|
|
|
 Re: الفنــانة صبــاح...و..مــرض حـامــد (Re: سجيمان)
|
سجيمان ااا خوي ...
المره دي مقلعه عيونها كده باين عليها شافت حامد..
وبعدين الزول الشد ليها وشها ده ما كان يكمل جميلوو ويشد ليها رقبتها...
وكان ما اخاف الكذب المرة دي شكلها بالعه ليها مفراكة لانو مقلعة عيونها ويد المفراكة ظاهرة في رقبتها!!!!
وانا سمعت والله يكفينا شر قالو وقلنا انها كانت متزوجة واحد اصغر منها بي اكان اربعين ولا خمسة واربعين سنة ما متذكر...لاكين لازى بالفرار.. عمل تل...ياربي يكون السبب شنوووو؟؟؟؟؟؟
| |
 
|
|
|
|
|
|
|
|
Re: الفنــانة صبــاح...و..مــرض حـامــد (Re: شريف درار شريف)
|
شريف درار شريف
| Quote: وانا سمعت والله يكفينا شر قالو وقلنا انها كانت متزوجة واحد اصغر منها بي اكان اربعين ولا خمسة واربعين سنة ما متذكر...لاكين لازى بالفرار.. عمل تل...ياربي يكون السبب شنوووو؟؟؟؟؟؟ |
السبب يا عزيزي زي ما قال اخر ايامو كانت هي ترقد في العوضة وتخليهو هو راقد في البرندة...وكل مرة ناطة جنبو كديسة مزهللاهو
| |
|
|
|
|
|
|
|
|
|
Re: الفنــانة صبــاح...و..مــرض حـامــد (Re: سجيمان)
|
أخي الدكتور سجيمان أيده الله ورعاه
كل عام وأنتم بخير والعيد مبارك عليك
طبعاً ما إتقابلنا من العيد أون لاين ولا أونتاريو بتاعت كندا أو حتى أون بورد. وأول ما سمعت بي مرض حامد طوالي على البوست بتاعك تووش أصلي أنا من قبلية مزواجة يعني الراجل عند بعرس أربعة حسب الشرع وبتم الباقي في حرينا ولعب الرجال لينا أو لعبة شدت كما يسميها أهلنا أهل العوض والعضد بفرعيهما العاربة والمستعربة تلك اللعبة التي تنتهي بوصول المتاسبق إلى ركن الفريق الآخر دون أن يفك رجله ويسمى القون أو النقطه هنا عرسه أو عرس والمعني بين والله أعلم.
نعود لموضوع ذات الخدود وذات الشامة الشحرورة والله يا سجيمان يا أخوي أنا راجل ما بفهم في الفن التشكيلي وبعتبروا لغبائي وجهلي شبخطة ساكت ده بالنسبة للرسومات التي يرسمها بني البشر من أمثال ليوناردو دافنشي ، وطبعا هناك رسومات تشكيلية برضو برسومها الحيوانات ، يقولو ليك الفيل أب زلومه بقي رسام يضع الفرشاة في خرطومه ويشخبط والشمبانزي رسام واللوحة الفلانية بيعت بمبلغ خرافي ، وكلو شبخطة في شخبطة ، وهناك أيضاً بعض عروض الأزياء التي عتبرها في تقديري المتخلف والغير مواكب للزمن عبارة عن شراميل ودلاقين ما عندها أى معني تلقي الفستان مطلع الركب من قدام وواصل لغاية الأرض من الخلف أو تلقاهو بي يد واحده تقول إحرام لا ولا الطواقي شئ صحن فواكه كامل وشئ صحن سلطه وخضروات والحمد لله إنو الخواجات ما بتعرف الفول زينا وإلا كان شفت عارضة أزياء تعتمر صحن بوش كارب – هوي يا سجيمان ما بوش حق أمريكا البوش حقنا (موية الفول وموية الجبنة وموية الزيت وموية العيش زاتو) غايتو جنس بهدلة وبعد كده يقولو ليك دي خطوط الموضه ما علينا خلينا من الخطوط والتخطيط.
