|
|
 فــوفــو بعد شفاءها من الشــاكــوش"توجد صورة"
|
اغذاً بالعينِ ام بالعينِ عوارُ
ام ذرّفت بعد ان غشاكي بُوبارُ
مطلع معلقة فوفو وهي تهجو انور كينغ....وتوريهو شبهو...وتقلب له الكرتونة...بعد ان شوكشها..... وقد مرت شاعرتنا.... بظروف عاطفية قاسية..... جعلتها تحرد البزة....وتهضرب وتكوبس.. ليلا نهار وهي تنادي.... كينغ فو كينغ فو.....بعد علاج دام اسابيع وكلفنا دم قلبنا.....تعافت فوفو من الشاكوش...وهي اكثر صلابة واقوى عودا...وامضى شكيمة وشتيمة..بعد ان كانت تهضرب وتكوبس وتقول كينغ فو كينغ فو... اصبحت تقول كينغ طز كينغ طز بفضل الله تعالى...ان ذلك الغير محظوظ انور كينغ.... ضيع من يدو درة ثمينة..... لن يجد لها رصيفة ..ولو في الصين الفرحان بها دي..... شوفو وتاملو هذه النُخيرات.. هذه النخيرات التي ما فتئت تتمدد وتتمطط....لو قلب السودان دا درابة درابة..... حيلقي زيهن؟...طبعا لا...وابدا لا......تاملو ذلك الراس البتيخيُ .... الذي ان دل انما يدل على انها بنت ابوها......لا تستغربو صلعتها كان لها شعر نغتيها بيهو ولكنه الشاكوش الذي ذهب بشعر فوفو...وصدقت عندما قالت له....وهي قنعاااااانة تحمد ربها
اذهب وطير في بلاد الواق واقُُ
انت لست كمبيوترياً بل انت حلاقُُ
|
|
 
|
|
|
|
|
|
|
|
Re: فــوفــو بعد شفاءها من الشــاكــوش"توجد صورة" (Re: lana mahdi)
|
سي جي،
ما شاء الله على فوفو بت أمها وأبوها
ربنا يحفظها ويغطيها من كل عين
لكن أوعك تديها لي ناجي الملك..
- بعد إذنك يا لنا -
والأسباب بعدين
غايتو برشح ليك عمر ولدي
مولود في أمريكا (أمريكي)
أبوه سويدي (سويدي)
عايش في بريطانيا (بريطاني عما قريب)
الأم والأب سودانيين (سوداني)
ومرشح للجنسية البحرينية
يعني خاتف خمسة جنسيات
تقول لي كوريا.. يا شباب كوريا
واللا التاني اب نضارات داك 
| |
|
|
|
|
|
|
|
|
 Re: فــوفــو بعد شفاءها من الشــاكــوش"توجد صورة" (Re: سجيمان)
|
سيجيمان صديقي الزمان..
ما تقول لي هسع مالك.. لأني زاتي ما عارفة..
المهم.. جابتني الصورة طبعا.. زيي زي الجماعة البرًة ديل كلهم تلفتني كلمة "صورة"..
فوفو حلاااتها.. بكرة يجيها عريس البنيات لي حدهن..
تقول لي أنور كنج..
هعععععععععع
رمضان كريم..
| |
|
|
|
|
|
|
|
|
|
Re: فــوفــو بعد شفاءها من الشــاكــوش"توجد صورة" (Re: سجيمان)
|
| Quote: شوفو وتاملو هذه النُخيرات.. هذه النخيرات التي ما فتئت تتمدد وتتمطط....لو قلب السودان دا درابة درابة..... حيلقي زيهن؟...طبعا لا...وابدا لا......تاملو ذلك الراس البتيخيُ .... الذي ان دل انما يدل على انها بنت ابوها......لا تستغربو صلعتها |
LOOOOOOOOOOOOOOOOOOOOOOOOOOOOOOOOOOOOOOOOOoOooooOOOOOOOL
الجن الكلكي!!
