|
|
|
 Re: ود الصـــول.... الذي اعـــرفه (Re: سجيمان)
|
يا سجيمان يا بلوة...اريت ابوى كان قطع....بالسوط تغشاه الرحمة
ذلك الراجل الطيب وانا كنت بقول ليه زيكم عمى الطيب او عمى الصول
والذى كان يلبس رداء جيبه لا انساه اسمه عثمان وهو لما كان معانا فى اولى تجانى كا كويس ياكل الطعام ويمشى فى الاسواق..اها فى سنة تانية قام جنا جنو داك والغريبة كان بيسف ونحن ما سوينا سواتو..المهم الله هداه...وثانيا كان معنا المرحوم مجدى محمد حسين ابن صاحب المدرسه لهم الرحمة وكان ورانا بى دفعة..المهم عليه الرحمة كان ملتزم بالزى المدرسى وياتى مبكرا وانا عكسه تماما ويوم جيت لابس قميص احمر انجليزى وبنطلون ولا اخفيك سرا من بيت الحفلة لى ونسة فى الكراسى مع البنات لى قديم البعض منهن لى المدرسة وبدون ادنى علامه من علاماتها
لا كراسات لا كتب ولا يحزنون..قام استاذ جعفر سعد اصر ان اذهب الى البيت ولم يكن يدرى اننى ود الصول وقال لى جيب ابوك..قمت قلت ليه ابوى شغال فى سوق الخضار وقال لو لقى ليه زول يحرس لبه فراشة الخضار بجى..وكل يوم انا اردد تلك الاسطوانة..قام قال لى ما عندك عم او خال او اخو كبير ..قلت ليه عمى واحد ومسافر وعندى خالين لكن ما فى امدرمان وانا ولد واحد عند اهلى والله يشهد نحن عشرة امى الله يعافيها لاكانت بتعرف حبوب ولالولب ولا لالوب..المهم اخيرا قال لى خليك اوديك للصول يأدبك..وقدر ما حاولت اقنعه يخلينى لى باكر يمكن ابوى يلقى ليه زول يحرس الفراشة حقت الخضار..او احد اخوالى يعود من السفر ..رفض استاذ جعفر سعد ذلك العرض..وانا اشيل واخسم فيه..والراجل مصر على الصول..المهم اتوكلت على الحى الذى لا يموت ومشيت لعمى الصول ..الاهو ابوى فبينما نحن متجهين لى عمى الصول عليه الرحمة فاذا به يبسم بسمة اعرفها عنه ممزوجة بعدم الرضاء عن مصايبى الكثيرة..انا المفروض اكون قدوة..فقال للاستاذ مالوا الشيطان ده فاجاب الاستاذ..انت بتعرفوا فقال له عمك الصول نعم ده صديق ولدى ..ونظر الى استاذ جعفرنظرة معناها حرام تكون ولد الراجل
الطيب ده وقال لى انصرف..ولكن الوالد اصر على حكاية الجلد قال ليه يتعامل معاملة الطالب ويتادب هنا جنبى..قمت قلت ليه ياعمى الصول الاستاذ قال لى امش مالك انت متمسك كده وكان ما قرر الوالد ..بعدها نادانى استاذ جعفر وادانى درس فى الاخلاق كان لى نبراسا حتى تركنا المدرسة...
رحم الله اساتذتنا الاجلاء ومن بقى منهم ندعو له بطول العمر...
استاذ النور عثمان ابكر،المعز مصطفى الدسوقى..ابراهيم اسحق..ونجت
برسوم..حامد الجعيلى..محمود محمد الماحى..عمر حسن الطيب ..طه..نورين..عوض احمد..عوض حسن احمد..جعفر سعد..عبدربه
دفع الله..محمد عبد القادر..وكثيرين غيرهم..
اما انت يا قشيران شكيتك على الله وسوف افرد لكم بوست واكشف لكم
اسماء الكثيرين ممن عرفتهم فى البورد من اولاد الدفعة ويختبون تحت
اسماء حركية..والله مش كده ياود محجوب وكوستاوى واخرون ..تلك ايام نواضر رعاها الله ورد غربتنا وتسلم يا جبان والباقى بتموا بالماسنجر
تسلموا،،،،،
| |
 
|
|
|
|
|
|
|
|
Re: ود الصـــول.... الذي اعـــرفه (Re: صديق الموج)
|
صديق
| Quote: اولى تجانى كان كويس ياكل الطعام ويمشى فى الاسواق..اها فى سنة تانية قام جنا جنو داك والغريبة كان بيسف |
كان بيسف ويلف ويكتح..... الله يسعلني ما بهتو.......كان صاحبي قبل ما يجن.....وبعدين كجني بي الله واحد.....كان كجنتو لي في علاقة طردية مع زيادة رداهو....
