|
|
|
 Re: لماذا، يقتلنا الظمأ في فيافي الاخرين، بح� (Re: Bashasha)
|
لماذا، التسول طرقا علي ابواب الاخرين وما لز وطاب من مكارم الاخلاق، فوق نافوخكم محمول يا سودانيين؟
اليس هذا جنون؟
نعم، لماذا يا سوداني افنيت زهرة شبابك، متوسما، اي متوهما، الخير في نموذج امثال صدام ياللحسرة؟
امثال الاسد ياللنكتة؟
امثال ماركس ياللهول؟
امثال ناصر يالسخرية الاقدار؟
نعم امثال قذافي!!
ايو امثال ابن العثيمين!!
نعم امثال البنا!
ماغرضي سياسة بي معناها الخام، غرضي الاساسي هو هويتنا كسودانيين، المرذولة، المقبورة، المقهورة، الملفوظة علي مستوي الدولة وتحديدا السلطة والنظام السياسي، وهي اي هذه الهوية المرذولة، من انجبت امثال المسلمي، اللي للاسف اضحي الان ظاهرة تلفت الانظار يا للهول!!
ليه؟
للغربة العايشة فيها هذه الشخصية، في السودان الغريب، العجيب، المسكون هذا!
| |
  
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
لما فتحتا او شفتا بعيوني الدنيا لاول مرة، في جزيرة الرحمن، نواحي دنقلا العجوز، نموذج الراحل العزيز كان هو الاساس، او هو القاعدة، بصورة لم تلفت نظري اطلاقا حينها!
انتبهت لهذه الشخصية العجيبة والفريدة بحق فينا كسودانيين، بي صورة اوضح عندما وصلت ديار المهجر، اي امريكا في ثمانينات القرن الماضي!
نعم اقر واعترف، في امريكا تعلمت وحاولت اكون سوداني بالصورة التقليدية البعيدة كل البعد عن عقلية المثقفاتية، مستلهما شخصية الوالد والوالدة، شغل بعد ماشاب، دخلو الكتاب!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
حاحكي ليكم بعضا من تجربتي الخاصة، علها تسلط الضو علي التيه الحاصل لينا كسودانيين، نسال الله ياخد بيدنا، لنستعيد وعينا بذاتيتنا السودانية.
الذي حدث، لما جابتني دروب القراية للخرطوم، الكتا بغشاها مرة مرة في السابق، فقريت سنة واحدة تقريبا في الخرطوم القديمة كطالب نظامي، ومنها رحتا ساكن في مكتبة الاداب والفنون الكان مديرا عمر قيلي فيما اذكر منتصف السبعينات، ومن حينها، انسختا حقيقة، واصبحت مشوه، لحدي ما كملتا الناقصة في كلية غردون التذكارية اي اداب جامعة الخرطوم.
حينها اكتمل مشروع اغترابي، لاصبح مسخ غربي مشوه حقيقي تشويه استلابي كامل الدسم!
اذن ايام وجودي في الخرطوم، عامل فيها مثقفاتي، حريقة تحرق المثقفاتية ، من كترة الرمرمة في مشك، امباز كتب الفلسفة الغربية، قمتا بي انقلاب كامل علي هذه الشخصية المعنية في نموذج الراحل المسلمي، واصبحتا "رافض" بالمعني الساد في الستينات في الغرب اي HIPPIE .
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
علي كده الوالدة عليها الرحمة كانت باستمرار، كمجسدة لهذه الشخصية السودانية، في حالة "مذاكرة" اي مناصحة معاي، باللتي هي الطف، لما اقول ليها بكل جهل وغباء، كيف كل عاداتنا في المجاملة، فارغة او شغل تمثيل، عامل فيها مقددا!
كنت بتعجب بكل غباء كيف الوالدة عليها الرحمة بتقضي 6 ايام في الاسبوع، 8 ساعات في اليوم، فيما اسميتو تاففا "مجاملات" او "الاصول" في معجما هي عليها الرحمة!
والله كتير ما ابكي، لما انفرد بي نفسي واتذكر هذه اللحظات، هنا في جحيم الغرب، المادي، الفردي، الاناني، ثم اختم البكية بي ضحكة احيانا عالية، بالذات لما اغرق في كتب تاريخنا القديم، اللي باستمرار من بين سطورا، بتطل صورة الوالدة من عالما الاخر ياللهول، او كلاما لي عن "الاصول"!!
كنت امغت هذه المفردة بشدة انا المستلب، المنبهر بي ثقافة الغزاة، عامل زي غيري مثقفاتي!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
لذا في الجامعة كنت بتخير مصاحبة الخواجيات تحديدا، بدافع مركب النقص الجواي تجاه شخصية الخواجة بصفة عامة، اللي في تقديري كانت المعادل الموضوعي، يا سبحانه، لمركب نقص ذات الخواجة، تجاه الذنجي بي مصطلحات اليوم، او الكوشي او النوبي، لما كان سيد نفسو ومثال بالحق يحتذي، في ورعو، تقواه، وكل مكارم الاخلاق.
الطريف جدا، انو بعضا من صحباتي الخواجيات، قلبن او بقن سودانيات في الكثير من جوانب سلوكم يالسخرية الاقدار بحق!
احداهن كلنت لصيقة جدا بالكبار من اهلي وبالذات الامهات، لدرجة في الجامعة لما تلقي خواجة زيها بالردا، تشب ليهو في حلقو من دون سابق معرفة، او تقول ليهو كيف تحوم بالردا!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
يا اعزائي، رجاءا اخذ ما اخطه هنا، بكل الجدية، لاني عارف بقول في شنو كانسان وهب من عمرو اكثر من 30 سنة، في البحث والاستقصاء، ثم المقارنة مابين ثقافتنا، الفريدة بحق، العجيبة بحق وثقافة الاخرين!
