|
Re: المطلـــــقة...ودق الشلــــوفة (Re: سجيمان)
|
موضوع الزواج من الاجانب
اعتقد انو بعتمد على قابلية الزولة دي في انها تبعد حكاية الجنسية دي من راسها و تتعايش معه كا انسان...انا عن نفسي لا اتصور اني اتزوج بغير سوداني..بسبب انو المجتمع واحد..و عادتنا و تقاليدنا واحدة...كان قلتى نكتى ممكن يفهمها السوداني و لا يفهما الاخر...ووو
لكن..هناك تجارب عمليه شاهدتها و اثمرت ثلاثة اطفال..الزوجة سودانية و الزوج لبناني...كانو يعملوا في مكان واحد و تم الزواج و هم الان يقيموا في السودان...انا بصراحة ما بعرف تفاصيل حياتهم..لكن ما شاءالله اذا مافي تفاهم ما كانوا انتجوا ثلاثة اطفال الى الان..اعتقد
| |
|
|
|
|
|
|
Re: المطلـــــقة...ودق الشلــــوفة (Re: سجيمان)
|
Where is the problem here? And what does she mean by “Quote: he has an African roots” what about her first husband? Why did she divorce him, what about his ethnicity since it is here as an issue according to her message. Is she trying to tell us that, she is from northern sudan and the guy is from southern sudan or some where in Africa by his roots that makes him totally differ from her regarding his/her Culture, religion and some other ethnic classifications. She haven’t explained why did her Mom refuse the idea, and the more important thing that she didn’t mentioned is, whether she loves him or not, because this point may have done crucial turn in her argument to marry him or not. Her Dad has made a good point when he mentioned out the education background of this Gentleman, but if I were some one who is related to her or member of her family I would never tell her to marry him just because he is a doctor or some scholastic. Cjooo, unless these questions and many others, have been answered, then Giving her a second opinion will be just a hypothetical.
| |
|
|
|
|
|
|
Re: المطلـــــقة...ودق الشلــــوفة (Re: سجيمان)
|
كنت أريـد أن أسـاعـد هـذه السيـدة، ولكن أصولى وفروعى الإفريقيـة حمتنى يا رب تهراقـا ما تكون عنـدو أصول أفريقيـا، يقومـوا يختفـوه مننا .. أما حضارة كوش طبعـاً عربيـة مية الميـة.. وكوش أصلاً تعنى قريش، ومن أجل البلاهـة حذفت الراء والقاف وقلبت اليــاء واااون فصارت كـوش
| |
|
|
|
|
|
|
Re: المطلـــــقة...ودق الشلــــوفة (Re: سجيمان)
|
سجيمان العزيز
الاخت خايفه علي ما اعتقد من انو المجتمع ينظر ليها نظرة ذات مغذي غير في انها كيف تتزوج من هذا الشخص وهذه النظرة موجوده في داخل كل واحد فينا
فكيف تزول الله اعلم لكن ما اظن انها تكون بالساهل
| |
|
|
|
|
|
|
Re: المطلـــــقة...ودق الشلــــوفة (Re: سجيمان)
|
سجيمان بشوفك اليومين دي مقبل على السودانين ، صراحة ما بقدر افتي في الموضوع نسبة لجزوري لاني جعلية وانت عارف ان الجعليين اكتر من اختلط بالعنصر النوبي والزنجي كحال الشوايقة لانو اصلهم اولاد عم لو ادعو او تشدقوا بعترتهم التي تصعدهم الى العباس او ال البيت ، فانا لا استعلى على عنصر نسييجي منه وجداتي وليك الشكر وللاخت الشريفية ، السمحة ام عيون كبار
| |
|
|
|
|
|
|
Re: المطلـــــقة...ودق الشلــــوفة (Re: عشة بت فاطنة)
|
العزيز سجيمان
زى ما قالت الاخت دى إنها عندها ماجستير وكمان عندها تجربة زواج سابقة انا بفتكر إنها مفروض تكون على قدر من الحكمة فى إنها تقّيم الموضوع ولوحدها وتاخد القرار المناسب دون ان تكون حائرة ،وما مفروض تتلفت بالذات فى إختيار شريكها وما تسمع خزعبلات صحباتها ، وقالوا اللى ايده فى الموية ما زى اللى إيدو فى النار. اما نصيخت الشخصية ليها إنها ما تتخذ اى قرار حاليا لانها فى مرحلة إنعدام وزن ده لو قلنا إنها إتطلقت حديثا .
