|
|
 حمام التــاكا....قلبي معذب معاكا...وين يا منقـة
|
مرة واحدة بس في حياتي.... كنت وزير...وزير الحسن ود عمتي في عرسو...امي اتبسطت من وزارتي دي...وقعدت تشحد في الله ..... يا سجيمان يا ولدي تبقى وزير في الحيكومة....ويجي القاش ويغرق ناس كسلا...وتركب انت الطيارة من الخرتوم.... وتنزل في كسلا..وتكفكف بنطلونك وتخود.... مع الناس في الموية لحدي ركبك....وتحلف طلاق علا تخطب فيهم وانت في نص الموية..ويجيبوك في التفلزيون...وتبدا الخطبة:-
بسم الله
قال الشاعر:-
كسلا غِرقت بها شيلةُ مجدي
وهي في الحق جنة الاغراق
أتيني بالصفيح
يا ام وشن قبيح
ان كان في البيت...... باقي
اهالي كسلا.. الصابرين المعشكبين...المشلهتين المبشتنين...لا تحزنو...نحن معكم...لحدي ما الموية دي تنشف....وكل قرد يطلع شُدرتو....والله انا مشغول بكم من يوم سمعت انو القاش قام عليكم وسجّمكم ورمّدكم....مش انا بس.... ناس الخرتوم كلهم...والدول الصديقة والشقيقة...وابشرو بالخير....والخير جايكم.. رسلو لكم اعانات...بطاطين في الحر دا.... كل تلاتة تنفار في بطانية.... وكل ستة تنفار في مخدة.... ورسلو لكم علبتين سمن اصلي.....وقالو جزاهم الله خير....ما دايرين يكترو من السمن عشان خايفين عليكم يا جماعة من الكلوسترول....ورسلو لكم دواء حق مولاريا.... كل اربعين نفر في فتيل.... لانو يا جماعة الناس ديل خايفين عليكم من الفشل الكلوي... لانو زي ما عارفين يا جماعة دواء المولاريا دا الله يازاهو.. قاعد يسوي الفشل الكلوي....
انتو يا اخوانا في نعمة كبيرة.... نعمة يحسدوكم عليها الناس....حسي شوفو.... النبي وصى علي سابع جار....وعشان أجركم يزيد... ربنا كسر الحيطان البينكم دي.... عشان وانت قاعد فووووق عنقريبك تشوف سابع جار وتطمن عليهو....تشوفو ان قرصتو بعوضة وهو قاعد يكرش ويحك فيها.....وتشوفو وهو قاعد يتونس ويضحك مع مرتو وتعرف انو البيناتهم عامرة وما عندهم عوجة.....وتشوفو وهو شايل ابريقو ومشى لبد ورا شتلة.... وكدا تعرف و تطمن انو اتغدا بفضل الله.......
شوفو يا اخونا انا مشغول بكم كيف؟.... البارح وانا نائم ...والنضم دا بيسعلني منو الله..يوم الموقف العظيم..اشوف نفسي في الجنة...واشوف ناس قاعدين في سُرُر مرفوعة....متمحنين كل زول خاتي ايدو فوق جضمو..... وقدامهم كواري وصواني وحِلل من ذهب وفضة.....واسعل ..من هؤلاء القوم؟...ويقولو لي ديل .... القاشين المقشوشين...اهل التاكا والقاش.... ابدلهم الله ...عنقاريبهم وكواريهم وحللهم وصوانيهم ..الشالا القاش... ابدلهم بخير منها....واري كوكبة من الحور العين...الكواعب...... يتحلقن حولهم....و شايلات دلوكة...ويغنن باصواتهن الرخيمة........
حمام........ التاكا
قلبي معزب... معاكا
وين يا منقة.......
|
|
 
|
|
|
|
|
|
|
 Re: حمام التــاكا....قلبي معذب معاكا...وين يا منقـة (Re: سجيمان)
|
البارح وانا نائم ...والنضم دا بيسعلني منو الله..يوم الموقف العظيم..اشوف نفسي في الجنة...واشوف ناس قاعدين في سُرُر مرفوعة....متمحنين كل زول خاتي ايدو فوق جضمو..... وقدامهم كواري وصواني وحِلل من ذهب وفضة.....واسعل ..من هؤلاء القوم؟...ويقولو لي ديل .... القاشين المقشوشين...اهل التاكا والقاش.... ابدلهم الله ...عنقاريبهم وكواريهم وحللهم وصوانيهم ..الشالا القاش... ابدلهم بخير منها....واري كوكبة من الحور العين...الكواعب...... يتحلقن حولهم....و شايلات دلوكة...ويغنن باصواتهن الرخيمة........