سي جي وسجمنا وسجمهم وسجم الراجينهم
شافعتنا الشاعرة دى وبى طريقتك دى بتدوها لينا عين مش شاكوش بس.
| Quote: ... اصبحت تقول كينغ طز كينغ طز بفضل الله تعالى...ان ذلك الغير محظوظ انور كينغ.... ضيع من يدو درة ثمينة..... |
وبعدين الكلمة دي جابتها من انور ولا العقيد معمر؟
اللهم احفظها واحفظنا..
رمضان كريم
| |
|
|
|
|
|
|
|
|
|
Re: فــوفــو بعد شفاءها من الشــاكــوش"توجد صورة" (Re: saadeldin abdelrahman)
|
الاخ سي جي
اتقدم اليك طالبا يد فو فو الي ابني الجعلي عوج الدرب امو المانيا فرنسية من عائلة بونيت الشهيرة في الاقليم الحدودي بين المانيا وفرنسا,يحق له ان يحمل الجنسية الالمانية والفرنسية , ونفكر في جنسية ثالثة, وان لم تقبل يتقدم ليدها عوج الدرب الكبير , منافسا لناجي وابني منافسا لابن البروف معز, وان لم تقبل اعلنا عليك الحرب من اول يوم لرفض, وانت تعرف سرعة الالمان في الاجتياح .
| |
|
|
|
|
|
|
|
|
|
Re: فــوفــو بعد شفاءها من الشــاكــوش"توجد صورة" (Re: شمهروش)
|
سيجيمان فوفو دى ....عروس الهناء ....
الله يحفظا لينا يا ابو النسب ....
خلاص العقد فى العيد....
د. معز عليك بِعد مننا عمر ده بالذات .....
الاسباب بعدين ....والحمد لله انا ما دخلت من امس كان اسى .....قلبتها ليكم فوق تحت ...لنا مهدى الله يكتر خيرك
...وصية لسيجيمان ومنه ....للعروسة
المابيك غير سبب ما تسكو....
اشطب اسمو من اخر ضميرك ....حكو
شتتو فى الخلا
وعكس الهبايب فكو
وادد من يوادك
والبدكك دكو ....................
ناجى الملك ونص
| |
|
|
|
|
|
|
|
|
|
Re: فــوفــو بعد شفاءها من الشــاكــوش"توجد صورة" (Re: سجيمان)
|
Quote: Dr. Moiz Bakhiet
تقول لي كوريا.. يا شباب كوريا
|
Quote:
Sidig Rahama Elnour
وخليك من كينج
|
Quote:
Raja
تقول لي أنور كنج..
هعععععععععع
|
Quote:
Elawad
لكن يا دكتور فوفو دي ما لقت تتعلم من انور إلا الكلمة الشينة دي؟
|
Quote:
saadeldin abdelrahman
وبعدين الكلمة دي جابتها من انور ولا العقيد معمر؟
|
 
Quote:
ود الشيخ
أنور طز اهون من أنور كاكا
|
Quote:
Agab
Anwarking dagsta ya farda
|
| |
|
|
|
|
|
|
|
|
|
Re: فــوفــو بعد شفاءها من الشــاكــوش"توجد صورة" (Re: aosman)
|
الدين عثمان...
رمضان كريم....تصوم وتفطر على كلب قول يامين...
بعد أكل الكلاب بيعلم الأمانة والوفاء...موش؟
وانت قايل الكلب بياكلو أى زول هنا يا زول؟ والله أكلة غالية ومسمحة ومقمحة...
ويكون فى معلوميتك...
كلاب الشارع لحمها أحلى من الكلاب المربية فى البيوت... يعني عكس خرفان ناس سجيمان طوالي...
قال فوفو قال....فوفو ولا دكوة؟
أنور
| |
|
|
|
|
|
|
|
|
|
Re: فــوفــو بعد شفاءها من الشــاكــوش"توجد صورة" (Re: abas)
|
, الله يا سجيمان .. فوفو عسل بس ... أنت شايل حس "نخرتها" مالك؟؟... زى العجب و الله ...
و انا كمان عايزة اقيف فى الصف و اخطبها لى ولدى ... و الله و لد عاقل و فى غاية الوسامة .. يبلغ من العمر ثلاث سنوات .. و يتكلم لغتان (و أحتمال تلاتة فى المستقبل القريب) ....(انت عايز تدى فوفو لناجى ولا انور كنغ ديل عشان تمارضهم فى خرفهم و لاشنو) ...
