|
|
|
 Re: بكري ابو بكر........انا اطالب بحقي كامل غير منقوص (Re: bayan)
|
يا بيان... تعرضت لاساءة شخصية.....وشتيمة..... وقد قبعت تلك الشتمية بالبورد لمدة 18 ساعة و23 دقيقة 30 ثانية...واطلع عليها فوق المائة مشارك..... كتبت لبكري اتنين ايميل.... وضحت ليهو الحاصل... ابيت ارد عليها... لانو ما عاوز اصعد الموقف.... قلت هم حيتصرفو....... لكن لو ما قدرو من حقي ان ارد علي الاساءة بمثلها.....والله والله والله... انا قادر وعارف كيف ارد
| |
 
|
|
|
|
|
|
|
|
Re: بكري ابو بكر........انا اطالب بحقي كامل غير منقوص (Re: سجيمان)
|
سجيمان
بسيطة ، أمسحها في وشي أنا
كلوا هنا اخوان
والليلة الجماعة وصلوا لاتفاق حول الترتيبات الأمنية
والمسألة ماشية كويس
ولابد من المعايشة
وما في معايشة ما فيها شاتم ومشتوم
عشان تسود بيننا ثقافة السلام
وأول بنودها الاعتذار
وإذا ما في شتيمة
مش حا يكون في سبب للإعتذار
خلاص يا دكتور
| |
|
|
|
|
|
|
|
|
|
Re: بكري ابو بكر........انا اطالب بحقي كامل غير منقوص (Re: سجيمان)
|
الحميم
سجيمان
أوّلاً أنا لما أعتاد منادات الناس بألقابهم
ثانيا
أنت نكهة ذكية في هذا الورد ولا أعتقد أن هناك من يمكن أن تسول له نفسه ويطول لسانه ويشتمك
عموما إن كان ذلك قد حدث فعلا فلك إتذاري
وأنا مستعد أغني لك بعد الساعات التي قضتها ( الشتيمة ) علي البورد
يا حميم
عندك وقفت من المشي وغرقت في ضوء ( الفرح ) مع الإتذار للتصرف في القصيدة
أبدا
علاء
| |
|
|
|
|
|
|
|
|
|
Re: بكري ابو بكر........انا اطالب بحقي كامل غير منقوص (Re: Ala Asanhory)
|
الأخ علأء
انت عليك الغنا واخوك عليه البنقز والشيل اما حبيبنا سجيمان فعليه الصفقة وتشجيع اللعبة الحلوة ...والعشا
اها ياسجيمان ياخوى قصرنا معاك؟
يلا فكها شوية ياسجيمان ولا تحمل الأمور فوق ما تحتمل
بالمناسبة ياسجيمان والله انا ماعارف المزعلك شنوبالضبط لكن بس انا بأعتقد انه مافى شيئ فى هذه الدنيا يستحق منك تلك الغضبة المضرية
ودمتم
| |
|
|
|
|
|
|
|
|
|
Re: بكري ابو بكر........انا اطالب بحقي كامل غير منقوص (Re: قلقو)
|
اها .....كدي النقعد لك عديل.... يا سيد الامنتي ليك........زول شتمني بكلمات اذكر منها..... قذر.... تافه... حقير.... انت جاي من ياتو كوشة........انتهت الشتيمة المبجلة.......
والمزعلني اكتر انها قعدت في البورد اكتر من 18 ساعه....ومافي زول قال نزحها شوية..... لمن انا رسلت اتنين ايميل لبكري..... حتين يا الله ويا امين... جا مغمد عين ومفتح عين ومسحها.......
