|
|
 كيــف تختــار عــروسـك
|
انا زول واقعي وواقع من السما سبعة مرات... قايل نفسي كدي....وبدرو اي زول يبقى زي....البنيات الفي السهلة ديل...ما تتكل على شكلهن حق الشارع دا كتير...ان بقيت زولا زول عرس وملزم عليهو طب...واخترت شريكتك..... اولك بالتبادي.... شيل منها تلاتة صور...واحدة باسبورت ويكون الوشي واضح.... تانية تكون كاملة من الراس للكرعين... تالتة تكون وهي مكوعه وراقدة في العنقريب...الله يبارك في التكنلوجيا.... جيب جهاز كمبيوتر واسكنر وبرنامج معالجة الصور... اي برنامج.... فتوشوب او غيرو...انقل الصور للجهاز ...وابدا بالصورة حقت الباسبورت.... اول حاجة احلق للصورة صلعة وشوف منظر عروس المستقبل حيكون كيف؟...والصلعة لانو الظروف ما معروفة ممكن اثناء سنين زواجك مرتك تحصل لها ظروف وتكون محتاجة لي صلعة..او ممكن حبوب منع الحمل ظعطت شعرا....تاني حاول اعمل صورة وشعرا منكوش...لانو اكيد اكيد انت حتشوفا وهي شعرا منكوش....واشارطك من تاني يوم في شهر العسل حتشوف الشعر المنكوش...
صورة برضو وشيل الحواجبين برا... يعني خليها بدون حواجبين.... لانو ممكن جدا تكون حاوجبيها ديل مرسومات ساكت.... بي قلم حواجب وهي تكون ملطا....بعد كدا صورة وعينا واحدة وارمة... لانو لابد من واحدة من عيونا تورم وممكن جدا الاتنين وانت معاها خلال سنين زواجكم...صورة برضو وخلي شلوفتا الفوق وارمة....لانو لابد من ان تصبح من الصباح في يوم من الايام...وتلقى شلوفة مرتك وارمة... من اي حشرة جات عضتا فيها.... صورة برضو يكون جضما وارم..الضروس ونحن ناس ديمة ضروسنا وارمة وموجعانا....يكون الضرس وارم.... وصورة برضو افتح خشما للاخر وخلي عويناتا تغتس.... دي ممكن تمثل لك حاجتين.... هي بي تبكي او هي بي تشهق..والبكا والشهيّق ياكا الشايفين ان طرت السما..وتاني برضو للاحتياط ممكن تكسر سنونا القدام في صورة منفردة...وخاصة لو كانت مرتك من النوع البيقوم من النوم فونتروب وتلقاهو خبت الباب ولاّ الحيطة...
تجي للصورة وهي واقفة يا سيد الامنتي ليك..... حاول اعمل صورة لمرتك وهي سمينةجدا.... لانو من الولدة الاولي اي مرا عندنا قاعدة تتفرش وتاني يلمها رب العالمين.....وصورة وهي حامل...وكرعينا وارمات.... وحاول جهدك تخت ايدها في نص ضهرا...ركز علي الشهر السابع والتامن من الحمل....
تجي للصورة وهي راقدة في العنقريب....حاول تخليها زهجانة ومكشرة وتبصق وهي بتتوحم....ولاّ عندها ملاريا...لانو الاتنين عندنا ما عندهن فرق من بعض.... طمام بطن وطراش....ونضم من تحت النخرة....اعمل صورة وهي متحننه...اربط الكرعين باكياس نايلون...والايدين واحدة في وضع بونية...والتانية في الخشم... عشان تبل بها الحنة وما تقع وتتملص....ودا المنظر الكلاسيكي التقريبي للمرا المحننة....
