|
صـلاح ادريـس...يشتـري رمضــان
|
صلاح ادريس.... حكاية عجيبة وتجنن.... بقى ونسة الغاشي والماشي....المليونير الملياردير...ما عارف انا اقول لو شنو؟...... اقول الزول المقرش وبس...دفع الله صاحبي.....جا من السودان ....كان في اجازة.. وباقي انا مطول من السودان... والقدم ليهو رافع.. الحقيقة ما القدم..... الجيب ليهو رافع... سبعة سنوات قدر ما الملم حق السفر.... تلم فيني مصيبة تلحسو كلو وتخليني اتلفت.. اها صاحبي دا قدر ما اسعلو من شي يقول لي اشتراها صلاح ادريس......قال لي الزول دا يقش عينو من النوم.....ويحوم في الخرتوم...ويوزع في القروش... تلاقيهو وتقولو.صلاح ازيك... يقول لك.هاك عشرين مليون.....صلاح كيفنك.....هاك خمستاشر مليون..... صلاح العربية كفرها نازل....هاك خمسين مليون....قلت لو طيب يا اخي دا زول عديل خلاص..... وحقو الزول يرجع السودان.... ويشتغل مسلماتي علي صلاح ادريس.... اقوم من الصباح واربط لو في الشارع....اول ما يجي اقول لو صلاح ازيك..... ويرزعني بي عشرة مليون... ان شاء الله تفقهني......و لاّ اقول لك اجيب وليداتي وامهم معاي....واحفظهم نشيد... الصباح معمول مخصوص لصلاح ......
طلع البدر.......علينا
من الدغش والصباح
ايها الماشي...... فينا
جيب....حق الملاح
غنن يا فاطنة ومدينة
وشكرن عمو صلاح
وشكرن عمو صلاح
وشكرن عمو صلاح
...... يا ولاد خلاص...كفى.... جلوس.....وينزل عمو صلاح من عربتو......ويوزع للوليدات ويديني انا.....ويدي امهم....... ونعمل ليهو غنية الوداع............
ودعناك خلاص....... يا ربوع
البي يعرفك ما بيضوق الجوع
نرجاك كل يوم ....ما اسبوع........
.....وتبقى دي شغلتنا.......... لكن يا دفع الله يا اخوي.... صلاح دا ان بقى داير الاجر....وربنا يفتح عليهو...... اليشتري رمضان وهلالو..... الديمة جاي للناس في الحر . وصيامو باقي لهم حار... يشتريهو..ويطعم ستين مسكين عن كل سوداني بالغ عاقل......باقي لك مو اخير لو من يشتري الهلال؟
|
|
|
|
|
|
|
|
Re: صـلاح ادريـس...يشتـري رمضــان (Re: سجيمان)
|
Bro. C G man
I honestly believe, you have a real creative talent of the satire & mockery writting, I really admire and like it.
You know, such art doctrine and way of expressing, is the most dificult one among all
Very interesting, and completely matured style
Many thanks Ya C G Man, and go ahead
I apologize for writting this reply in English, this is due to that, right now Iam in one of our offices where there is no available Arabic gates to go through, in the meantime, I could not wait untill going back, within few hours I will be back to my main base, and I will again try to express my admiration
| |
|
|
|
|
|
|
Re: صـلاح ادريـس...يشتـري رمضــان (Re: سجيمان)
|
دكتور سجيمان دي ابدعت فيها وبما انه السودان بقى بلد العجايب والغرايب فببساطة ممكن يوم صلاح ادريس يشتري رمضان والاغرب من كده انه ممكن يقوم يشتري النيل من مصبه في بحيرة فكتوريا حتى الدلتا شمالا ويجهجه ليك المصريين جهجهة الجن والجنبه
| |
|
|
|
|
|
|
Re: صـلاح ادريـس...يشتـري رمضــان (Re: سجيمان)
|
أنا عندى ليك فكرة أحسن ياسجيمان ماتخليهو إسقف السودان كلو وإركب ،بكسر الكاف، ليهو مكيفات وكده وكت ما إجى رمضان حا إلاقى الناس مرطبين وأوعك إقوم إدفع ليك على الفكرة دى وتنوم بالملايين برااااااك
| |
|
|
|
|
|
|
Re: صـلاح ادريـس...يشتـري رمضــان (Re: Maged)
|
ايه رايك تخلى صلاح ادريس يشترى المغتربين بداعين المملكة يعنى يدفع لشئون المغربين خلو رجل وبعد كدا يعمل ليه ناس جباية فى كل مدينة او قرية فى المملكة وتكون معاهم اختام عشان التجديد وبكدا يكون ريح المغرب من مدافرة الاجراءت فى السودان او يعفينا عشان نحن مساكين
| |
|
|
|
|
|
|
Re: صـلاح ادريـس...يشتـري رمضــان (Re: abuguta)
|
Ya C G man let him bay my passport, I worked hard to get German Passport and after 7 years I found there is no FAKI under the GUBA, and I want to go back to Edduim, let him bay it IN SHALA be mail nice like yours
| |
|
|
|
|
|
|
Re: صـلاح ادريـس...يشتـري رمضــان (Re: سجيمان)
|
الرائع سيجمان
عارف صلاح ادريس لازمنا في شنو
مش رمضان لانه ده مكسبنا الوحيد
لكن عليييك الله حنسه لينا شديد يشتري
سودانيــــــــــــر بأي تمن عشان خاطر البلد وسمعتها بقت في الطين بسبب سودانطير
تمنياتي لك
| |
|
|
|
|
|
|
Re: صـلاح ادريـس...يشتـري رمضــان (Re: سجيمان)
|
سلام يا شباب
بمناسبة أشترى رمضان
قالوا في حلفاوي سمع الناس بتقول صلاح إدريس إشترى الزكاة ( المقصود مبنى ديوان الزكاة ) قام نط قال ليهم ما يشتري رمضان كمان ( يقصد عشان ما يصوم )
| |
|
|
|
|
|
|
|