لائحة البورد بتقول انو اي واحد يتعرض لاي عضو بالاساءة الموجهة والمباشرة يتم حظرو....ودي كانت اساءة مباشرة وموجهة....وانا عاوز العضو دا يحظروهو.......ويطبقو فيهو اللائحة.....لو ما طبقوها اعتقد من العدل انهم برضو يدوني فرضة اشتمو..... والله شنو؟...وتراني حسي محارس البورد لا فطور لا غدا..... ولحدي نهاية اليوم نشوف بيحصل شنو؟
| |
|
|
|
|
|
|
|
|
|
Re: بكري ابو بكر........انا اطالب بحقي كامل غير منقوص (Re: سجيمان)
|
تعرف يا سجيمان .. والله أكبرت فيك عدم التسرع في الرد على السباب الذي طالك .. مع اني ما شفتو خالص. وأكبرت فيك هذا لأني والله ما بقدر استحمل سباب وبعتبر الزول البيتحملو ده زول إما جلدو تخين أو زول بالو واسع شديد. وفي الحالتين النتيجة كويسة .. لأني والله ما بحب اشوف خناقات في البورد ده. وبيني وبينك كدي والله أنا بحب المواجهة المباشرة .. اي زول لو بقى قدامي كدي وقال حاجة ما راكبة عدلها والله بعد داك إلا يحجزنا رب العالمين .. لكن المشاكل بتاعة الانترنت دي أحسن الواحد يتجنبها .. أنا غايتو بتعمل لي هارت .. لأنها سلاح الجبناء في المقام الأول. لذلك يا سجيمان يا رميدان اي زول عندو مشكلة أو اي عتاب على زول .. يركبو قرجة في المسنجر .. بس البورد ده لانو مكشوف للعالمين كلهم .. فما مفروض يتقال فيه كلام خارج عن حدود الحشمة الدنيا .. على الأقل
طلعت فنجري يا سجيمان .. وأنا ظانّك فنجري .. والحمد لله انك لجأت لبكري لتصحيح الموقف وما انجريت بردود الفعل
بعد كلامي ده .. اقول ان الأخ كبسيبة قد يكون معه بعض الحق في انتقاد البوست الذي كتبته أنت .. لكن اسلوب انتقاده غير موفق. وكان بامكانه معالجة الموضوع برواقة وبطريقة لا تصب الفاصوليا على الرز
التحية ليك
(عدل بواسطة Shinteer on 09-25-2003, 03:06 PM)
| |
|
|
|
|
|
|
|
|
|
Re: بكري ابو بكر........انا اطالب بحقي كامل غير منقوص (Re: سجيمان)
|
ياسى جى، سلامات، ماعهدناك زول شتايم وشكل وما شفنة منك غيى الظرافة واللطافة وخفة الدم
قالو رحم الله إمرء عرف قدر نفسه وإحنة برضو عارفنو
أرجوك أن لا تنزل إلى مستوى الشتائم والمشاكل و الداير تهرى أسكي خلى ياعزيزى
ولو عاينتة ليها من ناحية تانية، وده رأى الشخصى، مثلاً لو فى واحد عندو رأى سلبى فينى، أنا بشوف أنو دى مشكلتو هو مش أنا. هو العندو الرأى، إذاً بطريقتو لأنو، واحد، هو حر فى رأيو، وإتنين، لأنو هو الحا إتعب مش أنا
ولو تعدت المسائل ووصلت إلى الشتايم، ده حا إورينى معدنو، و ما برضاها ليك ولا لأى بوردابى أن ننجرف وراء الشتائم والمشاكل الشخصية
برأيهم أو بدونو إنتة ياكة سى جس البنعرفو.....ولا ما كدى؟
| |
|
|
|
|
|
|
|
|
|
Re: بكري ابو بكر........انا اطالب بحقي كامل غير منقوص (Re: Maged)
|