اي حاجات تانية ممكن تخطر علي بالك.... حاول اضع لها تصور مسبق....وبعد داك ادي نفسك فرصة تلاتة شهور متتالية عشان تتفرج وتشوف الاوضاع دي..... ان نفعت معاك ولقيت نفسك راضي عنها.... اتوكل على الله ...... وتلغبك بالعيال وتلغبا بالمال
|
|
 
|
|
|
|
|
|
|
|
Re: كيــف تختــار عــروسـك (Re: سجيمان)
|
The topic is really wonderful, cinicaland has something to do with reality, althought not much, but what I really want to say is that : One of the most difficult thing nowadays is how to choose your bride? Despite the difficulty of providing the marrige need from money, furniture, house, dowery etc.... however, these things tend to be alittle bit eliminated lately, and the marrige became somehow simple and costless in comparision to the past. It a fact that the real problem now is not only providing the marrige needs, but, also fidning the aprobriate bride, the desired one who is going to be your future partner, we just can't deny that lately a great change has occured, unfortunately, to the worse, there is a disentigration, impolitness, rudeness etc... alot of bad behaviour attitudes and outcomes, resulted from a multible reasons, starting from the carelessness of families, imported western life style and ways of life, attitudes, which has a great impact on our youth, specially girls, hardship of life and way of providing living needs, which has led to bad ways of getting money and needings of life, although not all sectors are affected by such things but vast numbers have. So it true that it is really a little bit difficult to find your future partner, unless you do very well know her, her family, her behaviour, and almost everything about her, and this rare one represent only 1 in 30 approximately. This is the bad truth really, we have to accept it despite it is bitterness. We have much to do in our societies, changes in our selves, and our way of life, in our customes and tradition, we have to fight the imported western life styles which so strange, weired and new to us, and almost has nothing to do with our customes and traditions, we have to be careful and patient when trying to choose our future partner, as it is not a matter of one day life, or hours, it a life for the rest of our lives, and there is going to be children, genrations to raise up and look for.... that is why the celection has to be fair, wise and rational, hope God help us all in our lives and give us good luck in finding what we are looking for...Amin.
| |
|
|
|
|
|
|
|
|
|
Re: كيــف تختــار عــروسـك (Re: سجيمان)
|
يا سجيمان اخوى وحم شنو ووهم شنو ده كان زمان،الزمن ده اهم شى
الاخلاق،اخلاق ابوها فى البنك لو كانت عاليه حتى الواحده ان بقت بى
عين واحده الواحد يشوفها زى جوليا روبرتس .
الوليدات يا اخوى وصيهن سمح وخلى الطرطشه حقتك دى،،،
| |
|
|
|
|
|
|
|
|
|
Re: كيــف تختــار عــروسـك (Re: سجيمان)
|
| Quote: لانو ممكن جدا تكون حاوجبيها ديل مرسومات ساكت.... بي قلم حواجب وهي تكون ملطا. |
سي جي..
أول حاجة يا مصيبة ملطا دي ما بيقولوها للحواجبين.
| Quote: ....اعمل صورة وهي متحننه...اربط الكرعين باكياس نايلون...والايدين واحدة في وضع بونية...والتانية في الخشم... عشان تبل بها الحنة وما تقع وتتملص |
أما دي فقلبت فيها الهوبة يعلم الله
| |
|
|
|
|
|
|
|
|
|
Re: كيــف تختــار عــروسـك (Re: aboalkonfod)
|
ابو القنفد
| Quote: الله يودر مِحنك .. بورت الجنيات |
لا لا والله.... انت عارف وليدات الزمن دا الواحد يعرس الواحدة وبعد سنتين يفكها عكس الهوا....وكلو عشان ما ممتخيل الحاجات دي..عندها
| |
|
|
|
|
|
|
|
|
 Re: كيــف تختــار عــروسـك (Re: سجيمان)
|
عارف يا سجيمان
اديتني فكرة كويسة..يديك العافية
أمشي هسع افتح بوست وأسميه
كيـف تختـارين عريـســك
أيدك معانا
وبنديك حق الملكية الفكرية.......
بتَصَرٌُفْ.......
| |
|
|
|
|
|
|
|
|
 Re: كيــف تختــار عــروسـك (Re: سجيمان)
|
سجيمان أخوى
الله يجازى مـِحَنكْ ، لكين الغتاتة عليك شنو؟ ما كان تقول الكلام ده
من زماااان قـُبّال ما نتوكـّر .
لكين يا أخوى زى ما قال أخوى خالد الحاج ، الوصف الفيهو ختت
الحنة قلبتَ فيهو الهوبة و دا ألشى الخلانى أشـُكْ فيك وأقول فى
سِـِّرى يا ربى سجيمان دا قاعد يتحنن ؟؟؟؟؟
أخوك / طه
| |
|
|
|
|
|
|
|
|
|
Re: كيــف تختــار عــروسـك (Re: bayan)
|
سجيمان الحبيب
ما كنت عارف انك قاعد تتحنن،،،،
وبعدين يا أخوي خليك في النص الفاضي وأوعك جنك يوديك تسوط في النص التاني،، وكان هبشتو بتجيب لينا زمن شم العود سريع وبتبور البنوت ونحنا عندنا فتو كايسينلهن الولاد يسوقوهن.