أها زولتك دي والله جنس شراميل عليها وجنس دلوق كان أديتن لي كريم عطانا ولا بت المنى إلا تشيل عكازه وتجري وراك لا وأيه أنا لمن شفتها في الشاشه كنت قايلها بلياتشو أو متعاقده مع شركة دهانات أو بوهيات سادولاك أو سادولين ونوع زولتك دي حسب تشخيص الشيخ على ود جمره تنتفي عنها تهمة الإصابة بالجنون بأنواعه المختلفة إلا أن التحاليل أكدت إصابتها أصابة مباشرة بالإندراوه ولا أدري معناها وإن كنت أعرف عنها (الإندراوه) أنه لا يوجد دواء لها حتى الآن عطفاً على المثل القائل "الجن بتداوى كعبه الإنداروه" وصدق المثل القائل "العطار لا يصلح ما أفسده الدهر" وأنا لو كنت مكانها كنت إتحجبت حتى لو كنت بقرأ في فرنسا أو تركيا
| |
|
|
|
|
|
|
|
|
|
Re: الفنــانة صبــاح...و..مــرض حـامــد (Re: almulaomar)
|
الملا عمر
كل سن وانت طيب
شكرا للتحليل الوافي والضافي عن الشحرورة صباح
| Quote: أكدت إصابتها أصابة مباشرة بالإندراوه ولا أدري معناها وإن كنت أعرف عنها (الإندراوه) |
الاندراوة.... ما عندها هي....الاندراوة عند الوليدات القاعدين يعرسو فيها وهي في العمر دا
| |
|
|
|
|
|
|
|
|
|
Re: الفنــانة صبــاح...و..مــرض حـامــد (Re: سجيمان)
|
الأخ الدكتور سجيمان
الإندراوه أخي عندها هي أما الوليدات القاعدين يعرسو فيها وهي في العمر ده أشد مني ومنك وهم في أسوأ الأحوال مستنكحين وبيوفروا على أنفسهم وبفتشوا لي مالها وحكاية جمالها وذات الدين وذات الشامة دي ما ضرورية على أقل تقدير في نظرهم ، وبعدين يا أخي سجيمان ما في مغتربين ومهاجرين كثيرين من أجل المال وتحسين ظروفهم الإقتصادية بهاجروا إلى دول بتكون على شاكلة الشحرورة دي في ظروف كثيرة مثل النظرات العنصرية الضيقة للمجتمعات التي يعيشون فيها والمضايقات الحاصلة في دول الخليج والخاصة بتوطين الوظائف كما يقولون أو صعوبة انصهار في المجتمع الجديد وهلم جرا. بس والله يا سجيمان واحد في الدنيا دي يقول لي شحرورة ولا شحرور حتى لو بدون نقط فوق الحروف ما أتفك من رقبتو بعد ما شفت شحرورتكم دي. وأريتها يا سجيمان يا أخوي شحرورة السواد والرماد الما حضرها أجواد.
| |
|
|
|
|
|
|
|
|
 Re: الفنــانة صبــاح...و..مــرض حـامــد (Re: سجيمان)
|
دكتور سجيمان
أنت بتجيب جنس المواضيع دى من وين
قلت لي مرض حامد والفنانة صباح كمان
(يحلها الحل بله يا دكتور سجيمان)
بس اسعلك سعال مرض حماد ما يكون
بـ يعادي لو بـ يعادى عشان تانى
نعمل حسابنا وماندخل جنس البوستات دي
السمؤل
| |
|
|
|
|
|
|
|
|
 Re: الفنــانة صبــاح...و..مــرض حـامــد (Re: سجيمان)
|
هييييييييييع أنا خوك يا خولة .. أنا كمان
بزوغلي بي دو ..
زي ما قال الفلاتي ( يا ألله .. إنتو قلتو شنو ..
