة (Re: سجيمان)
|
Quote:
وبعدين تعال شيل موقعك الجيبتو لنا في فتح الخشم داك.....موقعك زاتو شين...وكعب ومعفص ولون ما سمح
|
لوووووووول ، بس دى زى نكته المراه النقناقة لن ما لقت حاجة كعبة فى الشيلة قالت التياب ضيقة !!!
لكن برضو نقول
فوفو بت سجيمان الابيه،زهرة يــانعة لماحـــه و ذكيــــة
آآ سجيمان..
فوفو دى مــــا دايره لها اب شرا، و لا اب سبحة فضيــــة
دى ست الحســـن،ادب الملــــوك، عاقلــــة رضيـــة
الكمــــال لله نعم، بس ورونى شن ممكن يكون منقص فيـــا
فوفو دى عريسهـــــا ود بلد، لا من google لا يــــاهوو
فتح الخشم بالميـــه ميــــه،ما صفحة نت معفصه و بنيــه
شيلتو........عطور بــــاريس، ساعات سويسريــــــــه
دهب بحريــــــن، تياب كارتييــــه، و الجزم ايطاليـــه
زغاريد اخواتو وراهو،و العديل و الزين بصوت امو تبــــراهو
ابوه يجيك يقدل..يبشر..يـــد فوق كتفك والتانيه ماسكه جناهو
السيرة بالطيارة..من الريــــاض لجدة و تكتح الشرقيـــــة
تنزل مطار الخرطوم..و فى صالة الشخصيات ذوى الاهميـــــة
تشربو الكوكتيل و بــــاقة زهور يدوهــــا ليهــــا هدية
يسكنها الرياض فى فيلا، و فى العمـــــارات الشقة باسمها هى
| |
|
|
|
|
|
|
|
|
|
Re: انــور كيـــنغ...لا داير يعــرس ولا حــاجة (Re: سجيمان)
|
السيد سجيمان،
طبعا أنا وأنت عندنا مشاكل كتيره وقديمه......
لذا ارجو أرسال تلفون فوفو المباشر ، وأنا وهى قادرين على المدعوا أنو كنغ هذا.
يعنى بالواضح كده لانحتاجك لنحسم (مسائلنا) مع هذا الغشاش كنغ....
وكمان مسمى روحو ملك!
ملك فى القرن الواحد والعشرين ؟ فأن عصر الممالك والسلاطين قد....
بس ادينى تلفون فوفو....
| |
|
|
|
|
|
|
|
|
|
Re: انــور كيـــنغ...لا داير يعــرس ولا حــاجة (Re: سجيمان)
|
لكن ياسجيمان انت ذاتك بتبالغ ياخى .. أنور ده ماقال عديـــــــــــــل فى مواصفات العروس ، تكون كوريّة ولاّ صينيّة ، انا ماعارفو عاوز يعرّس كان ولاّ عاوز يفتح محل عِدّة !!
تخريمة : أنور حمدالله على السلامة ومبروك الخطوبة .. الله ريّحك من سجيمان وأم الخير .
ـــــــــــــــــــــــــــــــــــــــ
[email protected]
| |
|
|
|
|
|
|
| |
سجيمان
المكاشفي الخضر الطاهر
Raja
saif massad ali
AnwarKing
خضر عطا المنان
Dr. Moiz Bakhiet
محمد الامين احمد
Elawad Eltayeb
لؤى
فيس بوك
تويتر
انستقرام
يوتيوب
بنتيريست