|
|
 المضيـــفـة...... الظــــريفة
|
فليبينية...... سماحتها .... فيها هي بس...ما منها اتنين......
لما اركب الطيارة...اول حاجة بعاين للمضيفات سمحات ولاّ.. لا.....عشان لو كانن ما سمحات اشتكي ناس الخطوط.... واقول غشونا وشالو قروشنا ساكت.....ركبت.... وقعدوني في الكرسي الفوق الدرب.... زمان كنت بدور اقعد جنب الشباك.....عشان اتفرج في الطيارة وهي قايمة كتح..لكن حسي اتبسطت عشان اعاين للمضيفة وهي ماشة وهي جاية.....قالو اربطو الجزام... ابيت اربط الحزام كلو كلو... قلت في سري علا تجي المضيفة دي تربطو لي...بقيت كل ما ا شوفا جاية علي.....امسك الحزام الولحو.....واعمل نفسي غلبني اربطو...لكن جاني ضكر مابعرفو جاي ناطي من وين؟ عامل اضنيهو الكُبار ديل....وربط الحزام..... لكن انا من عامني شفت... تاني فكيتو....وقعدت الولح فيهو....... برضو جات ماشة.... وانا قعدت...اصاوّر في الحزام....المرة دي دنقرت فوقي وربطتو........والله اتكيفت كيف..... متل التكنها ادتني شبال..........وفكرت تاني افكو.. عشان تجي تربطو تاني.... مش انا دافع حق التظكرة؟....لكن جات المرة دي شايلة شربات..... وادتني كباية شربات....
اتاريهن المضيفات ديل.... ما عندهن فرق من ستات الشاي..... والله جات شايلة شاي وجبنة طوالي اتظكرت الثورة وستات الشاي في اخر محطة........وقعدت تسعل فيني:-
tea?
coffe?
....... قلت لها اديني كوفي..... اريتني بالكف اليطرشني ويلحقني الكُتار.......انا قايل الجبنة بيدوها اربعة فناجين .... ادتني فنجان واحد.......وقلت عشان انا اوريها اني زول فنجري وارباب وما شارف...احلف طلاق تاني ما اشرب ولا فنجان.......
والله مافي زول غايظني... قدر السواق اللليل الطيارة دا.... متفلهم جنس فلهمة....نضمو كلو بالانكليزي..... التنتشن..و.... الكنتشن...والبنتتشن.....هو قايل نفسو شنو؟....سواااااق زيو وزي خير الله سواق لوري ناس الامين ود امحمد ود جبارة.......ودااك علي باليمين اضكر منو...اللوري محل ما يقيف يغدي الناس علي حسابو.......
|
|
 
|
|
|
|
|
|
|
 Re: المضيـــفـة...... الظــــريفة (Re: سجيمان)
|
اهاااااااااااااااااااااااااااااا قمنا.. وقبلنا علي المضيفات... وكمان فلبينيات .... غايتو قالوا ... الفلبينايات ديل... والابلاش اما موضوع الحزام ده ما سبقك عليهازووول... احي يا مصاريني
| |
|
|
|
|
|
|
|
|
|
Re: المضيـــفـة...... الظــــريفة (Re: عمر محمد عبد القادر)
|
سجيمان بالغت فيها دي
ماسمعت بالطبيب السوداني القال لازم يجرب طيران بلادو وقال للمضيفة وجبتكم شنو قالت ليه بيض قال ليها مافي لحمه قالت والله ماضابحين الليلة.
وقام داس علي الزرار وطلبها مره اخرى علشان تشيل الصينيه قالت ليهو عندي كم يد ماشايفني شايله شنو فقال ليها ده السبب البخلينا مانركب طيارتكم لانو هناك فلبينيات وجنسيات خلقة واخلاق ويدينهم قصار ومع ذلك بتشيل عشرين صينيه
جمال
| |
|
|
|
|
|
|
|
|
|
Re: المضيـــفـة...... الظــــريفة (Re: sari_alail)
|
| Quote: تاني فكيتو....وقعدت الولح فيهو....... برضو جات ماشة.... وانا قعدت...المرة دي دنقرت فوقي وربطتو........والله اتكيفت كيف |
إنت بتتكلّم عن شنو يا سجيمان؟؟؟؟ الحزام؟.... سؤالي في الحقيقة يأتي من اعتقاد راسخ في أن سجيمان "البعرفو" ليس بالشخص البرئ الذي يمكن أن يلولح الأحزمة!! تعرف يا سجيمان والله أنا لو كنت في محل المضيفة دي كنت قطعت ليك حزامك دا بي مُنجل زي بتاع طهارة العوض ود أب قناية.
