|
|
 رجـــــالة جعلـــيّن.......... الكلـــس
|
وانا حايم في الشارع في جدة...... كايس لي زيت سمسم....وانا من عشاق زيت السمسم.... قابلت لي راجل سوداني طول في عرض... شنب كبير...عيونو حمرا وشرارة.... سلمت عليهو....ووقفت وحقبت ايدي وراي....وقلت لو ... يا جنا ماك خابر لك عصارات... قريب بي جاي؟..... ما تميت نضمي عديل... وما قفلت خشمي من ضحكتي.... علا وانا في الواطا مرمي...والزول دا خانقي...و شبكني بونية في وشي...يالله ويا امين يجو اربعة رجال يرفعو الزول مني....ويمسكوهو.. ويعاين لي وينضم ونفسو قايم.... ويقول.... عصارات يا كلب....؟.. عصارات؟.... انت قايلني انا شنو؟... شايفني محنن اصبع ايدي الصغير؟....ولا شايفني... تاني جلابتي وشايل طرفا في اباطي؟... فهمت الجماعة.... انو انا بسعل من عصارات حقات زيت ...زيت سمسم ... الله ينعل ابو العصارات لابو الزيت....حتين زولي فهم...وتاني جاء كابسني...ويمسكني من رقبتي ويقعد يسلم علي راسي قال عشان يعتذر....لكن خنقة الزعل وخنقة الاعتذار مافي فرق بيناتن... ...وحلف عليهو بالطلاق علا امشي معاهو البيت اتغدى..........
في البيت ..... قال لي انا اسمي الكلس من اهلك.. الرجال.. كع.. الجعلين... واللخو اسمو منو؟... قلت لو اللخو سجيمان.. من اهلك المخنوقين.. مو... كع... الرباطاب......وكلمة كع دي شيخ الكلس طوالي في خشمو...قال لي يا اللخو... نحن الجعلين ديل ناس حارين وصعبين...والبي يعادينا ولا يزعلنا الله قال بي قولو.... كع.... قلت لو انت حتوريني؟.....جاب الغدا....ما لذ وطاب.... وكل دقيقة يحلف علي طلاق علا اكل.. وكل ما ادور اقوم يحلف طلاق علا اقعد...غايتو بالميت كدي انا ماكل لي تلاتة كيلو لحم.. واربعة قرعات... وخمسه ربطة بتاعت ملوخية وطبقين كسرة......واربعة واربعين رغيفة....جايب شطة بي ليمون في كورية... قلت لو الشطة دي حارة يا زول ومضرة... عاين لي وضحك وقال لي ..... كعبة علي رقبتا آآآآزول... حرم مو كعبة علي ولاد جعل.... كع.....ويشيل الكورية ويشرب الشطة كلها....
جاب الشاي....وقعد يونسني..... حرم يا سجيمان نحن ارجل مننا..حوا ما ولدت....كع....مرة آآآآآآ زول.... عضاني كلب...حرم مسكت الكلب دا وشقيت لو حنكو...كررررر... نان تاني قال هوْ؟.. مشيت المستبشى.... كتبو لي اربعتاعشر..حقنة.... الممرضة المقيصيفة.... قالت لي انت بتخاف من الحقن ولاّ شنو؟.... حلفتَ علي بالطلاق علا اخد الاربعتاعشر حقنة حسعتية....وحقنة واحدة ما تبيت لي باكر.... كع....وزمان عندي ضرس قام علي...مشيت للحكيم..... وحلفت طلاق....علا يقلع اخواتو السليمات كلهن... ويخليهو هو براااااهو.... في شان نشوف ارجل منو فينا انا ولاّ الضرس؟.... كع....
الكلس فجأة كشف لي ضهرو وراني ليهو... لقيتو كلو مجرح بالطول... وجروح غريقة..... قال لي دا البطان.... حرم اخد لي تمانمئة اربعة وخمسين سوط.... وعيني ان رمشت علا اقلعا...كع...ويا زول وقت الحفلة سخنت. وقامت ام ابوها مرتي رقصت.... كسرت لي اربعة وستين عكاز فوق ايدي الشمال..وقدرهن.... فوق اليمين... وهوشت.... وجبت السيف... وحلفت علي كراعي علا اقطعا......وحرم.. تاني ما تباريني علا الاجاويد ادخلو وخليتا...كع.......سكت شوية وبعد شوية شنّق طاقيتو فوق حواجبيهو وقعد يدوبي.....
الليله هوووووووووووي
نحن اولاد جعل..نار مولعة ... بق
البي نريدو نخقو
والبي نكجنو نخنقو
ما عندنا شغلة غير الخنق والدق
مو مننا..... البيمرق السهلة
...وما بيجينا....... مفلق
................ كــــــــــــــــــع
|
|
 
|
|
|
|
|
|
|
|
Re: رجـــــالة جعلـــيّن.......... الكلـــس (Re: سجيمان)
|
يا سجيمان اديك النكته دي
قالو ادروب جابوه المستشفي مكسر نهائي
فالدكتور سالو مالك يا ادروب
فقال كنا رايحين سيرة عرس
وراكبين اللوري
هليمه ام ادروب زغردت ادروب قاعد
رابعه اخت ادروب زغردت ادروب قاعد
زنوبه هبيبة ادروب زغردت ادروب نط ونزل مالقي اللوري
| |
|
|
|
|
|
|
|
|
|
Re: رجـــــالة جعلـــيّن.......... الكلـــس (Re: Alia awadelkareem)
|
يا سيجي
الخنقة دي اظنها طرشتك!!!!
