|
|
 قَـدَلَة يا.. لاهـــاي..حافـي حالــق
|
وحات الله امريكا مستهبلة..وحكومتنا مستهبله.... والاممة المتحدة مستهبلة .......ومجلس الامن كبير المستهبلين.....قالو ييجبو الناس ويودوهم يحاكموهم في لاهاي.....القرار يا الله ويا امين مرق من خشم ناس مجلس الامن.. امريكا قال تف......... اصلو قرار زي دا ما تسوهو...... عشان شنو؟...... عشان في ناس امريكان برضهم مجرمين حرب.....ونهارة باكر يجو الجماعة يقولو يودوهم لي لاهاي....والجقلبة تقع..... انا امريكا ست الحل والربط.....ناسي ما بيحاكموهم في لاهاي ناسي يتحاكمو عند اهلم...... بريطانيا من عامنها مطموسة قولي لي امريكا انتي ما تصويتي علي القرار.....وسوي نفسك كأنك ما سمعتي شي....والقرار اصلو نضم في ورق....ويا امريكا يا اختي النضم دا هرشة ساكت.....وانتي عارفة البئر وغتاها......حكومتنا برضو عارفة انو هرشة..... لكن بتسوي نفسها خايفة وانها مسكينية......ديل ناس السياسية ديل... حليلكم منهم........
وبعدين وحات الله البيودوهم لاهاي ديل....... ناس بخيتين.......هو في زول لاقي يودوهو اوروبا؟......الناس كلها تقابض وكايسة لي درب المرقة..... اها ديل جاتم في محلهم في حظ اكتر من كدي.....؟.....وحات الله دا كان انا..حسي كانو الناس مالين الحوش... وجاين يباركو.......وانا مكوع فوق العنقريب....وفرحان فرح شديد.....واشبك الناس هلو هلو... هاي هاي.... والزول ماشي لاهاي.......بعدين حلفو قالو السجن هناك...فُندك عديل كدي.....نوم واكل وشراب....واكان معرس كل يومين مرتك تجيك وتبيت معاك.....وان ربنا قسم وجبت جنا.. عدل الولادة...والسماية.... كلو علي ناس لاهاي.....و الولد بعدين ياخد الجنسية....ويمرق لك خواجة راسو عديل كدي.......
نان انا محظوظ؟........ ساكن في بيت كلو فيران.....جنننا وعذبننا.... وفيران البلد دي تغيانات...ولا ساعلات.......الفار عندنا هناك يشوفك يقوم جاري.. ديل هنا لا... يقدل...ويضرّع قدامك....... جبت الدواء سويتو ليهن.... اول البارح تلاتة واربعين فار.... لقيتن ميتات..... الفار ورا الفار....عديتن مرتين ...وللتاكد جبت الوليدات يعدوهن تاني......شفتو النعمة دي؟......... والله حنيت علي روحي..ومن البكا جبت شي... انا زول محموووووول... تلاتة بنات وولد وامهم وتلاتة واربعين فار وجهاز المغتربين..ديل كلهم ياكلو من ضهري....... اها دي مش حالة اخير منها لاهاي؟
|
|
 
|
|
|
|
|
|
|
|
Re: قَـدَلَة يا.. لاهـــاي..حافـي حالــق (Re: سجيمان)
|
| Quote: انا زول محموووووول... تلاتة بنات وولد وامهم وتلاتة واربعين فار وجهاز المغتربين..ديل كلهم ياكلو من ضهري....... اها دي مش حالة اخير منها لاهاي؟ |
الله يخلي ليك العيال، وام العيال.. وربك كريييييييييييييييييييييم.. كل زول بجيك بي رزقه...
وبث (على قول عمو طيفور)
بنت الحسين
| |
|
|
|
|
|
|
|
|
|
Re: قَـدَلَة يا.. لاهـــاي..حافـي حالــق (Re: سجيمان)
|
| Quote: علي روحي..ومن البكا جبت شي... انا زول محموووووول... تلاتة بنات وولد وامهم وتلاتة واربعين فار وجهاز المغتربين.. |
غايتوا جنس كضب اذا كانت الفئران اشتكن لبرجيت باردو وقالوا
ليه سجيمان من مااغترب ما اشترى ليهو تلاته كيلو لحم ..كل يوم
يقبض ويشوى فينا لما شفعوا بدل بابا بقوا يقولو ليه داوووووود
والشافع تقول ليه سلام يقول ليك بس..غايتوا يا مافى الحبس
مظاليم وبعدين الزول ما دكتور حيوانات عارف المطائب
وبعدين سؤال برى يا دكتور ام فتفت الفار فيها كم سعر حرارى؟؟
قال كتلن قال؟؟؟
| |
|
|
|
|
|
|
|
|
 Re: قَـدَلَة يا.. لاهـــاي..حافـي حالــق (Re: Ali Alhalawi)
|
سى جى
اربط كفاحك مع واحد من المطلوبين وادفع ليه قرشين يختك بدله
وبالمناسبة بخصوص الفيران اللى راحت روحهم هدرا للدفاع عن النفس
والكلأ والملجأ ديل ناس جمعية الرفق بالحيوان محكمتم فى حلة كوكو
اعمل حسابك اليوم داك تقول حليل المملكة.
| |
|
|
|
|
|
|
|
|
|
Re: قَـدَلَة يا.. لاهـــاي..حافـي حالــق (Re: على عمر على)
|
سجيمـان،
سلامـــــات..
يا أخوى حصل اللستـة دى أحسن قبل ما يقفلوهـا.. قالوا فى ناس فى شـارع الجمهـوريـة، تدفـع ليهـم المعلـوم ويدوك جواز جنجويــد.. وإذا دايـر جواز على عثمـان زاتـو يطلعـوه ليك، بس فى دى لازم تتقل جيبك.. الجوازات صحيحـة 100% ما عـدا الصـورة.. وشـرطهـم أنك تلاقى ناس لاهـاى فى المطار.. وتمشى قدامهـم، وانت عامل فيهـا زى العايز تهـرب فى طيارة.. بس هـم طبعـا حيتعرفوا على صورتك وياخدوك على طول.
أهـا قصــرنـا معك.. بس خلى الكلام دا بينى وبينك.
| |
|
|
|
|
|
|
| |
سجيمان
نصار
مريم بنت الحسين
nahar osman nahar
صديق الموج
أحمد الشايقي
Abdelrahman Elegeil
WadalBalad
انتصار محمد صالخ بشير
ترهاقا
على عمر على
طه حسن عبدالله
فيس بوك
تويتر
انستقرام
يوتيوب
بنتيريست