مع الود،
ع ع
| |
|
|
|
|
|
|
|
|
|
Re: المضيـــفـة...... الظــــريفة (Re: سجيمان)
|
| Quote: ركبت.... وقعدوني في الكرسي الفوق الدرب.... زمان كنت بدور اقعد جنب الشباك.....عشان اتفرج في الطيارة وهي قايمة كتح..لكن حسي اتبسطت عشان اعاين للمضيفة وهي ماشة وهي جاية..... |
ما متعود على ركوب الطيارات. الكرسى الفوق الدرب اجمل شئ تقعد وكتفك لى بره وتعمل نائم اها المضيفات ماشات جىات يتلصقن عليك. هن ماظريفات ومعلمهن الزول النائم ما يصحو بس انت خت ايدك فى وشيك واعمل نايم.
| |
|
|
|
|
|
|
|
|
|
Re: المضيـــفـة...... الظــــريفة (Re: سجيمان)
|
الحبيب صديق الموج
ما متعود على ركوب الطيارات. الكرسى الفوق الدرب اجمل شئ تقعد وكتفك لى بره وتعمل نائم اها المضيفات ماشات جىات يتلصقن عليك. هن ماظريفات ومعلمهن الزول النائم ما يصحو بس انت خت ايدك فى وشيك واعمل نايم.
والله دي بالغت فيها
| |
|
|
|
|
|
|
|
|
|
Re: المضيـــفـة...... الظــــريفة (Re: سجيمان)
|
ياسجيمان حصل لى مرة كنت مسافر عبر اخى رحلات سودان طير (سودانير) وكان معروف عنهم فى تلك الفترة بيقدموا عصير تانك برتقال مسيخ ، وعندها قلت للأستاذ المضيفة السودانية أنتم لسع مع عصيركم السيخ دا وماتتطورتم .فكان ردها بصورة بايخة (الفصاحة العليك شنوا لو عاجبك اشربه ولو ماعاجبك اتركه)
فصرت مندهش طيلة الرحلة أياها ......
| |
|
|
|
|
|
|
|
|
|
Re: المضيـــفـة...... الظــــريفة (Re: سجيمان)
|
أخوي سجيمان ود عم بله
كيفنك يا جنا
قلت لي :
بقيت كل ما ا شوفا جاية علي.....امسك الحزام الولحو
والله دي فاتت الحصاحصيا زاتو
اموت انا في قمرة القيادة
أمسك الحزام الولحو . . . متأكد
ود عم بله
أها الطيارة فيها بوري ياجنا
| |
|
|
|
|
|
|
|
|
|
Re: المضيـــفـة...... الظــــريفة (Re: سجيمان)
|
Quote: الحبيب صديق الموج
ما متعود على ركوب الطيارات. الكرسى الفوق الدرب اجمل شئ تقعد وكتفك لى بره وتعمل نائم اها المضيفات ماشات جىات يتلصقن عليك. هن ماظريفات ومعلمهن الزول النائم ما يصحو بس انت خت ايدك فى وشيك واعمل نايم.
والله دي بالغت فيها |
عباس عندك استعداد للانحراف بس مالاقى زول يوجهك ساكت تسلم،،،
| |
|
|
|
|
|
|
|
|
|
Re: المضيـــفـة...... الظــــريفة (Re: سجيمان)
|
انتو غايتو يا سجيمان ماقصرت مع المضيفة وصفتها وكملت الوصف
علا يا اخوي انا عايز اناضمك في ناس الارض
في قناة الجزيرة في 3 مذيعات انا مستعد ادفع 20 ريال حقت الفضائية
الزمان شهريا بشرط يودوهن لينا للفضائية السودانية
شفت الضكرنة دي كيف ..
