|
|
 مـن دارفــور..... الي...دارفــار
|
الفار فرفر تحت الفروة
الفار حسي بقى يفرفر ...و.... يقدل فوق الفروة.....
الخوف دخلني وقلبي داير يتقطع.....وقدر ما اشوف فار... اقول يا النبي نوح. بقيت مرعوب من الفيران.....من الخوف بقيت لما ادور اقول دارفور..... اقول دارفار..... شوفتو جنس الحالة دي؟....جاتني حالة بتاعة فارفوبيا....وبقيت اريد الكدايس جنس ريدة ... ريدة عينة.......لحدي ما ام الخير شكّت وخافت اقوم ادبل فوقا بي كديسة....ومرة حلفت بي نظرا وعافيتا انو انا عندي علاقة مع الكديسة الزرقا الطوالي راقدة فوق الحوش ديك...عشان كدي هي مُصرة الايام دي تغير اسمها من ام الخير الي ....بُره...او.. سانتوت. وان سعلوها سانتوت يعني شنو؟ تقول لهم دا اسم سلوى لكن بالفرنسي انتو ما سمعتو بالمغنية الفرنسية الاسمها..سانتوت دي بافار؟.... كلو عشان ترضي زوقي وحبي الكدايسي النزل فوقي فجعه كدي........
فئران الزمن دا...ماهن مودبات.....وما ساعلات......ما بيعرفن الكبير من الصغير...ومافي شي غايظني غير قلة ادبن دي......دايرات شنو من كرعين الناس؟......اللاخر كلو سكتنا لو.....سكتنا لي مُساكاكاتن.....وجريهن في نص البرندة...كمان جانا قريّض الكرعين ؟ الكرعين حِكن الرغيف؟......وكرعين منو؟... كرعين ناس مو هينين.....؟....الفار يقرّض الكراع.....ويجي فايت فوقك جاكي ويكورك القرضّة دي لله.........
.اما زي كرعينا ديل ياكلنهن....بالدس عشان مافي فار يشتمهم ويقول لهم يا مقطعين يا جيعانين. يا رمرامين يا البي تاكلو الكرعين من دكان البرقاوي......حسي انا دحين ان مت من الجوع زي كريعات سجيمان ديل بدخلهن في خشمي...لو ما صغرة نفس؟....ويقعد يتفشر ويتبوبر ويغني لي نفسو.......
فار الخُشش اللابد في الجلالبية
يا ليلى هوي
العشاهو........... كُراعن طرية
..لكن برضو نحرص علي كرعينا...النوم بالجزمة والشراب... والجلابية وتحتها بنطلون...والايدين جوا جيوب الجلابية.....يمكن يقوم فار نفسو صغيرة .... يتعشا بالكرعين.....ويحلي بالعنبة الرامية فوق بيتنا....وكلو كوم والعنبة كوم تاني...........
ومافي شي مزعلني غير تربية الفئران في بيوت الحكومة..لو الواحد الظروف ساكت خلتو يبيت في بيت حكومة.... ممكن زول يقطع يدي....ومن الصباح يحلف بالتكسرو انو الفار اكل ايد الزول دا....والمصيبة لو اكلني من خلاف...ولاّ...لو جو لقوني مافي....وسعلو مني.... برضو يحلف ويقول الفيران البارح كان عندها عرس كورة واتعشت به.....وزيي انا دا عشرة فيران نفسهن عجباهن بي يقومن بي...غايتو انا من يوم الليلة ابقى ابو هريرة. و....وحالف ان ركبت طيارة سودانير كديستي تحت اباطي....ومحل ما امشي كديستي معاي...وفي البظبورتي ارفقها معاي..بي صورتا..ويبقى شعاري.......
شي بديع في.. غرامك
يا كديس يا .... سمين
ابراء ذمة
أي كشط او تزوير لبيت الشعر الفوق دا... يعتبر لاغي ..........
وانما الاعمال بالنيات
|
|
 
|
|
|
|
|
|
|
|
Re: مـن دارفــور..... الي...دارفــار (Re: سجيمان)
|
سي جي تحياتي يا لزيز يا رايق
Quote: شي بديع في.. غرامك
يا كديس يا .... سمين |
يازوول كدايس و فيران اليابا والتابا قهر وقوة عين .. يازوول ديل عندهم اتفاقيات ومعاهدات مع الكديس الكبير ...ولهم مارب اخري ...
