|
|
 جنس دا.... ابــدا لاقــاكــم؟
|
العوض... صاحبي غصبا عني.... باقي لي في رقبتي دي....زول بليد بلادة شديدة.... واروش رواشة ما بعدا رواشة...وبعد دا كلو شليق شلاقة تكرهك عيشتك....
يوم قاعدين في برش.... في الواطا... قدام دكان حاج الخير..... العوض راقد بعيد مني ومهموم هم شديد... يمسح فس الواطا ويكتب وتاني يمسح... وهو راقد علي صفحتو... فجعه كدي اتلفت علي وقال لي:-
يا سجيمان ... انا بعت لي واحد فلاتي عشرة جلود..والجلد بي عشرة جنية...وقدر ما حسبت ما عرفت داير منو كم..... باقي لك داير منو كم؟
قلت لو كم جلد يا العوض؟
قال لي عشرة جلود
قلت لو يا العوض....... يا اخي عليك الله ما تخلي البلادة حقتك دي.... خُت قداما صفر...وبس......
قام قعد واتكل علي ايدو اليمين وعاين لي وعقد حواجبيهو.... وقال لي اخت الصفر وين؟...... قدام الجلود؟؟؟؟؟؟؟؟؟؟؟......
الحقيقة انا .... زهجت منو...وما باقي لي علا انط فوقو واعضيهو.... ومن الغاظة قلت لو ...... لا يا العوض اخوي خُت الصفر قدام الفلاتي......
|
|
 
|
|
|
|
|
|
|
|
Re: جنس دا.... ابــدا لاقــاكــم؟ (Re: Ahlalawad)
|
سي جي الفنان
هو يقصد جلود بوينت زيرو ،، قمت إنت نهيتو نهاية مرة ( فلاتي بوينت زيرو. ).
زمان يا سي جي كانت في جملة بيقولوها ، معناها شنو بالظبط :
ناس فلانة ما ضبحوا ،، ما أدوكم الجلد ؟
| |
|
|
|
|
|
|
|
|
|
Re: جنس دا.... ابــدا لاقــاكــم؟ (Re: خالد الحاج)
|
خالد الحاج
المصيبة... رحت اشتكيت لاخو العوض الكبير من بلادة وغباوة العوض...وبعد ما حكيت القصة وانا اهرج وافور وادفق.... ما كان من اخو العوض النابغة الا ان سألني.... اها وبعدين ختيتو الصفر وين؟.... انا سكت يمكن زي دقيقتين وبعدين قلت ليهو ختيناهو في.... بكان ما بقدر اكتبو هنا
| |
|
|
|
|
|
|
|
|
|
Re: جنس دا.... ابــدا لاقــاكــم؟ (Re: سجيمان)
|
الأخ سجيمان
والله قرررررررررربببت تبالغ عديل كده ، الواحد بعد إنتهي من سطورك ديل فطس عديل من الضحك وأول مرة أعرف يعني شنو ضحك بالدموع أو ضحك للركب ، وخفة الله يا سجيمان يا أخوي طيبه ومطلوبة لكين أعمل حسابك من خفة اليد لأنو الدم بجري في العروق والدم بغذي الجسم واليد جزء من الجسم.
والحمد لله إنو العوض صاحبك ما ضرب الجلد في الفلاتي لأنو وقتها كان منو العوض وعليه العوض
| |
|
|
|
|
|
|
| |
سجيمان
bushra suleiman
Ahlalawad
ابو جهينة
almulaomar
فيس بوك
تويتر
انستقرام
يوتيوب
بنتيريست