حاجة تقطع انياط القلب انو فلذات اكبادنا، كنتيجة، بحجو لي ديار امثال داعش بحثا عن نموذج يجسد مكارم الاخلاق، المحمولة سلفا في جيناتم كسودانيين، وهم اخر من يعلم هذا، بحكم حالة "الكوما" العايشين فيها اهلهم، ومانتج عن ذلك من اغتراب روحي في المقام الاول ادي للتيه والعصاب النفسي الحالي، الذي جعل من السوداني "فاقدن مزوز" يهيم في صحاري الاخرين، بحثا عن ذات مفقودة، لايدري اين هو، او الي اين يسير!
الكثير جدا من جوانب ثقافتنا او حياتنا اليومية، يلهث عالم اليوم، او لعابو سائل، لهثا، بحثا عنها وبكل السبل والامكانات المهولة، الخرافية، دون حتي مجرد بصيص امل في النجاح، او احنا لي روحنا او بكل غباء، نلهث مثلهم بحثا عن مقاصد هي فوق ظهورنا محمولة سلفا، ولكننا لانراها، بي سبب العدسات اللاصقة، المستوردة، افرنجية كانت ام عربية، اللتي ننظر من خلالها لاشيائنا وانفسنا، باعتبارها افضل، اي العدسات المستوردة هذه، كما فعلت شخصيا يوم من الايام!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
خذو كمثال نظام التكافل الاجتماعي الموجود عندنا، الكان بيتمد ليشمل الحلة كلها، من دون ما تشوف زول homeless اعوذ بالله من مجتمع كهذا!
نعم بعيد عن جهاز الدولة، لدرجة ياللغرابة ستجد جهاز الدولة تاريخيا في ثقافاتنا دوروو كان محدود للغاية بي صورة لايحلم بيها اليوم اي جمهوري امريكي اطلاقا!
هذا النظام في ثقافتنا اهلي خالص الاهلية، او عبقريتو في اهليتو دي، المطهرة من دنس تدخل الدولة، المفسدة لكل شئ تمد اليه يدها الملوثة كقاعدة!
قوام هذا النظام الفريد بحق هو بنية الاسرة، والاسرة الممتدة تحديدا، بي لغة الخواجات، وماهي بممتدة اصلا وحقيقة، بي مرجعية ثقافتنا، حيث الاصل في مرجعية ثقافتنا هو مايعرف بالاسرة الممتدة في الغرب!
هذا الفهم المغلوط في الغرب ادي الي تفكك الاسرة الذرية اي المكونة من الاب ، الام، الابناء والبنات if any!!
كنتيجة اضطرت الدولة تدخل، وهذا بدوره ادي الي نتيجة مدمرة قضت علي دور الاسرة كليا، وبالذات مايسمي بالاسرة الممتدة، اللتي تبنت الدولة الغربية وتقمصت دورا بلا طائل!
من الجانب الاخر، تاريخيا الدولة لا ولم تتدخل في علاقتك انتا بي ربك، او كاب بينك او بين ابنك كمثال، مهما كان لانو العشيرة او الاسرة الممتدة تتكفل بتلافي ومعالجة اي قصور، بي صورة اهلية، صارمة، ملزمة، وبعيد جدا عن مجرد اسماع الاخرين، دعك من الدولة!
ليه لانو سلطة كبير "العيلة" او العشيرة علي البقية، قاطعة، لاتملك الدولة مجاراته بكل ما تملك علي الاطلاق، لانو العلاقة علاقة دم وهذ ماميز البناء الاجتماعي الاسري في السودان تاريخيا حيث نظل الوحيدين مابين كل ثقافات العالم باعتبارنا قوم ادم او حواء اللي الاخو فينا، اتخذ شقيقتو كزوجة له! ده موضوع ضخم او متشعب، نكرر انو فريد، خاص بنا ولاشريك لنا في الثقافات الاخري، لانو هناك مرحلة تاريخية بعينها ممتدة لاكثر من 100,000 سنة، عايشناها وعشناها نحن وحدنا لاشريك لنا. ده كلو مهم جدا في فهم واستيعاب شخصية السوداني تاريخيا!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Yasir Elsharif)
|
العزيز ياسر مرحب بيك.
البفقع المرارة اننا ما بنعرف قيمة الدهب المبهول تحت كرعينا، كسودانيين، عشان نرمي ده كلو في التراش، انطلاقا من انو الموجود لدي الاخرين افضل!
المبكي انو الاخر ده، هو لي روحو معجب بالموجود عندك، انت، ياللغرابة، وليس الذي بين يديه، رغم انف حاجز العنصر، وسواد البشرة، المرذولة في وعيو، ووعيك ايضا!
حوجة تموخل حقيقة!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
لحكمة يعلما علام الغيوب، اسوأ وابشع ما فينا، جا مدلوق، كما "المدة" لامؤاخذة، في ظلال دولة شرع الله، مش شرع ماركس او ناصر او صدام!!
