|
|
 التعـــب...و...الرقيـص الكعـــب
|
مدخل:-
النوم جافني ..... قسمتو لي جيراني
التتاو.. الوشم.... الرسم في الجسم...... الخواجات ماسكين فيهو قوي.... رجال على نسوان..... تلقى الخواجية.... أي مساحة فاضية في جسما ترسم فيها....حتى المناطق الواقعة بين خطوط عرض حظر الطيران .....مرسوم فيها....وبعدين الخواجيات نسوان طيبات وماهن غتيتات... الواحدة الرسمة وين ما كانت في جسما توريك ليها....لو قابلت واحدة ساكت في درب الله دا..وسلمت عليها وقلت لها كيفنك؟..... تملص جلابيتا وتديك قفاها وتوريك الوشم......وتسعلك والابتسامة تعلو وجهها البرئ..... عجبك؟.....وشم في حتات نحن طعن الحقن فيهن عندنا فيهو راي..... وراي كبير..وممكن دم للركب.....سعدية بت التوم وقت جاتا الموراريا..... والحكيم كتبت لها حُقن.... اول حاجة الممرض شارطوهو يديها الحُقن في الليل....ووقت يجي يطعن الحقنة يطفو النور وهو يغمض عيونو..ويقبل لي غادي.....والحقنه محل ما تنطعن فيها الشفا حتى لو انطعت في المرتبة....ولازمن يكون اخوانا الاربعة حاضرين طعن الحقنة وكلو واحد شايل عكازو وسكينو في ضراعو وحارسين اختهم..... الممرض ان قلّ ادبو وفتح عيونو الله قال بي قولو......اخوها الكبير حلف عليهو بالطلاق علا ياخد الحقنة هو بدل اختو وخايف باكر الممرض يمشي يتونس ويقول شاف البكان البي يطعنو فيهو الحُقن حق سعدية بت التوم وتقعد لهم فضيحة لي جنا الجنا .....علا الجماعة اقنعوهو بعد مداولات و قالو لو النضم دا ما بيبقى.......
....الخواجيات يورن الوشم الفي بكان الحُقن لاي زول ماشي في الشارع.....و اظنو في وشم جديد للناس العميانين.... الواحدة تقول للعميان كدي اديني ايدك وتمسك الايد وتختها في بكان الوشم وتقولو اها تراهو دا...عجبك؟....دا كلو كوم.....والحلَق كوم... حلق في الاضنين وحلق في اللسان وحلق في الكرعين وحلق في الصُرة.... واي لحيمة زايدة معلق فيها حلق.... ما بعرفو الخواجيات فهمن في الحلق الفي الصُرة دا شنو؟.....
شفت لي مطربة عربية خليجية.... راسما الحنة في ضرعاتا.. الضراع اليمين والضراع الشمال..... راسما قلب كبير....وقربت ترسم في ما جاور الضرعات...... بيني وبين نفسي قلت دي.... بعد شوية..الحِنة ترسما في محل الحقن....وتجي التلفزيون وتقابلنا بيها وتغني" رجب حوش صاحبك عني....رجب صاحبك جنني".... براكي كايسة للجن.... حسي دا محل يرسمو فيهو حنة؟......
نسوانا السودانيات الله يغتي عليكن ويحفظكن...... خسمتكن بالله وبالرسول.... كان واحدة فيكن جات تتحن.... وحننت كرعيها حدكن عضيّم الشيطان..... اوعكن تمشن لي فوق....مع اني شايف الحنة زاحفة....والله يستر.....
مخرج من مدخل محرج:-
الايام دي..... كل ما انوم.. يجيني حلم قلل علي منامي....وقلق بي.... احلم اني اتقلبت موبايل..جوال....الناس تحلم انها اتقلبت ملك رئيس انا اتقلب جوال..... قسمة من ربنا الحلم زاتو قسمة....ونصيب.... احلم اتقلبت جوال ونوكيا...... ويدخلو فيني نغمات....كل مرة نغمة جديدة..... في نغمة من النغمات ديل وقت يشغلوها......تكلكلني....واقعد اضحك بي طول حسي...واضحك واتهزا.... يكونو برضو مشغلين الهزاز....البارح نص الليل جاني نفس الحلم واتقلبت موبايل....وشغلو النغمة.. وكلكلتني....وقعدت اضحك...واتهزا.. المرا قامت مخلوعة وصحتني..... سجيمان قول بسم الله مالك.......؟..... قلت لها... النغمة.... النغمة يا ام الخير.. النغمة كلكلتني........
