|
|
 منظمــة القعــــدة بقيــادة الشيــخ سجيــمان بن لابــد
|
المضرة والحسادة والارهاب...ديل فصيلة واحدة....المسالة دي انا حسيتا من انا صغير...كنت لو اكتشفت انو في شافع بيخاف من الضلمة البد ليهو في اقرب زقاق...واخلعو....والشافع يجري ويبكي وهو مخلوع...وانا اكون في غاية النشوة... واغني يا غزلية وين الروقة يا فنية ناري الليلة......طبعا دا ارهاب....ما دايرة اتنين تلاتة....اكتشفت انو شفعنا كلهم فيهم بذور ارهاب...ومضرة.....وحسادة..... من المحيط الي الخليج وبالعكس.... كنت اتبسط جدا لما اتلبد....وانفس لستك بتاع عربية بتاعت زول....ولاّ اخت لي مسامير قداما.....واقعد بعيد واتفرج في عملي المضري الارهابي دا.....واول ما تنجح العملية..... اقعد اغني يا غزلية برضو....
كانت جارتنا عندها شافع صغير عمرو زي سنتين....الشافع مبغبغ...وعندو كضوم كبار... مرة حرستني ليهو وهي كانت في المتبخ... انتابتني حالة ارهابية قصاد الشافع دا.... بقيت اجضمو.... والشافع يصرخ وامو تجي جارية تلقاني اغني في يا غزلية...تسعلني مالو اقول لها يمكن جيعان وهو يكون قد جوضم من قبلنا.....الغريبة الارهاب التجضيمي دا كبر معاي و لي حسي عندي واخر مرة انتابني وانا كنت رحت السفارة الكندية عشان اشتت لي كندا.... شفت موظفة سودانية هناك.... عندها جضوم كبار....وهي الجابت لي خبر عدم قبولي للسفر لكندا....لو لا البدلة اللابسا..والقزاز البيني وبينا كنت جضمتها جضيمة حبيبك...........
اقعد في الشارع......واعمل حفرة كبيرة بمعاونة بعض الشفع الارهابين....ونغتي الحفرة بي كرتونة ونردما تراب.....ونقعد في الضل نراقب .... وكل ما يقع راجل ولا مرا في الكمين دا.... نتبسط غاية الانبساط....وننسى الاكل والغدا......استاذ عز الدين بتاع الانجليزي في الاوسطى كان اكبر ارهابي علي مر العصور. وتتلمذنا علي يديه... يوم الاسبلينق يجيب معاهو اربعة وعشرين عصاية...يردمن فوق التربيزة ويقعد يسمع .....و الغلطة بي عشرة جلدات ايام الرخا.... ...اصلو ما قاعد يضحك...اربعة سنوات انا ماشفتو يضحك علا مرة واحد وهو ماشي في الشارع وانا ماشي وراهو وهو ما شايفني وكان بي يشاغل في واحدة ست مررو.....ارهابي وعندو عقدة اوديب كمان........
اكبر عملية ارهابية فكرت فيها وانا صغير... عمري حوالي عشرة سنوات اني اقلب قطر السكة حديد....ود الحاج كان في عمري وهو برضو ارهابي موهوب...ومضر متمكن.....قال لي انت عارف يا سجيمان الابرة بتاعت الخياتة بتقلب القطر.....جمعنا الابر من الحلة...وتيممنا ناحية السكة حديد.... ورحنا لي ناظر المحطة وسعلنا عن اول قطر ركاب متين يجي....... وزعنا الابر في القضيب... توريع محكم ومدروس..... وقعدنا في ضل النيمة في المحطة في انتظار..... القطر يجي ويتقلب.....ونغني يا غزلية.... والقطر الشالك انت يتكسر حتة حتة....جا القطر...ومر وراح لا اتلقب ولا حاجة..... لكن انا شاكلت ود الحاج....وحملتو مسعولية فشل العملية كاملة.....وكجنتو لي حسي.....