ما معني هذا؟
كيف دولة لا اله الا الله علي العكس تفجر ابشع ما فينا من فساد، من طمع من جشع، من استعلاء، من كراهية؟
لماذا؟
ما سر هذا التناقض العجيب، المسؤول من مثل هذا الاحتفاء بشخصية الراحل العزيز، كعملة نادرة في زمن رديئ؟
اليس هذا عجيب؟
حتي فاسد ومجرم كوالي الخرطوم، اضطر يتمسح بجلال شخصية الراحل، تقربا وذلفي، فشلت اموال السحت، وسلطة الدويلة الابقة، المارقة، القاتلة الفاسدة المفسدة المجرمة في انجاز هذا التقرب الذي انجزه فرد، اغبر، اشعث من غمار الناس، بلا جاه، حسب، او نسب، او سلطة؟
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: محمد إبراهيم علي)
|
طيب التحايا بشاشا .
كيف تتصور شعور رجل امتلك وعيك الحالي في اربعينيات القرن الماضي !!!؟
وكيف تعزي من تنبه لما تقوله أنت الآن وهو في المرحلة الثانويّة 1974!!!؟
للأسف يا بشاشا سيمر كل شاب سوداني بنفس مسيرتك التاريخية مع اختلاف الدرجة وموقعها على الحلزون فالقلم مازال بلم أي المعرفة لا تغير السلوك !!!!! الناموس يا بشاشا النامووووووووووووووووس شوف القانون ده بالله . يمكنك ببساطة نقل أي علم يقين ناتج عن تجربه لإبنك وللأجيال الجديدة لكن من المستحيل عليك نقل الشعور المصاحب لهذه التجربة علما أن هذا الشعور هو الآليّة اللازمة للفعل !! فالمصيبة ( لتتبعن سنن من كان قبلكم شبرا بشبر ............فلا بد من دخول الجحر الخرب كان على ريك حتماً مقضيّا .
زمان يابشاشا قبل ما اجي السعودية كنت استمتع واستطعم الكسرة بي موية وملح على ضهر ابعشرين في الحواشة ، لم تكن تنقصني المعرفة النظرية بأن هذا الشعور لن أحصل عليه من أي تجربة أخرى ولكن كان دوماً في جعبة النفس الأمارة ما يشل تفكيرك ويخدر حواسك فتطيعها وانت مسلوب الإرادة فتهبط من الجنة !! الناموس يحفز الحياة لإكمال الصيرورة علمنا ذلك أم جهلناه !!؟ النفس الأمارة هي التي صنعت التاريخ يابشاشا شفت المأساة دي كيف هي الآلية اللازمة لتقدم التاريخ وهي مصدر الفساد والمظالم !! حلها لينا؟
أبوحمــــــــــــــــــــــــــــــــد
| |
|
|
|
|
|
|
|
|
 Re: لماذا، يقتلنا الظمأ في فيافي الاخرين، بح� (Re: فقيرى جاويش طه)
|
والله يا بشاشا يا قول المثل (أرجى سفيه المعرفه ولا ترجى عاطلها)
لكن يا بشاشا للغرب أسره ممتده وله حميميه واعيه وله كبدٌ تكاد أن تقفذ من عقالها عندما ترى ما يؤثرها فالغرب بماديته وتخمته لا يرضى لأحد أن يجوع أو يعرى إلا إذا أراد ذلك لنفسه وما كان لدينا كان لدى الغرب
والغرب يسبقنا بمدنيته أو تحضره لأن المدنيه من المفترض أن نكون أهلها وذويها ولكن ظلال التحضر التى ألمت بنا ولم نك نتهيأ لها كما ينبغى علماُ بأننا صناع الحضاره إلا أن الغرب الذى جاءنا وفى مدى قرن
واحد قلب معاييرنا رأسا على عقب فالتعليم الذى كان سائدا كان نافذاً ومتقدما جداَ التعليم الخلوجى الذى خرج المهدى وخليفته وأساتذته هو الذى يتماشى وينسجم مع شخصياتنا ويطبق الآن فى النجف الشريف بتخريج
آيات الله تعليم يتماشى مع قيمة الإنسان وأهوائه ولكن نظام الكتاتيب ورفاعه بك الطهطاوى وعملاء الماسونيه صنعوا لنا تعليما قمته كلية غردون ويمجد الأفنديه ويبخس تعليم المعهد العلمى الذى خرج شيخ الفاتح
البدوى وشيخ أبوالقاسم هاشم وشيخ الزين تناد وشيخ أبوشامه عبدالمحمود أبوشامه وشيخ حامد محمد عبدالمحمود وشيخ الفاتح قريب الله وغيرهم وغيرهم ويخرج مثل كرف والتجانى يوسف بشير والناصر قريب الله
ومحمد سعيد العباسى إن النفس العارفه المنطلقه المحلقه بمكونتها والعارفه لمكنونها كما قال سغراط (أعرف نفسك) وقال سيد الخلق (من عرف نفسه عرف ربه) ولكن تعليم الكتاتيب ساقنا إلى غابة موحشه من الصعب##
جداً معرفة النفس فيها بل تهنا فى غربة هلاميه إلا أن العوض المسلمى وبركة المسيد والصلاح المتوراث خلط بين المدرستين وعرف نفسه وأنتصر لها عليه من الله الرحمه والغفران والفوز بالفردوس.
ولك السلام
منصور
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: munswor almophtah)
|
سلامات يا بشاشا
الموضوع يبدو لي شائكا و معقدا بدرجة كبيرة رغم بساطته الظاهرة.
النظام التقليدي الأسري و العشائري و القبيلي حدثت و تحدث ضمن منظومته الكثير من المظالم.
و التراتبية التي يقوم عليها و يفرضها يترتب عليها أن يقع اضهاد على اطراف عدة بحكم موقعها
من التراتبية Hierarchy .
