|
|
 اسكتو........ عبد الكريم الكابلي طلع افغانستاني
|
التميز....الكلمة تتنطق على وزن لزيز ..و.. عزيز....التميز دا نوع من الرغيف بيعرفوهو ناس السعودية...... بيسوهو الافغان..... صلاتي علي النبي الرغيفة قدر التبروقة.... تختوها قدامكم عشرة تنفار ما تكملوها...ولو ختيتوها في نصكم لو واحد عاوز يكلم الفي الطرف التاني من الرغيفة علا بالموبايل من شدة ماها وهيطة....انا من المعجبين وعشاق التميز..... اجيب الرغيفة ونقوم ونقعد عليها انا والوليدات...والباقي منها نلفو ونتكلو علي الحيطة لي باكر.....بعد مرات الوليدات بعد ما يشبعو يقعدو يقلبو الهوبة في نصها....الغريبة الافغان بتاعين التميز هنا كُتار خلاس...... وديل بعد شوية يعملو تنظيم رغيفان ويرجعو افغانستان ويبقو لي امريكا في رقبتا ..ويشبو لها في حلقها....
بالصدفة... عرفت انو... عبد الكريم الكابلي.... افغاني الاصل.... جدو كابلي من كابل..... او كابول...النضم دا في ضُمة الزول السمعتو منو....عشان انا قاعد اريد الكابلي .... لقيت اني بريد الرغيف التميز دا.. منو وليّ....والافغاني القاعد يسوي فيهو.......... اقيف جنبو...واقعد اعاين لو ...والقى نفسي قعدت اغني ...في.. التميز في النجوم...واكتشفت العلاقة بين الرغيف التميز...والقراصة....وبين الكابلي ويا حلة تنوري....واللوري الشال السيدة وخلى حرم..... غايتو ما بعرفو لكن حرم دي مسيكينة... اصلو ما دايرنها وما دايرين شوفتا...وزعلانين كيف اللوري يشيل السيدة و ما يخمهاهي؟ خماها التمساح...
اها من عرفت انو كابلي افغانستاني.... قعدت اراجع في غناهو كلو... اكتشفت انو الكابلي قاعد يكوس لي اغاني الدق والشكل والموت....ما ساكت.. اتاريهو فيهو عرق من اعمامو الافغان..وقاعد يتاورو مرة مرة....احي يا علي ابسيفن يسوي التح..... الميت مسولب والعجاج يكتح....والحسن صاقعة النجم البي يحمي الشهادة والنضم...
والعِرق دساس
|
|
 
|
|
|
|
|
|
|
|
Re: اسكتو........ عبد الكريم الكابلي طلع افغانستاني (Re: سجيمان)
|
صحيح على ما أظن يا دكتور..أعتقد إنه كلامك صحيح.. انا سمعته حاجة ظريفة خلاص في الموضوع ده.. بتعرف الكلمة "بشتنه".. بقولوا إنها جاية من البشتون.. القبائل الأفغانية المشهورة.. قالوا النسبة دي سببها إنه قبائل البشون بسيطين في حياتهم.. بشوفوها السودانيين بهدلة.. ولخبطه (عاجباني السودانيين!).. اها.. بقوا يقولوا ده زول مبشتن.. يعني زي قبائل البشتون... البعزز النظرية الغريبة دي.. إنه الكلمة ما عندها أصل عربي..
بنت الحسين
| |
|
|
|
|
|
|
|
|
 Re: اسكتو........ عبد الكريم الكابلي طلع افغانستاني (Re: مريم بنت الحسين)
|
العزيز سى جى
الكلام مظبوط ، وفعلا ترجع عروقه لى كابول (كابلى ، كابولى)
ولو سألته السؤال ده ما حيتردد فى إنو يقول ليك الموضوع
كيت كيت كيت لكن المشكلة فى إنو ما فى زول سأله .
وده ما بيمنع إنو فنان سودانى اصيل ليهو بصماته الواضحة فى الفن السودانى، وامانة ما فى جنسيات تانية بس انت جييت لى صاحبى الكابلى ده؟
اديينى سلك وادييك لستةبالمبدعيين ديل.
| |
|
|
|
|
|
|
|
|
|
Re: اسكتو........ عبد الكريم الكابلي طلع افغانستاني (Re: osama elkhawad)
|
هل تتصور المسألة بسيطة إلى " هيك" درجة ؟؟
يبدو لى - والله أعلم ،إنَّ القصة التِّى رويتها والآلية التى سردت بها ـ حتى تثبت فى نهاية الأمر سلسلة نسب الفنان الكابلى - التى تعتقد بأنَّ منبتها يعود إلى كابول؛ غير مقنعة. و لا أعتقد بأنَّ الحكاية برئية - كما توهم معظم المُتداخلين.