ونسيت يا صديق الاستاذ ابو الزين رحمة الله مدرس الدين....يوم جانا وشيهو فيهو لصقة كبيرة سالناهو .....قال دقشتو كارو.... وكان جاد..... وبرضو كان زول دمو خفيف جدا..وطيب خالص... عليه رحمة الله ورضوانه
| |
|
|
|
|
|
|
|
|
|
Re: ود الصـــول.... الذي اعـــرفه (Re: سجيمان)
|
لا لا لا لا لا لا لا يا دكتور.. لا وألف لا.. ما ينفع. وين الخط الكُبار الأحمر...
Quote: فيهم واحد رداهو في النهاية اتكون من اربعة قطع مختلفة الالوان....وكان يطلع ياذن لنا جنب العلم في نص الساحة.....
|
دي ضحكتني شدييييييييد
بنت الحسين
| |
|
|
|
|
|
|
|
|
|
Re: ود الصـــول.... الذي اعـــرفه (Re: مريم بنت الحسين)
|
استاذ النور عثمان ابكر،المعز مصطفى الدسوقى..ابراهيم اسحق..ونجت
برسوم..حامد الجعيلى..محمود محمد الماحى..عمر حسن الطيب ..طه..نورين..عوض احمد..عوض
حسن احمد..جعفر سعد..عبدربه
يا جماعه نحن ماكنا كويسين بنمشى الشغل وعلى البيت و هكذا تواليك....محمد حسين ما كانت مدرسه و بس بل كانت قلعه من قلوع النضال...الكثير لا يعرف انو هى الشرارة الأولي التي قامت بما يسمى بمظاهرات السكر....ح أجيكم راجع لمن أجيب ولدي من المدرسه...بالمناسبه دي ولدى الأول سميته على اسم أستاذي المعز...يا عادل انت فتحت الباب شوف ليك محامي عشان يقفلو ليك...ولى عوده
| |
|
|
|
|
|
|
|
|
|
Re: ود الصـــول.... الذي اعـــرفه (Re: سجيمان)
|
دقايق يا سجيمان وانكتلكم الزمن دااااك كلو...بس وريني استاذ النور درسك رياضيات والله شنو؟ عندي معادله في رأسي دا من زمن الشواطين الطلطاشر وشغال في الحل هسع من كلامك دا....الحل بيجي
وررررررررررررررررررررررررررررررررررررررررررررررررررررررررررر
والمرحوم مجدي محمد حسين دفعتك يا صديق الموج....امانه الليله ما
وررررررررررررررررررررررررررررررررررررررررررررررررررررررررررررر
| |
|
|
|
|
|
|
|
|
|
Re: ود الصـــول.... الذي اعـــرفه (Re: nazar hussien)
|
ازيك يا سجيمان،قلت لي رداك كان برشوت،دا في العام ولا الثانوي؟
انا في تالتة عام لاقتني بت جيرانا في السهلة وانا راجع البيت..عاينت لي واتبسمت وما قالت حاجة،رجعت من درس العصر لقيت ليك البيت كلو بضحك فيني،البت قالت رداي بشبه برمودت الجكس، تاني يوم طبقت ليك بنطلون فيالشنطة وفي طريق الرجعة قشرتو ليك واول ما لاقيتها ليك رحتة محدر ليك في عيونة شدييييد لمن خجلت ودنقرت
وتسلم يا ظريف
| |
|
|
|
|
|
|
|
|
|
Re: ود الصـــول.... الذي اعـــرفه (Re: سجيمان)
|
أولا رحم الله عمنا الطيب الصول و أسكنه الله في جنانه ولنا ولكم الرضى بحكمه و وهو الحاكم الغفور العادل.
وهذه فرصة لذكر ما أختارهم الرب بجانبه من تلك المناره العلميه التي تخرجت منها أجيال خيره خدمت و مازالت تخدم هذا الوطن الأبى.
رحم الله أستاذناو ناظر مدرستناونجد برسم
رحم الله أستاذنا ود الذين
رحم الله أستاذنا و شاعر الأجيال عوض حسن أحمد
رحم الله أستاذنا السنجك (الحاوي)....
سميناه الحاوي أنا والأخ أبوبكر والأخ ودالنصري والرشيد عبد الرحن..كنا طلبة رياضيات بنحل المسأله في صفحة كامله ولمن نجى الصباح في الحصة السيد الحاوي كان بحلها في سطر واحد..وبدأنا نسميه بالحاوي..وكان يكره هذه التسميه..و أتذكر يوم قال لأبوبكر السحار أنا ما حاوي لكن أنت عندك تخلف راكبك...رحمه الله فقد توفي بالسعوديه في حادث حركه...قال عنه السحار أبو بكر عند سماعه الخبر "الحاوي كان مستعصيه عليه مسألة رياضيات لو سمع نصيحتنا و حلاها فى صفحه كامله ده ما كان حصل....قالها وكان يزرف دما".