ما نضمت لينا يا سجيمان في مذيعات الجزيرة !!!
تحياتي ليك يادكتور...
| |
|
|
|
|
|
|
|
|
|
Re: المضيـــفـة...... الظــــريفة (Re: mekki)
|
سي جي مان
| Quote: اصبري لي... المرة الجاية بركب لك الاثيوبية بت الكلب... |
كان عملتها وجيت تكتب عن الموضوع هنا سعلتك بالله تخُط بالبنط العريض (ممنوع إصطحاب الأطفال) لأن الموضوع حيكون فيهو قهوة وشيشة وزار وحاجات تانيه حامياني. ولو ما قدرت تركبهاـ بت الكلب ـ أمشي اتفرج على الفرقة الأثيوبية في المريديان وأضرب الماكنتوش! لو ما ضربوك بالبنبان.
| |
|
|
|
|
|
|
|
|
|
Re: المضيـــفـة...... الظــــريفة (Re: سجيمان)
|
الرائع سجيمان
مرة جماعة قاعدين بيتكلموا عن الطيارة السودانية ومشاكلها وخدماتها الزي الزفت فقام واحد سرح بي الجماعة وقال ليهم والله مره كنت مسافر بي سودانير القزاز القدام مكسر والسواق رابط ليهو شال في وشو ولابس ليهو نظارة من الهواء
وعندنا برضو عمنا ساخر جدا سافر بي سودانير مره المضيفة جابت ليهو فول وعصير كركدي فقام سألها وين الفطير وملاح النعيمية ما بقيتوها بيت طهور عديل
| |
|
|
|
|
|
|
|
|
|
Re: المضيـــفـة...... الظــــريفة (Re: سجيمان)
|
.... زمان كنت بدور اقعد جنب الشباك.....عشان اتفرج في الطيارة وهي قايمة كتح.
يا سجمان ما قلت ليك نحن ما مننا مدسه ............
اشان تتفرج ولا فى شان تتف الصعود !!!!!!؟؟؟؟؟؟؟؟؟؟
| |
|
|
|
|
|
|
|
|
|
Re: المضيـــفـة...... الظــــريفة (Re: welyab)
|
اهلين يا سجيمان
المضيفة ما عندك
بس انت الظاهر عليك عندك عقدت سماحة
ياتو وحدة في ديل العجبوك
ما اعتقد انهم جميلات
الغريبة انو كل سفرياتي بالسودانية
وكل سفرية بتكون مواعيدها مظبوطة
والوجبات تمام التمام
العصيدة والملاح والعصير التانج
والموية والمساخة بسمع بيها من ناس السعودية
الملاحظة انو المضيفين السودانيين احلى من المضيفات
| |
|
|
|
|
|
|
|
|
|
Re: المضيـــفـة...... الظــــريفة (Re: هميمة)
|
هميمة
| Quote: اشان تتفرج ولا فى شان تتف الصعود !!!!!!؟؟؟؟؟؟؟؟؟؟ |
هوووووي يا هميمة...انا عارفك انت دايرة تتلومي في الصعوط......انا غايتو زول يتلوم في الصعوط لا بيني لا بينو
| |
|
|
|
|
|
|
|
|
|
Re: المضيـــفـة...... الظــــريفة (Re: ابو يسرا)
|
ابو يسرا
| Quote: صور لملكات جمال من الفلبين وانا على استعداد لحذف الصور ياسجيمان لو جماعتك طالبوا بذلك ورمضان كريم |
يا جنا اتاريهم الفلبينين ديل فاشلين خلاس...... شوف عيني عنهم نسوان ضكرياااات.. ضكرياااات.... ضكريات عديل كدي
| |
|
|
|
|
|
|
|
|
|
Re: المضيـــفـة...... الظــــريفة (Re: هشام مدنى)
|
كيفك يا خال ..
| Quote: وين ناذر ما شايفو هنا غريبة |
تراني موجود لكن مشغول شوية مع حمار أبكرينا وحبيبته العاجبة !!
صنفرة :
أراك هذه الأيام ترفع في بوستات قديمة !!!!