اعتقد أن السؤال هنا هل يمكن تطوير النموذج ليتوائم مع المتغيرات المجمتمعية التي تفرضها
سيادة النمظ المديني في مقابل تأكل نمط القرية او النمظ التقليدي ؟
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: سيف النصر محي الدين)
|
العزيز عثمان عبدالقادر تحياتي،
والله العظيم لو كان لي ان استدبر ما استقبلت من امري، لما خرجت شبر واحد عن مكان ميلادي جزيرة الرحمن، ولفضلت لو كان بيدي، افني باقي عمري طفلا هناك، واذا لا بد فصبي في "المواد" قريتي الجديدة، اي "واوات" في كتب التاريخ حيث رحلنا اواخر الستينات، في الضفة الغربية للنيل!
والله العظيم يا ليتني فضلت راعي ثم تربالي، عيشتو ندم ندم زي ماقال الشاعر المتخرطم السر عثمان، "لو" قاري لو ماسك قلم اي ما قاري او مافك حرف!
ياريت لوفضلتا في خلوة جدي صبيان، وافنيت باقي العمر مزارع هناك!
ليه بقول كده؟
بقول كده للحياة العيشتها في طفولتي او في صباي اللي دايما بقول لي اطفالي ياريتكم تعيشو واحد من الالف، من الانا عيشتو هناك، من رحمة، من تالف، من مودة مابين الكل وكانهم بيت واحد واسرة واحدة!
من دون دقون، او جلاليب قصيرة، والله قال!
من دون ده كافر، او داك حاجز لوج في الجنة!
نعم من دون تطفل او تدخل من اياكان، في حياة ايا كان او علاقتو بخالقو هو، كان يسكر، كان يكفر كان بصلي او مابصلي او يبقي غناي!
نعم حتي الاغنية للحبية انا شفتا بي عيوني دي، كيف الام والاخت بشاركو في كتابة القصيدة، مع الابن والاخ الموله بالبنية في الحلة المجاورة، عادة في الصباح، بعد شراب الشاي قدام البرندة، في شمس امشير، مراجعة للنص، ثم وضع لمسات اللحن الاخيرة، قبل ما الولد يركب حمارو في ضو القميرة بعد المغارب، او يستلم الوردية كمغني مشهور في دلوكة عرس ناس ودفلان!
قصدي من الكلام ده، مدي براة وطيبة بشر ذاك الزمان، وعلاقة كل هذا بي نظام التكافل الاجتماعي الفريد، البوفر حد ادني من المعيشة للكل، بي صورة اهلية خالصة بعيد عن الدولة او الحكومة، وهذا ماجعل في المقابل هذا النمط من السلوك، من التواد، التراحم ممكنا، من دون مطوعين يجو يدقو ليك الباب او يسوقوك للصلاة بالقانون خاشين بينك او بين خالقك، وهذا عجيب ومفسد تماما للبشر زي ماشايفين، لو في السعودية ولا بلدنا وانسان بلدنا الدمرو هذا النظام من حيث لايدري ولايحتسب بي زي تغولو، تطفلو، تدخلو، او تدميرو لهذا النظام الاهلي الطوعي الفريد بفرضو نظام وافد اجنبي وغريب!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
| Quote: والله يا بشاشا يا قول المثل (أرجى سفيه المعرفه ولا ترجى عاطلها) |
سلام يامنصور او مرحب بيك،
مافاهم السفيه ده منو، او كلام زي ده اشتر لزومو شنو ياهذا؟
خلينا في المهم:
وجود او عدم وجود اسرة ممتدة في الغرب ده ما موضوعنا.
موضوعنا لو هناك اسرة ممتدة في الغرب فالسؤال بي نسبة كم بالمية مقارنة بي مجتمع السودان؟
دعك من الممتدة، فالاسرة الذرية ذلت نفسها في حالة انقراض في الغرب، بالعدم اسال عمك قوقل عن النسبة المؤية للمتزوجين، ثم نسبة الطلاق حتي فيما بين هؤلاء، تقول لي ممتدة؟
| Quote: فالغرب بماديته وتخمته لا يرضى لأحد أن يجوع أو يعرى إلا إذا أراد ذلك لنفسه |
حقيقة لا ادري بتتكلم عن ياتو غرب، والمشردين او بالذات الامهات وطلاب المدار بمئات الالوف في اغني بلدان الكرة الارضية، والسبب في ده كلو في الاساس يعود للتحلل والتفكك الاسري الاجتماعي، فوق للنزعة الفردية الطاغية في طريقة تفكير الافراد.
| Quote: والغرب يسبقنا بمدنيته أو تحضره لأن المدنيه من المفترض أن نكون أهلها وذويها ولكن ظلال التحضر التى ألمت بنا ولم نك نتهيأ لها كما ينبغى علماُ بأننا صناع الحضاره |
معليش ولكن كلامك كلو تناقض، ياعزيزي!
اولا مامعني تحضر او ليه بتربط التحضر بالرقي، وما معيارك اصلا؟
بالنسبة لي مايسمي بالتحضر قيمة نسبية، او بالتالي كل مجتمع بكون متحضر بي طريقتو هو ولاقاسم مشترك هنا!
علي كده مافهمتا معني ان يسبقنا الغرب بمدنيته زي ماقتا!
ماهي المدنية وماهو معيار الاستباق؟
اذا معيارك المقتنيات المادية فهذه للاسف اخذت باكثر من اسهاما في ترقية البشر روحانيا، او بالتالي العالم الان تحول الي غابة عديل مقارنة بي عصر الاهرامات مثلا!!