| |
|
|
|
|
|
|
Re: المطلـــــقة...ودق الشلــــوفة (Re: عشة بت فاطنة)
|
عشة بنت فاطنة... بركة القشو لك الدرب ودخلتي عندي.......اولا الموضوع انا طرحتو زي ما جاني..... يعني انا غير قلت يا جماعة دا كلام المرا دي وقولو رايكم ما سويت شي....وفي واحد في موقع تاني قال لي نحن في حكاية من رضيتم دينو دي.... جعليين المذهب
| |
|
|
|
|
|
|
Re: المطلـــــقة...ودق الشلــــوفة (Re: سجيمان)
|
الاخ سجيمان
تجربة الاخت الفاضلة في الزواج بتديها مساحة اكبر في التفكير بشكل جيد قبل الاقدام على تجربة اخرى ، و يبدو انها ما مقتنعة تماما بالزول الاتقدم ليها وما زال بداخلها صراع في الاقتناع به من وجهة نظرها انها حاملة ماجستير وبين ما تربت عليه فبقول ليها المسالة ما مسالة وضع مادي كويس او لغات متعددة او اي شكل مظهري لانه مسالة الزواج دي بتحكمها اشياء اخرى تماما ، الشخصية نفسها ومدى اقتناعها بيه والعيش معه تحت اي ظرف كان واكيد هي الاقدر من غيرها على تقييم مدى امكانية انها تعيش مع هذا الشخص تحت كل الظروف وتمنياتي لها بكل التوفيق
| |
|
|
|
|
|
|
Re: المطلـــــقة...ودق الشلــــوفة (Re: maia)
|
الأخ سجيمان حلال المشاكل اود ان اقول للأخت السائلة اسـتفت قلبك اولا وثانيا واخيرا ولا تلق كثير بال للمجتمع ونظرته لأنه انا فيما يبدو لى ان المجتمع فى هذه اللحظة ينظر اليك بالنظرة المتخلفة التى اعتاد ان ينظر بها للمرأة المطلقة وخلونا بالله من مسألة شجرة العائلة التى تعود الى العباس فما هى الميزة التى اكتسبناها بألحاق نسبنا بالعباس هل كان لهذا الأنتساب اى انعكاس فى تطور هذا الوطن فى اى مجال من المجالات؟ هل كان لهذا النسب اى اسهام حضارى فى تطور الأنسان السودانى ؟ دعونا بالله من التمسك بموروثات عبيطة لم نجن منها سوى الفقر والجهل والتخلف وكلكم لآدم وآدم من تراب
| |
|
|
|
|
|
|
Re: المطلـــــقة...ودق الشلــــوفة (Re: فيصل النعيمه)
|
العزيز سي جي مان
حقيقي هي مسالة محيرة وذات جوانب كثيرة دينية ومن المفترض اذا كانت نظرتها للاصول الافريقية من الدين ما مفروض تنظر ليها اما تجربة زواج سابقة فدي ممكن تخليها تنتظر شوية وتحكم عقلها
نجي لحاجة انا عارف بتجيب لي الهواء لكن اطرحها عشان الناس ما تدفن رؤوسها في الرمال
في قبائل تنظر لهذه المسائل اول حاجة يسالوا جنسوا شنو يعني هي ممكن تتزوجوا لكن ما بعد الزواج هل يقبله اهلها ويتعاملوا معه وبل وفي المستقبل هل بمكنها ان تزوج ابنها الي بنات عمه او بنات عمته او ممكن اهل ابوها يتزوجوا بناتها وهل هي ممكن تقبل تستقبل اهله عندها وتتعامل معهم بعفوية ودي واردة يا جماعة الناس ما تبقي نائمة وهل ممكن من خلال حياتها معاه راي مسالة عنصرية من اهلها ورفض ذلك وليس يدها شي من ذلك ماذا ستفعل هل تنفصل عنه
حقيقة المجتمع حتي لم يقبل هذه الزيجات رغم انها موجودة بس بنسب معينة
ارجو انوا كلامي يتبلع لكل الناس ودي نظرة مجتمع مش نظرتي لهذا الموضوع
لكن رايي حتي لا تتحمل ذنب اجيال قادمة انها ما تقدم علي هذا الزواج
| |
|
|
|
|
|
|
Re: المطلـــــقة...ودق الشلــــوفة (Re: مهاجر)
|
CGman: As they say here 'talk is cheap" we can write treaties after treaties on human rights and everything nice. I am against the ethnic profiling attempts. However, marriage is a very personal institution, what matters is how she feels if she feels that the psychological barrier is strong enough to make this marriage fails then it is totally unfair to marry a decent person who really loves her. she should just stop thinking about him and tell him to find love somewhere else. I also think that it is unfair to hold him on a leach so to speak waiting to see if she would feel differently. (awlad annas mush li'eba) as the egyptians may say. kandake
| |
|
|
|
|
|
|
Re: المطلـــــقة...ودق الشلــــوفة (Re: قلقو)
|
الزواج قناعه قبل كل شئ بانسان معين وبعد داك ما بتكون في اهميه لكلام فلان ولا علان لكين يبدو انها غير مقتنعه واحسن يكون موقفها واضح وترفضه . لو ما قناعه اسه سجيمان دا لو وقع لي في الكرتله بعرسوا لووووووووول ها تعال اشكيني قول دومه شتمتني لووووول تصدق بريد اكاويك بعدين ناس العباس الاصليين عمارن شنو؟؟؟ لما المتشعبطين فيهم
| |
|
|
|
|
|
|
Re: المطلـــــقة...ودق الشلــــوفة (Re: سجيمان)
|
الحبيبب السي جي مان....رقم البعد برسل سلامي....يا حبيبو...اخوك سمير قاعد معاك في نفس الاوضه........وعندو مشكله ....متلله....ومرض حامد كسرو وختاهو في كرسي متحرك......وانت اتاريك بتحل المشاكل...........اها انا مشكلتي بدرعها فيك......حلها لي.....وليك الحق كمان تنشرها في البورد....