لــــــــــمـــــاذا ؟؟!!! 
| |
|
|
|
|
|
|
|
|
|
Re: المضيـــفـة...... الظــــريفة (Re: ناذر محمد الخليفة)
|
العزيز ناذر
حمدالله سلامة الوصول
قلنا نسأل عنك
شايفك بهناك قلنا ما نعكر مزاجكم...
قلت لى
Quote: أراك هذه الأيام ترفع في بوستات قديمة !!!!
لــــــــــمـــــاذا ؟؟!!! |
فيها مواضيع جميلة وسرد مميز
الغريبة عندك بوست قديم لكن بناقش موضوع مهم
وشايفك تركتوا ليه ما عارف!
ظريفة:
تفتكر ده ياتو بوست؟
فكر شوية بجيك راجع..
| |
|
|
|
|
|
|
|
|
|
Re: المضيـــفـة...... الظــــريفة (Re: فيصل نوبي)
|
هشام مدني
Quote: سي جي
مضيفات طيران هناي ديلاك كيفنهن ؟ |
الايام دي انا.. زول باظاااات ساااااكت...... غايتو ناس طيرا ن هناي... لو بيدوني تظكرة مجاني من الرياض الخرتوم وبالعكس.... بشكر مضيفاتهم..... والله يا هشام قابلت واحد موظف في الختوت الللات هناي ديل ... تغيان جنس تغا....تقول الطيارات دي حقتو..... ربي لا تمحنا لا تبلينا.. ولا تخلينا نتغا فوق الفارغة....وفوق حق الناس
| |
|
|
|
|
|
|
|
|
|
Re: المضيـــفـة...... الظــــريفة (Re: سجيمان)
|
Quote:
Quote: ما نضمت لينا يا سجيمان في مذيعات الجزيرة !!!
نضمت قبال دا
لكن ما مشكلة لنضم تاني
انا عندي شنو غير النضم |
والله ياسجيمان النضم الكتير دة بغطس حجرك
لكن برضو نضمك سمح انضم بس حاسب النضم الكتير بجيب الخرف
| |
|
|
|
|
|
|
|
|
|
Re: المضيـــفـة...... الظــــريفة (Re: سجيمان)
|
سيجىرمضان كريم
اتذكرت موقف فى رحلة داخلية فى واحدة من الخطوط التجارية وطبعا المقاعد ضيقة لدرجة
وهناك فى مقدمة الطائرة ثلاثة مقاعد برحة جدا , لدى اثنين من اصحابى فى نفس الرحلة مشوا قعدوا فى المقاعد اياها بعد شوية جات المضيفة مكرفسة وشها القبيح داك وبمنتهى اللؤم وقلة الأدب قالت ليهم يلا ياشباب ارجعوا هناك دى مقاعدنا انحنا وربك رب الخير مانقدرلو على جزاء ومع لحظة الأقلاع المقاعد وقعت بالجماعة والمستور بان واليوم داك لافى شاى لا جبنة ولاحتى وجبة الفطور .
| |
|
|
|
|
|
|
|
|
|
Re: المضيـــفـة...... الظــــريفة (Re: ahmed shaaeldin)
|
| Quote: رب الخير مانقدرلو على جزاء ومع لحظة الأقلاع المقاعد وقعت بالجماعة والمستور بان واليوم داك لافى شاى لا جبنة ولاحتى وجبة الفطور . |
المقاعد وقعت كيفن؟؟؟..... الشي دي طيارة شنو دي؟.....
تعرف يا احمد ... زمان كان عندنا جارتنا مضيفة...وعندها كديسة...والله انا كنت حاقد علي الكديسة دي جدا..... تصدق؟..... من اليوم داك انا اتعلمت الحقد الطبقي.....
| |
|
|
|
|
|
|
| |
سجيمان
ابو جهينة
willeim andrea
jini
المكاشفي الخضر الطاهر
sari_alail
Adil Ali
صديق الموج
abas
Osman M Salih
luai
بلدى يا حبوب
mekki
garjah
welyab
بنت الاحفاد 2001
ابو يسرا
فيصل نوبي
ناذر محمد الخليفة
ahmed shaaeldin
Ahmed Mohammed Osman
فيس بوك
تويتر
انستقرام
يوتيوب
بنتيريست