هذا ما ادي الي بروز طائفة الAmish في امريكا الاعتزلو الحياة المادية العصرية الغربية تماما، ليعيشو حياة اشبه باللتي في قرانا!
| Quote: جداً معرفة النفس فيها بل تهنا فى غربة هلاميه إلا أن العوض المسلمى وبركة المسيد والصلاح المتوراث خلط بين المدرستين |
اها ده، بقا موضوع متشعب او كبير جدا!
مافي تعليم علي النظام الغربي بينجب نموذج الراحل المسلمي!
التعليم الغربي بينتج انسان غربي اومسخ مشوه زي حالتنا لالامي هنا ولا لامي هناك، بحكم فقدان الهوية!
الراحل نتاج ارث روحي صوفي محدد ونظام اجتماعي اولا ثم اقتصادي محدد ولانقول نظام سياسي!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
| Quote: النظام التقليدي الأسري و العشائري و القبيلي حدثت و تحدث ضمن منظومته الكثير من المظالم. |
تحياتي دكتور سيف او مرحب بيك،
بالنسبة للمظالم والمثالب، فهذه سنة الحياة، وبالتالي امر عادي وطبيعي.
المحك في النظام المعمول بيهو لحلحلة هذه المثالب والمظالم في اي مجتمع.
بل المعيار هو مدي نجاح الالية المتبعة في المجتمع المحدد لمواجهة هذه المشاكل.
في تقديري الالية الاهلية الطوعية الخاصة جدا جدا، اللتي ابتدعتها ثقافتنا، حقيقة تمثل عبقرية في حد ذاتها، مقارة بالاسلوب المتبع في الغرب، الذي اخضع هذه المشاكل لالية الدولة، الضخمة، المرعبة، المدمرة، بلا ادني طائل!
ياخي ما ممكن زول من الشارع، حتة موظف غريب، لاتربطك بيهو ادني رابطة، يوكل اليه مهمة الاعتناء بفلذة كبدك، لانك رفعتا صوتك عليهو في محل عام مثلا، ليتم كنتيجة اخذ اطفالك منك، ليتولي جهاز الدولة وبيروقراطيها تربية ابناءك بالنيابة عنك في داخليات مخصصة اشبه بالسجون منها بالبيوت!
قارن هذا كيف في مجتمعنا، القرية كلها وعن بكرة ابيها هي المسؤولة من تربيتك، وهذا يعطي الحق لايا من يكبرك في السن، سلطة توجيهك، الواجبة عليك تنفيذا!
لا اتحدث عن مجتمع مابعد 1989 علي الاطلاق او حتي المدن، وانما اتحدث عن مجتمع القرية والريف في الماضي، وكما عايشته في دنقلا، كضرب مثل، باعتبارو تنزيل لي نظام التكافل الاجتماعي الاهلي الطوعي الانجب شخصية السوداني التاريخية.
| Quote: اعتقد أن السؤال هنا هل يمكن تطوير النموذج ليتوائم مع المتغيرات المجمتمعية التي تفرضها سيادة النمظ المديني في مقابل تأكل نمط القرية او النمظ التقليدي ؟ |
هذا يتطلب في المقام الاول ادراك عميق ووعي كامل شامل، بي ذاتيتنا نحن وهويتنا كسودانيين كشرط اساسي واوحد للاقتباس من الاخرين بما يفيد، وهذا الشرط غير متوفر او متاح حاليا في السودان الحالي علي الاطلاق!
كنتيجة الحاصل عندنا شغل Cut and Paste دون ادني ادراك او معرفة نقدية من اي نوع، ومن منطلق انبهار طفولي مضحك بالوافد الاجنبي، كان غربي كان عربي، باعتبار الاول "علم" والتاني "اسلام"، هكذا!
بالله لو الداعشي في دمشق، "قحا" ساكت، فعن ناسنا ده دين او اسلام طوالي!
ده السبب ذنوجة بوكو حرام بايعو الدواعش وليس العكس، مع انهم الاسبق!!
هذا الاسلوب هو المسؤول من التدمير الكامل الشامل، الحاصل الان، لنموذج الشخصية السودانية التاريخية في السودان علي ايادي هؤلاء الوحوش!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
مرحب بأميرنا الكوشي ونعزيك والفقد واحد
ربنا يرحم ويغفر لأخونا العوض ....
وبركه العوده يا أمير والعود أحمد.
وبعد:Quote:
ياريت لوفضلتا في خلوة جدي صبيان، وافنيت باقي العمر مزارع هناك!
|
يا أخ بشاشا مشكلة إبن آدم تلقاهو بيحن للماضي وبشتاق للمستقبل لأنه مابيعرف سر كُل وجوده موجود هُنا والآن!!
الآنيّه هي الزمن "الحيّ" الفعال!
هل تعلم اليوم لو خلوة جدك موجوده وبها تلاميذ يُفع لإشتاقوا للنعيم الإنت الآن عايش فيّه بكالفورنيّا
ولتمنوا أن يكونوا كبار مثلك يتمتعون بالكمبويتر الإنت الآن بتوصل بيّه أفكارك للغير وأنت جالس في بيتك ومع وليداتك!
بدل ما هم يكونوا قاعدين بيكتبوا علي اللوح ويصطلون علي نار المسيد"التكابه"..
يا أميرنا الكوشي بإمكانك تكون في خلوة جدك أو في جامعة هارفورد الأمر مش فارق كتير مادامت القناعه غائبه!
حتظل تستصرخ الطفوله والطفوله حتظل تستشرف المستقبل وبين هذا وذاك ستضيع هذه اللحظه الحاضره(إكسير الحياه).
