|
Re: متعـــــــة الفلـــــس (Re: سجيمان)
|
من الأشيـاء الكانت محيارانى فعلاً مفهـوم الفلس، لحـد ما إكتشفت أنــو سببو الأساسى هـو عـدم القـروش.. وإذا ظهـر السبب بطل العجب. فإذا نصيحتى ليك إنو تكون عندك دائمـا قروش، وما حتشعـر بأى أعراض للفلس تانى والله أعلـم.
| |
|
|
|
|
|
|
Re: متعـــــــة الفلـــــس (Re: Abureesh)
|
ابواتك يا حشاى حاشا ما بحلو بالباسطة وابواتك يا حشاى للفلس ما دايرين واسطة
دى قلبت فيها هوبة يا سجيمان يا صديقى فى الهوى والفلس شايقى دنقلاوى ويا محسى
| |
|
|
|
|
|
|
Re: متعـــــــة الفلـــــس (Re: safwan13)
|
السجيمــان الأن دعنـا فى الجـد. ما أفتكـر إنك مفلس مهمـا إدعيت، والأن هاك الإختبـار دا:- أجب على هـذه الأسئلـة بلا أو نعــم ثم أحسـب عـدد الـ نعــم ، فإذا كانـوا أكثـر من صـفــر فإنك ربمـا كنت مفلسـا فعلاً.
1- إذا غلبتك الحجـة فى النقاش، هل تضرب مناقشك بالســيخ؟ 2- هل تتفادى نقاش بعض المواضيـع يدعوى أن طرقهـا يحـرج الإســلام؟ 3- هل تجرح مشاعـرك إذا رأيت أحـدهـم يأكل فى نهـار رمضـان؟ 4- هل تميل لمقاطعـة محـدثـك بمجـرد أن قفز إلى ذهنك رأى فى جزء مما قاله؟ 5- هل عنـدك الإستعـداد الفطـرى لتأييـد من هـو أعلى صـوتـاً وأكثـر عـدداً؟ حظـا سعيــدا لكم جميعــا
محمـد عثمـان
| |
|
|
|
|
|
|
Re: متعـــــــة الفلـــــس (Re: سجيمان)
|
زمان جدى حكى لى قال لى اصلو امك ولدتكم تلاتة تيمان ودى كان ظاهرة غريبة وعشان نكف العين ادينا واحد لاسرة وحتى الان مامعروف دربو وين....اها فضلت انت وتومك الفلس دا .....ابقو كوسو اخوكم التالت ياربى يكون ............
| |
|
|
|
|
|
|
Re: متعـــــــة الفلـــــس (Re: 3mak Hasabo)
|
عمي حسبو.......... عندي احساس كدا انو انا فعلا تومكم انت والفلس............. شكرا يا بكري....... يا مجمع الشمل والاهل......والفقر والفلس...وفعلا يا عمي حسبو شوف الاسامي بتاعت تيمان فعلا .....................حسبو........ سجمو....... فلسو......قادر الله في احكامو
| |
|
|
|
|
|
|
Re: متعـــــــة الفلـــــس (Re: 3mak Hasabo)
|
عمي حسبو....الجماعة اصلهم النضم بيكونو شافوهو...... علا في شان الفلس حاجة كعبة.... ما بيقولو دي عنصرية..... بيباركو لينا...... لكن رايك شنو نرسل لعلي عثمان في كينيا يضيفوهو من ضمن الحاجات العاوزين يقسموها زي السلطة والثروة...... ونديهم ستين في المية من الفلس
| |
|
|
|
|
|
|
Re: متعـــــــة الفلـــــس (Re: سجيمان)
|
الأخ سجيمان سـلام
و الله يا خوي كلامك لذيذ و اسلوبك حلو شـديد و صدقني موضوع الفلس دا كتيرين
بشاركوك فيهو لكن ما بقدروا على أسلوبك دا . و دخلت البوست بتاعك دا و قعدت
أفتش لي على أي كلمة أو جملة ممكن تتأول لي عنصرية من بعيد أو قريب لكن الحمدلله
كل الكلمات ما فيها شـئ لكن بيني و بينك ديل ما عايزين ليهم سبب ممكن يعني كل
شـئ متوقع.
