|
|
 و.... لِحقــت...... سميــرة دُنيــا.... اُمــات طــه
|
جيت جاري جري علي البيت.. قلت متين اصل.. والعنقريب جاك زول.. فتران فتر شديد وتعبان تعب شديد ..و....نعسااااان.... النهار كلو واقف علي طولي..غايتو السعودية ما خلت لنا صفحة نرقد عليها.....جيت الساعة تسعة بالليل.....ورقدت وقلت شوية اتفرج في قناة النيل الازرق اصلهم ناس النيل الازرق ديل مسوين لي عمل....وانوم وانا بتفرج وانا نعسااااان..... قومي تعالي يا سميرة دنيا....واقعدي غني هل تدري يا نعسان وانا طرفي ساهر...... وحات الله دخلتني في اضافريني......صنقرت.....وقعدت اسمع فيها....واعاين لها وانا اشهّق....وفي سري قلت لها انتي برضو.... لحقتي امات طه؟.....ووقت قالت... ليلي ونهاري لي حيك بهاجري..... عقلي طوالي مشى الثورة.. مش اهلي هناك....ولما قالت ما بخشى لوم في هواك ما بخشى زاجر...هميت .....وخفت تكون بت الناس دي قاعدة تمشي وتشولت علي بيتنا.....وتقوم امي تتلوم فيها وتزجرا وتسمعها نضم مو سمح.....وتتمسخ عليها وتقولها الولد دا اختيهو.. الولد عندو وليدات قاعد يربي فيهم...........لكن ان شاء الله يا سميرة.... الله لا يسهلك وتخبري بيتنا......
سميرة دنيا.. تتمتع بصوت قوي....ومتمكنة.....وماها قاعدة تتعب في الغنا..... مارتاااااحة...وتطربك لحدي الثمالة.....
انتهت الغنية..وجريت الملاية فوقي...وانا في غاية الاستعجاب...وقمة المحنة......والمحيرني الفنانات ديل ما شافن لهن شغلة غيري........ااسوي كيفن هادي انا؟......... لا لكن... سميرة دي عرفتني كيفن؟.... تكون ندى حدستها؟..... مافي زول قال لي ندى دي قوالة......غايتو ان حدستها تبقى اتلومت فيني لوم كبير....والخوف تحدس نانسي عجرم..........
والله الواحد خجل من الشكية......... كل يوم مشتكي من فنانة انها مكسره فيهو.....اها شِن الرأي؟؟؟؟؟؟......
الرأي بس... ابيع التلفزيون....والدش.....واقعد ساااااكت كدي.....واشوفن تاني دايرات يغنن لي منو؟
|
|
 
|
|
|
|
|
|
|
|
Re: و.... لِحقــت...... سميــرة دُنيــا.... اُمــات طــه (Re: jini)
|
| Quote: الرأي بس... ابيع التلفزيون....والدش.....واقعد ساااااكت |
المشكلة يا سيجي هتكون مشكلتنا انحنا ديل ..
انت هتبيعن .... لكن انحنا لسة التلفزيون عندنا ،،، و كل ما نسمع ندى ولة سميرة بيصدحنلهن بي غنية ،،، هنتذكرك طوالي .... و نعرف انهن قاصداتنك انت ....
البحلنا نحنا شنو ....
ولة الراي شنو ...؟؟؟
| |
|
|
|
|
|
|
|
|
|
Re: و.... لِحقــت...... سميــرة دُنيــا.... اُمــات طــه (Re: Sobajo)
|
صاحبي سوباجو
اها؟..جايي متين تاني في التلفزيون؟
Quote: انت هتبيعن .... لكن انحنا لسة التلفزيون عندنا ،،، و كل ما نسمع ندى ولة سميرة بيصدحنلهن بي غنية ،،، هنتذكرك طوالي .... و نعرف انهن قاصداتنك انت ....
البحلنا نحنا شنو ....
ولة الراي شنو ...؟؟؟ |
تكونو لجنة.....وتمشو لن عند اهلن وتشحدوهن يخلن الغنا كلو كلو... لحدي ما اموت انا....وبعد داك كان دايرات يغنن ... مافي مشكلة.......
| |
|
|
|
|
|
|
|
|
|
Re: و.... لِحقــت...... سميــرة دُنيــا.... اُمــات طــه (Re: سجيمان)
|
أخي الكريم الدكتور سجيمان
تقول الحاجة ست البنات لي حدهن "الجن بتداوي كعبخ الإندراوه" أحسب أخي نك تمر بهذا الطور أى مرحلة الشرنقة وهي المرحلة التي تسبق مرحلة اليرقة لذلك تظهر عليك عراض الإندراوه ومن بينها أنك كلما تعاين في المريا تتبسم وتقول ليها كلميني وبرضو تجري وتجيها راجع ، وهي عادة المرحلة التي تعرف بالزون حيث أن كل من يصلها ويدخلها يكون قد بلغ أشده وبدأ في التقهقر أو ما يعرف في أمثال الشماشة بمصير الكموش يبقي برطوش ، وهو ذات الصياغ نجد عبارة قرن التبش الكنكش ويبس ويمكن أيضاً تشبيه الوضع بالنجوم والفنانين في دولتنا فما أن ينتهي النجم إلا ويتجاهله الناس وتتناساه الجهات المختصة ومن يومها يشوف ليهو ركن أو كورنر ويدفن ليهو لستك عربيه للنص ويصنقر مصاقر الشارع والناس تسلم عليهو وبعد ما تبعد منو شوية يقولو مسكين والله شوف الزمن زمان كان نجم الناس كلها تتمنى تمشي معاهو وتصاحبو وهسع بعد ما خلاص لحق الصح الناس تتاوق بي فوق الحيطه ولمن تشوفو قاعد في لستكو يزوغو بالباب التاني وعجبي.