رحم الله أخونا و زميلنا السواحلي الذي مات غرقا بأمريكا.
رحم الله زميلنا الأخ مجدي محمد حسين...صاحب الأبتسامه العريضه...شاب أخو أخوان.
ولى عوده
| |
|
|
|
|
|
|
|
|
|
Re: ود الصـــول.... الذي اعـــرفه (Re: سجيمان)
|
السواحلى الكبير يا سجيمان ..اسامة عليه الرحمة
ايضا من الذين توفاهم الله زميلنا غز الدين عبد الرضى (عتود) من اولاد الحارة 12
يا نصر وكان فى فربق المدرسة الرياضى الاول ايضا الزميل
خالد عبد الرحمن سيكا لاعب المريخ والزهرة غليه الرحمة..
وحا ارجع ليكم،،
| |
|
|
|
|
|
|
|
|
|
Re: ود الصـــول.... الذي اعـــرفه (Re: سجيمان)
|
الاعزاء سيجيمان وصديق وكوستاوي ......
التحايا لكم وانتم تجمعون تاريخ مدرستنا , طبعا ياصديق نحن كلامكم ده ماحضرناه وكمان سجسمان ده ماعرفناهو لكن الكوستاوي اظنه صديق عصام الزبير وازهري بدوي والذي يسكن بينهما , علي العموم المرحوم عمنا الطيب الموج مشكلته الوحيده هي انه والد صديق الموج ,
كوستاوي وسجمان نحن دخلنا المدرسه بعد تخرجكما من الطب والجيلوجيا
ودمتم بهاء
| |
|
|
|
|
|
|
|
|
|
Re: ود الصـــول.... الذي اعـــرفه (Re: حمزاوي)
|
Quote: أخوي سجيمان ودعم بله
سلام وتحية
لم كريعاتك ديل....القيامة رابطة........
يا راجل |
يا حمزاوى الكرعين من شدة ما كانت رقاق قالوا مرة كان نائم
فى الداخلية ومغطى وشيهو.ضابط الداخلية جاء قال ليهم والجاب
ابوه للعلاج ده منو؟؟
| |
|
|
|
|
|
|
|
|
 Re: ود الصـــول.... الذي اعـــرفه (Re: صديق الموج)
|
Quote: يا حمزاوى الكرعين من شدة ما كانت رقاق قالوا مرة كان نائم
فى الداخلية ومغطى وشيهو.ضابط الداخلية جاء قال ليهم والجاب
ابوه للعلاج ده منو؟؟ |
لووووول...انت يا ود الموج دحين أنت ضرس العقل ما زاركم..لسع شقي...طبعا كنت ملان شقاوه...ويدك اليمن كانت مخمسة طوالى ويدك الشمال مسورجة. ومن شدت شقاوتك
ادينك الأتنين ما متحابين. طبعا ذكرت الحادثة بتاعة البنادق الفي المخزن وأتذكرها ذي الحصلت أمبارح. طبعا تتذكر ناس التكاسى المساكين الشنه بنزينم و عملنا منها المنتوف..وبالليل لمن البوليس هجم على المدرسة..طق تراخ وبنبان حيت لا ينفع المنتوف..الخساير..عجلتى المسكينه ونوم البلاط لليله واحده مع العسكر هرشت الوالد وشفقت الأم........ سجيمان I will be back
Later
| |
|
|
|
|
|
|
|
|
|
Re: ود الصـــول.... الذي اعـــرفه (Re: Kostawi)
|
بمناسبة البنبان يا كوستاوى...واحد الدفعة القدامنا اسمه التوم
كشاح قال لى عاملين المنوتوف وانا ماسك القزازة وهو ماسك الكبريتة
قال لى قلت ليه لما الجماعة ديل يقربوا تولع لى فى الفتيلة فوق
وانا حا اجدع القزازة فيهم...قال لى وحاتك عرباتهم لما جاءت مارقة
من جهة المقابر..زى خمسة عربات والجماعة نطوا من العربية قال لى
لقيت التوم قريب الثورة...وقال هو زاتو جدع القزازة وقام صوف...
| |
|
|
|
|
|
|
| |
سجيمان
صديق الموج
مريم بنت الحسين
Kostawi
nazar hussien
manubia
بهاء بكري
بدرالدين شنا
فيس بوك
تويتر
انستقرام
يوتيوب
بنتيريست