هل هناك سودانى - ممن يدعون بالأصالة العربية ( آلـ" العباس، مثلا ) تعرض إلى هكذا تفتيش بوليسى ؟ آتسآل ؟
قد أفهم أن يكون سؤال الهوية على المستوى الجمعى - مؤرقًا ، لكن أن تنتهك خصوصيات الفرد- المواطن ، مثل الكابلى ، فتلك عنصرية من " من قولة تيك " كما يقول أستاذنا عبدالله بول.
منصور محمد على / ماليزيا / إرترى / سودانى
| |
|
|
|
|
|
|
|
|
|
Re: اسكتو........ عبد الكريم الكابلي طلع افغانستاني (Re: سجيمان)
|
على كدا وردي من بني وردان في الجزيرة العربيه و بما انو نوبيته هي شي لا جدال فيه فانا و باسم كل نوبه الشمال اطالب بنصيبه قبايل النوبه من حلفاويين و دناقله و سكوت ومحس بحقوقنا التاريخيه في بترول الجزيره العربيه و كما اطالب برفع الظلم التاريخي و التهميش الذي حاق بنا و ترقبو بيانات اخرى
| |
|
|
|
|
|
|
|
|
|
Re: اسكتو........ عبد الكريم الكابلي طلع افغانستاني (Re: سجيمان)
|
هوي ياسجيمان بطل اللخبطة ناس الختمية بقموا يدوكوك, لانوي الميرغني اسموبالافغاني ميركاي ومعناه بالعربي اميرغني , وتجيب مشاكل مع الهندي انا عارفك انت بتتكلم بالاشارة,الميرغني افغاني والهندي هندي , والازهري مصري من الازهر وعييييييييييييييييييييييييك
| |
|
|
|
|
|
|
|
|
|
Re: اسكتو........ عبد الكريم الكابلي طلع افغانستاني (Re: saif massad ali)
|
الأخ سجيمان لأ اوافقك هذا الزعم فأصل الأستاذ الكابلي يرجع لنجد فى أرض الحجاز.
وجاء هذا فى كتاب محجوب عمر باشري ((من رواد الفكر السودأني) والذى جاء فيه بذكر شخصية الأستاذ عبدالكريم عبدالعزيز الكابلي وكان من شخصيات مدينة سواكن المعروفين حيث كان يعمل أستاذ للغة العربية وهو والد الآستاذ عبدالكريم الكابلي،ولقد زكر الأستاذ كابلي هذا،فى الكثير من اللقاءت التى تحدثت فى هذا الشأن.
سيف الدين جبريل
| |
|
|
|
|
|
|
|
|
|
Re: اسكتو........ عبد الكريم الكابلي طلع افغانستاني (Re: Saifeldin Gibreel)
|
Quote: الأخ سجيمان لأ اوافقك هذا الزعم فأصل الأستاذ الكابلي يرجع لنجد فى أرض الحجاز.
|
الأخ سيف الدين
الكابلي أفغاني ونص خمسة من ناحية الجذور
وطبعا هنالك أفغان كثيرون طاب لهم المقام في الحجازر بعد قضائهم الفريضة وأهل الحجاز ينسبون أمثال هؤلاء إلي موطنهم الأصلي كقولك
البصري و المقدسي والطربلسي و الهوساوي والبلوشي وهلمجرا
إبن أخيه فتحي صلاح الدين الكابلي صديق وإذا رايتهفكأنك أمام احد رجال اللويا جرغا .وفي السعودية طريقة طبخ أفغانية شهيرة تسمى كابلي
ولآيفوتني أن أنوه بان الجنسية الأفغانية ليست عيبا أو تهمة
اللهم أنجي وجنب السودان شر الأفغنة.
جني
| |
|
|
|
|
|
|
| |
سجيمان
مريم بنت الحسين
ترهاقا
Elmosley
osama elkhawad
mansur ali
kamalabas
alfatih
Adil Osman
Amjed
ابو جهينة
jini
saif massad ali
Saifeldin Gibreel
خضر عطا المنان
omar_ragab
فيس بوك
تويتر
انستقرام
يوتيوب
بنتيريست