|
|
 
|
|
|
|
|
|
|
|
Re: التعـــب...و...الرقيـص الكعـــب (Re: سجيمان)
|
مرحب سجيمان
انت عارف حلق اللسان ده قالو سمح في السلام ,اي السلام حقهم البتعرفو داك , وشم بلاد مابين الرافدين ده سمح تب اسمو التقاء السماء بالارض يعني نازل لي تحت .وحقاتنا ديل كان عملن حنة لي فوق الكعب ولا تحتو ما في طريق تشوفها
| |
|
|
|
|
|
|
|
|
|
Re: التعـــب...و...الرقيـص الكعـــب (Re: سجيمان)
|
دكتورنا الحبيب .. شنو يا دكتور عرفنا النيل الازرق وندي اها قمته واتقلبته علي الهوت بيرت والافلام ايها علشان تشوف الحلق وما ادراك ما الحلق ... غايتو الله يكفينا شر الهوت بيرت ده اما بناتنا دايما رائعات حتي في بلاد الهوت بيرت ودمته عزيزا
| |
|
|
|
|
|
|
|
|
|
Re: التعـــب...و...الرقيـص الكعـــب (Re: ابو جهينة)
|
ابو جهينة
| Quote: يعني يا سجيمان كيفن يفرقو بين برتكان أبو صرة و البت أم صرة ؟ لا زم يكون في حلق عشان يقدرو يفرقو بين الصرة أم حلق من الصرة حقة البرتكان |
بلاضو والله كلام معقول....طيب نحن محتاجين برضو نفرق بين الصرة والدوم ابوصرة
| |
|
|
|
|
|
|
|
|
|
Re: التعـــب...و...الرقيـص الكعـــب (Re: سجيمان)
|
سجيمان ازيك
لاكن ما وريتنا موديلك كم؟؟
غايتو لو بقيت موبايل تلاتين عشرة (3310) ( أهل العوض) مصويبتك موصيبة ...
ما سمعت بالزول الجا يخطب لو بت وبعد ما مرق البت قالت ماها دايارهو سألهوها مالو ..
قالتلهم ما شوفتهو شايل اهل العوض؟؟
غايتو انا اتمنالك ما دام اصلك بقيت موبايل يكون عندك كاميرا ...تقدر تعاينبها الوشم وغير الوشم!!!!!
وكمان سمعت موبايلات بالأشعة الحمراء تخليك تشوف محل الحقن برضو
مبروووووووووووووك
تحياتي
| |
|
|
|
|
|
|
|
|
|
Re: التعـــب...و...الرقيـص الكعـــب (Re: الزوول)
|
الزوول
| Quote: غايتو انا اتمنالك ما دام اصلك بقيت موبايل يكون عندك كاميرا |
لا.. لا..... يا اخوي يقوم واحد صلعوك يصور بي بت رجال ويجو اخوانا يدقوهو ويمسكوني يكسروني....واصبح الصباح القى نفسي مرضرض فوق العنقريب....وانا عندي وليدات قاعد اربي فيهم..... يا بي ديل بعدين يبقو موبايلات صغيرة ؟
| |
|
|
|
|
|
|
|
|
|
Re: التعـــب...و...الرقيـص الكعـــب (Re: سجيمان)
|
سجيمان الله يديك العافية ويحفظك لينا من قوانين البورد الجديدة
بس يا اخوي في زول بحلم بانو اتفلب نوكيا و كمان يقولو ليهو كفارة غايتو انا بقول ليك الف مبروك وربنا يحفظك من الكاتل واركسون وسامسون الشينين وانشاء الله الحلمة الجاية بكمرتك
| |
|
|
|
|
|
|
|
|
|
Re: التعـــب...و...الرقيـص الكعـــب (Re: aosman)
|
الزميل هنا وفي الاضواء
سجيمان
وحات نضري انا كنت قايله انو(اشنف) من مشي
على كرعينو هي نصف شغالتنا السيرلانكية
مع انها لا تتحدث اي لغة اعرفها
ومع ذلك هي شنافة لدرجة انها
شنفت (هيفاء وهبي) تلك الجميلة
حد المقياس الجمالي ..
