|
|
 الـــــــــورم...الفضــــــائي
|
لما كانت امال طلسم توقف الحركة.....ووهادية تهد الما بيهدو ار بي جي.....وتلت التلاتة.... تالتتن ..... واب عاج يهوش...ويبشر ...ويتنتر...ويتعنتر.... فوق خلق الله.....ويا دنيا مافيك علا انا.......
انت ما مجبور علينا نحن مجبورين عليك...... شفع..... يلملمو فيهم ناس تلفزيونا..... يلمو في الغنية يوروها الما بتورا....ويورمو فشفاش السادة المشاهدين....وكل يوم ضيف.....واي ضيف يخفف في دمو....ويمرضك مرض...وينكت ويحكي قصص لو واقف في الضل برا....تفوت بي وشيك وتخليهو ينضم في نضمو.....ومسابقة بين المذيعين..... يظهر في فايض في المذيعين عشان كدا بقو يخلوهم يقدمو البرنامج... جوز جوز....وهم يقعدو يتشالقو...وكل مذيع داير يقول انا اهو....
عوض ابراهيم عوض.... تلاتة واربعين بدلة.. و...خمسة وستين..... كرفته.....وسبعة انواع من الضحكات.... ضحكات سلم سباعي وضحكات سلم خماسي...وكل دقيقة يحكي لينا لما كان في ماليزيا....وهو قاعد يجبد في كرفتتو.....ويفك البدلة ويزررا تاني....ونحن مساكين... نعاين في عرض الازياء دا....ونبلع في ريقنا....ويا اب بِدل يا النشفت ريقنا....العجيب الاستديو نار الله الموقدة....والناس الفيهو عرقهم جاري...وعوض الله متشنط ومتجبص في بدلتو...
فنان شاب..... ما قادر يميز بين الداندرما والمايك...حاشر المايك في خشمو...وخايف بعد الحلقة تنتهي يسلمو ليهم عود......
بنياتنا المذيعات..... الوشي يلصف من الكريمات....والايدين غبش....وحاشاها نسرين.....
يا جماعة يا هوي يا انتو.... يا الجننتونا...دي قنوات فضائية...... يعني الدنيا كلها ممكن تشوفك....يعني يا ضيف ناس النيل الازرق...لو قعدت خمسة دقائق وكويت قميصك قبل ما تجي... الله بي يحاسبك؟.......... والله بي يسعلني وما بهتو..... فنان كبير.... يغني وريالتو سايلة....والكميرا مركزة عليهو والمخرج فرحان بي المطرب المريل دا... والمطرب ما كلف نفسو يقش شلوفتو من الرياله.....يغني في غناهو...ويلغف الريالة راجعة.....ونحن ندفع في السفارة حق القناة الفضائية
دعوة.... لي حفلة تاني ايام العيد.... يحيها الفنان نميري... نميري عديييييييييييييييييل كدا......شفت البقت عليك يا ابعاج؟... بعد ما كان يغنو لك .... بقيت تغني
|
|
 
|
|
|
|
|
|
|
|
Re: الـــــــــورم...الفضــــــائي (Re: Mandela)
|
حمد الله علي السلامة يا سجيمان, اخيراً ظهرت ...
طيب لو متابع كده اكيد سمعت الفنان المغني لاعب الكورة الماهر عندما تحدث عن الدورة الرمضانية و الفرق المشاركة فيها فقال لا فض فوه عندنا اربعة فرق مشاركة الاتحاد السعودي و فريق الهلال وفريق مانشستر وفريق ريال مدريد الايطالي
يازول ريال ولا ريالة كله بطيخ
تحياتي
| |
|
|
|
|
|
|
|
|
 Re: الـــــــــورم...الفضــــــائي (Re: الجندرية)
|
الحبيب سجيمان ،وينك المدة دى كلها قنا يمكن رمضان عامل فيك عمايل
اما عن صحبك عوض ابراهيم عوض كلفة اكتر من اللازم وإبتسامات فى الفارغة والمليانة
وكمان فنانين التلفزيون يطرشنى ما سمعت بى زول فيهم قبل كده ،
اما عن الوشوش المبيضة والايادى المخشوشنة ديل فحدث ولاحرج إنت ديانا ما يختوه فى يدينهم كمان عشان اللعبة ما تظهر ، غايتو الواحدة فيهم كان رشيتها بى مويةتجى واقعة زى الضب، ويمكن تطلع مشلخة كمان ،
وسلام
| |
|
|
|
|
|
|
|
|
|
Re: الـــــــــورم...الفضــــــائي (Re: سجيمان)
|
الأخ سجيمان ســـلام
و الله يا خـوي كلام صاح و الله فعلا الجماعة مرضونا و حقيقة بقينا نكحل عيونا
نسوي شنو الريالات الدفعناها في السفارة دي ما دام ما لقينا مادة نستفيد منها
أحسن نكحل عيونا و برضوا بي حقنا .
أما حكاية الوشوش البيضاء و الأيادي السوداء قالوا يا خوي الراجل سألوه
البنات ديل وقت هن ببرطن الوش كدا ليه ما إدن اليدين شوية ؟؟؟ الراجل رد
قال ليهم يا جماعة لكن الكريمات دي ما غالية !!! يعني الميزانية حا تخرب
و زي ما قال زيدان الوش هندية و اليدين عباسية .
أو كما قالوا يا ود شيل يدك من وش البنية .
الأخت الجندرية يا ختي الراجل ببكوا بالواااااضح لكن ما شفنا لينا واحدة
بكت في البورد دا ###### إتنفسوا شوية كدا بتطرشقوا #######
و يا جماعة أساسي دا حتى البكاء مستكترنوا عليهو
تسلم يا سجيمان .
| |
|
|
|
|
|
|
|
|
|
Re: الـــــــــورم...الفضــــــائي (Re: سجيمان)
|
سجيمان
والله صدقت فى موضوع عوض ابراهيم عوض دا
الزول دا كا يشاهد قنوات ؟ أما الله تقول مشى قرا خلوة
يوم داك جاب ليهو ممثل كلامو اشتر عديييل . وقالوا كمان محاضر فى حامعة الاحفاد
والله دمو تقيل تقلة . دا يمثل شنو دا . حكى حكاية ابوداوود وابعاج الحكاها وردى فى الرادى زماااان . تعرف بدون ما اشعر لقيت نفسى داير افك التلفزيون بى سفنجتى
| |
|
|
|
|
|
|
|
|
|
Re: الـــــــــورم...الفضــــــائي (Re: سجيمان)
|
عزيزنا سجيمان كيف الحال ورمضان كريم
| Quote: فنان شاب..... ما قادر يميز بين الداندرما والمايك...حاشر المايك في خشمو...وخايف بعد الحلقة تنتهي يسلمو ليهم عود...... |
لك التحيه عزيزي
| |
|
|
|
|
|
|
| |
سجيمان
اساسي
Hussein Mallasi
الجندرية
ترهاقا
Mohd Mubarak
aba
ABUHUSSEIN
ود العجمى
فيس بوك
تويتر
انستقرام
يوتيوب
بنتيريست