| |
|
|
|
|
|
|
|
|
|
Re: و.... لِحقــت...... سميــرة دُنيــا.... اُمــات طــه (Re: حسام يوسف)
|
من زمن اخيانى و اخياتى الله يديهم العافيه و ابعد عنهم الحاسدين عرسوا كلهم لقيت نفسى طمت من بيوت الاعراس و كان بقت المجامله لازمانى قال ليك بمشى مع دخلت العروس ابارك و ازوق..بصراحه الاسباب كتيره اولاك يا التبادى الكبر وتوابعه و اهمهابقيت ما بحمل الصوت العالى و الادهى و الامر بقيت ما بقدر اغنى مع الفنان...
اها بعد المقدمه دى...قبل ما اجى بلد الناس الما بدورهم ديل بيوميت اتعزمت عشا فى السودان بسميره دنيا طبعا ما بتفوت..قال ليك يا سجيمان مشيت ليك عليها عديل و حلفت ما اقوم من التربيزه القاعده فوقها... بس لصقه..يا زول دى اول مره احضر حفله حيه بسميره دنيا..المهم انا مقتنعه تماما انو الزوله دى ما عندهاحبال صوتيه او بتكون اتبرعت بيهم لعبدالعزيز المبارك..
اها قال ليك جماعه اصحابى جرجرونى للرقيص عاد حلفت ما اقوم وقلت ليهم ما بقدر لانو سميره دى دنيا دى بتقتل الحيل..اها افتكروها نكته و قعدوا يضحكو.. لكن و الله يا سجيمان الزوله دى مش قتلت حيلى بغناها وبس و الله بكتنى عديل كده... بالجد انطربت لمن بكيت..
| |
|
|
|
|
|
|
|
|
|
Re: و.... لِحقــت...... سميــرة دُنيــا.... اُمــات طــه (Re: almulaomar)
|
الملا عمر
| Quote: ويمكن أيضاً تشبيه الوضع بالنجوم والفنانين في دولتنا فما أن ينتهي النجم إلا ويتجاهله الناس وتتناساه الجهات المختصة ومن يومها يشوف ليهو ركن أو كورنر ويدفن ليهو لستك عربيه للنص ويصنقر مصاقر الشارع والناس تسلم عليهو وبعد ما تبعد منو شوية يقولو مسكين والله شوف الزمن زمان كان نجم الناس كلها تتمنى تمشي معاهو وتصاحبو وهسع بعد ما خلاص لحق الصح الناس تتاوق بي فوق الحيطه ولمن تشوفو قاعد في لستكو يزوغو بالباب التاني وعجبي. |
يا الملا...والله نضمك دا .....يدخل القلب ويعمل فيهو عمايل...... الموت ان خلاك الكُبُر ما بيخليك...
ويا حليلنا نحن......
| |
|
|
|
|
|
|
|
|
|
Re: و.... لِحقــت...... سميــرة دُنيــا.... اُمــات طــه (Re: سجيمان)
|
صاح كلامو يا جماعة وانا شوف عينى يوم سجيمان بحلق عند
الحلاق..البنات يتخاتفن فى الشعر من تحتو زى الغنم تحت
سير الطاحونة شى لبنانيات وشى سعوديات وشى سوريات
والمغربيات ما يدنك الدرب ..والخواجيات ديل يتباكن
والدموع زى العيش ومالاقيات صوفة يشيلنها ويقولن
KOR ALENAAAAAAAAAAAAAAAAAAAAA وسجم اور ماوس وما عارف شنو
فطبيعى يتكسرن فيه من سميرة لى جوليا روبرتس ولى لاتويا
جاكسون وفيفى عبدو.هييييييييييييييييييييييييييييع،،
| |
|
|
|
|
|
|
|
|
|
Re: و.... لِحقــت...... سميــرة دُنيــا.... اُمــات طــه (Re: صديق الموج)
|
الموج
Quote: البنات يتخاتفن فى الشعر من تحتو زى الغنم تحت
سير الطاحونة شى لبنانيات وشى سعوديات وشى سوريات
والمغربيات ما يدنك الدرب ..والخواجيات ديل يتباكن
والدموع زى العيش ومالاقيات صوفة يشيلنها ويقولن
KOR ALENAAAAAAAAAAAAAAAAAAAAA وسجم اور ماوس وما عارف شنو
فطبيعى يتكسرن فيه من سميرة لى جوليا روبرتس ولى لاتويا
جاكسون وفيفى عبدو.هييييييييييييييييييييييييييييع،، |
انا عاااااارفك بتتضحك علي.....عشان اسمح منك واصغر منك
| |
|
|
|
|
|
|
| |
سجيمان
Saifeldin Gibreel
jini
Sobajo
محمد حامد جمعه
عصام دهب
محمد الامين احمد
حسام يوسف
Siham Elmugammar
المكاشفي الخضر الطاهر
merghani hamza
A.Razek Althalib
tmbis
willeim andrea
صديق الموج
بلدى يا حبوب
طه حسن عبدالله
بكرى ابوبكر
فيس بوك
تويتر
انستقرام
يوتيوب
بنتيريست