|
مـــوناليــزا........ حبـيـــبـتي
|
محاولة شعرية..... غصبا عن اي زول....حسيت اني انا شاعر كبير لكن حقي مهضوم.... ومافي زول جايب خبري.... يظهر انا ظهرت متقدم علي زمني بمئات القرون.....هذا هو الشعر الفرضي....
موناليزا حبيبتي
دخل القش وما قال كش
موناليزا حبيبتي
قطع البحر بلا عضم ضهر
موناليزا حبيبتي
قطعت عضم ضهر البورد
موناليزا حبيبتي
جدادتي كيكت وبيضت في راس زول
موناليزا حبيبتي
خليكي.... جنبي
واديني الاي بي
موناليزا حبيبتي
ناس السويد يابكوكا
وناس الرميد يابكوكا
والكوكا القدر..الدلوكا
مونا ليزا حبيبتي
كلام الغم كلو قلتوهو
بس كلامي انا الما عرفتوهو؟
اريتكم بالبوامة يا البوم
موناليزا حبيبتي
منبرنا واحد
كيف اتقسم قسمين؟
موناليزا حبيبتي
ابعيون كحيـــــلة
شفتو داااك الليلة
انا حبيت اشاغلو
عمـــل الماسنجر حيلة
موناليزا حبيبتي
يا...عذارى البورد يا عذارى
هل رايتن حبيبي مع السكارى؟
موناليزا حبيبتي
عربدت بي بوستات السجم اذ طال النوى
وانا الخائب...كيف لا وقد بِتُو القوا
موناليزا حبيبتي
قلبي من حبك....قِــرف
وكيف ...حِظرنا بعد الولف
سجيمان بن الفارض مفروض غصبا عنكم
ملحوظة ______
عندي رغبة شديدة انو احرد البورد....لكن يا ربي في زول حيحنسني؟ مااظن
طلعت بحكمة
وهل يحرد القراد يا ابابكر؟
|
|
|
|
|
|
|
|
Re: مـــوناليــزا........ حبـيـــبـتي (Re: nada ali)
|
ندا علي
شكرا للاطراء على بوست الغنماية..... انا دائما بنظر للنص المليان
انا الوقت داك لو نضمت في الموناليزا.... كان طلعت واحد من الاتنين... يا اما كافر وشيوعي وملحد.... او ظلامي وارهابي...... عليك الله مو اخير لي غنمايتي ديك؟
| |
|
|
|
|
|
|
Re: مـــوناليــزا........ حبـيـــبـتي (Re: سجيمان)
|
هسي دا ما شعر الحداثة ذااااتو أسمع يا سي جي أنا داير أشارك،لكن بعد داك تقول لي شيل صندوق على طريقة دخيل الله،و الله يقدرك يطلع الصندوق ده فاضي..طوااالي بطلع شعرك ده كلام فاضي المهم أنا جادت قريحتي بالأبيات دي تمامة لقصيدتكم العصماء(لحدي هسع،ما معروف بعد الصندوق تواصل في عصوميتا دي..ولا) موناليزا حبيبة سجيمان شفتها جمب الدكان كشحت الوسخ فستان أبدا ما أتسخ قلت ليها جيتي حيينا أحي أنا
| |
|
|
|
|
|
|
Re: مـــوناليــزا........ حبـيـــبـتي (Re: nada ali)
|
ندا علي
Quote: (وما تقول لى طرشقى) |
لا يا ندا سلامتك من الطرشيق.... ان شاء الله اطرشق انا..ويطرشق البورد كلو....بس انتي المزعلك شنو بالضبط؟ خليك دقيقة... يا رقيقة.... ولو البوست كلو مزعلك انا اطلب من بكري يحذفو... حذفو البلا الياخدو..... وانتي تكوني رضيانة........اها قصرت معاكي؟
| |
|
|
|
|
|
|
Re: مـــوناليــزا........ حبـيـــبـتي (Re: سجيمان)
|
مونليزا حبيبتو
وين يا دمعه ورادي وغنمايه
مونليزا حبيبتو
ست الريد والدمعه الجرايه
مونليزا حبيتو
الباعوك باعو قلب اهنايه
مونليزا حبيبتو
ناس (نقط نقط) عزالك والبوفل
منليزا حبيتو
مين سرقك ايبيك سارق افكارك مونليزا حبيبتو