الزول دا ما كان بيقول ليك
كـــــع
كان بيقول....هع...وشتان ما بين الهع والكع
هع هذي تستعمل عندنا في الحكي بدل الشولة في الكتابة الزي دي,,,,
لتفيد ان الراوي او المتحدث لم ينهي كلامه او سرده او حكيه..
وهي اصلا كانت اها ثم تحولت الي ها ثم الي هع عند اهل البحر
زي........... اها وبعدين قام ................وتواصل السرد بعد فعل الاستراحة اها...لكي لا يشعر المستمع بان الحكي انتهي.
وانت لاحظها في سردك عن الزول الخنقك
| Quote: حلفتَ علي بالطلاق علا اخد الاربعتاعشر حقنة حسعتية....وحقنة واحدة ما تبيت لي باكر.... كع....وزمان عندي ضرس قام علي |
فكع دي ما تقولا قدامو اخير ليك منها العصارات
| |
|
|
|
|
|
|
|
|
|
Re: رجـــــالة جعلـــيّن.......... الكلـــس (Re: سجيمان)
|
الكلام دخل الحوش يا سجيمان
كله ولا اهلى الجعليين 0000
اكان كنت جعلى كانوا اهلك اتجوعلوا زى اهلنا وزيت السمسم
يجيك لحدى جده ( زيت سمسم ولد ) شفت نحنا ما عندنا حوامة
نص الليل بس تلفون ويجينا الجالون لحدى الامارات .
با زول اخيرلك تبعد من الجعليين ونحنا بنرسل ليك الزيت لحدى
عندك يا سجيمان انت تستاهل نجيب ليك صفيحة عشان مافى زولا كدى يمد ليك ايده .
الله لا لماك فى الجعليين ما سمعت بى الحعلى القالوا ليه بنتك بتقرأ مع الاولاد فى الجامعة فى نص ساعة قطع التذكرة وركب الطيارة بعد الطيارة قامت اتذكر انه ما معرس .
امال
ام وضاح
| |
|
|
|
|
|
|
|
|
 Re: رجـــــالة جعلـــيّن.......... الكلـــس (Re: سجيمان)
|
Quote: مريم الطيب
انت ظانيتك جعلية.... البتجي قدام الراجل |
سيجمان ماسمعت بالجعلى الجابو ليه بت بالليل خنقها كتلها قال نحن ماعندنا بنات بمرقن بالليل
يامريم كلام سجيمان اخوى دا فيه ريحة تحريش اعملي حسابك 
وكلامى دا مافيه ريحة غتاتة شوايقة 
| |
|
|
|
|
|
|
|
|
|
Re: رجـــــالة جعلـــيّن.......... الكلـــس (Re: سجيمان)
|
دكتور سجيمان
عارف الفرق بين الجعلي والجعلتي بس في حروف العين والزين يعني مثلاالزيت واربعة
يا سجيمان الجعلي نادوه النسوان في بيت عرس يجي ينزل ليهم حلة كبيييرة من النار ، لما نزلها برااه زغردوا ليهو ، عجبتو الحكاية تاني كررها تاني زغردوا تاني كررها في الاخير لما زغردواليهو جعلنة منو شالها قلبها فوق راسو
وتقول لي ما ياكلك سوق خضار بحاله ، كع
| |
|
|
|
|
|
|
|
|
|
Re: رجـــــالة جعلـــيّن.......... الكلـــس (Re: سجيمان)
|
عـصـارات يا كـلـب ...... ؟ عـصـارات ؟ إنت قايلني أنا شنو ؟.. شايفني محنن أصبع إيدي
الصغير ؟؟ ... و لا شايفني تاني جلابتي و شايل طرفا في أباطي ؟؟
هــــو فـهـم شـــنــــــو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: رجـــــالة جعلـــيّن.......... الكلـــس (Re: wadabdean)
|
سجيمان .. لك ودى
انا جعلى متمة .. وحايم الدنيا برجل كلب .. وهاك الحكاية دى
قالوا الجعلى الشايقى عايز يضحك عليهو قال ليهو .. انت يا الجعلى قلعد بى هنا مقنطر عمتك ومرتك فى الخرطوم مطلوقة .. لف عمت وشال عكازو وركب البص من مدنى ماشى للخرطوم زعلان يزبد وقال لازم يكتلا.. لمن وصل سوبا .. اذكر انو ما متزوج اصلا
شاك
| |
|
|
|
|
|
|
| |
سجيمان
مريم الطيب
abas
منعمشوف
Rawia
nazar hussien
essam&amal
ASAAD IBRAHIM
ملكة سبأ
ahmed haneen
ABUHUSSEIN
wadabdean
Abureesh
فيس بوك
تويتر
انستقرام
يوتيوب
بنتيريست