أنتو قلتو شنو ... بتارية ولا بتانية)
أنا .. بريدك .. وعايز بريدك .. وأريد اليريدك
(يا ربي تكون منو دي)
لآخر سطرين التوقيع/ وليد القلع
تسلم يا غالي وشكراً على الثقة .. حا أعمل ليك إيميل
كنفد،،
| |
|
|
|
|
|
|
|
|
|
Re: الفنــانة صبــاح...و..مــرض حـامــد (Re: aboalkonfod)
|
ابو القنفد
Quote: أنا .. بريدك .. وعايز بريدك .. وأريد اليريدك
(يا ربي تكون منو دي)
|
دي تكون صباح.....والله خايف العجوز دي تتكسر فيني...وبعدين دي مخرفة...بتقولها عديل...
وتقعد تغني
علي الباساطة البساطة
حبك يا سجومي رقدني سلاطة
| |
|
|
|
|
|
|
|
|
|
Re: الفنــانة صبــاح...و..مــرض حـامــد (Re: sara fadul)
|
سجيمان
المشلخات ما عندهن مشكلة ,,, وحسب التأصيل يتم شد الوجه الى ناحية الشلوخ حتى تصبح الواحدة (مرها) وتختفي علامة القراحة وهنا يصدق القول :
اكل الشلخة لامن حصل البادرية ووقي الحوري لي هجمة عريب بت ريا
والشلخة بكسر الشين (من الشنا)اسأل منها الملا عمر ,,,وهكذا لا تكون هناك مشكلة على طرف الاضان
| |
|
|
|
|
|
|
|
|
|
Re: الفنــانة صبــاح...و..مــرض حـامــد (Re: newbie)
|
newbie
| Quote: المشلخات ما عندهن مشكلة ,,, وحسب التأصيل يتم شد الوجه الى ناحية الشلوخ حتى تصبح الواحدة (مرها) وتختفي علامة القراحة |
طيب لو اختفت الشلوخ حيختفي معاها النخرة والخشم......وكل العدة...
| |
|
|
|
|
|
|
|
|
|
Re: الفنــانة صبــاح...و..مــرض حـامــد (Re: سجيمان)
|
أخي الدكتور سجيمان
في قراءة ثانية لموضوع سيادتكم هذا قفز إلى ذهني – طبعاً حكاية قفز دي يعني أمثلها ليك كيف ، شفت لمن تكون في أبو جنزير وتكون درجة الحرارة كم وكمين فوق الصفر طبعاً وتكون خلاص قربت تمرق من هدومك بس تخاف ما تقدر ترجع ليها ، ويكون معاك كمية من البشر في إنتظار حافلة تقلهم إلى ديارهم وبعد أن تزوغ الأبصار وتبلغ القلوب الحناجر تجي الحافلة وبحري نفر أها في اللحظة دي الدخول للحافلة من أى مكان يسمي القفز _ أتمنى أن أكون قد أوضحت وأوصلت فكرة القفز ، أها نسيت أقول ليك القفز إلى ذهني ده حرامي ولا فكرة ولا قرد ولا كديس خلا ، لا دي فكرة ، أها طالما فكرة أكيد يبقى المثل القائل التسوي كريت في القرض تلقاهو في جلدها أو المثل المعدل التسوي بعض بناتنا في الفير أند لفلي أو دينا تلقاهو أو ما تلاقو لا فرق.
| |
|
|
|
|
|
|
|
|
|
Re: الفنــانة صبــاح...و..مــرض حـامــد (Re: almulaomar)
|
الملا عمر
| Quote: كريت في القرض تلقاهو في جلدها أو المثل المعدل التسوي بعض بناتنا في الفير أند لفلي أو دينا تلقاهو أو ما تلاقو لا فرق. |
تعرف ناس الفير اند لفلي واخواتها مليانات بالكورتيزونات.... تسوي الوشي سمح الليلة ....وباكر يكون مافي وشي كلو كلو..... اتفق معك
| |
|
|
|
|
|
|
| |
سجيمان
Ismaeil H. Mohamed
شريف درار شريف
almulaomar
محمد الامين احمد
ايهاب
حبيب نورة
samwal ebrahiem
abas
sara fadul
شمهروش
تكون ملخبط بينا ساى 
Hussein Mallasi
فيس بوك
تويتر
انستقرام
يوتيوب
بنتيريست