|
|
 أحي انا... يا مولانــا... امــوت ركــن
|
الزين ود امحمد ود صارقيل.....زول صاحبي... فارس وكلس وجنب....وايضا كذلك اخو اخوان... مبسوط من حاجتين في الدنيا دي...من اختو ريّا..ومن شنبو.....اختو ريّا .... كل ما يدور يسوي شي..... يقول انا اخو ريّا..... اما الشنب... ديمه يقعد يبرم فيهو....وجنو وجن تقول ليهو انت خواف..ولاّ... خفتا......بي يريد الشُكُر... زيّ كدي..... سكنا انا وهو في اوضة واحدة في الغربة في الطابق التاني.......غايتو من شيل انبوبة غاز ولاّ شي تقيلة دايرين نرفعا فوق مريحني تب....انبوبتين غاز يختهن فوق كتفو..ويطلع بهن....... صراحة انا ضميري حسي مانبني..فشان استثماري لي رجالة الزول دا....... قلت لو يا الزين الانبوبة دي تقيلة عليك خلنا نتشالبا..قال لي انا اخو ريّا...ويختها فوق كتفو...ويطلع السلم جري......
مرة قاعدين نتفرج وراقدين... يجي ضب ويقع فوق الزين... وانا قعدت اضحك..... قلت لو.... افو يا الزين تنط من الضب.... قام علي حيلو وزعل....ويمسك الضب ويقول لي انط انا؟ يا زو ات من صِحك؟ انا اخو ريّا... علي الحرام...... الضب دا الليلة علا يبيت معاي في بطانية واحدة...ويكبت الضب..معاهو.. للصباح... والضبيب صبح فطسان.....
مرض علي.. وديتو المستبشى.... الحكيم كتبو لو خمسة حقن .... في خمسة ايام.....الممرضة قالت لو.. الدواء الفي الحقنة دي حار.. واخير تاخدو هنااااااك...... ما تاخد الحقنة في ضراعك.... قال لها.. قالو لك في العضل ....انتي ماشة لي بكانن كعب كدي مالك؟..وبعدين حار علي منو؟ ..... انا اخو ريّا.....انتي من صحِك؟..... ومرق ضراعو.....والممرضة مسيكينة طعنتو فيهو.....ونحن مارقين قلت اشاغلو..... قلت لو يا الزين..... مالك يا جنا قبيل.... عضيت شلوفتك...... الدوا حرقك ولا شنو؟..... وقف.. واخد لو حرّنة... وعاين لي قووووي قال لي... يحِرّق منو؟....انا اخو ريّا..يا زول ات من صِحك؟............. ويقبل يمشي علي الممرضة تاني.. ويكورك لها... يا بت هوي تعالي..... حررررررررم... تديني باقي الحقن دي ججججججججججت حسي كلها في الضراع الحقنتيني فيهو قبيل....انا اخو ريّا......
يا الله ويا امين... حتين اقنعنتو....يا زول انا بهظر معاك.... يمين رمشان ساكت يا اخو ريّا ما رمشتا........
قال لي..يا سجيمان انا والله فاااااااارس علا فيني عيب وااااحد بس.....ما بعرف انضم مع البنوت نضم سمح......قلت لو يا الزين دي خلها علي انا... تب......اعلمك النضم السمح.... واطلعك احرف جكاسي في الدنيا... شوف يا الزين أي واحدة تشوفا وتعجبك....قول لها..احي انا اموت ركن ومكرفس كمان......
جيت لقيتو.. مصنقّر في نص العنقريب... ويتفرج في التلفزيون....وكان في واحدة.. بي تنضم... سميحة .....اشوف الزين يبرم في شنبو.. ويقول لها......" احي انا يا مولانا...... اموت ركن ومكرفس كمان"......انا اتخلعت..... قلت لو يا الزين.. انت جنيت.؟..... احي انا اموت ركن دي بيقولوها للاناتي...مو للضكور.... قال نان دي مو انتاية.. وقاضي.. وبيقولو ليها مولانا...... عاينت لها..... قلت لو يا الزين زي دي حسي لو مشيت لها في قضية و ادتك ستة شهور سجن.. بتسوي كيفن؟............ اتعدل في قعدتو. وبرم شنبو....وقال لي حرررررررم ستة شهور ما اخودن من انتاية؟..... يا زول انت من صِحك.................... حررررررررررررررم.. اعدام..... اعدام....اقولها اكتبي اعدام........ انا اخو ريّا.......
