|
|
 سيدان..تفجيرات ننوية بالسودان... اغتيال توت عنخ امون
|
الخواجات ديل حليلكم منهم.....ديل قهرتهم بي الله....امريكا حاقرة بالناس حقرة السواد والرماد...وفرنسا مسيكينة قدر ما ودو ليها زول ميت تقعد تصوط فيهو اسبوعين وتلبد وما تنضم وبعدين حتين تجي تقول الزول دا مات موت الله ساكت......شدة ما ارتحت ونزل مني هم وقت عرفت انو توت عنخ امون ما مات مكتول وقتي كلو هامي حكاية توت ديو قاعد اشحد في الله يا توت يلقو فيك عقاب موراريا.......وخايف الامريكان باكر دي يقولو للمصرين علا تجيبو الناس الكتلو توت عنخ امون ويقومو المصرين يشبكوها فينا ونحن نقعد نحوص ونلوص ما نعرف نسوي شنو؟....علا فرنسا اريت ربي يضربا ياها بيضا ويعدلا عليها محل ما تقبل..الدولة الطيبة العديّلة... الما حقّارة.....بارك الله فيها التشتا لي امريكا وطلعت توت مات موت الله....والزاد فرحي انو التفجيرات الننوية كانت في سيدان في نيفادا....لكن الخواجة القال النضم دا خلي بالكم زول بتاع سواطة ولخابيت..وداير يسوطنا مع امريكا...ويقعد هو يقرقر ويضحك...يعني كان غالبو يقول نيفادا....؟...مالو مسوينا في شك وظن..والزول السواط اصلو ربنا ما بيفتحا في وشيهو...... اليعرف النضم دا.....
انا اصلي وقت سمعت الخبر حضرت لستة بي ناسي الماتو بالسرطان..وزدتهم من الناس الماتو بلا سرطان..وحتى حمارة جدي عبد الله الماتت بي سرطان الضنب سجلتها........وكنت ناوي امريكا دي اخليها تشرب ما تروى......وقدر ما جاني مرض سجلتو..وناوي نية كعبة خلاس...ناوي اتشبك في امريكا دي وانا زول شبكة.... تاني الحلة بله زات نفسو ما يحلني منها... لكن ربنا شافا...وكنت اشارطهم ....بوش يستغيل وكوندا تستغيل....ومايكل جاكسون تاني ما يفتح خشمو يغني ويرجِع لونو الاساسي......ويرسلو لي عشرة فنايل تي شيرت مكتوب عليها اي لوف يو..ويدوني فيزا وبعدين كرت اخدر...ويعرسو لي الممثلة الاسمها كيلي بروك .... حتى ان قالت ما دايراني وحردت وجرت علي الخلا برضو ما يخلوها يلحقوها ويجيبوها ويعرسوها لي.. وانا ما بيخليها حتى ان انتحرت وماتت اليدوني ليها....حتين اتنازل من الشكوى......وامريكا دي ما تشوفنا كدي.. خلي بالكم... نحن ناس طيبين علا كان قمنا خترين خلاس........
|
|
 
|
|
|
|
|
|
|
|
Re: سيدان..تفجيرات ننوية بالسودان... اغتيال توت عنخ امون (Re: هشام مدنى)
|
Al-Rayyam daily
March, 10
من ناحيته، طالب المستشار السياسي لرئيس الجمهورية د. قطبي الحكومة والشعب باتخاذ موقف حازم وقوي تجاه التفجيرات النووية الامريكية التي حدثت بالبلاد عامي 62- 1970 . وقال في تصريح لـ (سونا ) تعليقا على ذلك اعتقد ان هذا موضوع الساعة بوصفه اعتداء صارخا على سيادة البلاد والجانب الاخلاقي فيه جانب مريع واضاف نهدي هذه الكلمة للامين العام للامم المتحدة الذي يصف مايجري في دارفور بانه مرعب. ودعا دكتور قطبي لاثارة هذه القضية على اوسع نطاق وعدم تنازل الشعب عن حقه ابدا. واهاب المستشار السياسي لرئيس الجمهورية بالامة ان تكون على قدر من الوعي والانفعال والتجاوب تجاه هذه الاشياء وان يكون لها دور رائد ومتقدم على موقف الحكومة . واوضح مستشار رئيس الجمهورية السياسي ان اثار هذه التفجيرات النووية بدأت تظهر الآن وان الناس كانوا يتساءلون في الماضي عن امراض لم تكن من امراض البيئة المعروفة واضاف يبدو ان الهواجس التي تدور في اذهان السودانيين عن وجود اشعاعات نووية كانت صحيحة وقد اثبتت التقارير معظم هذه الهواجس والشكوك واشار دكتور قطبي لخطورة هذا الامر ومدي تأثيره على موقف الولايات المتحدة تجاه السودان في هذا الوقت بالذات لانها وضعتهم في مكان المتهم والمجرم مشيرا الى ان الحكومة التي كانت تتولى المقاليد العام 1970 كانت ذات ميول يسارية ونفوذ كبير للحزب الشيوعي..
| |
|
|
|
|
|
|
|
|
|
Re: سيدان..تفجيرات ننوية بالسودان... اغتيال توت عنخ امون (Re: سجيمان)
|
علا فرنسا اريت ربي يضربا ياها بيضا ويعدلا عليها محل ما تقبل..الدولة الطيبة العديّلة... الما حقّارة.....بارك الله فيها التشتا لي امريكا وطلعت توت مات موت الله
يا سجيمان هو بالله توت مات موت الله؟؟؟؟؟؟؟
وقعدو يغشو فوقنا اربعة سنين فى الجامعة انو الراجل مات مكتول؟؟؟؟
الله قادر..
هسة زى دة ما بخلينا نرفع قضية تعويض على الجامعة بسبب توت والكلام القالوهو عنو بالكضب؟؟؟دى هسة عاد ما قضية إشانة سمعة و كضب ضار واااااضحة
| |
|
|
|
|
|
|
|
|
|
Re: سيدان..تفجيرات ننوية بالسودان... اغتيال توت عنخ امون (Re: سجيمان)
|
صباح الخير يا دكتور
وبعدين أحسن ليك تبعد من شبكة الأمريكان ديل إنت ما سمعت بي قصة أسامة في السودان قالوا البلاقيهوا كلو بقول ليهوا أسامة الحيوان .. الجماعة شبكوهوا ليك أسامة الحيوان ..أسامة الحيوان لمن طفش وقال يسافر أمريكا والبلد الما فيها إحترام للبشر دي ما بجيها تاني .. ولمن وصل مطار نيويورك قالوا ضابط الجوازات بيقرأ في إسموا ولقي أسامة .. فقال ليهوا أسامة بن لادن ..صاحبنا رد بي سرعة ..لا أنا أسامة الحيوان..وليهو حق صاحبنا خايف من الشبكة ..
وفرصة ندي البوست دا رفعة
| |
|
|
|
|
|
|
| |
سجيمان
A.Razek Althalib
saif massad ali
Kostawi
lana mahdi
Emam Hassan
أحمد الشايقي
فيس بوك
تويتر
انستقرام
يوتيوب
بنتيريست