|
|
 هام وعاجل..... تغيّــر وزاري
|
مواصلة لي احلامي الزلوطية....وبعد ما بقيت رئيس السرور..... برضو قعدت اتخيل اعمل تشكيل وزاري.... لكن اسامي الوزارات دي قديمة وما عاجباني.وبعدين ما ماشة مع الموضة..وفيها وزارات من الله خلقنا دي اساميها.... يعني القدافي احسن مني بي شنو؟.... غير اسامي وزاراتو.....واسامي الشهور...وبقن حارساتنو بنوت...انا زاتي اغير اسامي الوزارات....وفكرت وقررت يكونن كلاتي
تغير مسمى وزارة الدفاع..... الي مسمى وزارة هيــع الليلة يوم الرجال
تغير مسمى وزارة الداخلية ...الي مسمى وزارةالبيت محروس وستو تكوس
تغير مسمى وزارة الخارجية..... الي مسمى وزار سايق العظمة سافر خلاني وين
تغير مسمى وزارة المالية.... الي مسمى وزارة الجنية بي سديرو عام وقلع يا سلام يا سلام
تغير مسمى وزارة التجارة والتموين .....الي مسمى وزارة الهبرو ملو
تغير مسمى وزارة الطاقة والبترول الي مسمى وزارة دوير بينا البلد دا نحرق الجازولين ولاّ ابو الجاز
تغير مسمى وزارة التربية والتعليم الي مسمى وزارة....القراية ام دق
تغير مسمى وزارة التعليم العالي الي وزارة.... عينيّ يا عينيّ ... عينيّ سمحة المقدرة
والله ولي التوفيق
يا اخوانا النضم دا كلو تخيل في تخيل.....وانا اجاركم الله عيان....وعندي وسواس قهري.....الله يكفيكم شرو...وربنا يخلي وزاراتنا ووزرانا.....لي يوم القيامة
|
|
 
|
|
|
|
|
|
|
 Re: هام وعاجل..... تغيّــر وزاري (Re: سجيمان)
|
| Quote: مواصلة لي احلامي الزلوطية |
سـجـيـمـان
يا خـوي طـيب ما تـصـحـى علـشـان الـبـري دا إقـيـف يا خــوي
و بعدين ما قلت عايز تبيع لسانك ما لقيت ليك واحـد إشتري و لا شـنـو؟؟؟؟
| |
|
|
|
|
|
|
|
|
|
Re: هام وعاجل..... تغيّــر وزاري (Re: سجيمان)
|
سيجمان
والله ده فكرة ما سبقك عليها زول لكن تجنن واضيف لبك
وزارة الكهرباء تسمى وزارة الجمرة الخبيثة
وزارة الاعلام وااتصالات تسمى وزارة الشمارات والرسالات
وزارة الصحة الاتحادية تسمى ورارة البرك وتربية الباعوض
وزارة الطيران المدنى تسمى وزارة الطيران بالاكفان
وزارة الاسكان والتعمير تسمى وزارة العشوائى والتدمير
تحياتى
| |
|
|
|
|
|
|
|
|
|
Re: هام وعاجل..... تغيّــر وزاري (Re: سجيمان)
|
يا سجيمان
بالله ما تنسى وزارة للمطفشين خارج البلد وتعمل ليهم قناة فضائيةخاصة كمان تقرا ليهم سلاماتهم للأهل وتصورهم جنب التلفزيون والفيديو والثلاجة والعربية ( ودلوقت طبعاالموبايل والكمبيوتر ) والله الجماعة ما بقصرو خاصو لو الصورة بعيدة من مكان العمل أو البيت غايتو انا من هسه بصور جنب رولس رويس فانتوم واقول دي حقتي وسيبك من الكركعوبة
| |
|
|
|
|
|
|
|
|
|
Re: هام وعاجل..... تغيّــر وزاري (Re: ابو جهينة)
|
ابو جهينة
Quote: وزارة المواصلات : وزارة بالليل دة ماشي وين
|
نشكر تعاونكم معنا
لكن نحن ناوين عند اعلان حالة حظر التجول ....وتماشيا مع العولمة.... حنسميها... اعلان حالة بالليل دا ماشي وين
وتسلم
| |
|
|
|
|
|
|
|
|
|
Re: هام وعاجل..... تغيّــر وزاري (Re: سجيمان)
|
السيد الرئيس...نؤيدكم ونشد من ازركم..اضربوا بيد من حديد على
من تسوط له نفسه..بالوقوف ضد المسميات الجديدة...لاتنسى وزارة الثروة
الضبانية...وزارة البترول الرجاء اضافة موية الفول ليصبح الاسم
وزارة البترول وموية الفول..مش الشعب كله بضرب بوش...سجيمان
انا قاصد بوش فتة كان عندك ليها فهم تانى بطريقتك والله كان داير
تضرب بوش غير بوشى القاصدو تبقى دى حاجة تانية .الله يهديك .تسلم،
| |
|
|
|
|
|
|
|
|
|
Re: هام وعاجل..... تغيّــر وزاري (Re: صديق الموج)
|
صديق الموج
Quote: من تسوط له نفسه..بالوقوف ضد المسميات الجديدة...لاتنسى وزارة الثروة
الضبانية |
لا يا صديق. دي ما وزارة.... اسم جمهورية السودان..... حنغيرو الي جمهورية الضبان الديمقراطية....وبدل صقر الجديان حيكون شعارنا.... ضبانة الحمير
| |
|
|
|
|
|
|
| |
سجيمان
فرح
ABUHUSSEIN
اساسي
بلدى يا حبوب
جمال السنوسي
ابو جهينة
tariq
humida
alfatih
صديق الموج
فيس بوك
تويتر
انستقرام
يوتيوب
بنتيريست