|
|
 حنــكوش...و....جــزار...وبينهـم خــروف
|
طائفة الحناكيش....مهمشة.... لا تجد من يدافع عن حقوقا المهضومة..... الناس ما فاضية.....كل زول مشغول بي رقبتو.....والزمن دا الله يكفينا شرو..... اخوك ود امك وابوك ان بقيت مهمش ما يجيب خبرك..... اللهم لا تمحنا ولا تهمشنا يا الله....كل فئة مهمشة في السودان حملت السلاح....علا الحناكيش.... لكن الحناكيش يحملوهو كيفن......وكيف الواحد فيهم يفك العراقي ويحمل السلاح.....لو حمل السلح حيفك العراقي ولو فكا العراقي اللباس حيقع......والفائدة شنو؟...بعد ما اللباس يقع في الراس.......
انا من هنا.... انادي كل المدافعين عن حقوق الانسان.... ان يلتفتو لهذه الفئة المضطهدة...وهي فئة مسكينة لا تعرف حقوقها..... وحتعرف حقوقا كيف؟...والواحد فيهم ما عارف كوعو من بوعو.....لو قلت للواحد اديني موية يمد لك بوعو....اديني سجارة يمد لك بوعو...تقولو ازيك يمد لك بوعو.... تقول لو زح كدي يمد لك بوعو برضو...... اها دي حالة زول عارف حقوقو؟
يحكى ان حنكوشاً.... " يا جماعة هوي عشان ما ندخل في شك وظن الحنكوش دا ما عندو أي قبيلة"......ما يجوني ناطين حسي ناس العنصرية ويعصروني...ولا واحدة منهم تجي لابسا لي..وقاية جبنّة في راسا..... وتقول لي اتعضر...... يحكى ان حنكوشاً.... رسلو ابوهو عشان يجيب لهم جزار ويضبح لهم الخروف حقهم....." يا اخونا خليكم شاهدين الخروف دا ما عندو جلد كلو كلو....عشان ما ندخل في لوم وشكر...وعووك وعااااك"....خروف عرياااااااااان....وحايم في سهلة الله دي....الله يقطع الجلود ويقطع يوما........
جاء الجزار.... يحمل سكينة وعكازتة ومُخلايته.....انا ما عارفو جايب المُخلاية لي شنو؟ والخروف ما عندو جلد؟.....علي كيفو هو حر......وذبح الجزار الخروف...والحنكوش واقف عن راسو.....غازي كوعو...وماااااااادي بوعو يحمد سيدو......
وفجأة عقد الحنكوش ما بين حاجبية وسأل الجزار مستفسرا.....عمو...عمو...دا خروف....ولاّ...خروفاية..؟......قال له الجزار....خروف يا ولدي......خروف....ضكر يعني..... راجل زي ....وزيك الله يكرم السامعين......واندهش الحكنوش دهشة رجف معها بوعو.....وقال..... عمو ..عمو.... كيف عرفت انو ضكر زيك؟؟؟؟؟؟........ودخل الجزار في ضفورو......و طلع بي سبيب راسو "طيب... بي شعر راسو...عشان سبيب دي برضو فيها ريحة شوية"..............
واخرج الجزار مصارين الخروف....وهنا ابتأس الحكنوش....واهتزت اوصاله كلها بما فيها بوعو....وقال للجزار.....حراااااااااااااااااااام يا عمو... بوظت السوفتوير.......
استمر الجزار في عمله.....والحنكوش واقف مندهش ومعجب بهذا البعاتي.... الذي يقطع اللحم اربًا اربا......وتفرجخ الحنكوش في الواطا بعد جُهدٍ جهيد....وقال وهو يرنو الي الجزار بمقلتيه..... عمو...عمو.... انت الكُلية الدرست فيها تجريح وتقشير... الخرفان والخروفات....دي وين؟....عشان اكلم بابا...يكلم ماما....ويدخلوني لها؟؟؟؟.....وطنشهُ الجزار....
خرج الجزار ....وهو يُمني النفس ... بان يصبح حنكوشا..... بعد دا الحال.....
واشرقت شمس الصباح الباهي علي الحنكوش....وقابل اصحابه...من الحناكيش...وسلم عليهم .. هاااي....هاااي.....وبعد الهيهية..........وقف الحنكوش وهو مادي بوعو....واخذ يحكي.....تتصورو و تتخيلو امبارح... جرحّنا خروف عندو اربعة كرعين؟...وكمان كان عندو تاتاو في اضنيهو......."الخروف كان مكوي في اضنيهو ....وسِم "........وتتصورو وتتخيلو التاتاو..كان حلو خلاص..على شكل حرف" تي" بالانجليزي..... يكون دا الحرف الاول من اسم الخروفاية الجكساية بتاعتو.... يكون اسمها تهاني..... اتصورو واتخيلو... انا زعلت عليهو كيف؟... والله زعلت جنس زعل لحدي ما بوعي وجعني....
واندهش الحناكيش....واتصوروا....واتخيلو....وهم ينفخون اللبان.........وكلٌ مادي بوعو يباهي به الامم........
