|
|
 واااااااااا.......اشِريرِي
|
اصبري يا سكينة اختي.... ما سمعتي بالنضم دا؟..... اسكتي يا يمة اريتو خبر السواد والرماد......قالو لك .. سوق امدرمان جو فيهو ناس.... الواحد فيهم شايل موسو.....ومباري رجال الناس ويقطع.......وعبد الله راجلي..... دا قدر ما نضمت معاهو ما يمرق علي السهلة دي ماهو رضيان يسمع نضمي....الليله دي الصباح حلف علا يمشي قال ماشي الزكاة...... انتي اصبري زكاة الابل انتصابها كم؟... اها قلتو ان اصلك داير تمشي... ردف وقدر ما عندك دلقان في البيت دا اربطو في نصك....... عاد يا سكينة اختي نسوي كيفن؟اجي..يا اخواني الراجل يكوس معايشو ولاّّ يقعد يحرس عدتو؟..وقلت لو اووووووووعك تقيف جنب سيد البتيخ وترفع لك بتيخة بايديك الاتنين....وتقول داير تشوفها...اتفن في واطاة الله دي وشوفها......وبعدين مشيك البعرفو انا دي خليهو.....طوااااااالي محقب اديك في ضهرك وماشي.....ايديك ديل تاني حقبن بي قدام..... اها نسيت اقولك يا سكينة..... عبد التام راجل حسنية..... قالو لك لمو فيهو الجماعة البي يقطعو ديل اول البارح....والله يسألهم قالو جا راجع البيت اباطو والنجم.....لكن يا هناية عبد التام يستاهل.... ديمة لابس لو جلابيه رهيفة.... وماشي عكس الهوا.........يا فاطنة يا بت... هوي شوفي ابوكي دا ما جا؟................ جا؟ اها...؟ ماشي عديل ولا قاعد يعتب؟......كرعيهو......كرعيهو لاميهن علي بعضن سمح؟.....بركة.... الجا تامي.........ايووووووي ووووي وووووووويا
حباب الاسد.... القانص
الجانا.. تامي مو ناقص
|
|
 
|
|
|
|
|
|
|
|
Re: واااااااااا.......اشِريرِي (Re: سجيمان)
|
لوووووووووووووووووووووووووول
انت عارف يا سجمو
الز حاجه انو البلاقيهو الشئ دا بيعمل حميل وكأنو ما حصل شئ
وممكن يجي في نصنا هنا وما يشكي
وممكن يكتب بوست عنو وما يشكي
الشكيه لبيداً قويه
ادسوها وين دي كمان..؟
اقترح انو يسو صناديق امانات عامه بالأسواق
يعني أول ما الواحد يصل السوق وينزل من الحافله اول حاجه يسويها
يغشي صندوق الأمانات ... وهو راجع يسترد الأمانه
وكان يوم هو راجع من العمل زهجاااان ونساها
المرا ما تضرب السكلي طوالي.. تشيل منو مفتاح الصندوق
وتتوكل تجيب الأمانه وتجي
وكل واحد ياخد بالو من لغاليغو
دي اللغاليغ غاليه اوي اوي اوي
| |
|
|
|
|
|
|
|
|
|
Re: واااااااااا.......اشِريرِي (Re: aba)
|
سجيمان
تحياتي الغليدة
يعني نلبس بناطلين جينز من النوع التخين و نتابع نشرة اللإرصاد الجوية و نشوف إتجاه الهوا و نمشي معاه لزوم الحماية
الله يجازي محنك ، لا تقول آمين
| |
|
|
|
|
|
|
|
|
|
Re: واااااااااا.......اشِريرِي (Re: HOPEFUL)
|
هوبفل..... الله يجازيك.... غايتو انا مافي السودان انا برا..........وبعدين يا اخوي ما ممكن يطلع امين صندوق الامانات دا من الجماعة البي يقطعو....تديهو ليهو جاهز؟......وبعدين افرض غفل......وجات كديسة وختفت شي منهن...... تقعد البلد كلها تساكك في الكديسة.....؟
| |
|
|
|
|
|
|
|
|
|
Re: واااااااااا.......اشِريرِي (Re: maia)
|
يا دكتور انا عندي حل للموضوع دا
في لعبة الكريكت كورتا طبعا حجر بس
عشان كدا قاموا عملوا ساتر امامي من بعض البلاستيك ونوع قوي من القماش يلبسها اللاعب