والله يا سجيمان اخوي الحكايه دي زكرتني بي ريحة المسك الكانو بقول عنها والشهداء القالو انهم شافوهم في الجنه مع الحور العين
| |
|
|
|
|
|
|
|
|
 Re: حمام التــاكا....قلبي معذب معاكا...وين يا منقـة (Re: سجيمان)
|
تعرف يا خوي سجيمان
انت الواحة الوحيدة هنا
نرتاح فيها شوية
الدقشمان
ومصارعة البعاعيت والمهوسون والأدبخانات
والأوقاد والكلمات الكبيرة كبير ديك
ودا كافر ودا مسلم
المهم بجي نرتاح شوية عندك
قبل مواصلة المعارك
حمام التاكا دا بطير ؟
بعدين مش في غنية تقول
حمام التش .. الله يا منقة
العرس بقي غش سنة يا منقة
| |
|
|
|
|
|
|
|
|
|
Re: حمام التــاكا....قلبي معذب معاكا...وين يا منقـة (Re: صديق الموج)
|
يا سجيمان أرعي بقيدك
ما تنطط لى عيونتك كدا ؟ ايا انت
شنو هسع بوستك دا ما كفر عديل
شنو بتهزا من ناس الجبهة ناس الجبهة ديل مش مسلمين ودينهم الاسلام
يعنى بالعربي انت بتستهزيء بالاسلام ؟
يا يكري الرجاء سحب هذا البوست فوراً
وعلى كتبية الخراساء تأديب هذا السجمان حتى يعرف الله حق
| |
|
|
|
|
|
|
|
|
|
Re: حمام التــاكا....قلبي معذب معاكا...وين يا منقـة (Re: سجيمان)
|
سيجيمان...
بي مناسبة حمام التاكا و العرس و الوزاره..
امبارح كنته بحضر لي في رقيص عروس.. اهاا جات غنية بتقول.
لقيتو في ساحةعكاشه
قال لي ارح قلته لي ما ماشه.. قال لي ارح قلته لي ما ماشه
تحيه ليك يا الحكيم باشا.. حكيم باشه الليه جا لي سنين
انا في راجه..
ساحة عكاشة دي وين؟ و ليه ابت تمشي معاهو؟
انا شايفه كان خير ليها تمشي معاهو لنو العريس جضومو متل لقيمات الاربعين...
استغفرالله
عذرا للخروج عن الخت
| |
|
|
|
|
|
|
|
|
|
Re: حمام التــاكا....قلبي معذب معاكا...وين يا منقـة (Re: ShiningStar)
|
| Quote: القاشين المقشوشين...اهل التاكا والقاش.... ابدلهم الله ...عنقاريبهم وكواريهم وحللهم وصوانيهم ..الشالا القاش... ابدلهم بخير منها....واري كوكبة من الحور العين...الكواعب...... يتحلقن حولهم....و شايلات دلوكة...ويغنن باصواتهن الرخيمة........ |
سجيمان ...شكرا ياعزيز للتضامن ... وحقيقة الكارثة تحتاج لتمرد عديل كدة ورفع سلاح..
بس عزانا في وقفت كل الناس معانا واولهم انت وود الشيخ ودلوكة منقة الحلوة
| |
|
|
|
|
|
|
|
|
|
Re: حمام التــاكا....قلبي معذب معاكا...وين يا منقـة (Re: سجيمان)
|
سيجمان
وكمان يا سيادة الوزير داير اشتكى ليك الناس ديل
المخازن قالوا بعد ما جابوا ليها الاغاثة الجماعة بعد كم يوم شموه ريحة عفنه تعرف لمن فتحوا المخزن المقصود لقوا فيها وجبات جاهزة متعفنه وكمان قالوا ادوا لكل بيت غرفان عدد 4000 طوبة و10 شوالات اسمنت تعرف يا سيادة الوزير انت مفتكرين الغرق حمام كسلا والله ناسه
تحياتى
| |
|
|
|
|
|
|
| |
سجيمان
ابو جهينة
abas
ahmed haneen
صديق الموج
حبيب نورة
Raja
تولوس
بلدى يا حبوب
فيس بوك
تويتر
انستقرام
يوتيوب
بنتيريست