|
منتـــهى...... الســغــالة
|
السغالة...وتقالة الدم.... حاجة ممتعة..... خصوصا لو شفت الامتعاض والاشمئزاز في وجه الضحية..... تنفرج اساريرك...وتنبسط اخر انبساط....ويومك كلو يكون فرايحي....وما في احسن من انك تتساغل علي زول... وهو عامل فيها ابو عرام...يعني تقابل واحد فنان وتوقفو في نص الشارع وتقعد تغني ليهو غنية من اغانيهو...ويكون صوتك... زي الزفت لا زم تكون عارف الحقيقة دي.....وتصر انو يسمعا... للنهاية....وعشان تزيد في السغالة تطلب منو انو يتبناك....ويقدمك للوسط الفني خليفة له.... انا اتوكلت علي الله وداير اتساغل علي الشعر واللغة العربية وعلي الشعراء.... وعلى الادباء.....وعلى المسقفين....وعملت ديوان شعر اسمو... "النظامو كراسي"....وحاديكم مقتطفات منو.... واي زول عندو ضغط...والله مرض قلب....ولا.. اعصابو تعبانة ما يتابع القراية............
القصيدة الاولى
زرزور المحبة
-------------
زرزور.... المحبة
يا الراكي فوق المِِرق
طير ....فررررررر
وامشي ليها.....وقول ليها
عووووووووك زولك غرِق
لسه...لسه.....ما طفح
عرعر في3\2\2004
القصيدة التانية
العنقريب
--------
العنقريب يا السو لك اربعة كرعين
ليه ما سوهن........... تلاتة؟
الركشة احسن منك بي شنو؟
سوق الناقة 5\5\2000م
القصيدة التالتة
الحنتوشة
-------
حبيبتي يا القمرا الفجت الضلوما
يا ام قدوم ما ضاق......داندروما
انتي ما شبه العذاب انتي ما شبه الحنكشة
اتبرا ام دوم 4\5\1999
القصيدة الرابعة
فوفو
----
بنيتي... عشان كدا....وحقو
يا الامك متوحما بك علي عمك تنقو
الله يخليكي..........
امبدة الردمية 7\9\2004
القصيدة الخامسة
شباك الباص
----------
شفتك قاطعة الزلط قوام...قوام
ما تمشي براحة....براحة
و لاّ... ماكي خايفة...علي السفنجة؟
الحاج يوسف 7\7\1998
|
|
|
|
|
|
|
|
Re: منتـــهى...... الســغــالة (Re: سجيمان)
|
بمناسبة الشغالة ....
قالو في زول سغيل خش السنما لقافيها زول واحد ... قعد وراه وقاليه لوسمحت زح راسك ....
و انشاء الله يا سجيمان هتعمليك ديوان ..... و انا مستعد انشروا ليك انتقاماً من أي زول أحساسو مرتفع ..!!!
| |
|
|
|
|
|
|
Re: منتـــهى...... الســغــالة (Re: خالد الحاج)
|
خالد الحاج
السغالة ما خايله فيك
وقصائدك سمحة لكنها تفتقر الي السغاله لحد كبير
يعني مثلا القصيدة الاولى بتاعتك مفروض تكون كدا:-
عشان عيونك انت يا السمحة....
انا داير اعيش
افوت عيونك اقبل وين؟
... يا ام تلاليش
| |
|
|
|
|
|
|
Re: منتـــهى...... الســغــالة (Re: ابو جهينة)
|
سجيمان ... لك التحية ... كلما قرأت لك تذكرت صديقى ... والدك ... زميل الدراسة ... الذى أضاء أوقات كليتنا فى زمن كان فيه المرح جزءا أساسيا من الحياة وها أنت تعيد تلك اللحظات بطريقتك ... له الرحمة والمغفرة ... بقدر ما أضاء لمن حوله ... وجعل البركة فيك ....
| |
|
|
|
|
|
|
Re: منتـــهى...... الســغــالة (Re: kh_abboud)
|
kh_abboud
رحم الله الوالد رحمة واسعة....وادخله فسيح جناته
ارجو كل ما تذكروهو ان تطلبو له الرحمة والمغفرة... وربنا يطول في عمرك واعمار كل اصدقائه وزملاءه..... وطلابه....والله قد هجيت كتابتك لي احزاني وشجوني....وهطل الدمع مدارا وانا اقلب شريط قد صعُب علي نسيانه او حتى تناسيه......قد كان رحمه الله ابا واخا وصديقا....بالرغم من مرور سنين على فراقه ... ما زلت احس بمرارة اليتم.