ماجد شكرا لك...... والله وكلماتك واستني كتير...... انايا عزيزي لما عاوز ادخل في شتايم....كل طلبي انو الادارة تاخد لي حقي.....لكن لو الادارة عجزت.....والله مجبور اخاك لا بطل......ومافي زول شكروهو بالكعب..... لكن انا عشمي كبير انو بكري يكون راجل حكيم...... ويطبق اللائحة في حق الزول دا......بعدين يا ماجد انا لو عاوز اشتم كنت شتمت وبادلتو الشتيمة,...... لكن احتراما للبورد ولادارة البورد رفعت الشكوى لهم...... لكن ما حاصبر كتير بصراحة......لانو ما شايف اي تجاوب.... نعمل شنو حيرغمونا ؟
| |
|
|
|
|
|
|
|
|
|
Re: بكري ابو بكر........انا اطالب بحقي كامل غير منقوص (Re: Dr. NassurEldeen)
|
يا دكتور.... انا ما رجمت اي شخص الي الان....ولا البوست دا عشان اتراشق فيهو شتائم...... يا دكتور انتو ناس واعين... انا بطالب بحق مفروض تكفلو لي الادارة طالما انا ما زلت عضو......... انا بطالب بتطبيق اللائحة على الزول الشتمني دا......وبس.....انتو الله يهديكم ناقشو النقطة دي.....اما لو شفتوني بشتم تعالو قولو كدا
| |
|
|
|
|
|
|
|
|
|
Re: بكري ابو بكر........انا اطالب بحقي كامل غير منقوص (Re: سجيمان)
|
لن أقف أمام أى من حقوقك يا سى جى ولكن ولأسواء الإقتراضات، إتنين غلط ما بعملو الشى صاح، والناس بعرفوهم فى المواقف الزى دى وبرغم من أنى ضد
الإسائآت الشخصية ولكن ماتخلى الحاجات دى تأثر عليك
أنا لاأستطيع التحدث نيابة عن إدارة البورد ولكن وبغض النظر عن رد الفعل، أعتقد أن وجهات النظر أصبحت واضحة
عليك الله ياسىجى ماتشوه الصورة الحلوة الخاتنها ليك كل الناس الإتجاوبو معاك هنا وآخرين، تعرف لو عندى نص خيالك وملكتك التعبيرية دى، كنتة كتبتة عن الموضوع ده زاتو قصة أبو لستك، لكن إحنا مازيك وعشان كده كلم لينا عمو سجيمان الزعلان ده إمشى إنادى لينا عمو سي جى لأنو الليلة شربنا قهوة الصباح بدون الضحكة المعتادة من مواضيعو
إديك العافية يا رجل ياظريف
| |
|
|
|
|
|
|
|
|
|
Re: بكري ابو بكر........انا اطالب بحقي كامل غير منقوص (Re: Maged)
|
ماجد انا الي الان لم اوجه اي اساءة الي اي شخص...... يا ماجد البوست دا واضح.... عنوانو واضح..... وليه بكري والادرة ما عاوزين يجيبو لي حقي؟....... ليه؟ المانع شنو؟...... ولا حتى عاوزين يوضحو... سبب صمتهم دا....لي انا ولباقي اعضاء البورد ممكن اي عضو يتعرض لنفس الموقف....والله دي بادرة خطيرة وحتكون سنة...والايام بيناتنا.......
| |
|
|
|
|
|
|
|
|
|
Re: بكري ابو بكر........انا اطالب بحقي كامل غير منقوص (Re: سجيمان)
|
حبيبنا الغالي سجيمان
أنا عادة نادرا ما أعلق على البوستات وأكتفى فقط بالقراءة
ولأنك من القلائل اللذين أقرأ لهم فقد اشفقت أن يحصل معك مثل ما حصل مع بعض كتاب البورد او كاتباته اللذين كنت استمتع بالقراءة لهم
لذلك فكرت احصلك بالمساندة
واقتراحي للأنتقام اذا لم يأخذ لنا بكري حقنا(لاحظ حقنا دي) أن تنشر اسم الزول الشتمك وي افتكر كفاية جدا عشان كل الناس البعرفو د.عادل الصادق أو بيعرفوا سجيمان يكرهوا الزول دا ويحتمل يشتموه بدلا منك .... تصدق انا لسه ما مصدقك
| |
|
|
|
|
|
|
| |
سجيمان
bayan
Shinteer
ودقاسم
اساسي
قلقو
Ala Asanhory
ود محجوب
الزوول
فيس بوك
تويتر
انستقرام
يوتيوب
بنتيريست