|
|
 حلاة نســـــرين..... بنكهـــة القمـردين
|
جيت في نهاية البرنامج.... في قناة النيل الازرق..... كانو بينضمو عن مواصفات الجمال..... قالو ستة وتلاتين مقاس السدُر..... واتنين وتلاتين ظانتو مقاس الخصر....وستة وتلاتين تاني مقاس.... الحوض.....قالو دي المواصفات العالمية.....قعدت اتذكر في ناسي البعرفهم..ان كان للحيضان... علا حوض الماسورة المقاسو ستة وتلاتين.... لقيت ابدا ان السدر بقى ستة وتلاتين؟.... الخصر عيييييييييك يدق في التمانين.... وبعد مرات السدر والحوض يكونن فاتحات علي بعضهن.... تمانين وتمانين مية وستين.....تجي الواحدة ماشة تتزحنف....وتتدردق....يا اما يكون السدر مقاسو مية واربعتاشر..... والباقي يخربو الخراب عضام وجلد....مقاس الجمال الاساسي..... كان معاهم في الاستديو
نسرين سوركتي ربي يحفظها ويغتي عليها...... جات تاني بعد ما قنعنا منها...وقلنا صالح كامل شهانا ليها.....الخديدا يلالي لا رشيم لا فصيدة....... نعاين ليها ساكت ونجلي النظر يا صاحي.....كلو حاجة ربنا ختاها في المكان المناسب كركرب....ومقاسات عالمية حقو يقيسو عليها مقاسات ملكات جمال العالم.....ان سكتت وقعدت تعاين فيها وب عليك وسجم خشمك.....وان ضحكت.... عليك اطعام ستين مسكين.....وقطع رقبة....الخشيّم..... ينقط عسل...والسنون مرصوصا رص....ابدا ما فيهن سن مشاترة... النيل الازرق يا دوب بقى ليها طعم.....طعم القمردين....وحلاوة نسرين.... وطعامة الحلو مر.....
|
|
 
|
|
|
|
|
|
|
|
Re: حلاة نســـــرين..... بنكهـــة القمـردين (Re: سجيمان)
|
الأخ سجيمان رمضان كريم و صباح القمردين
يا خـوي المقاسات صحيحة بس إختلاف بسيط في ناس تاخد الأرقام و تكتب قدامها سم
و ناس تكتب قدامها بوصة و كمان ناس تكتب قدامها متر مش الإختلاف بسيط فعلا.
لكن فعلا المقاسات مشكلة لأنو نحن السودانيين المقاسات تكون مظبوطة و ظريفة
و بعد شوية تقوم المقاسات تضرب تلقى 20 سم بقت 20 متر و الشكل في النهاية
إبقى زي خريطة أفريقيا.
تسلم و رمضان كريم يا خوي.
| |
|
|
|
|
|
|
|
|
|
Re: حلاة نســـــرين..... بنكهـــة القمـردين (Re: سجيمان)
|
وين إنته ياسى جى، أنا قربته أنزل بورد عشان أسأل عنك. قلته
معقولة بس ندخل رمضان بدون ضحكة منك؟
فطرته وشلته فنجان قهوتى وقلتة النمشى أتحكر قدام الكمبيونر واشوف الحاصل مع البوراداب، أقوم ألاقى ليك سى جى الكان مختفى أتاريهو شايل مترو وواقع قياس فى الناس. جرسة رمضان بتاعتك مشاترة ياسى جى، ويابختكم إنتو البتشوفو جنس ده
ورمضان كريم يارجل
| |
|
|
|
|
|
|
|
|
 Re: حلاة نســـــرين..... بنكهـــة القمـردين (Re: safwan13)
|
سجيمان
البشتنة البتحصل بعد العرس دى لى شنو يارب
سمعتا بالمثل البيقول
عرس نورا وخلا تنقورا
تحت قيادتكم الرشيدة
السم يبقى بوصة ويبقى متر
نقتكم ونقة اهلكم تجيب الاكتئاب وتخلى الواحدة تاكل
تفش مغصتها فى الاكل لانه لو فشتها فى حاجة تانية بيوت بتتخرب
حرام عليكم والله بالجد حنعلنك عدو المرأة الاولى
شايف هبشتنى فى اللحم الحى بخرطة افريقيا دى يا ابو الحسين
لانى بقيت اشبهها..
عاد خلو رمضان ينتهى لانى وقفتا الشكل واعلنتا هدنة
بلو راسكم وانتظرونى رابع يوم فى العيد اول بوست شكل حيكون لسجيمان وابو الحسين
| |
|
|
|
|
|
|
|
|
|
Re: حلاة نســـــرين..... بنكهـــة القمـردين (Re: سجيمان)
|
سجيمان
عندنا واحد كان عنده غنم كتيرة ,اتكسر فى واحدة لقاها واردة
عندها فلجة يارب ياساتر ,وبيت البنية طرف الحلة اخونا دا بقى يرعى
فى المكان القريب من بيت الزولة
عوما بعد تعب وواسطات تزوج اخونا البت ام فلجة
قالت كدا نزلت فيه عيال لما قرضت نعاجه كلها
اسى بقى يناديها ام شرمة
يقولك كله من امشرمة دى قرضت نعاجى وملتنى عيال
بس على قول حسين خوجلى الجمال راس مال
وتسلم
| |
|
|
|
|
|
|
|
|
|
Re: حلاة نســـــرين..... بنكهـــة القمـردين (Re: EMU إيمو)
|
العزيز سجيمان
رمضانك كريم وبرائحة النيم
طبعا مقايس الجمال بتتغير من عصر إلي آخر وأذكر إني وقفت قدام لوحة مونليزا في متحف اللوفر ولقيتها دون باقي اللوحات الحولها ساوين ليها بكان براها وحماية إلكترونية ولامالة خلق قدر الليلة وبكرة وبعد مدافرة وقفت تحت اللوحة وبيني وبينك هي (من الحجم العائلي) زي قزازة الببسي القليده ديك والسدر هنا مقاسو قطع شك بالمتر لكن حكمت الله دافنشي مكسر في الولية اللوري دي وقعد يرسم فيها شهر.. ولو خيروني نسرين بالنسبة ليها قمر أربعتاشر والريدة يا سي جي من الله كدي عاين معاي للطفس أمير ولز شارلس زول يخلي البنية المتل البلومة الله يرحمها ديانة ويبشبش الطوبة التحت راسها ويمش يختار الولية البتشبه عادل إمام .. والباقي بتمو ليك تاني يوم في العيد كان الله مد في الأيام
وكل سنة وإنت أروع
| |
|
|
|
|
|
|
|
|
 Re: حلاة نســـــرين..... بنكهـــة القمـردين (Re: سجيمان)
|
سيجمان
والله خكاية المقاسات ده فى السودان مستحيلة طلما الدكوه فى تعرف الدكوه بقت حاجة طبيعية فى اى حاجة داخلة لدرجة انو الجماعة لمن بفلسوا الوجبه بتكون دكوه بشاى احمر وبرضو تقول لى حلاوة نسرين
حرم نسرين ده الا تكون فى الرياض وابوهاتمساح منظمات او جبهجى بلاع متحركات والله ايه
تحياتى
| |
|
|
|
|
|
|
| |
سجيمان
ABUHUSSEIN
bayan
abuguta
EMU إيمو
aba
بلدى يا حبوب
Sobajo
فيس بوك
تويتر
انستقرام
يوتيوب
بنتيريست