|
|
 كـــن قـُــرادة..... تحتــرمـك القُـــرُود
|
بدأ يتكون عندي راي كبير.. في طريقة تطفل القُراد......واحيانا تنتابني نوبات احتقار...لهذا الطفيل القليل الفهم..... القراد قاعد يقعد في حتة واحدة طول حياتو...زيو وزي المغتربين في السعودية.... لكن المغتربين في السعودية السفارة وجهاز المغتربين طلعو قُراد اكتر منهم......انا مع التطفل واللبط من حيث المبدأ....وانا زي ما قلت من انصار المدرسة القُرادية....الصق لحام في كل ما هو مفيد... وماهو غير مفيد برضو....الهدف ان الصق.....
اكتشفت انو القمل..... طفيل محترم ....ويستحق احترام كل ذي لب وعقل يميز....القمل يلصق برضو..لكنو بيدي نفسو مساحة كبيرة لكي يتحرك بداخلها.... في الراس..او في حتات تانية.... كتيرة....المدرسة القملية... عندها فائدة كبيرة علي "النتاوة".... اي الجماعة القاعدين يدخلو النت ويكتبو في المنتديات...اذا اردت ان تنجح.... كن كالقملة....يعني ما تلصق في حتة واحدة... زي القُراد قليل الفهم...
وزع نفسك...هنا وهناك....وهنوووووك...
انا وبصفتي نتاوي قديم... ولايوق.... سوف اتبنى هذه المدرسة... المدرسة القملية....
شايف كتّاب كُتار..... يجي الواحد يكتب موضوع واحد وما يلقى اي تجاوب يصاب باحباط ويحرد.....ويمشي.... غلط استمر اكتب وارفع بوستك براااااك والرفع مجاني ومافي قانون حيحاسبك على رفع بوستاتك....طالما انت ما قاعد تسمع راي الناس في حكاية رفعك لبوستاتك دي...لا تثريب عليك......ابقى لهم في تولاتهم..اصلو ما ترحمهم...وحيحصل واحدة من اتنين.... يا يحردو هم ويخلو لك دار الكلاب ترقع...يا يتجاوبو.....وغالبا الاولى هي البتحصل..وبرضو انت الربحان......
انا في بداية حياتي النتية كنت قرادة وما زلت..... وقد افادتني هذه المدرسة كثيرا.... لا احرد.... لا احبط.... لا اتزحزح قيد انملة..ارفع بوستاتي براي بايدي وضراعي....الحمد لله ماها شيتن دايره لها ناس يشالبوها....لكن في الفترة الاخيرة احسست ووفقا لمتطلبات المرحلة ان اتقمّل...واصبح قملة...يعني اي "نتاوي" مواظب محل ما يقبل يقلاني قدامو موقف اضنيّ وكاتل حيلي...ولا نامت اعين الجبناء
|
|
 
|
|
|
|
|
|
|
|
Re: كـــن قـُــرادة..... تحتــرمـك القُـــرُود (Re: سجيمان)
|
| Quote: انا وبصفتي نتاوي قديم... ولايوق.... سوف اتبنى هذه المدرسة... المدرسة القملية.... |
انا وبصفتي نتاوي قديم... ولايوق.... سوف اتبنى هذه المدرسة... المدرسة النحلية....
وما بعجبني الا على البوستات الفيها الودرة الحمرا البتزغلل العيون ديك.....
وبوستاتك عشان ما تزعل...........
وبمشي بعيد من بوسات العجاج والدخان والرماد......
فرانكلي
| |
|
|
|
|
|
|
|
|
|
Re: كـــن قـُــرادة..... تحتــرمـك القُـــرُود (Re: سجيمان)
|
Quote:
زيو وزي المغتربين في السعودية
|
لووووووووووووووووووووووول
و الله انا بعد مرات بفتكر ان السعوديين هم الجوا السودان
بالغتو مع السعوديين ديل والله، حتى لهجتهم غيرتوها
قبال فترة سمعته قصيدة لشاعر سعودى و فيها كلمة زول
و عندهم كلمات كتيرة زى حقتنا، و بتعجبنى كلمة مويه
| |
|
|
|
|
|
|
|
|
|
Re: كـــن قـُــرادة..... تحتــرمـك القُـــرُود (Re: Frankly)
|
فرانكلي
| Quote: كيف بتوفق بين المدرسة القملية والقرادية مع المدرسة الهبابية؟ |
نعم...اصدقك القول انني حاولت ان التصق بالمدرسة الهببابية....ولكي تعيش في مجتمع هبابي لابد ان تكون مهبب مهبب..... ولكن اعتقد انني قد فشلت.....لكن لا والف لا لن استسلم
| |
|
|
|
|
|
|
|
|
|
Re: كـــن قـُــرادة..... تحتــرمـك القُـــرُود (Re: قرشـــو)
|
يا سجيم مان
جبت سيرة القراد
مرة زعلت من صديق لي زعلة قوية
جينا من مشوار وبدأت أحكي عن الرحلة بإعجاب
قام جاب المثل
القرادة قاعدة في مؤخرة الجمل قالت جبنا العيش من القضارف
حسيت نفسي في مرحاكة
تجعجع وأنا الطحين
وانت جبت سيرة القراد
زميلتي في العمل خليجية
وشابكاني أخوي محمد أخوي محمد
راني اشعر بيك زي أخوي
قمت قلت ليها
أكيد حتى أنا أشعر أنني بحبك زي...
وقبل ما أكمل زي أختي
قامت قالت لي
حبتك قرادة
ضحكت كثيراً لإنتفاضتها من كلمة بحبك
وبقيت كل مرة اقول ليها حبيبتي القرادة
| |
|
|
|
|
|
|
|
|
|
Re: كـــن قـُــرادة..... تحتــرمـك القُـــرُود (Re: سجيمان)
|
اهااااااااا يا سي جي
قمنا للختا والعنصرية يا ظلامي..؟
ات القراض دا مو من فصيلة القملياط..؟؟
والقملياط مش نوع من انواع الحشراط..؟؟
التي هي رتبة من رتب اللافقاريات
والانسان دا مش فقاري ومن رتبة ذواط الثدي
لماذا هذه التفرقة العنصرية البغيضة
ولماذا هذا الاقصاء واغتيال الذات
ايها العنصري ..؟؟
| |
|
|
|
|
|
|
|
|
|
Re: كـــن قـُــرادة..... تحتــرمـك القُـــرُود (Re: طيفور)
|
طيفور
| Quote: لماذا هذه التفرقة العنصرية البغيضة |
اراك قد قسوت
انا من مناصري القراد..وللقراد مكانة خاصة في نفسي
وكل ما اشوف قُرادة في اضان كلب ومدلدلة.....اقعد اغني لها
ادلدلي.... و...ادلدلي
وانسيني يوم ما.. تسألي
...وهي تكاويني....وتعاين لي بي عقر عيان وتقول لي " امشي... الشماشي دا"... لكن برضو بحبها....اها؟
| |
|
|
|
|
|
|
| |
سجيمان
ابو جهينة
Frankly
محمد الامين احمد
Agab
abas
قرشـــو
المسافر
طيفور
Saifeldin Gibreel
saif massad ali
فيس بوك
تويتر
انستقرام
يوتيوب
بنتيريست