| |
|
|
|
|
|
|
Re: منتـــهى...... الســغــالة (Re: سجيمان)
|
حلج التشاؤم فكرتك الى أحمد عضل في تمام المكنكة
مدخل (1) أتسوك الناموس معاي أخ يا.... هناي
حاشية لتمام الانبراش (2)
معقول أسيبك يا رشا جمب العمود بعد المسلسل قبل ما أصلي العشا متوحشة متوحشة
أيلول الأسود2003 داخل مركبة عامة بأتجاه الحنين أبو جنزير
| |
|
|
|
|
|
|
Re: منتـــهى...... الســغــالة (Re: سجيمان)
|
حبيبتى ياريدك مساحة عشانك اركب تكسى طراحة
ياحليل الشدة والتموت تخلى ******* توب ابقجيجة وجزمة الذيذى
انتو كيلة البصل بى كم؟؟ ******** حبيبتى ام نهود انتى سمحة والخالق المعبود سمحة ذى ثورة عبود
واااى انا يافلسطين ******* عتود شجرة سبيل حيطة فندك تُكل
جررر يالكلبة ******* انتى يالسمحة وشِك يضوى سراج ذى رجعت خالد الحاج
ياحليلك ياكيس مكرونتى.. ******** حبيبتى ام فستان الجننت الكيزان
واااى انا يانيفاشا ******* الترتار يترتر والدفار يدفر
سجمك ياشارع الظلط ****** حبيبتى تمبوشة إذيكم واهلِك كيفنهم
كلبتكم فى؟؟
| |
|
|
|
|
|
|
Re: منتـــهى...... الســغــالة (Re: Osman Hamad)
|
سجيمان هوي..
ياسجيمان هوي..
يا..س..ي..ج..ي..م..ا..ن
دو..ري..(مي..نصيحي...)..اووووه..دشكا
سغالة..ياسغالا..اوووه..دشكا
نكتبو لي الشعر دا..اوووه دشكا
نشربو لي العصير دا..اووه دشكا
عرعر دي شنو ليكا..اوووه دشكا
ياسلمي ياسلامة...اوووه دشكا
اخي سجيمان ابت نفسي والصديقة
سلمي الشيخ سلامة..المعجبة بك
دوما الا ان نشاركك السغالة...
ولا اراك الله في سغيلن لديكم...
| |
|
|
|
|
|
|
Re: منتـــهى...... الســغــالة (Re: مريم الطيب)
|
كاااااااااااااااك عمو سجيمان انشاء الله تتجازي لكن نحن ما سبقناك في المجال دة وانا بعتبر انو دة ضرب من ضروب الشعر العربي الجميل والذي لم يتطرّق له النقاّد كلو كلو
اها انا عندي قصيدة من عيون الشعر العربي كتبتها وانا خرمان سفة ومتقريف لي الشاي السادة
يا ليلي اين هاتيك الوسادة بل أين توب الكرب السادة الجابوهو النقادة
معللتي لا تنسي انيي في هواك فعلت مثل ما فعل قتادة وصنعت صنيع البلادة حين لمعت في خشمي أبتسامة مثل بارق ثغر غانيةً خرمانة لي سفة وكباية شاي سادة
الا يا تمباك هل اعبدك عبادة ام تنتظر من رموش الحقـّة سفتين زيادة
هذا وقد فازت هذه القصيدة في سوق عكـّاز المرق الما بنحرق وحازت علي اعجاب جهابزة العصر الحديث والقديم
| |
|
|
|
|
|
|
Re: منتـــهى...... الســغــالة (Re: سجيمان)
|
الاستاذ القدير سجيمان صاحب القصائد التى تضاهى المعلقات ونحفظها عن ظهر قلب.. لدي بعض المحاولات الشعرية التى ارجو ان تنال اعجابك وان تبنانى في هذا الطريق الوعر: الاولي: حبيبتى بتول.. وجدتها في التكل.. قالت لي تعال اكل.. التقول عارفنى جيعان.. التقول عارفنى جيعان.. التقول عارفنى جيعان.. التكل... الثانية : يا المطرةالفي المسيد والكتاحة الفي الجديد ويالغبار الفي الجنيد اكان مره تعالي اشحدي مننا النار.. ضفاف النيل الازرق... الثالثة: النملة ..النملة.. حشرة صغيرة مكتملة.. بالليل ما تشوفها.. وبالنهار هي مكشوفة.. ولو قرصتك بتحس بيها في الشلوفة... واحد قارصاه نملة... مدخل للخروج : كاننا والماء حولنا قوم جلوس حولهم ماء ...
| |
|
|
|
|
|
|
Re: منتـــهى...... الســغــالة (Re: abas)
|
سجيمان والشوق الجاري عليك اجمل ما في البورد عز الجحرائق أبتسامتك الدافئة ممكن أشارك هو بقرا رياضيات مشا لواحدة مكسر فيهابتقرا انجليزي قال ليها ياخ ممكن تشرحي لي قالت ليهو لكن أنا بقرا انجليزي وأنت رياضيات قال ليها أي ما أحنا رياضياتنا بالأنجليزي شفت السغالة المبدعة والريد نيلين
| |
|
|
|
|
|
|
سجيم(مان) (Re: سجيمان)
|
ان قلت ليك او ما قلت ليك واقولة ليك في وشيك واحدثك عن حبي الوشيك إن قلت كاش وان قلت شيك ان قلت مبشتن ان قلت شيك طائر في طيارتك وماشي مع مشيك طاير عليك وعلى وشيك
| |
|
|
|
|
|
|
|