|
|
 الحُمـــىَ... ام بيـض
|
السارس... جنن الناس...وناس اسيا خصوصا....انفلونزا الطيور...عبدالدائم ود حمد عامل نفسو حكيم شعبي....عندو مرواد ومنجل لو جيت اشتكيت من كراع عنقريبكم... يجيب الكانون والفحم... يمسكك يكويك......قال لي .. قالو سارس ...؟..... سارس شنو يا سجيمان اخوي ؟... دي اسما الوِردا ام بيض....الحمىَ ام بيض...زمااااااان ظهرت في فريقنا دا.... وناس كتار ربنا مرقهم منها.... ويا سجيمان الزول العندو الحمى دي اول ما تجيهو تلقاهو طواااااالي قاعد تحت المزيرة ويحفر بي ضفورو..... كان مرا كان راجل... ووقت ظهرت عندنا المزيرة الواحدة تلقى تحتا اربعة وخمسة تنفار يحفتو....وما يقعد فوق بنبر الا النوع المخروم من النص...وان قعد فوق العنقريب تلقاهو قاعد في وضعية التبيّض يعني يكون مصنقر علي كرعيهو في نص العنقريب
واعراضها يا سجيمان عند النسوان الله لا وراك.. سكينة بت عثمان.... جاتا الحمى ام بيض دي.. وبقت كل ما تشوف لها ديك... تقعد تتغتغت من الديك وتخجل...ووقت خلاص المرض مكنا... بقت تباري في ديك ناس الامين...من كوشة الي كوشة ومن كوشة لي كوشة وتغني في
يا جميل ياجميل يا سادة
......حبك جنني... زيادة
ومرة قالو لقوها في عوضة النوم والديك يشاكل في روحو في مراية الدولاب وكل ما الديك ينط فوق المرايا هي تزغرت... متكيفة من الديك دا ورجالتو... لمن مراية الدولاب اتكسرت وادشدشت حتة حتة....
ولابسا طاقية الديش حقت اخوها الدياشي في راسا قالت زي العُرُفُ حق الجدادة.... اها وقت خلاص بقت علي التبيّض... جات وصنقرت تحت المزيرة تلاتة يوم بي لياليهن لا اكل لا شراب لا امشي لا تعالي...والبيضة المرقت منها يا سجيمان قدر البتيخة.....
والحمى ام بيض دي عند الرجال نفس الحكاية... تلقى الراجل مباري الجداد برضو من كوشة لي كوشة
وحيدر اخوي دا وقت جاتو... بعد ما حفت تحت المزيرة وجهز عشان يبيّض.... حبا ليهو جدادة منقطة كدي.....وبقى مباريها...وبرضو يغني لها
مهرك.... الغالي
واسكيلك العالي
مو غُنا ساكت.... يغني والدموع نازلات اربعة اربعة..يبكي.....وبرضو جا وبيّّض تحت المزيرة.... مزيرتنا الما تغباك القدامك دي.... علا ربنا شافو وبيضتو كانت صغيرة شوية.......
علا يا سجيمان الحمى ام بيض دي علاجا ساهااال وهين... اربعة كيات بالمرواد محل ما بتنزل البيضة و خلاس.......
انا كنت قاعد فوق كرسي جلوس رفعت كرعي واتعنقلت فوق الكرسي عاين لي..وضحك وقال لي يا سجيمان؟..... يا جنا نعل ماك حاسي لك بي شي؟
|
|
 
|
|
|
|
|
|
|
|
Re: الحُمـــىَ... ام بيـض (Re: abas)
|
أوصيك يا خوى سجيمان و الوصاية بالمهلة .. قول لى عبدالدائم ود حمد بكرة من دغش الرحمن يجيب مروادو و منقلو و يروح لى بكرى أبو بكر و يعالجلو مشكلة الباندودث
| |
|
|
|
|
|
|
|
|
|
Re: الحُمـــىَ... ام بيـض (Re: Ali Alhalawi)
|
الحلاوي
| Quote: أوصيك يا خوى سجيمان و الوصاية بالمهلة .. قول لى عبدالدائم ود حمد بكرة من دغش الرحمن يجيب مروادو و منقلو و يروح لى بكرى أبو بكر و يعالجلو مشكلة الباندودث |
الباندودث. قاعد يبيّض...؟ علي العليهو؟
| |
|
|
|
|
|
|
|
|
|
Re: الحُمـــىَ... ام بيـض (Re: سجيمان)
|
كاااااااااك لكن
انت عارف يا سجيمان انا من اول مرة شفت البوست دة
اتزكرت فقيري...ياخ انت هسة لو سعلوك الحمي أم بيض
دي ما اخير منها الزلالي؟؟ ما هو كلو بيض في بيض
يعني انت هسة في داعي للفتنة دي بين القفصين؟
ياخي انا من قبيل اقول الدايوكسين دة انا شاميه وين
| |
|
|
|
|
|
|
|
|
 Re: الحُمـــىَ... ام بيـض (Re: هاشم نوريت)
|
Quote: ولابسا طاقية الديش حقت اخوها الدياشي في راسا قالت زي العُرُفُ حق الجدادة.... اها وقت خلاص بقت علي التبيّض... جات وصنقرت تحت المزيرة تلاتة يوم بي لياليهن لا اكل لا شراب لا امشي لا تعالي...والبيضة المرقت منها يا سجيمان قدر البتيخة.....
|
والله الحمى أم بيضا قدر البتيخة دي الله لا ورانا ليها ؛ والله ياخوي يا سجيمان الأيام دي أخوك موعوك وعكة شديدة وكمان فيها سعال ! الله يستر
| |
|
|
|
|
|
|
|
|
|
Re: الحُمـــىَ... ام بيـض (Re: انور الطيب)
|
انور الظيب
Quote:
والله ياخوي يا سجيمان الأيام دي أخوك موعوك وعكة شديدة وكمان فيها سعال ! الله يستر |
غايتو لو بديت تحفت تحت الزير.... اوصيك بالعلاج بدري بدري
| |
|
|
|
|
|
|
|
|
|
Re: الحُمـــىَ... ام بيـض (Re: حبيب نورة)
|
حببيب نورة
| Quote: ياخي انا من قبيل اقول الدايوكسين دة انا شاميه وين |
اسما الديوكيين من كلمة ديك.....وديل الناس العندهم جينات حاملة لمرض الحمى ام بيض....لانو اكتشف انها وراثية....الله يحفضنا
| |
|
|
|
|
|
|
|
|
|
Re: الحُمـــىَ... ام بيـض (Re: حبيب نورة)
|
دحين يا عمو سي جي
الجماعة ديل سمعوا بي البيض أب حمي؟؟
أسكت ساهي سخانة السواد والرماد
كل شئ بقي معكوس
خلف خلاف يا عمنا
بعد ما كانت الحمي ام بيض ...بقي البيض أب حمي
شوية شوية نسمع بي شيتاً اّخر
| |
|
|
|
|
|
|
|
|
|
Re: الحُمـــىَ... ام بيـض (Re: alfatih)
|
الفاتح
Quote: سجيمان
قلت لى حمى كمان؟
وصيتى محفوظة
الببارى الجداد بوديهو قعر المزيرة |
ايوا الحمى ام بيض..... وانت والله حكيم....غايتو حكاية الجداد دي اخير من ابو القدح....الداير لو حفرة غيار زيت عشان يعضوهو....
| |
|
|
|
|
|
|
| |
سجيمان
abas
حبيب نورة
هاشم نوريت
انور الطيب
Al-Masafaa
alfatih
فيس بوك
تويتر
انستقرام
يوتيوب
بنتيريست