|
|
 
|
|
|
|
|
|
|
|
Re: أحي انا... يا مولانــا... امــوت ركــن (Re: سجيمان)
|
| Quote: صراحة انا ضميري حسي مانبني..فشان استثماري لي رجالة الزول دا |
سلام يا سجومى .. و الله مشتاقيييييين
وهذا باب جديد فى الأستثمار غفله علماء السوق .. يعنى الواحد يشوف ليهو راجلين تلاتة يستثمر فيهم بدل السوق الطالع نازل
| |
|
|
|
|
|
|
|
|
|
Re: أحي انا... يا مولانــا... امــوت ركــن (Re: سجيمان)
|
أخي الدكتور سجيمان
هذا النوع من الإستثمار يدخل في باب الغرر والإستنكاح والضحك على الدقون حتى لو كان صاحبك المضحوك عليه أدروج لا دقن له ولا شنب ، فصديقك وزميك في الغربة الزين ود محمد ود صارقيل إتخم فيك عديل كده يا سجيمان ففي الوقت الذي كان يمنى النفس بأن يدخل الحمام وينحشر تحت الدوش ويغني بصوت متحشرج زولاً ستر حاله في الغربة البطالة ، أو يضع يده اليسري على أذنه مردداً بعد نمة طويلة على السلم العشاري الزول الصديق بي إسمه ماهو صديقك لكين الصديق الشاركك في ضيقك تجي يا دكتور وتشيل الراجل القفه أقصد الأنبوبه.
| |
|
|
|
|
|
|
|
|
|
Re: أحي انا... يا مولانــا... امــوت ركــن (Re: almulaomar)
|
صديقي الملا عمر
Quote: أخي الدكتور سجيمان
هذا النوع من الإستثمار يدخل في باب الغرر والإستنكاح والضحك على الدقون حتى لو كان صاحبك المضحوك عليه أدروج لا دقن له ولا شنب ، فصديقك وزميك في الغربة الزين ود محمد ود صارقيل إتخم فيك عديل كده يا سجيمان ففي الوقت الذي كان يمنى النفس بأن يدخل الحمام وينحشر تحت الدوش ويغني بصوت متحشرج زولاً ستر حاله في الغربة البطالة ، أو يضع يده اليسري على أذنه مردداً بعد نمة طويلة على السلم العشاري الزول الصديق بي إسمه ماهو صديقك لكين الصديق الشاركك في ضيقك تجي يا دكتور وتشيل الراجل القفه أقصد الأنبوبه. |
والله انا بعدين حسيت باني اتسنكحت الراجل..... لكن هو بي مزاجو...وعاوز كدا وقاعد ينبسط شديد...اسوي ليهو شنو؟....وقدر ما هديتو.... قاعد يزعل
| |
|
|
|
|
|
|
|
|
|
Re: أحي انا... يا مولانــا... امــوت ركــن (Re: سجيمان)
|
اخوي سجيمان ود عم بله
كيفنك
أحي انا... يا مولانــا... امــوت ركــن
يا حليل زمن الجكيس بالطريقة دي
وهدايا المنديل والاشارة والتوصيل وبص الطالبات
ولكن الزمن دا . . .
معليش بكري عامل قوانين
في دامر الخلوه وفي بربر السلوى
| |
|
|
|
|
|
|
|
|
|
Re: أحي انا... يا مولانــا... امــوت ركــن (Re: حمزاوي)
|
سجيمان
يا أخوي إنت من زمن "جكس" أموت ركن وأندفن زاوية،
وبالضرا يا أب شرا
كان كدي إنت "العامل فيها معلم دا" محتاج لإعادة تأهيل،
وشغل كتير عشان تبقى تفتيحة.