كبرت وكبرت هذه الموهبة.....موهبة الارهاب والمضرة.....وفي قعدة مع بعض الارهابين الذين ترعرنا سويا..... فكرنا نعمل منظمة..... نسميها منظمة القعدة..... بقيادة الشيخ سجيمان بن لابِد.........
|
|
 
|
|
|
|
|
|
|
|
Re: منظمــة القعــــدة بقيــادة الشيــخ سجيــمان بن لابــد (Re: AnwarKing)
|
سجيم(مان) بن لابد
أكيد كنا من خلاياك النايمة وصاحية
كنا نجيب حقن الكلوركين التالفة من الشفخانة
وأول مانشوف المدرس جاي من هناك نقيس المسافة
ونولع النار ونرمي الأمبولة فيها
ومع مروره بقربها تنفجر وتعمل صوت هايل
ونغني ياغزال البر ياغزال يا غزال ياغزال
طبعا من نطة الأستاذ الكبيرة
لكن بوش المدرسة عاقبنا بالجلد المستمر
وجفف منابعنا من حقن الشفخانة ومنع التمرجي من إلقائها بحسب إنها من أسلحة الدمار الشامل
| |
|
|
|
|
|
|
|
|
|
Re: منظمــة القعــــدة بقيــادة الشيــخ سجيــمان بن لابــد (Re: سجيمان)
|
فى حلتنا جنب ميدان الكوره كان الشارع البودى لى حلة فلاته،يعنى هم داخلين المدينه او طالعين منها لازم يمروا بالميدان، البعض ابتكر حيله فى غاية السوء والعفن، يقوم هؤلاء بقرطسة (و لامؤاخذه!!!) براز او خراء (انت زعلت يا دكتور ؟؟) فى قراطيس بشكل جيد والقاءها فى وسط الطريق ويلبدو فى انتظار الضحيه ،شكل اللفه مغرى ..يتوقف احدهم ويلتقط اللفه ويفتحا وتشوف رد الفعل فى الوش وتنطلق قهقهات هؤلاء الملاعين، و يكردهم الضحيه ومن معه واذا لم يقبض على واحد فان العقاب يكون بمصادرة سفنجات وملابس كل من يلعب فى التمرين حتى ولو ما عندو علاقه بالمؤامره السخيفه دى !!!
(لا يخلو المقلب من ملمح عنصرى..وهذا موضوع اخر )
سجيمان .. انا ما ارهابى و لا حاجه... لكن بحب " القعدات" ممكن انضم ليكم ان شاءالله القط ليكم الابر.. بس اكون فى القعده
| |
|
|
|
|
|
|
|
|
|
Re: منظمــة القعــــدة بقيــادة الشيــخ سجيــمان بن لابــد (Re: Raja)
|
سجيمــان،
و بعـد دا ما عـرفت الكنديين ما أدوك التأشيــرة ليـه؟
عارف لو مشيت السفـارة الأمريكيـة كانـوا حيسـووا ليك شنـو؟
كانـوا حيختـوك إت، والكفيل بتاعك، والناس الكافلهـم كلهـم، فى طيارة واحـدة، وطوالى على جوانتا ما صحـوا (تحويـر الإسـم لأسباب امنيـة).. ونشـطــاء البـورد
كان حيتفتـح ليهـم منجــم ذهب (زهب-دهب) لجمـع التوقيعـات.. وبوستــات البـورد كانت حتكـون كالأتى:
رجـاء العباسـى:
أمـريكـا تعتقـل إرهابى ســودانى مـع كفيلـه و بعض المشتبــه فيهـم من مكفوليــه!
أســاسـى:
لم يكتفى سجيمــان بسجمــه، وإنما تطاول على الأمـريكان، والأن هـو فى جوانتا ما صحـوا.
د. ياســر الشــريف:
الأخـوة الكــرام: أرجـو متابعـة اللنك: www.sijeman.shalhata
الحبيبـة لنا مهـدى:
الحبيب سجيمــان فى السـجن.. هكـذا أقـدار الرجـال.
