|
|
 نــاس......كــريشــة.....جــــو
|
الدنيا دي فيها جنس محن.......... تجنن الما يجن..... جاري بنغلاديشي...... سمين...وعندو كرش كبيرة...... كل ما يلاقيني عند السلم انا طالع ولا نازل.... يعاين لي عين حقارة...... من فوق لي تحت...... يا ربي الزول دا مالو معاي؟..... الزول دا مشبهني.... ولا شي؟......كلمت صاحبي عبد القادر وشكيت ليهو.... من البنغلاديشي السمين دا....وحقرتو بي.... وعدم سعالو فيني.....بما انو صاحبي دا متخصص في الهنود والبنغلاديش..... ضحك وعاين لي وقال لي..... يا سجيمان يا اخوي..... الزول دا فعلا حاقر بك......لانك ما عندك كرش.....والهنود والبنغلاديش ..... الزول كل ما كرشو بقت كبيرة... كل ما مكانتو الاجتماعية زادت وكبرت.....عشان كدا الزول دا شايفك يا سجيمان لا تسوى جناح بعوضة.........
الحقيقة انا.... راجعت الموقف كلو.... لقيت انو جاري دا... يحوز على احترام.....وتقدير كل البنغلاديش والهنود الفي العمارة..... لانو اكبرهم كرشا....وانا لاحظت انو لما يكون واقف.... يقيف بصورة تجعل الكرش ممدودة لاقصى حد...وخاصة لو واقف متعارض في السلم......وماسك الموبايل وقاعد ينضم...بقى يغيظني باتنين.... الكرش والموبايل....وحمكة ربنا اول مرة اشوف لي زول يضحك من كرشو..... الناس في الضحك بيفتحو خشمهم....دا لا.... دا تلاقي الكرشة بتاعتو تهتز...وتتحرك.... مرة مع عقارب الساعة....ومرة ضد عقارب الساعة...ومرة بصورة متموجة من فوق لتحت والعكس..... الخشم مقفول والوشي ما عليهو أي تعابير.....
من هنا انا عرفت...... انو الاله رام عند الهندوس.... هو اله الرمرمة..... والاله كريشنا.....هو اله الكروش....يعني أي واحد عندو كرش يكون راضين عنو رام وكريشنا.....
بقيت اشيل هم وانا جاي من برا وهو جاي معاي.... زولي اب كرش دا.... لانو شفعو..وليداتو... يفتحو الباب ويقعدو يغنو ليهو....
ناس كريشة.......جـــــو
جابو العيش.......وجــــو
ولو شافوني يقعدو يضحكو ويعاينو لي ويأشرو علي ويقولو....
انت يا........ الضبيّب
انت شن......... بتجيب؟
............... الضبّيب دي تصغير ضب..... يعني انا زي الضب لا كرش ولا قيمة.......
لكن من يوم الليلة....رمرمة جد.....واوريهم الكرش المو مسخرة......
هاري.........رام
هاري......كريشنا
|
|
 
|
|
|
|
|
|
|
 Re: نــاس......كــريشــة.....جــــو (Re: سجيمان)
|
دكتورنا سى جى
البنغالى ده طالما جايب عيالو فى السعودية ده معناه عندو وظيفة كويسة مع إنو ما شفت لى بنغالى ما شغال إلا عامل نظافة،عشان كدى العالم دى لامة فيهو ، وانت الظاهر عليك ما قاعد تغسل عربيتك عندو
كدى جرب وأسأله لو بيقدر يغسل عربيتك يوم بعد يوم كعادتهم.
| |
|
|
|
|
|
|
|
|
|
Re: نــاس......كــريشــة.....جــــو (Re: سجيمان)
|
يا سجيمان،
سلامات
خالتى قالت لى فى أحد الايام و نحن نستمع لتغريد احدى انواع العصافير (اعتقد القمرى)، انها تقول "ناس كريشة جو .. جابوا العيش و جو"، و ان هذا يعنى أن هناك ضيوف سيأتون/يأتين من بعيد، و عندما ركّزت وجدت أنها فعلا كأنما تقول هذا، لهذا ارتبط ذلك عندى بأشياء جميلة و ساحرة (خالتى، الاهل، الضيوف) الخ، تجى تربط الموضوع بالكرش؟
| |
|
|
|
|
|
|
|
|
|
Re: نــاس......كــريشــة.....جــــو (Re: ترهاقا)
|
| Quote: لكن من يوم الليلة....رمرمة جد.....واوريهم الكرش المو مسخرة...... |
سجيمان يا خوي الرمرة دي لو ضلت طريقها و نزلت ليك في الصلب ما قرضت ياخوي .... اخير ليك ضبضبتك دي ... اسمع كلامي !!!!
ملاسى
| |
|
|
|
|
|
|
|
|
|
Re: نــاس......كــريشــة.....جــــو (Re: سجيمان)
|
الدكتور سي جي
تحياتي لك
وأود أن أكمل باقي الأرجوزة والتي يقال أنها تغني بها انثي القمرية عندما يأتي الزوج آخر اليوم وكرشه غير ممتلئة بما يشبع الصغار
ناس كريشة جو
جابو العيش وجو
إنتى يا الخفي
شن تجيب تجي
يلا طير كدي
والشرح عليك بعد التحية .. سيف كلي
| |
|
|
|
|
|
|
| |
سجيمان
ترهاقا
nada ali
Hussein Mallasi
wd al geran
دورنقاس
abas
saifkeli
aba
فيس بوك
تويتر
انستقرام
يوتيوب
بنتيريست