|
|
 الجــدادة...كــاكي....كــاكي
|
الزين ود علي....من اهلي الشكرية....جا السعودية.... شغال راعي..ليهو خمسةسنوات.....راجع السودان اباطو والنجم... لا قرش لا تعريفة .. لا امشي ولا تعالي....شغال في الخلاء قال للراجل سيد الغنم علا تجيب الغنم..... قريب من شارع الزلط.........
الزين بقى قاعد في طرف الزلط....وقدر ما يجي سوداني سايق لو عربية... يأشر لو ...ويوقفو..ويحلف عليهو طلاق علا ينزل......الزول ما ينزل من عربيتو عديل..... الزين يجري علي الغنم.....ويجر لو خروف ...ويضبحو لي زولو..... شغال كدي خمسة سنوات... مواهيهو ورويتباتو... كلهن.... راحن ضبايح وخرفان....لي ناس الشارع......
جاني وداير يسافر .... سوينا لو كشف... ما جاب شي......
راقد عندي في الديوان.....راقد وخالف كراعو....حاتم الطائي......وسكينو في ضراعو.....سعلني قال داير لو مسجل..... جبت المسجل مرق لو شريط كاسيت من جيبو.... عاين لي قال لي..... دي غنية قاطعاها فوقي.. ام بلة...مرتي.....وشغل الشريط...... اول ما الشريط اشتغل انا داير انضم اسعلو.... ينهرني نهرة لمن ريقي نشف..... كفى.. اسكت... سكت فيك مدفع....دا لي انا...... سكت... خايف علي تولا...وغصبا عني سمعت الغنية
الجدادة كاكي..... كاكي
يا حليلو السافر بكاكي
الحمامة ...حم..وحم...حم
يا حليلو.... الفطورو...لحم
السخيلة....تك..وتك...تك
يا حليلو ابسروالن متكك
الدحيشة عر...وعر...عر
يا حليلو السكن.... عرعر
الحميلة...عي وعي .....عي
يا حليلو...ابعراقي ما ضاق كي
طول ما الغنية شغالة الزين...كل مرة ينط فووووق ويضرب كراعو بالواطا......وعفيت منك يا ام بلة..... ام الخير مرتي قالت لي وحات الله يا سجيمان انا قايلة الراجل دا قاعد يخنق فيك....وسمعني الغنية دي يمكن عشرة مرات..وخفت عديل يقول لي داير اسمعا ليك.....انتهينا من الغنية.... اتحكر في نص الواطا.....وقعد يجبد في شنبو..... وقال لي....ام بلة دي حسي بي نضما السمح دا يسو عليها كيفن؟.... بلا اول ما امشي من هنا.... اجيب لي سوط عنج واخد لي اربعين جلدة فوق ضهري دا..... قداما..
قلت والله يا الزين ام بلة تستاهل تدقا قداما....وانت تستاهل الاربعين جلدة....
|
|
 
|
|
|
|
|
|
|
|
Re: الجــدادة...كــاكي....كــاكي (Re: سجيمان)
|
عارف يا دكتور.. كان عندنا معرفة مع واحدة من الشكرية...
والله... كان قلت "سلام" سااااكت.. تعمل فيك قصيدة... كانت بتريد أهلي شديد..
كل يوم قصيدة.. واحده في أبوي.. وواحده في أمي...
وطبعا كريمه كرم السنين.. مبالغه عديل كده...
لكن ياخ الشكرية ديل جيرانا في رفاعة.. إحنا ما بنرضى فيهم...
فوق
| |
|
|
|
|
|
|
|
|
|
Re: الجــدادة...كــاكي....كــاكي (Re: مريم بنت الحسين)
|
سي جي
الله يديك العافية. تصدق ،، ما عارف ليه ،، كل ما أضحك من واحدة من مواضيعك يكون مديرنا الخواجة حاضر ،، لغاية ما شك فيني..
لكن يا دكتور أم بلة بالغت ( يا حليلو ابسروالن متكك )
يعني ما لقت ليهو في البرستيج غير التكة و السروال و العراقي الما إتكوى تب ؟
غايتو تكون التكة إنهردت بي قعاد الظلط.
أرقد عافية
| |
|
|
|
|
|
|
|
|
|
Re: الجــدادة...كــاكي....كــاكي (Re: ابو جهينة)
|
يا سىجىمان
نحن البورداب جاينك زيارة وقول لى أم الخير أتحزمى وأتلزمى
حتى لو ما راعى تصرف تشرى (تسعى )حميل من هسة المهم نحن بلغناك
وبنجيب معانا سكين ..........إما الخسارة وإما الفضيحة ..أختار وأوعك تحتار ونحن كتااااااااااار......وبنشيل حسك وبندقك طار ....
بس بعد تغدينا ..ما تخت لينا دفتر فى خشم الباب .....
| |
|
|
|
|
|
|
|
|
|
Re: الجــدادة...كــاكي....كــاكي (Re: ابو جهينة)
|
يا سىجىمان
نحن البورداب جاينك زيارة وقول لى أم الخير أتحزمى وأتلزمى
حتى لو ما راعى تصرف تشرى (تسعى )حميل من هسة المهم نحن بلغناك
وبنجيب معانا سكين ..........إما الخسارة وإما الفضيحة ..أختار وأوعك تحتار ونحن كتااااااااااار......وبنشيل حسك وبندقك طار ....
