|
الله قــــــادر..... يا جواهــر
|
عجبتني اسيا..... سايقة باص حدادي مدادي.في قلب لندن....زمان يغنو لها اسيا بابورك في الاراك..... حسي اسيا بابورك في الهايدبارك.....احيّك يا اسيا....واسيتنا الركبت البابور من الاراك....ووقت وصلت كسلا.... سيدي الحسن حلف متين يمين الا يقوم ويصنقر...واسيتنا الساقت الباص في بلد العيونهم خضر.... وصلتها... قام سيدي بيق بن......والساعة زغردت..احيّك تاني..... ما عجبتني جواهر.... دايرة تعمل الغنية السودانية عالمية..... وعشان تبقى عالمية... لازم تتكلم مصري...وكل الاغاني والكلمات تتحول لي مصري....وقواهر... تضرب وشيها اورنيش.... وتتحول .... الي ما اعرفش ازاي....وتغير غنية كانت عاملة ازمة..ما ليهاش لازمة. الشحم واللحم والردوم..وتبقى
ايه الشحمي... دا؟
ايه اللحمي..... دا؟
ولما تأبلو...أولو...
انا بحب.... البتِلو
طوطا.. يا.. طوطا
دي خدود ولاّ اوطا ...............و الكورس ينطط ويسوي في الطوط طوط ..... سيدة الغناء العربي .... قواهر... عاوزة... يعملو فيديو كليب لي ناس...وردي ...والكابلي....وعاوزهم يقعدو ينططو...وهو الواحد فيهم... يمشي بالدفرة...قواهر قالت هي وسيد خليفة راكبين في سرج واحد.....وبكرة ممكن تدفر سيد خليفة وتتحكر في السرج براها.....وتحول كل الاغاني الي لغتها العالمية..... يا ابشرا..... تسويها
بََري....بََري
يا اب كُشري
دي بيرة....ولاّ شري؟
يا اب كُشري
..... يا حقة قواهر.....نحن عندنا سقافتنا المميزة.....ومن فات أديمو تاه..... و....
اتذكري يوم لحافك عتنيبة
ونعلاك من كوش الكريبة؟
|
|
|
|
|
|
|
|
Re: الله قــــــادر..... يا جواهــر (Re: سجيمان)
|
سجيمان ازيك
ياخ اذا فكرن جواهر ترفع السودان مالو؟؟
هو لقى المسكين!!!
يا سجيمان دي القاهرة ام الفنون فى شرقنا الاوسط وبي سجمها دا اها جواهر عرفت ضرورية الديباجة القاهرية دي وسعت ليها واسي عندها النية تعمل الحان سودانية تتغنى بهاوياريت تواصل حلمها الجميل دا ويترجم لواقع. بالمناسبة الاحمر والاصفر وكل المكي-ب حقيقة جعل من شكلها حلو شديد
ويلا يا جواهر منتظرين الجديد السوداني على الفضائيات وياريت لو بديتي بالحقيبة كما ذكرتي فى حديثك الاخير
| |
|
|
|
|
|
|
Re: الله قــــــادر..... يا جواهــر (Re: سجيمان)
|
سجيمان رمضان كريم
جواهر اخر مرة شفتها في بورتسودان زمان وفجأة مرة شفتها في الفضائية اللبنانية في حفلة حالة تاني.غايتو زمان كنا بنعرفها لكن الله اعلم كان قابلناها اسع تذكرنا والله تعرفنا والله قادر ياسجيمان
| |
|
|
|
|
|
|
Re: الله قــــــادر..... يا جواهــر (Re: سجيمان)
|
تحياتي يا اخوان
جواهر فنانة شابة مجتهدة والله قدمت اعامل حلوة بكلام مصري كما ذكر الاخوان وانشاءالله تعمل اعامل سودانية رائعه كمان. حقيقة لا ارى ضير فى ان تتغنى بالمصرية ومن ثم السودانية. حقيقة اريد ان اعرف غضبكم هذا ماهي دوافعه واسبابه يا اخواني الاعزاء؟ خاصة وهى اول فنانة نشهد لها حضورا مكثف فى القنوات الفضائية العربية. لماذا ننغم عليها هكذا. حقيقة لقد اجتهدت كثيرا وياريت تجد من يستغل مواهبها ويمدها بالاعمال السودانية خاصتنا فعلا فهي لقد كسرت حاجز الصمت الرهيب للظهور السوداني على شاشات هذه القنوات.
الفنانة تماضر
خقيقة اعجب جدا لموقفك هنا لماذا لم تنصفي هذه المبدعة والمجتهدة هذه الفتاة التى قدمت اعامل جميلة جدا. وسؤال هل عيب ان يتغنى الفنان بأي لغة اخرى وهل هذا يعد جرم وينفى عنه صفة الفنان؟؟؟؟
| |
|
|
|
|
|
|
|