بت العم الدكتورة بيان ...
هو تمباك الجن ده حتى ماليزيا وصلها ؟؟؟
| |
|
|
|
|
|
|
|
|
|
Re: كيــف تختــار عــروسـك (Re: Al-Shaygi)
|
الشايقي
| Quote: نحنا عندنا فتو كايسينلهن الولاد يسوقوهن |
انا براي ابو فتو......عشان ما يعرسوهن وبعدين يكتشفو الحاجات دي ويفكوهن عكس الهوا....وليدات الزمن دا ما مضمونين
| |
|
|
|
|
|
|
|
|
|
Re: كيــف تختــار عــروسـك (Re: bayan)
|
بيان
Quote: وتانى راقد على الجنبة يبحلق فى الواطة يرعى فى غنم ابليس(المسقفاتية بس)
|
ما تدي معلومات غلط..........دي حالة حب....والرماد كال سعاد
| |
|
|
|
|
|
|
|
|
|
Re: كيــف تختــار عــروسـك (Re: bayan)
|
Quote: تشيل الشعر تشوف زوج المستقبل صلعة كيف.. وبعدين تعاين لعينو كويس وتكبرهم وتصغرهم..
لانه دى حتكون توريها هو سكران واعى شكلو بيبقى كيف
..
وبعدين تمشى محلة الفم تعاين كويس تعرفو بيخت السفة وين
لو الحتة الفوق فيها بروز غير مبرر معناها النوع الخواف البيخاف من ابوه عشان قد بيسف فوق
..
واذا كان خشمو عامل ذى الاكبر منو ومستلفو من اخو الكبير قطعا لايوق و وما بيخاف من ابوه وبيسف على عينك يا تاجر
خاصة لو لون الشلوفة التحت محمر حبة ومظلط يعنى بسف من اللفة
..
صورة وجهه جامد القسمات دا لمان ناس اهلك يجو يزور
|
وحات شيخي اب قبة بمبة مسخسخ ... ديل قلبتي فيهن الهوبه يا بيان
وانا اقول الدكترة والقراية طششت العوينات .. 
اتاريك خبرة وعينك نجيضة
اثعدتو صباحنا انتي وثجيمان الله يثعدكم
ؤبث
| |
|
|
|
|
|
|
|
|
|
Re: كيــف تختــار عــروسـك (Re: سجيمان)
|
سي جي العزيز
تحياتي
طيب يا دكتور الناس الفي الحتات ماعندهم إمكانية تصوير و صور يسووا شنو ؟
أها هاك التراجيديا دي :
غايتو واحد في قرية مشى خطب واحدة ،، ليلةالدخلة لقى العروس أختها الكبيرة ،، ( تزوير في زوجات مختارة ).
| |
|
|
|
|
|
|
|
|
 Re: كيــف تختــار عــروسـك (Re: سجيمان)
|
دكتور سي . جي
تحية بحجم الضحكة والمتعة في بوستاتك
دي صور لكل المراحل بدء من الاولية ومروا بالمنكوشية لكن ما شايفة المرحلة النقناقية
اصلو المرحلة النقناقية دي عندها ملامح براااها
| |
|
|
|
|
|
|
|
|
|
Re: كيــف تختــار عــروسـك (Re: maia)
|
مايا
Quote:
اصلو المرحلة النقناقية دي عندها ملامح براااها |
وبرضو عاوزة برنامج معالجة الصوت....عشان يعرف صوتا وهي زعلانة....وهي بتتخنق وعاوزة تبكي....وهكذا
| |
|
|
|
|
|
|
| |
سجيمان
nazar hussien
BECKHAM
صديق الموج
aboalkonfod
omer almahi
shiry
Salah Musa
haneena
طه حسن عبدالله
bayan
Al-Shaygi
طيفور
abas
ابو جهينة
فيس بوك
تويتر
انستقرام
يوتيوب
بنتيريست