الآن أسأل أي طفل غر وقول ليهو: هل إنت مقتنع بوضع هذه الطفوله هل إنت مرتاح ومبسوط منها؟ سيقول ليك أنا أتوق
لليوم الأصير فيهو رجل كبير لأفعل كذا وكذا! وأي واحد فينا جرب الطفوله وكان بيستني اليوم البيصير فيه كبير زي أخوه
الكبير أو زي ود الجيران الكبير!
نحن بنادي طفولتنا لأننا بنخاف من واقعنا "الآن" وبنجفل منو للماضي والمستقبل لأننا بنجد فيهما سلوي بتلهينا عن التفكير
في "هُنا والآن".
.
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Mohamed Adam)
|
| Quote: هل تعلم اليوم لو خلوة جدك موجوده وبها تلاميذ يُفع لإشتاقوا للنعيم الإنت الآن عايش فيّه بكالفورنيّا |
العزيز محمد ادم مرحب بيك،
قطعا مافي بالي ايا من مؤسسات اليوم في السودان ولاحتي مجتمع اليوم في السودان الماعاد سوداني الا بالاسم.
انا بالعدم سعيد مكان اقامتي حيث نجحنا في اقامة مجتمع سوداني بديل، بشهادة كبارنا البجو زيارات، والاخرين البجونا من ولايات اخري جية عابرة.
قطعا بحلم بي مجتمع الزمن النشات فيهو وليس مجتمع شيطان الجرة الماثل!!
يازول هادا طرفي من سودان ساكنو شيطان الجرة الداعشي!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
كلام يقشعر له البدن
حفر حقيقي في هويتنا الحصل وقاعد يحصل ليها تغبيش
(كتبت fading لأني لقيتا الأقرب في إيصال مقصدي لكن لقيتا بتثبت مضمون بوستك فساتبدلتها بمفردتنا السودانية "تغبيش")
أنا برضو يا بشاشا منحدرة من محيط تقريباً مطابق للمحيط الإجتماعي الذكرتو إنت هنا
وتساؤلاتك الكتبتها دارت في بالي كتير جداً قبل كدا وتحديداً لأني يادوب بديت في عمري دا أحس بالغربة تصدق؟
الغربة المامفروض احسها بإعتبار إني مولودة فيها ومع ذلك الآن بقول لي نفسي ديل ما ناسي دا ما مجتمعي
ناسي هناك محل حبوباتي مدفونات وجدودي مدفونين في مكان بعيد آلاف الأميال شمال الخرطوم
والدي عاش نصف عمرو في الغربة زيو وزي أي موظف أو أفندي كامل الدسم خريج جامعة الخرطوم لابس نضارة وشايل كتاب 24 ساعة وخالف رجلو
ولمن كمل 60 سنة نزل المعاش وفوراً حزم شنطو وعلى السودان رأساً رفض يقعد ولا ثانية
ووين في السودان؟ حالياً أبوي يا بشاشا قاعد هناك في دنقلا وسط أهلو قاعد يزرع ويمشي الدافنة ويحضر الأفراح والكرامات
وجدع كتبو ونضاراتو وعايش كمن ولد من جديد وزي ما بقول لي دايماً نحن ما كنا عايشين العيشة هنا دا وسط الطيبين ديل
وفاة عزيزنا العوض المسلمي عليه الرحمة فتحت عيوننا على حقايق كتيرة كانت قدامنا بس بنتعامى عنها
بس الدرس الأهم كان عن حياتو ما عن موتو ..
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: تيسير عووضة)
|
البركة فينا وفيكم يا بشاشا في فقيد الكل العوض المسلمي
يا عزيزي بشاشا
أنا ما قاعد أغيب كتير عن السودان، سنتين تلاتة، ودي ذاتا بالنسبة لي ناس السعودية كتيرة
المهم أنا عشت في بيئة شبيهة بي بيئتك دي، جروف وجزاير وزراعة وبهايم
نعم أحن وبشدة لتلك الأيام، أتمنى أن أصحى الصباح، دغشاً بدري، وأدفر غنمي قدامي صوب الغابة القريبة من القرية، وأجد في تلك الغابة كائنات تشاركني كل شي، حتى ضرع أغنامي، حياة حقيقية..
لاحظت في السنوات الأخيرة إن تلك الطبيعة اتغيرت، الغابة قطعوها واستبدلوها بأراض زراعية هي الآن بور، وبالتالي الناس اتغيروا.. حتى في أشكالهم..
الحياة التي نحنُّ إليها أنا وإنت يا بشاشا تغيرت وإلى الأبد، انقرضت ولا سبيل لاستعادتها.. ولت إلى غير رجعة
والناس ما عادوا هم الناس الزمان .. بينهم أكثر مما صنع الحداد ..
شيخ البلد الكبير المهاب لم يعد له وجود .. وتنتهك قوانينه وتسفه آراءه بكل أريحية ..
الليلة يا بشاشا ما بتقدر تقول ليك لي شافع يا ود دا غلط .. وإلا فإنك معرض لمرمطة وكلام فارغ ..
يلا .. إذا افترضنا إنها (تلك الحياة) ما عادت موجودة .. وبالتالي لم يعد بالإمكان تربية جيل بالطريقة التي نتمناها أنا وأنت .. ماذا نحن فاعلون ؟؟
أتمنى أن تعود تلك الحياة .. لكن كلامنا حولها يبقى مجرد زكريات عذبة .. والحديث عن عودتها .. مجرد بندق في بحر
وتحياتي مثنى وثلاث ورباع
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: بدرالدين بابكر مصطفى)
|
| Quote: والله العظيم يا ليتني فضلت راعي ثم تربالي، |
تحياتي بشاشا ولفقيدنا النبيل العوض المسلمي الرحمة ولاله الصبر والسلوان
هذه الجملة المقتبسة من حديثك كثيراً ما قلتها وتمنيتها وكثير من أبناء اهلي واصدقائي
يقولون لي المانعك شنو شيل شنطتك وامشي على البلد واقعد .