واضمر احد الحناكيش.... على ان يمشي ويعمل تاتاو في اضانو علي شكل"تي" ..تعاطفا مع الخروف.... واكراما لجكسايته..تهاني والتي كان يناديها بي... هنّو.....
|
|
 
|
|
|
|
|
|
|
|
Re: حنــكوش...و....جــزار...وبينهـم خــروف (Re: سجيمان)
|
Quote:
واخرج الجزار مصارين الخروف....وهنا ابتأس الحكنوش....واهتزت اوصاله كلها بما فيها بوعو....وقال للجزار.....حراااااااااااااااااااام يا عمو... بوظت السوفتوير
|
قصدك منو بالحناكيش بالضبط
مهندسيين الكمبيوتر و لا شنو
| |
|
|
|
|
|
|
|
|
|
Re: حنــكوش...و....جــزار...وبينهـم خــروف (Re: سجيمان)
|
الأخ الدكتور عادل
أسعد الله أوقاتكم بكل خير
أوردت فى مقالك هذا كلمة (( بوع )) أكثر من حداشر مرة مومياً بها أنها أحد أعضاء جسم الإنسان
السؤال : أين يقع هذا العضو (( البوع )) فى جسم الإنسان ؟؟
أنا فى إنتظار الإجابة لانو فى ناس ما عارفين كوعن من بوعن
| |
|
|
|
|
|
|
|
|
|
Re: حنــكوش...و....جــزار...وبينهـم خــروف (Re: سجيمان)
|
اسالك بالله انت جنس الكلام دى بتجيبى من وين يادكتور
دى الاولى
الثانية يادكتور سجيمان انا نفسى اشوف لى حنكوش من المنحكشين
ديل المنحكشين ديل يا دكتور سيجمان ماذى حنكوشك دى
Quote: انا داير
اشوف المنحنكش نوع البيقول البسكويتة جرحتنى والكستر خنقنى
وماما كتفتنى بالمنديل .... ديل يا دكتور سيجمان على ما اعتقد
اولاد البيبسى بالشكولاته والايسكريم بالخلاطة
|
وعشنا يا دكتور سجيمان وياما حنشوف لو ربنا مد فى العمر
احترامى وتقديرى الزائد
السمؤل
| |
|
|
|
|
|
|
|
|
|
Re: حنــكوش...و....جــزار...وبينهـم خــروف (Re: samwal ebrahiem)
|
الدكتـــــــــــــــــــــــور الجزار,,, قد اثبت صحة كلام العارف بالله طلحة السيد بانك vet , والعهدة على الراوي (بيقولوا زماااااااااان في دكتور بقى طهار طهر ليه مخلوق فضائي وتاب عن الطهور بقى جزار وما معروف حيبقى شنوا؟؟؟
كتاباتك بقت ارهابية كلها دم والم
ومواجع وبقيت تخش في سياسة المناطق المهمشة
بس عندي طلب تكتب لينا عن شريحة الكلاب الضالة لانو لا حول ليهم
ولا قوة ولا من دافع الا بريجيت بت باردوا ودي خواجية بيضاء زي عين الشمس بنشكك في صدق نواياااااها
| |
|
|
|
|
|
|
|
|
 Re: حنــكوش...و....جــزار...وبينهـم خــروف (Re: سجيمان)
|
أخوي المطوفش/ سجيمان ،،،،،
الله يجازي محنك .... يا المطوفش
such creatures (How do they make love) ?!1
مسعول من الخير يا الجنا المطوفش الخروف الميطي دة الميطو منو؟
وبعدين (السوفت وير) شاملة كل العدة الداخلية؟؟ هيييييييي كلو
واحد يخلي بالو من سوفت ويرو!!
أنحنا حديثين عهد (بالبرمجة) .. اليومين دي مذهلل .. خايف يطقني
(فيروس) .. يلخبط جهازي !!
يا ربي يكون (عبدو T) .. إتيا (جاية من الحرف بالانجليزي) .. فوق
جنو على البت (تهاني) .. وبعد الشاكوش .. قلب !! اللهم لا تقلبنا
ولا تعدلنا (اليومين ديل تعديل المكنات من جاز لي بنزين وبالعكس)
بقت موضة.
أها يا أخوي فتناك باااااااع .. لا بوع
كنفد
| |
|
|
|
|
|
|
|
|
|
حنكوش ... وجزار ...وبينهم خروف (Re: سجيمان)
|
عزيزى د سجيمان
مليون سلام
معقول ما بتعرف حنكوش العمارات ؟
دا انا اللى فى اخر الدنبا عرفته
ولو وصفتو ليك حيتهمونى بالعنصريييييييييييييييييييية
لك كل مودتى واحترامى
احمد داود -- نيوزيلندا
| |
|
|
|
|
|
|
| |
سجيمان
محمد الامين احمد
abuguta
المكاشفي الخضر الطاهر
samwal ebrahiem
شمهروش
alfatih
بلدى يا حبوب
علوبه
aboalkonfod
Ahmed Daoud
mohammed alfadla
نيازي مصطفى
المسافر
فيس بوك
تويتر
انستقرام
يوتيوب
بنتيريست