ممكن تنفع الامة دي هناك
| |
|
|
|
|
|
|
|
|
|
Re: واااااااااا.......اشِريرِي (Re: مهاجر)
|
يا مهاجر... انا عندي فكرة تانية.... رايك شنو؟ ونستفيد من الخامات المحلية....... الجبنة جبنة الطين..... يفتحو قعرها من وراء....وكل ضكر.... الحكومة تصرف لو جبنة.... ويربطوها بي سلك في نص البطن......والله تاني الداير يقطع لو شي.... علا يبقى فار
| |
|
|
|
|
|
|
|
|
 Re: واااااااااا.......اشِريرِي (Re: HAMZA SULIMAN)
|
سجيمان
نعلك طيب
والله أنا زول مسلط زيك كدي أصلو لا لاقاني لا لا قيتو..إنت بتهضرب مالك؟؟إنت هسع مقطوعين الطاري ديل حتي إن بقو ما لاقوك هضربتك دي براها بتسويها فيك..تلاهي كدي لامن تصحي الصباح تلقي الخايف منو حصل بي وهمك الكتير دا....قول بسم الله وخت الرحمن في قلبك وخل الطرطشه البتسوي فيها دي..أحمد الله إنك ماك في الخرتوم
| |
|
|
|
|
|
|
|
|
|
Re: واااااااااا.......اشِريرِي (Re: nile1)
|
النيل....... يا اخوي الخرتوم زاتي ما بمشي حسي.....بعد ما الجماعة ديل يقطعو وينتهو وينضفو البلد كلها حتين امشي....... واقعد مع الجماعة في الحوش..... وعشان اغيظهم كل مرة اشيل الابريق وامرق واقولهم يا جماعة عن اذنكم عايز اتسير
| |
|
|
|
|
|
|
|
|
|
Re: واااااااااا.......اشِريرِي (Re: maia)
|
مايا....تعظيم سلام...احيك لشجاعتك جد والله....مع انو موضوع رجال ...لكن في رجال يدخلو يتاوقو ويمرقو.....
اها....دا ما موضوع رجال..دا موضوع الامة..... يمارس ضدهاالجينوسايد....ما دايرننا نزيد...ناس تقول الكضبة وتصدقها....واشاعات من جنس دا....يقولو عليها شنو؟ هناك ازمة اجتماعية نفسية........... حقيقية
| |
|
|
|
|
|
|
|
|
|
واااااااااا.......اشِريرِي (Re: سجيمان)
|
الالخو سيجيمان
ربنا يديك العافية بقدر ما اعدت الضحكة التى غابت طويلا..
واخر خبر ..قالوا ....
كل الاخوان ...عملوا
FIRWALL جدار نارى من كتيبات الحصن الحصين...وربطوها فى الموضوع...آآآآآ
وقالوا يمين اللة...الذول ماشى تقول...مكوك...يعنى كوكا من ثقل كتيبات الحصن الحصين......
حوالينا....ولا علينا يارب
ودالسافل
| |
|
|
|
|
|
|
|
|
|
Re: واااااااااا.......اشِريرِي (Re: Maged)
|
والله يا سيجمان يا اخوي ما دام الكلام كدى ان اقترح انو على عثمان ده عديل من نيروبى الى ابوجا وما يجى حتى يسحب ابو ساانجو ناسو ديل
انا افتكر انو القضية دى ابدا لا تقل اهمية من قضية الجنوب وغرنق ذاتو لو سمع بالحاصل
فى الخرطوم ما برجع وتطلع اتفاقياتن دى كلها فشنك
| |
|
|
|
|
|
|
|
|
|
Re: واااااااااا.......اشِريرِي (Re: سجيمان)
|
غامبيون يقتلون «ساحرا» اتهم بـ«سرقة عضو ذكري»
بانغول ـ لندن: «الشرق الأوسط» ـ رويترز
قالت الشرطة ان رجلا يبلغ من العمر 28 عاما اتهم بسرقة العضو الذكري لرجل عن طريق السحر تعرض للضرب حتى الموت في غامبيا.
وقال متحدث باسم الشرطة ان نحو عشرة أفراد أوسعوا بابا جالو ضربا حتى الموت في مدينة سيريكوندا على مبعدة نحو 15 كيلومترا من العاصمة بانغول.
وتقارير سرقة الاعضاء الذكرية ليست نادرة في غرب افريقيا اذ يدعي الضحايا المزعومون أن سحرة يلمسونهم فيجعلون أعضاءهم الذكرية تنكمش أو تختفي ليبتزوا منهم المال نظير وعد بعلاجهم.