أنور كنج:
UP
شـوقى بـدرى:
أمس الأمـريكـان إعتقلـوا سجيمـان وكفيلـو.. زمان السجــون فى الســودان كان فيهـا نظـام صـارم.. كان عنـدى صاحبا لى، إسمـو ود أبـرق، كان متخصص فى تنفيس لساتك عربات الظباط.. وبعـدين يحرس العـربيـة لحـد ما الظابط يجى طـالـع، فيجى ود أبـرق دا طوالى يعـرض خـدماتـو ومهارتـو فى تغيير اللستك المقـدود.
ســـارة منصــور:
مسكين سجيمـان، الجميل.. رمـوه فى السجن.. البـورد دا كلـو بيحبك يا سجيمـان..
بالله عليك لو سمعت نصيحتى وإتزوجت ليك تلاتة تانيات ماكانو شغلـوك من الإرهـاب و السجــم والرمـاد البســوى فيـه دا؟
وبعــد البوستـات تصـل عشــرين.. والتوقيعـات تصل 1500، يقـوم بكـرى (سيـد الإسـم زاتـو) يرفـع البوست فووووووووق، ويكتب بالبنـط العـريض:
البـورد حـزين وسجمــان.. أسبـوع التضامن مـع سجيمــان.
| |
|
|
|
|
|
|
|
|
|
Re: منظمــة القعــــدة بقيــادة الشيــخ سجيــمان بن لابــد (Re: Abureesh)
|
| Quote: البـورد حـزين وسجمــان.. أسبـوع التضامن مـع سجيمــان. |
وعمك تنقو يا ابوريش
اغنية الخميس......يجو عائدين... ناس سيجمان المبهدلين
بشرى سليمان:
سجيمان يرسل لي رسائل مفخخة بي صور عارية....من كنتونامو
الدكتورة بيان :
تحرد البورد وتدمس وتكندك من اجلك يا سجيمان
اشراقة مصطفى:
مفهوم العنوسة لدى.... مساجين الراي والفكر ..... سجيمان
اسامة الخواض:
هنئا لك يا سجيمان بتلكم المشانق
الموصلي
لن اترك سجيمان وحيدا بالرغم من دمي المسفوك....عوك عوك عوك
الجندرية
جندرت الحقيقة علي ابواب الميليزم سجيمان
البحيري
نظام الخرطوم ينتهك حُــــقة سجيمان ويرسلها الي سورج
| |
|
|
|
|
|
|
|
|
|
Re: منظمــة القعــــدة بقيــادة الشيــخ سجيــمان بن لابــد (Re: Ashrinkale)
|
سجيمان
نهنئك بانشاء منظمة الغتاتة والارهاب وانت وارث الارهاب كابرا عن كابر جدودك الحسانية قالوا كانوا ماشين فى غابة والدرب زى السلك والواطا ضلمة ماشين وراء بعض فى عود قد عين الاول ما قال اخ والتانى والتالت لحدى العاشر الوحيد القال العود قد عينى الحداشر لانو ماوراهو زول دى مش غتاتة بتولد المضرة والارهاب
اخوك شاك
| |
|
|
|
|
|
|
|
|
 Re: منظمــة القعــــدة بقيــادة الشيــخ سجيــمان بن لابــد (Re: سجيمان)
|
تحلف تقول كنت معانا امبارح فى ونستنا انا وزينب بالتلفون
قاعدين ساعتين بنتونس فى غتاته الصغره دى
لكن عاد انا راى كان واضح وصريح
انه اصـــــــــــــــــــــلو ما المفروض نبوح بيها ولا نقولها
لالالالا عيب
ياخ الجهال يسمعوها يقوموا يسوا زيها
لكن ممكن اقول ليكم حاجه بسيييييطه من الكنا بنعملو صغار
عادى ...... بنكب التراب فى عجين الكسره بتاع حبوبه
| |
|
|
|
|
|
|
| |
سجيمان
AnwarKing
المسافر
Osman Hamad
(
Raja
Abureesh
بلدى يا حبوب
شمهروش
khider
Rawia
walid taha
صديق الموج
فيس بوك
تويتر
انستقرام
يوتيوب
بنتيريست