وحرررررررررررم الآن الجكس بقى يقول ليك تعال نقعد في الكراسي الفي اللي برة دي،
وإن كترت وزدت النقة حبة، البنية تقول ليك، :
هي إنت بتضارى وتندسى كدا مالك.
| |
|
|
|
|
|
|
|
|
|
Re: أحي انا... يا مولانــا... امــوت ركــن (Re: سجيمان)
|
وعامل لي فيها تفتيحه وإنت ما ناقش أى حاجة قال شنو قال: أموت ركن وأصبح قطن ، لا أحسن تموت كما يموت العير ، وأنا تاني كان أباري بوستاتك دي أبقي غلطان قلت أخش يمكن أتعلم البداية والنهاية في التعامل مع الجكساية أو حتى اللمعان والبريق في أمور التحديق تجي تقول لي أموت ركن في زمان أصبح أى واحد يموت يكون شهيد والرجالة تطير وتقع في البير ، ودقي يا مزيكا
| |
|
|
|
|
|
|
|
|
|
Re: أحي انا... يا مولانــا... امــوت ركــن (Re: almulaomar)
|
صديقي
الملا عمر
| Quote: وعامل لي فيها تفتيحه وإنت ما ناقش أى حاجة قال شنو قال: أموت ركن وأصبح قطن ، لا أحسن تموت كما يموت العير ، وأنا تاني كان أباري بوستاتك دي أبقي غلطان قلت أخش يمكن أتعلم البداية والنهاية في التعامل مع الجكساية أو حتى اللمعان والبريق في أمور التحديق تجي تقول لي أموت ركن في زمان أصبح أى واحد يموت يكون شهيد والرجالة تطير وتقع في البير ، ودقي يا مزيكا |
انت يا من ناحت الجكس عليه حبا وهياما....... انت ما بتاع دنيا انت بتاع قيامه
| |
|
|
|
|
|
|
|
|
|
Re: أحي انا... يا مولانــا... امــوت ركــن (Re: ود المايقوما)
|
| Quote: قال لي..يا سجيمان انا والله فاااااااارس علا فيني عيب وااااحد بس.....ما بعرف انضم مع البنوت نضم سمح... |
الدكتور سجيمان
القصة دي ذكرتني بي نكتتي المفضلة ,, قد تبدو النكتة بايخة ولكني اضحك كلما اتذكرا
قالوا ,, كان في واحد اسمو الزين ذي صاحبك دا ,, وكان مكسر ليهو في واحده في البلد وما عارف يفتح معاها موضوع كيف ,,,
يوم جا لقاها في الحواشه وحاول يفتح معاها موضوع ,, قام قال ليها : تعرفي يا فاطني ,, ناس الساقي ديل كلهم ( سقيلين ) ,, قامت قالت ليهو : والله يا الزين ( اسغل ) منك في الساقي دي ما في ,,,
| |
|
|
|
|
|
|
|
|
|
Re: أحي انا... يا مولانــا... امــوت ركــن (Re: ود المايقوما)
|
ود المايقوما
| Quote: (( ولما يجو يقولو ليك انت اسلوبك مابتنفع معانا تقعد تكورك وتبي بي )) |
يا زول الناس ديل قاعدين يقولو زي نضمي دا....... بس دا لانو طالع من سجيمان..بيشوفوهو كعب...... شفت الديمقراطية وحرية الرأي... والدفاع عن الانسان ..دي كيف؟
| |
|
|
|
|
|
|
|
|
|
Re: أحي انا... يا مولانــا... امــوت ركــن (Re: سجيمان)
|
الاخ سجيمان
سلام.
لكن يا دكتور حرم حقت زولك دا تعجب (حررررررررررررررررررم).
ان شاء الله زولك دا ما مشي اكتر من مشاغلة القاضية فى التلفزيون (بينى وبينك فى السعودية ما عنده غير يشاغل بنات التلفزيون).
لك الود
والف باقة ورد
| |
|
|
|
|
|
|
|
|
|
احي انا (Re: سجيمان)
|
شنو يا سجوم زعلان مننا نسكك من منتدى لمنتدى عشان نعتذر ليك
سمعتو ولا جابو ليك
قرقور
| |
|
|
|
|
|
|
| |
سجيمان
almulaomar
abas
nadus2000
adil amin
بلدى يا حبوب
Marouf Sanad
المعتمد
ALMURADABI
willeim andrea
ayooby
فيس بوك
تويتر
انستقرام
يوتيوب
بنتيريست