ولا يغيب عنك انو ولدى عندو جنسية امريكية .. وابوهو سودانى "عربى/أمريكى؟؟" .. وأمه سودانية "نوبية/امريكية" ... و خالتو "انجليزية" ...وعمتو ..احتمال تكون أى شئ تانى(محل ما يوديها الزمن).....
أها .. والله نحن رجالنا كلامهم نجيض وركزانين ... ما عندنا زوغانات و كلام من النوع دة .....
قول خير ان شاء الله ... وفوفو ما بنديها عوجة و الله ....
| |
|
|
|
|
|
|
|
|
 Re: فــوفــو بعد شفاءها من الشــاكــوش"توجد صورة" (Re: Outcast)
|
سجومى
والله تقعد تبارى لى ناس أنور وناجى فوفو وطاطا تصبح
المثل بقول "الشدر الكبار فوقو الصمغ" و أخوك صمغو شايل لامن مدفق .. ومن هذا المنطلق أتقدم وبكل شداعة لطلب يد فوفو حتى لا تقتلها البورة التى قتلت أختنا التاية
ولدى مواصفات قل أن تجدها فى هؤلاء البكاسى أو تيكوهات معز و زولة
أولا : مستعمل و بحالة جيدة جدا
ثانيا: أملك إقامة دائمة فى خمس دول
ثالتا: أحمل ثلاث جوازات "ليس زواجات" و الرابع فى الطريق
رابعا: أعمل فى سيرك لركوب الأفيال
خامسا: خبرة فى الزواج تفوق 30 عاما
سادسا: 17 من العيال أكبرهم فى العاشرة
سابعا: أحفظ ثلاث أجزاء من القرآن و جزئين من الأنجيل و جزء من التوراة وربع جزء من الزبور
ثامنا: أملك ثلاث عمارات أثنان منها آيله للسقوط بمحض أختيارها
تاسعا: أملك ثلاث زوجات على أهبة الأستعداد لخدمة فوفو
عاشرا: "وليس أخيرا" حائز على جائزة نوبل فى الكذب
وعليك بالمثل القائل "حافظوا على بناتكم من البورة حتى لا تكوسوها فى عرس الكورة"
سأرسل لك شيك بسته أصفار وما عليلك إلا وضع أى رقم تختار .. فى أقصى اليمين
| |
|
|
|
|
|
|
|
|
|
Re: فــوفــو بعد شفاءها من الشــاكــوش"توجد صورة" (Re: Outcast)
|
| Quote: ولا يغيب عنك انو ولدى عندو جنسية امريكية .. وابوهو سودانى "عربى/أمريكى؟؟" .. وأمه سودانية "نوبية/امريكية" ... و خالتو "انجليزية" ...وعمتو ..احتمال تكون أى شئ تانى(محل ما يوديها الزمن)..... |
برضو ما بنافس معانا يا آوت كاست
لأنو ما خفي عندنا كان أعظم
بس الخبر الكويس ليك ولدك بجي نمرة اتنين بعد عمر (رغم إنو الفرق بعيد)
فعمر صاحب خمسة جنسيات خارجية (أعلاهم السودانية وأقلهم الأمريكية وفي النص بتجي السويدية والبريطانية وبعدها الخليجية) وثلاثة داخليات (جعلي وشايقي ومحسي) والأب نفسو صاحب أربع جنسيات خارجية وثلاثة داخليات والأم والعمات والخالات و أبناؤهم كذلك
وعمر مولود في نفس يوم ميلاد والده وبجمع بين برجين (الأسد والعذراء).. أتحداكم جيبوا لي زيها ويبلغ من العمر ثلاثة سنوات وشهرين هوادة كدة ومكسر بنات الدنيا كلهم وأولهم فوفو
وغير إجادته للإنجليزية والأمريكية والكندية والأسترالية والنيوزيلندية.. فهو يجيد العربية المكسرة والسويدية لهجة الشايقية ولغة ناس الرفاع بالبحرين.. الله أكبر
أما ناس قريحتي راحت الباقين ديل كلهم برة المنافسة خالص وبعرضو برة الحلقة.. خصوصاً ناجي
| |
|
|
|
|
|
|
|
|
|
Re: فــوفــو بعد شفاءها من الشــاكــوش"توجد صورة" (Re: Dr. Moiz Bakhiet)
|
ما هو برضو الكلام ليك يا المنطط عينيك...
| Quote: للإنجليزية والأمريكية والكندية والأسترالية والنيوزيلندية |
...