و بعدين صفوان 13 دا مالو رد على بوست تاني في بوستك دا باص ثروا و لا شنو
| |
|
|
|
|
|
|
Re: متعـــــــة الفلـــــس (Re: ABUHUSSEIN)
|
حسين يا زول هوي انا تاني بعمل حسابي....واختيار الالوان حاخضعو.... لفلترة....واي حرف القاهو ما راكب عدلو ارجعو.......ومالي ومال خط الاستواء.........
زمان كان في توب اسمو خط الاستوا
ما سمعت كابلي
الموز روا
قايم سوا
قطعو لو خط الاستوا
| |
|
|
|
|
|
|
Re: متعـــــــة الفلـــــس (Re: سجيمان)
|
أخي سجيمان الفلسان الفلس ما عيب ، العيب السرقه من الجيب (واحد مفلس) الكديسه لمن ما قدرت تلحق الشرموط قالت عفن (حبوبه بنونه) واللي ما يطول العنب حامضا عنا يقول (مقطع من أغنيه للفنانه أحلام) في حالتك أنت أخي سجيمان المسألة ما مسألة فلس ممكن تكون مسألة فقر أو نحس مركب وهو ما أدى إلى سقوط أول ماهيه لك في بيت أدبكم ولو سألوك يا سجيمان إنت شايل الماهية معاك ليه إنتو الدخول عندكم بي قروش ولا شنو؟ ، وربما تكون من المبذرين لأنو كل ما تلقى ليك قرش تجري السوق. أو حتى مستجد نعمه عملاً بالمثل القائل مستجدالنعمه ضايق. الفلس أخي سجيمان مصيبة عظيمة، وخلينا في فلس القروش وبس الآن ، ألم تسمع عبد الله عبد القادر البعيو يغني ويقول مرددا: الما عندو القرش القرش من البنات يتغبن تحرقو العبره ويتعوض دمعو الكبن. يعني فلس يبكي عديل كده ويخليك عزابي مدى الحياة تعيش وحدك وتموت وحدك. الغريب أخي سجيمان أن القرش وحدة عمله والفلس وحدة عمله ، فلماذا نطلق على من عنده قروش مقرش وعلى من ليس لديه قروش مفلس ؟ وأيضا أنت لا تتعامل في بلادك بالفلس فلماذا تكون مفلسا ولا تكون مدنراً إذا كنت تؤمن بعملة الدينار أو مجنهاً إذا مازلت تتعامل بالجنيه وبلاش التعامل بالريال لأنه عندها سنقلب المعنى.
| |
|
|
|
|
|
|
Re: متعـــــــة الفلـــــس (Re: maia)
|
متعك الله بالصحة والعافية يا سجيمان
بقدر ما تمعتنا بكتابتك (المدهشة)
نشاركك الفلس ... ولعن الله الفلس أينما ما جلس ....
ويمكن أن نتبنى يوماً للمفلسين (وليس المفُلسين) على غرار يوم المشاءين(بس ليس بنميم) ويوم القتلة والمجرمين ،،، وكده نشوف بكري أخونا ....
وأزيدك من الشعر بيت رغم إنك سيد العرفين ، أن الفلس خشم بيوت
ترى فيهم من يقول كيف أعيش بلا خبز
ومنهم من يقول كيف نعيش بلا كابريس (دنيا ومفارقات عجيبة )
| |
|
|
|
|
|
|
Re: متعـــــــة الفلـــــس (Re: ولياب)
|
تعرف ياسجيمان جدنا أبو أمنا الله يرحمو قالو كان بيدعي بعد اي صلاة لي اولادو .. لا تغنو تفوتو ..ولا تفقرو تموتو - دي واحده جدنا الكبير ، والكبير الله طبعا ..كان تاجر دهب . زمن التسوي تلقا .. والسجوك كان مافي ذاتو خليك من السجوك بالمتر .. كان بيتاجر اثيوبيا والسودان ..ويجيب الدهب ما ان مفاتيحهو لتنؤ . .عامل فيها قارون كان .. قال ليك دهب بالجنازير .. اهافجاءة كده طارت ليهو .. نص الليل حمل الدواب .. والبغال .. والحمير وقال لي الشباب يلالا ..وطلع بيها سقط لقط ودفنه ي مكان ما في زول عارفو ذاتو .. وقعد علي الحديدة وحياتك .. اها اولادو لما زرزروهو ياجلك وديت البشكةوين ؟؟ الضحاكات .. الحموري ؟؟قال ليهم البيمشي يفتشه ويسأل عنها ..انا ما عافي ليهو .. تتخيل انا ذاتي ما عافي ليهو ...