قالت ليها كده بالله زحي كده عاملة
عاملة حنتك الحمراء دي
لكن انت ختري ، واشنف منك مافي
الله يستر على مرتك
| |
|
|
|
|
|
|
|
|
|
Re: التعـــب...و...الرقيـص الكعـــب (Re: shiry)
|
الرائعة شيري
| Quote: نصف شغالتنا السيرلانكية |
دا شنو يا شيري؟..... النص الباقي وديتوهو وين؟..... شيلو شيلتكم مع اهلها.. بعدين السيرلانكين والهنود والبنغال....ناس بتاعين شبك.....غايتو كان النص ضاع منكم دبرو نص من اي حتة ..ان شاء الله نص غنماية ولصقو فيها......
| |
|
|
|
|
|
|
|
|
|
Re: التعـــب...و...الرقيـص الكعـــب (Re: aosman)
|
: aosman
| Quote: سجيمان الله يديك العافية ويحفظك لينا من قوانين البورد الجديدة |
بس يحفظني من القوانين؟؟؟.... يعني ان شاء الله اتفلب اي حاجة ما مشكلة....
تعرف اسمك دا ينفع اسم بتاع شركة بتاعت موبايلات
| |
|
|
|
|
|
|
|
|
|
Re: التعـــب...و...الرقيـص الكعـــب (Re: سجيمان)
|
سيجيمان يا عزيز..
طبعا انا المدخل الأولاني الجبتو ده لا بعرف أفتي فيهو ولا بكضب  ..
لكن المخرج الفي النهاية بتاع الحلم يهمني للغاية.. ودي لأنو عرفت السبب القاعدة اريدك بيهو.. لأنك "نوكيا"  ..
تخريمة: من شهر كده في زول رسًل لي رنة "القربو يحنن، وبعده يجنن" أصلو ما عرفتو منو.. سألت زول زول من ناس القاهرة حلفو بالتقطعهم انهم ما رسلوها.. الليلة يا دابي عرفته منو  ..
| |
|
|
|
|
|
|
|
|
|
التعب والرقيص الكعب (Re: سجيمان)
|
| Quote: و اظنو في وشم جديد للناس العميانين.... الواحدة تقول للعميان كدي اديني ايدك وتمسك الايد وتختها في بكان الوشم وتقولو اها تراهو دا...عجبك؟.... |
اخى سي جس
تعرف العميانين ديل محظوظين اكتر من المفتحين
ولا رايك شنو ؟ .....
| |
|
|
|
|
|
|
|
|
|
Re: التعب والرقيص الكعب (Re: ahmed shaaeldin)
|
الاخ العزيز سي جي ،،،
بركة الدخلو ليك نغمات و بقيت تتهوزز يا خوي .... كعب يركبو ليك كهربة ... و يبدو يشحنو فيك .... و بعد شوية البطرية تكمل و تعمل (بتري لو ) و تبقى محرج مع ام العيال ...
و دمت يا سيجي ...
| |
|
|
|
|
|
|
|
|
|
Re: التعـــب...و...الرقيـص الكعـــب (Re: سجيمان)
|
سجيمان
الرسول عليك انت الحلوق دي شفتها وين كان سعلوك؟
أعدم نظري انا ما شفتها الا مرة واحدة
عشان كنت معزوم مع جاري الهندي المسخوت دة
ومن ديك وعيييييك
بقيت أتاوق مرة مرة
ومسكتني ليك عقدة حلقيب
اقصد اوديب
اهاااااا
عاد النسوان ديل ختيتن في ا##########
ما خليت ليهن صفحة يرقدن عليها
وزي ما قالت شيري
والله انا جنس شنافك ما شفت
لا حولة لا قوة
| |
|
|
|
|
|
|
|
|
|
Re: التعـــب...و...الرقيـص الكعـــب (Re: سجيمان)
|
..
.
مع اني شايف الحنة زاحفة....والله يستر.....
سلام يا سي جى يا دليشز 
والله جينا لقيناها زاحفة شديد للضراع والخوف تصل الكورنه
وتنعكس بزاوية حادة .. ودا كلو كوم والماشه فى زاوية 180 درجة
دى كوم حدها الظاهر ( الرحط) ..
والله متعتنى في زمن صعب ..
دمت يا دوك والله يوقف الهزاز
سلام
| |
|
|
|
|
|
|
| |
سجيمان
saif massad ali
willeim andrea
ابو جهينة
motaz
الزوول
aosman
shiry
Raja
ahmed shaaeldin
Sobajo
حبيب نورة
humida
فيس بوك
تويتر
انستقرام
يوتيوب
بنتيريست