|
المـــرأة التي ... توحمــت علي البـــورد
|
عثمان جاري... من الناس المتابعين للبورد دائما وابدا... مرتو بقت زيو....حتى ام الخير لامتا في قلة شغلتا دي... عثمان قال لي الايامات دي مرتي تتوحم....والمصيبة يا سجيمان قعدت تتوحم علي البورد....وكل ما تشوف لها شي فيهو تقول دايراهو....وبقت طواااالي معلقة علي البروفايل بتاع بكري....وبروافايل بكري يعجبك عاد... زيك زي زول قاعد في عنقريب في دكان ناصية وستو محننا ومجيها في سوق الناقة.... شية وكمونية وام رقيقة...وعصيدة ومديدة...... ميزانية يا سجيمان اخوي ميزانيه و وانا ما بقدر عليها....وبقت يا سجيمان كمان جنها قابلك انت يا كافي البلا قدر ما تشوف اسمك حايم في بوست تطرش وتتلبش وتتغتغت بي توبا وتقبل علي الحيطة....وقت اسكت اخليها تزعل تقول لي ما بتحنسني مالك زي ما ناس البورد بي يحنسو الناس الحردانين؟ مرة حلفت بالتكسرا علا تعلق عضويتي في البيت لمدة اربعين سنة علا ادخلو اولاد الحلال...والمصيبة يا سجيمان حسي الايام دي قالت نفسها في دمعة من القالا عمكم شوقي بدري...ديك الفي سويسرا... اها قول لقينا البصل اللحم نجيبو من وين؟.... شفت النصيبة دي؟....والله البلوي التانية... قالت نفسها تلبس عراقي وسخان وتسف صعوط..وتلبس سفنجة وتمشي تقيف في ضل السفارة السودانية زي الناس القالت عليهن بت قضيم....هي باقي متعودة علي الحوامة والدواحة..... اها الليلة من الصباح تنقض في شعرا...متفنة في نص العنقريب وما شافت لها شغلة غير شعرا وتنقض فيهو.... وقالت لي علا تجيب لي مشاطة من مشاطات البورد تمشطني ودايرة يمشطوها "السودان قفل".او لو ما ايتلقى زول بي يعرف.. يمشطوها "سعد قشرة".....عاد يا سجيمان ان ما لقينا زول يمشطا ياكا انت الجاي تمشطا....وانت عارف يا سجيمان اخوي المرا ام جضوم دي ما بتنقدر...قال يمشطوهاقال؟ ..هي يخربا الدنيقيس صلعة....هو قايلني ما شفتو؟
|
|
|
|
|
|
|
|
Re: المـــرأة التي ... توحمــت علي البـــورد (Re: سجيمان)
|
قالت نفسها تلبس عراقي وسخان وتسف صعوط..وتلبس سفنجة وتمشي تقيف في ضل السفارة السودانية زي الناس القالت عليهن بت قضيم....هي باقي متعودة علي الحوامة والدواحة.....
شفيتها طوالي يا سجيمان
لكن مرت جارك ما عندكم
خلاص امشي مشطه يا مشاطه
| |
|
|
|
|
|
|
Re: المـــرأة التي ... توحمــت علي البـــورد (Re: abas)
|
حبيبنا سجيمان.. حلا لهذه المشكلة اوصيكم بمقابلة صديقى العزيز فتحى البحيرى واول ما ام الخير تشوفو صدقنى بعد داك على الدايات عدل.وكدة هى حترتاح ونرتاح نحن من مسألة الوحم دية..النصيحة دى منى بلوشى ولوجه الله.. لكن تعال هنا ياسجيمان ياخوى زولتى ما زنقوها زنقة شديدة ناس الكونقرس الحاقدين ديك وبالجد كدة كانت دايرة ليها راجل جنبها عشان يحميها ويدافع عنها..لكن نقول شنو..منك لله ياخى.
| |
|
|
|
|
|
|
Re: المـــرأة التي ... توحمــت علي البـــورد (Re: قلقو)
|
سيجمان
مرت عثمان لو اتوحمت فى الماسنجر يوم قفلتو يعنى المولود بيجى خشمو مطبول بطبلة بكرى
Quote: ام الخير تناشد بكري يفصلني من البورد...وانت دايرو يديها عضوية؟ |
أم الخير ما عليها إلا انو تسرق الباسورد بتاعك وتقوم تنبز روحا داك يا النبز البشبها وما بشبها { فى بوست تسميهوالولية ام رقبتن ملوية اريتا بالطورية} وكدايقوم بكرى ينفضك نفضة التابانى واليابانى { اليابانى دى عجبانى} يعنى نفضة وحبسه .. سنة ياالفالوجة
| |
|
|
|
|
|
|
|