الموضوع لو جاب ليهو لغات... خلوني أجيب معتز اخوى الصغير...عشان يوريكم اللغات الما بتعريفوها زاتو....
معتز ما شاء الله عليهو ما نسحرو.... بيتكلم لغة المستعمر للدول الآتية:
السودان- الهند-باكستان-بنغلاديش-هونغ كونغ.
دا غير انو بتكلم سوداني بكل اللهجات خصوصاً ال..... منها.
اما عن العمق العربي فحدث ولا حرج... مصري- صومالي- موريتاني- وجزر القمر كمان شن قولك يا دكتور (معز وسجيمان)؟
ومستعد يجيب ليكم خبر أى حيوان حايم وخصوصاً ما السمبرية والجمال...
ومصاحب ليهو غراب فى الحيّ الدبلوماسي فى بورتسودان... ومجتمع معتز ما شاء الله كلو من أولاد السفراء السودانيين فى الخرطوم. وولد السفير المصري فى القاهرة . والسفير السعودي فى جدة.
اما برج ولادتو يا دكتور معز...فهو يجمع ما بين الأسد وأبو قرون الكلس الصنديد.
أهم حاجة فى دا كلو... معتز ما أظنو يوافق بى فوفو... ولو معاها ضمان أجتماعي....
شن شون تابيغ يو؟ (شن قولك يا سجيمان)؟
تقول لى الدكاترة كشفو عليّا؟
ناجي..برضو انت بره اللعبة...
أنور
| |
|
|
|
|
|
|
|
|
|
Re: فــوفــو بعد شفاءها من الشــاكــوش"توجد صورة" (Re: Outcast)
|
العزيزة أوت كاست...رمضان كريم...
قالبا المثل راجل مالك؟ يقوم ينافس فى "فوفو" والدوري الممتاز دا...
انا ما كبيت الزوغة...سجيمان دا متلبط ساكت... وفوفو دى بيشرك بيها عشان يشوف الزباين الفيهم "كدّه"...شكيتك على الله يا سجيمان اكان خليتنى شارد فى كل شاردة وواردة 
انا غايتو ما عندى ولد...
عندى معتز دا ولفيف من الاخوان التانين... ما عندنا عوجة تب...
بعد ان اعتزل أخوهم الكبير اللعب تحت شعار ( تحب انتا ويخش غيرك)...
بقوا هم الماسكين الملاعب واحنا جمهور ساكت...
فى شريط بتاع نكات أسمو الحاج متذكر...سمعتيهو يا أوت كاست؟
لو ما سمعتيهو الحقى بسرعة...والله فيهو جنس أوصاف:
قال ليها شنو:
عاملة وشك الزى العصبة المشموطة...
ومرة عاملة زى الركبة...
ومرة..............هنـــــــــــــــــــــــأ دا:
أنور
| |
|
|
|
|
|
|
|
|
 Re: فــوفــو بعد شفاءها من الشــاكــوش"توجد صورة" (Re: AnwarKing)
|
د . معز
| Quote: أما ناس قريحتي راحت الباقين ديل كلهم برة المنافسة خالص وبعرضو برة الحلقة.. خصوصاً ناجي |
انت ولدك ده لاعب كورة اصلوا
...............عينى باردة
انور السمااااااااااحى (وحدها تكفى)
Quote: ناجي..برضو انت بره اللعبة...
|
غايتو جنس جرس .....
وجع ................ ورجع
| |
|
|
|
|
|
|
| |
سجيمان
lana mahdi
Dr. Moiz Bakhiet
Sidig Rahama Elnour
Raja
Elawad
saadeldin abdelrahman
saif massad ali
mohammed alfadla
ابو جهينة
صديق الموج
willeim andrea
شمهروش
osly2
zola123
AnwarKing
Agab
aosman
abas
Outcast
فيس بوك
تويتر
انستقرام
يوتيوب
بنتيريست