يا سي جي اصب واكتب ما شاعر
لا حجر لادم لا دادير لاعاساكر
مونليزا حبيبتو يا روح مشنوقه بسلبه واندايه
مونليزا
اسمعي ما تشتغلي بموضوع البالتوك ده كتير
*** سي جي ذي العجب وديني ,,,أقول ليك سر انته أساساً شاعري المفضل
محمد ما بطال
| |
|
|
|
|
|
|
Re: مـــوناليــزا........ حبـيـــبـتي (Re: Ibrahim Algrefwi)
|
كان يا ما كان فى البورد الزمان "وفى البورد الزا وومان" كـمـــــان بنية حلوة الآى بى طلقة البالتوك سنينة الماسنجر بوستها كالقمر لذا دعتها صويجباتها بـ مون أغرم بها رمـدان زمانه ومكسـّـر نسوانه سجيمان بن الفارض قال فيها أضكر الشعر و ملأ البورد بمشعلقاته كانت أشهرها:
موناليزا حبيبتي
دخل القش وما قال كش
موناليزا حبيبتي
قطع البحر بلا عضم ضهر
موناليزا حبيبتي
و لنا عودة فى الحلقة القادمة لتناول للجزء التالت من صالونه الأخير "أبو الدرداق و القمرة"
| |
|
|
|
|
|
|
Re: مـــوناليــزا........ حبـيـــبـتي (Re: Ali Alhalawi)
|
تحياتي يا سجيمان يا خوي
Quote: وهل يحرد القراد يا ابابكر؟ |
طبعا يحرد القراد يا سجيمان .... هو لو ما حرد القراد منو الحيحرد يعني و بعدين يا خينا
Quote: ان شاء الله اطرشق انا..ويطرشق البورد كلو.... |
هو بالله في طرشقة اكتر من كدا .... ما ياهو قدامك مطرشق ...
انت بس ما تطرشق قبال ما تلحن لينا المحاولة السكسكانية دي
| |
|
|
|
|
|
|
Re: مـــوناليــزا........ حبـيـــبـتي (Re: سجيمان)
|
سجيمان
بشارككم وما فى زول احسن من زول الليلة يالشعر جاك بلى
فى لحظة من لحظات تجلى صعبة وشديدة
أنبثقت من جوة دواخلى قصيدة
تكتب الحال .. وجزء من المحال
وأغلب الظن ..... فيني غيظة
موناليزا .............
سندوتش الجبنه ....... البطحنية الأديتيني ليو .................. ما حلو
وشجرة جيرانكم
الطالة فوق بيتكم ......... ما فيها ضل
وحا افِّلقك ....
وحا أفلقك ....
بس خلاص
| |
|
|
|
|
|
|
Re: مـــوناليــزا........ حبـيـــبـتي (Re: nada ali)
|
مونا ليزا حبيبة سجيمان عملتى شارع ظلط بين الكيمان
موناليزا هوووووى
بيجاى المستنيراب وبيجاى دعاة ارهاب
زمان كان الناس تخش فى بعض بالباب
وحسه اكان قطعتو..تقطعهم ذئاب
موناليزا هوووووى
وكلو بوست متلبدين وراه سكيورتى
كان خشت مره ولا ماينورتى
تلقاهم يزبدوا من " الوغى" الجريتى
يكتبوا فى المسنجر وينادوا باليونتى
موناليزا هوووووى
يكتلوا فى الضحيه وتانى يبكوا عليه
ويبقوا كذا الحمل..بعد "يجهزوا" عليه
يدلقنوا موقفوا...يدجنوا الحواليه
وقلبى يالذيذه شارع الظلط ما بيه
وقلبى يالذيذه شارع الظلط ما بيه وقلبى يالذيذه شارع الظلط ما بيه وقلبى يالذيذه شارع الظلط ما بيه
الليل ياموناليزا...شارع الظلط مابييييييه الليل ليله هويا..شارع الظلط مابيييييه
طنقطنقطنقطق طق طق طق
وهنا ممكن يدخل "الكورس"
ددو صفد
زى ما بتقول وئام بت ياسر,, تشيل باغتها وتمشى اوضة جدو..تغنى وتقول ليه بلجنه وشرمه وكل حلاوة الطفولة:
ددو صفد..تقصد جدو صفق طبعا
..وجدو ده ابوى بالمناسبه..
| |
|
|
|
|
|
|
|