يازوول ديل من العظمة العرضة يرقصوها في الزمن الغلط في {فار} اقصد زول يقدر يقول حاجة
| |
|
|
|
|
|
|
|
|
|
Re: مـن دارفــور..... الي...دارفــار (Re: سجيمان)
|
عزيزي الأخ
سجيمان ودعم بله
السلام عليكم
يهببو ليك شنو
الزمن دا لازم نكون فأر وفأر في كوبر كمان
قالوا اليومين دول الفئران في كوبر شغالين شماتة في فأر
قالوا يا فأر يا تعبان مالقيت الا رجل . . . . . . .
الفأر قال ليهم عض يعض عاض يعضض فهو جبهجي
| |
|
|
|
|
|
|
|
|
|
Re: مـن دارفــور..... الي...دارفــار (Re: سجيمان)
|
يا سجيـمان
يا خي الفار ده رسلوهو مخصوص يجيب عينة دم من الكراع عشان يقيسوهو خاصة بعد حالة الاضراب عن الطعام
وده فار معامل مربى علي الغالي ما هو نوع الفيران البنعرفها نحن
وهسه الفار ده يكون رجع لقواعده سالم ومعاهو عينة الدم وهسه المعامل شغالة فحص شديد وبكره بعد بكرة بيعلنو لينا النتيجة
وللفار حقنا النحن بنستعملو في كلامنا ده فار عادي زي ما يقولو ليك
فاري وين يعني جاري على وين
فره (طيره ويعني كمان انت خواف
فرفره وهي الحركة المبشتنة
زمان كنا بنقول الله يكفينا شر كدايس الاسبتالية وتماسيح السوق وهسه بنقول الله يكفينا شر فيران المعامل
جمال
| |
|
|
|
|
|
|
|
|
|
Re: مـن دارفــور..... الي...دارفــار (Re: جمال السنوسي)
|
سيجمان
بعد التحية وملــــــيون سلام على فئران بلادى (فئران عالمية)
اصلها بقت فى نشرات الأخبار سمعتها قبل يومين فى الجزيرة (الفار السودانى ..............
تلقى اسى فئران العالم حاسداها
شايف يدك وجعتك من الهبهيب قلتا اساعدك شوية ((هبببههبهب))
مع تحياتى
| |
|
|
|
|
|
|
|
|
|
Re: مـن دارفــور..... الي...دارفــار (Re: abas)
|
عباس
| Quote: وقال ليك انت ما لك عامل فيها صغير وحجمك صغير ما تقول للناس دي انو انت سمين ساكت |
سلم لي علي ابو وضاح.... الزول دا وينو؟
وقول ليهو انا بقول كدا عشان ما يعرفوني
اها كيفني ليك؟
| |
|
|
|
|
|
|
|
|
|
Re: مـن دارفــور..... الي...دارفــار (Re: سجيمان)
|
غايتو يا سجيمان أقعد هبش و(فرفر) بطريقتك دي لامن تجيك ضقلا يكركب.. الجماعة ديل ممكن يرسلو ليك فار مبرقع (زي لبس الصاقعة يعني، وليس من لزوم الحجاب) يقرضك قرضاً غير حسن (وليس المقصود هنا شيخنا) تفتش بعد داك للي يحل دينك ما تلقاهو.. 
| |
|
|
|
|
|
|
|
|
 Re: مـن دارفــور..... الي...دارفــار (Re: سجيمان)
|
اخوي سجيمان
شوف يا عمي
والله كديستك دي ما تعمل اي حاجة مع فأر كوبر
دا فار جهادي ،، وكان طالع غزوة ابو كراع
وقيل في الأخبار
ان الفأر استشهد بعد ان اصابه اسهال شديد
ناتج عن حالة تسمم ،،
وقد يعلن بين لحظة واخري
عن عرس الشهيد للفأر
وقالوا لحدي الحين مالقوا واحدة
من الحور العين ترضا بيهو عريس
عشان كلهن قالن ( الفار دا فرفرتو كتيرة
وشيوعي)
| |
|
|
|
|
|
|
| |
سجيمان
حبيب نورة
تولوس
الفاتح يسن
توما
جمال السنوسي
abas
صديق الموج
ود محجوب
humida
مريم الطيب
nazar hussien
ahmed haneen
فيس بوك
تويتر
انستقرام
يوتيوب
بنتيريست