| |
|
|
|
|
|
|
Re: متعـــــــة الفلـــــس (Re: سجيمان)
|
يديك العافية يا سيجمان وفى كل بوست ليك , دة اصبعى خت بيه بصمة اعجاب وكلك على بعضك حلو .. يا سيجمان
الفلس ممتع لما تكون متأكد وراه فى قروش جاية
سكنت من قبل مع طالبة اردنية وفى مرة فلسنا وصل حد الغنى وكنا بنشرب الشاى بعسل فى مرة جد ضاق خلقى , قلت ليها انا ما حانتظر أخر الشهر يلا معاى اتصل بأهلى يرسلوا لى
وعشان تهون على قالت لى اقول ليك حاجة انتى عارفة انو (نجلاء فتحى) عايشة على العسل والموية حتى الشاى بتشربه بالعسل , زى حالنا كدة !!
قلت ليها , على قولكم بلا نجلاء فتحى بلا بطيخ
ويديك العافية تانى يا سيجمان , ويخلى ليك المدام مفلسة بيك انت يا المفلس وعند الله جزاك
| |
|
|
|
|
|
|
Re: متعـــــــة الفلـــــس (Re: OmDur)
|
امدر...... تعرفي انا استغرب في الناس الماقعدين يفلسو ديل عايشين كيف؟...... ينعي ما لذيذة اي حاجة تطلبيها تلقيها قدامك....متعة الشي في الحصول عليه بعد حرمان........... شفتي الفلسفة الفلسية دي كيف؟
| |
|
|
|
|
|
|
Re: متعـــــــة الفلـــــس (Re: ود الشيخ)
|
كلما اريد ان اعلق يقف في حلقي لقبك هذا فلا استطيع له نطقا ..ياخي ما تغيروا..والله انت ما هو ياخي ..كلما اقرأ لك بوست..اخرج من العالم المكفهر هذا ..واضحك ملء في وملعون ابو الدبرسة علي وزن ملعون ابو الفلس!! سلمت..
| |
|
|
|
|
|
|
Re: متعـــــــة الفلـــــس (Re: ود الشيخ)
|
ود الشيخ.... ازيك ......وين يا راجل انت؟........ قلت لي جدكم قال الناس حطابا؟.......طيب غابة وشجر شنو البيفضل....؟.....ما دام الناس كلهم حطابا..... دي يكون دعى للناس كلهم مش نسلو بس
| |
|
|
|
|
|
|
Re: متعـــــــة الفلـــــس (Re: سجيمان)
|
الظاهر النضمى دا قبيل عويناتك جلنو ....ل=اسى بجيبو ليك لحدى عندك
شوف الحِكم دى صحيح الله قادر ولو جيت وزنتها من ناحية اسماء تانى.....تلقى التيمان..عثمان ... فلسان....سجيمان.....(السودان). عاوز اقولك ماتستغرب كلنا شوايقة لكن خايف الجماعة يجو يقطعوا لى اسى......يلا سلام قبل ماتجيب ليها عنصرية
| |
|
|
|
|
|
|
Re: متعـــــــة الفلـــــس (Re: سجيمان)
|
سيجيمان ربنا يديك العافية وليك وحشة
انت ما سمعت ود العبيد يقول الزول المفلس تتقفل القدامو وتتواتا الكديسة محل يودي حمامو
ياخوي انا رغم التعود علي الفلس الا بسوي لي ضيقة خلق ومرة مرة صداع
لك الود ياجميل
عبدالله جعفر
| |
|
|
|
|
|
|
|