بس بعد تغدينا ..ما تخت لينا دفتر فى خشم الباب .....
| |
|
|
|
|
|
|
|
|
|
Re: الجــدادة...كــاكي....كــاكي (Re: ابو جهينة)
|
يا سىجىمان
نحن البورداب جاينك زيارة وقول لى أم الخير أتحزمى وأتلزمى
حتى لو ما راعى تصرف تشرى (تسعى )حميل من هسة المهم نحن بلغناك
وبنجيب معانا سكين ..........إما الخسارة وإما الفضيحة ..أختار وأوعك تحتار ونحن كتااااااااااار......وبنشيل حسك وبندقك طار ....
بس بعد تغدينا ..ما تخت لينا دفتر فى خشم الباب .....
| |
|
|
|
|
|
|
|
|
|
Re: الجــدادة...كــاكي....كــاكي (Re: ابو جهينة)
|
يا سىجىمان
نحن البورداب جاينك زيارة وقول لى أم الخير أتحزمى وأتلزمى
حتى لو ما راعى تصرف تشرى (تسعى )حميل من هسة المهم نحن بلغناك
وبنجيب معانا سكين ..........إما الخسارة وإما الفضيحة ..أختار وأوعك تحتار ونحن كتااااااااااار......وبنشيل حسك وبندقك طار ....
بس بعد تغدينا ..ما تخت لينا دفتر فى خشم الباب .....
| |
|
|
|
|
|
|
|
|
|
Re: الجــدادة...كــاكي....كــاكي (Re: ابو جهينة)
|
يا سىجىمان
نحن البورداب جاينك زيارة وقول لى أم الخير أتحزمى وأتلزمى
حتى لو ما راعى تصرف تشرى (تسعى )حميل من هسة المهم نحن بلغناك
وبنجيب معانا سكين ..........إما الخسارة وإما الفضيحة ..أختار وأوعك تحتار ونحن كتااااااااااار......وبنشيل حسك وبندقك طار ....
بس بعد تغدينا ..ما تخت لينا دفتر فى خشم الباب .....
| |
|
|
|
|
|
|
|
|
|
Re: الجــدادة...كــاكي....كــاكي (Re: مريم بنت الحسين)
|
مريم بنت الحسين
| Quote: لكن ياخ الشكرية ديل جيرانا في رفاعة.. إحنا ما بنرضى فيهم... |
ما تفتنيني معاهم..انا ما قلت فيهم نضم كعب..... انا قلت بي يضبحو الخرفان..وبيقولو شعر......وبيخلفو كرعينهم وهم راقدين...وبس
| |
|
|
|
|
|
|
|
|
|
Re: الجــدادة...كــاكي....كــاكي (Re: سجيمان)
|
أخوي / سجيمان ود عم بلة
سجم اللاقاني
أنا غايتو أكلت من خرقان الزول دا وقفني مرة وانا كنت سايق دينا غمارة
صندوقها ابيض وكنت شاحن فلفل حار لواحد بدو غايتو حلف علي واتغديت معاه بخروف
صدقني زولك دا ذكرني بي شاعرنا الشايقي سماعين ود حسن
أنا لي حولين اسم فرطاقه ما دخلت جرابي
تانيا تعال انت
شنو موضة 40 جلدة الماشه في البلد اليومين دوول
ناس الامن يجلدوك 40 جلدة
ناس بسط الامن الشامل يجلدوك 40 جلدة
ناس الدفاع الشعبي يجلدوك 40 جلدة
ناس الجنجويد برضوا يجلدوك 40 جلدة
هو دا رقم مميز ولا أيه
ولنا لقاء
| |
|
|
|
|
|
|
|
|
|
Re: الجــدادة...كــاكي....كــاكي (Re: سجيمان)
|
يا سجيمان اولا بالتبادي قول لعمر الماحي ده سامعك النبي باقي حسو انقرش كلمك خمسه مرات
تانيا بالتتاني الموقع بتاعك ده للناطقين بها بس ولا شنو لانو مابقدر بقرا فيهو الحبه شوف لينا حل بالله
| |
|
|
|
|
|
|
|
|
|
Re: الجــدادة...كــاكي....كــاكي (Re: توما)
|
شكرا الأخت توما
طبعا التكرار غير مقصود (لكن الكونكشن على ما يبدو كان ضعيف)..ودا القرش حسى
وسجيمان دا صديقى وعزيز على وانا ذبون دائم لخرفانو اقصد بستاتو ما عارف مالو أتجاهلنى المرة دى
ولا علشان جابت ليها غداء ؟
وانتى مالك ما تقولى لى أتفضل انا مش عازم معاى ناس البورد؟
| |
|
|
|
|
|
|
|
|
|
Re: الجــدادة...كــاكي....كــاكي (Re: توما)
|
توما
| Quote: تانيا بالتتاني الموقع بتاعك ده للناطقين بها بس ولا شنو لانو مابقدر بقرا فيهو الحبه شوف لينا حل بالله |
اخوانا انور كينغ.... شغال في الموضوع...بس الزمو الصبر
| |
|
|
|
|
|
|
| |
سجيمان
مريم بنت الحسين
ابو جهينة
omer almahi
توما
حبيب نورة
دورنقاس
مريم الطيب
فيس بوك
تويتر
انستقرام
يوتيوب
بنتيريست