وأضاف المتحدث أن كثيرين من الرجال في سيريكوندا يخشون الآن التصافح بالايدي وحث الناس على عدم تصديق التقارير عن «اختفاء» الاعضاء التناسلية. ويشيع في غرب افريقيا الاعتقاد في السحر.
وتعرض سبعة سارقين مزعومين للاعضاء الذكرية للضرب حتى الموت من حشود غاضبة في غانا في عام 1997.
وكانت شائعات من هذه الشاكلة قد سرت في الخرطوم تحذر من «المصافحة بالايدي لوجود مشعوذين وسحرة بامكانهم اصابة الرجال بالعجز الجنسي، بل وفقدان اعضائهم التناسلية بمجرد مصافحتهم» وبدأت هذه المزاعم غير المسنودة الشهر الماضي، وملخصها ان رجالا بعينهم في المدينة يستطيعون اصابة الآخرين بالعجز الجنسي وفقدانهم الاعضاء التناسلية بمجرد مصافحتهم، فصارت المصافحة بالايدي مصدرا للقلق الشديد وتتم بحذر شديد، ومعرفة مسبقة. وقامت الشرطة باعتقال عشرات المشتبه فيهم وسط صخب اعلامي روجت له الصحافة المحلية، وعرضت الشرطة المجني عليهم على الاطباء الذين اكدوا سلامتهم تماما، مما دعا الشرطة الى توجيه اتهامات ضد «المشتكين» بنشر الذعر بين المواطنين، وازعاج السلطات، وادخلوا السجون، وتدخل المدعي العام السوداني نافيا في تصريحات وجود اية حالة تؤكد صحة الادعاء.
جريدة اليوم
الشرق الاوسط
| |
|
|
|
|
|
|
|
|
|
Re: واااااااااا.......اشِريرِي (Re: سجيمان)
|
سجيمان ما حرام عليك دا شنو البتسوي فيه دا ياخ ربنا بدخلك النار .................والله الواحد من الضحك قرب يموت ..انت من شقيش يازول..وجنس الكلام دا بتجيبه من وين ....وزي ما قال ليك حمزه سليمان انت فنان والله
| |
|
|
|
|
|
|
|
|
|
Re: واااااااااا.......اشِريرِي (Re: سجيمان)
|
سجيمان
والله العنوان براهو ضحكني ذكرني الماسورة
والشايقية الجات الخرطوم ايام زمان ترش
بالخرطوش من مكانك خمسين متر لي قدام
قالوا فتحت الماسورة جاته المويه دافرة
قالت ليها وآ فليلي اتاريكي مزنوقي اها
والله يا اخوي الربطاب اولاد عم الشايقية
والجعلية ربي يفك زنقتك وتجي الخرتوم
وكل زول امانتو في سلام وعافية
| |
|
|
|
|
|
|
|
|
 Re: واااااااااا.......اشِريرِي (Re: سجيمان)
|
سجيمان قالو نيجيريين , قالواما عارف انا برة
وقالوا برجعوهو علي حسب الدفع
يعني تدفع نص القيمة برجعوا استقبال بس , تدفع القيمة كاملة أستقبال وارسال , ولو في بقشيش بيفتحوهو دولي
تعرف المشكلة إنو الشائعة في فترة بسيطة ملت السودان وبرة السودان , وكلو من ايميلات الهوتميل والساسنجرات
الناس بطلت سلام , تسلم علي الزول يقول ليك هسع دي ايام سلام ؟ الناس خلوا السلام لي ناس نيفاشا وربعوا إيدينهم وقعدوا .
يكون الضغط النفسي وعدم الشغلة ؟ ولا نوصي الكونجرس يعملوا لينا جدار امني عازل في حدودنا ؟
الإعلام ساكت وخجلان وفعلا ما عندنا مراكز توعية في المجتمع
لو في أمريكا ولا حتة تانية كان وزير الصحة استغل الفرصة وظهر في التلفزيون , وزيرنا ما محتاج , بجيبوهو كل يوم في برنامج مكافحة الملاريا وناس الطفولة واسماء في حياتنا , وحتى في ساحات الفدا , هنا الوزير بتاعنا لبد ما جاب سيرة , يكون سلم على واحد وزير نيجيري ؟
أبنوسي
| |
|
|
|
|
|
|
| |
سجيمان
HOPEFUL
aba
ابو جهينة
ترهاقا
مهاجر
HAMZA SULIMAN
nile1
kamalabas
الزنجي
ود محجوب
فيس بوك
تويتر
انستقرام
يوتيوب
بنتيريست