ورقم البعد برسل سلامي وتحياتي......
| |
|
|
|
|
|
|
Re: المطلـــــقة...ودق الشلــــوفة (Re: سجيمان)
|
عارف يا دكتور.. قولة (طق) دي هي الفاصل.. يعني كونه البت عندها مخاوف في الاتجاه ده، قطع شك أن الأمر لن يتقدم خطوة إلى الأمام... إحنا شعب متعلم ومثقف ومتخلف.. والحمد لله....
لكم الود.. بنت الحسين
| |
|
|
|
|
|
|
Re: المطلـــــقة...ودق الشلــــوفة (Re: مريم بنت الحسين)
|
أؤيد كلام مريم بشدة
انه مادام في تردد وحيرة
معناها مافي قناعة كافية للارتباط معناها تنسى
ومركزه وثقافته ولغاته ما كل شي وهي الاخت خير العارفين من التجربة لانه الحاجات دي بتزول بين اتنين قاعدين في بيت واحد
المهم تفتش على واحد يريح بالها مهما كان مركزه وده اهم شي
انا بنصحها انه تنسى الموضوع مادام مترددة ودخل الشك في قلبها انها ممكن تستحمل
وأكيد القسمة لسه جاية مافي داعي للعجلة
خالص تمنياتي
| |
|
|
|
|
|
|
Re: المطلـــــقة...ودق الشلــــوفة (Re: Hozy)
|
سلامات حقيقة ياسجيمان تخوف الاخت لم ياتي من سراب فهي اذا قبلت اكيد موعودة بصراعات اجتماعية ستمتد لابناء ابناءها وهي لها الحق في ان تتخوف ولااظن انها خايفة من قبول هذا الرجل لافريقيته ولكن ترددها ناجم عن ماسيؤول اليه الحال يعني بالواضح كدا راي المجتمع حيكون شنو تجاه التجربة وايضا المسالة تعدت قصة من ترضون دينه وخلقه وماالي ذلك افتكر الامر قد تخطي هذه الملامح لانها في دواخلها تقبلته وان لم تفصح عن مشاعرها تجاهها لكن كونها تطرح الامر كمسالة محيرة بالنسبة لها فهذا يعني انها فعلا قد تحركت نحوه او ممكن تقول اصبحت تحبه والدليل انشغالها في التفكير فيه حقيقة ياشباب الامر صعب عليها حتي وان كانت صاحبة تجربة من قبل ولكن تجربتها لم تكن بهذه الصورة انا شخصيا اعلم جيدا بان هذه الزجية اذا تمت واسمرت فالابناء هم الذين سيحملون عبء التمييز والتفرقة لانهم سيواجهون في يوما ما بانهم افريقيين وماالي ذلك حقيقة اعف عن ذكر الصفة التي سيوصمون بها مع علمي التام بانه لافرق بين كائن وكائن ولكن هذا ماوجدنا عليه المجتمع قبل ان يكون لنا راي ومسالة تغيير مثل هذه العادات القبيحة لن تتاتي بين ليلة وضحاها انصحها برفض هذه الزيجة مع العلم بانني ليس من دعاة العنصرية ولكني انتمي لمجتمع عايم لاذيه في العنصرية والقضية اكبر من رايي الشخصي فيها مع امنياتي لها بانفراج الحال وتمنياتي ايضا لها بحياة سعيدة
| |
|
|
|
|
|
|
Re: المطلـــــقة...ودق الشلــــوفة (Re: سجيمان)
|
اولا سلام .
هى مالها ومال المشاكل
الذى دى ... مادام الموضوع ذى ده الله مافى قاعد ...
والله من رائ انا المواضيع الذى دى أو كل المواضيع المصيرية
المتعلقة بى مستقبل الواحد ... المفروض يستخير الله فيها ...
وياعزيزتى ... جلى أقوال الناس دى وأقعى فى الله وأمسكى قوى ..
| |
|
|
|
|
|
|
|