قايلنها بس كدا سااااااااهلة وكأنما الواحد مننا عندو المقدرة على فرمطة عقلو من كل الوبائيات المكتسبة
من الحياة الحديثة البقولوها دي وممكن يرجع بكل يسر انسان بسيط معافى نفسياً وجسدياً واجتماعياً وما عارفين صعوبة المسالة دي كيف
وهذه الصعوبة عبر عنها بجلاء اديبنا الراحل الطيب صالح في شخصية مصطفى سعيد في موسم الهجرة الى الشمال فمصطفى سعيد اكتشف انه يعيش
في عالم زائف وان العالم الحقيقي هو ما فارقه في صباه وتركه خلفه فغفل راجعاً ومن عجبي انه اختار قرية نائية في منحنى النيل في الشمال كانما
تلك البقعة هي مهد الانسان والإنسانية .
ولكن اشباح العالم المكنى بالمتحضر دون تحضر طاردته في عالمه الجديد ولم تتركه حتى قضت عليه وكانت هذه النهاية هي نتيجة لنزاع تلك الهوية المشوهة التائهة
التي ادركت ان العالم الحقيقي فعلاً بين يديها ولكن هيهات ان تستطيع العيش فيه بنفس طريقة اهاليه الطيبين.
فكلنا مصطفى سعيد مع وقف التنفيذ
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
Quote: حتظل تستصرخ الطفوله والطفوله حتظل تستشرف المستقبل وبين هذا وذاك ستضيع هذه اللحظه الحاضره(إكسير الحياه).
الآن أسأل أي طفل غر وقول ليهو: هل إنت مقتنع بوضع هذه الطفوله هل إنت مرتاح ومبسوط منها؟ سيقول ليك أنا أتوق
لليوم الأصير فيهو رجل كبير لأفعل كذا وكذا! وأي واحد فينا جرب الطفوله وكان بيستني اليوم البيصير فيه كبير زي أخوه
الكبير أو زي ود الجيران الكبير!
نحن بنادي طفولتنا لأننا بنخاف من واقعنا "الآن" وبنجفل منو للماضي والمستقبل لأننا بنجد فيهما سلوي بتلهينا عن التفكير
في "هُنا والآن".
|
الحبيب محمد آدم تحياتي / هذا ما عنيته بالضبط في مداخلتي السابقة وستظل معرفتنا بهذا (الآن ) نظرية غير قابلة للتحقيق من خلال هذه المعرفة فقط حتى نفعل ونخطئ ومن ثم نحصل على الشعور المتطابق معها لأنه آلية نفاذها ، ولن نحصل على هذا الشعور حتى يتكرر التاريخ في منطقة الدائرة قبل الوصول لصعود الحلزون وأنت سيد العارفين، فكان القلم مازال بلم، وكان جحر الضب الخرب !!!!!!؟ حتف أنوفنا وتحدي لإرادتنا البائسة المشركة ثم تسلخ جلودنا بالنار كما بشرنا القوم في خيط الأخ ياسر ........!!؟ امر بلحظة انبهام .
تعرف يا بشاشا بعض زميلاتنا هنا في المنبر ممن يعشن في بلاد المهجر ويعتقدن أنهن صنعن شخصياتهن ولم يكن ماهنّ عليه الآن مجرد سخاء وعطاء من الناموس لا يستحققن عليه حمدا أو مكافأة !! ، تحدثن مرة أو مرات حسب رؤيتهن عن مدى جلافة الشعب السوداني وانفتاحه !! تقول احداهن : ( يجيك واحد في المطار لا بيعرفك ولا بتعرفه يقول ليك بمنتهى الوقاحة ، يا اخي ممكن تشيل لي معاك الجوال ده أو الدواء ده !!!!؟ ثم مضت ملاحظاتهن على هذا المنوال إلى أن قالت إحداهن : ده كلو كوم والسلكة البيعملوها في الباب دي كوم تاني !!! الواحدة تجي تلقاك على سنجة عشرة وشايلة مفتاح العربية في يدك وتكون هي سحبت السلكة ودخلت وقعدت وبعدين بمننتهى الصفاقة تقول ليك ، يعني طالعة !!!؟ قلت لمن دعت نفسها والآخرين للامتناع عن ممارسة هذا الفعل الغير حضاري في المطارات ولم تجهد عقلها لحل المشكل في المرحلة ، قلت لها أن مارسنا هذا التباعد وأخذناه الى نهاياته سنصل الى مرحلة التفكك الأسري علما أن الأسرة مازالت من أفضل الظروف التي تساهم في تحسين السلوك والسلم الاجتماعي، أفلا تخشين أن تقف ابنتك امامك وتقول لك ، ياماما انا عايزة اجهض لأني حملت من واحد وما عايزة احتفظ بيهو !!!؟ وقلت للثانية ، ألا تجدين مثل هذا الإزعاج الذي تسببه الجارة أو أهل الحي ثمنا بخسا للأمن الذي تنعمين به فقد قرأت في أول الثمانينات تقريرا يقول أن في كل 16 ثانية تحدث جريمة قتل في نيويورك !، ده نموذج لهوى النفس الامارة ولما جبلنا عليه ونموذج لعينك فيهو وتركب فيهو ويا داوود انك تريد وأريد ................ وياحليك يا كركيغارد البتنصح في شوبنهاور ، ويا حليلكم يا اهل السودان القال عليكم قيقم : ( وإن جيت ياغريب تلقى الباب فتح ** والفقران يجيك مزمول بي قدح ) والقال عن قبيلتو : ( نحن كرمنا نيرانو بتولع قج ** ونحن سعنّا بي لبن الطيور بنخج ** نحن بنقنص النجم المنوٍّر صجّ ** ونحن بنفقه الدود البكاتل رّجّ ) معليش يا بشاشا دي للناطقين بها ( وش ضاحك )هؤلاء الشعراء المتبجحين لم يكونوا يعلمون أن هذا الخلق ليس جينات وراثية وإنما ظرفاً موضوعيّاً لم يكن لهم دورفي صنعه وسبّبه نقص الوعي الاستهلاكي ووفرة ماهو معلوم منه من كسرة بي ام شعيفة وعصيدة بي لبن وملاح روب ، المطامير مليانة عيش والمُراح راتع بالخلاء الممطور ، واولاد العم يعيلهم رجل واحد فلماذا لا أكون عزيز النفس مرفوع الرأس ولماذا لا أفتح الباب للغريب ولماذا لا أحمل زادي الذي لا يستنكفه على قومي فهم لا يعرفون غيره الى بيوت العزاء والضيوف ، ثم لماذا لا يسلم الناس مني ومن غيّرتي وجشعي !!!!؟ المعرفة متاحة أخي بشاشا لكن تحقيقها يتحكم به الناموس عبر آليّات واسعة بقدر محيط الدائرة وما تمثله في المرحلة التاريخية المطلوب الانتقال منها عبر الحلزون للدائرة التي تليها وبالقدر الذي لا تتسع له حياة الفرد القصيرة ، وياحليك ياماركس فالتاريخ مازال يسخر منا .
أشكرك لكن قلبت علينا المواجع .
أبو حمـــــــــــــــــــــــــــــد
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: عثمان عبدالقادر)
|
تحياتي كمال بشاشا
أعزيكم ونفسي في الفقيد المسلمي
أعتقد جازما بأن موضوع البوست هذا هو الأنسب في هذا التوقيت بالذات ، توقيت فقدان راحل كالعوض المسلمي.
الشعب السوداني الحالي في عصرنا هذا ، يعيش حالة نفسية نادرة. كل الصفات الإنسانية الحميدة التي إتصف بها هذا الشعب ، صارت كالخلايا النائمة ، تصحو فقط لتتحسر على حِزَمٍ من صفات ترقد كبركان خامد تثور بين الفينة والأخرى.
هناك عوامل كثيرة بالطبع كانت سببا في هذا الذهول الذي أصاب نافوخ الصفات السودانية التي كانت ممتدة من القرى للأمصار والمدن.
السؤال هو : لماذا إنحسرتْ الصفات في السودان وصارت مبعثرة هنا وهناك بعد أن كانت كسحائب الخريف تغطي كل الأركان ؟
لماذا يصحو ذلك الزخم فقط في المنافي فصارت أخلاق السودانيين بصمة ترقد إلى جانب بصمات أصابعهم.
السؤال الأول كبير ، والإجابة عليه تتوغل في جوانب كل مناحي الحياة : سياسية وإجتماعية وإقتصادية وأسرية.
وكل منحى من هذي المناحي يستحق دراسة متأنية وعميقة.
ولكن يبقى شيء مهم :
الفقيد العوض مثال حى بأن جينات الأخلاق السودانية هي كطائر الفينيق ، يغفو إغفاءة حتى تعتقد بأن لا أمل ، فينفض عن جناحيه الغبار ثم ينطلق ليجوب الأفاق.
شكرا بشاشا على هذه المطرقة التي تستحق الوقوف عندها وقتلها بحثا ودراسة.
ألا رحم الله العوض
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: ابو جهينة)
|
Quote: والله كتير ما ابكي، لما انفرد بي نفسي واتذكر هذه اللحظات، هنا في جحيم الغرب، المادي، الفردي، الاناني، ثم اختم البكية بي ضحكة احيانا عالية، بالذات لما اغرق في كتب تاريخنا القديم، اللي باستمرار من بين سطورا، بتطل صورة الوالدة من عالما الاخر ياللهول، او كلاما لي عن "الاصول"!!
كنت امغت هذه المفردة بشدة انا المستلب، المنبهر بي ثقافة الغزاة، عامل زي غيري مثقفاتي!
|
رحمة الله تتنزل عليك سيدي العوض المسلمي الذي بركته
تتري حيا وميتا وها هي بركته تجلب لنا استاذنا بشاشه
الذي لا يرضى بالقشور بل يفك المأسور من عقلنا تجاه
انفسنا وتاريخنا وهويتنا
رحمك الله اخي العوض عدد خلقه ورضا نفسه
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: عمر عثمان)
|
الأخ / بشاشا وضيوفه
تحياتي
لم أستطع أن أتوقف منذ بداية أول كلمة كتبتهـا إلى آخر كلمة ( وبنفسٍ واحد ) فلقد عبرت عن دواخلي وعن واقعنا في مناحي كثيرة.
بالنسبة لي هذا كلام لا بد من إجتراره .. برواقة .
ألف حمدالله على السلامة.. لك.
وللفقيد المسلمي صادق الدعوات بأن يتغمده الله برحمته الواسعة.
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: الفاتح ميرغني)
|
سلام تيسير ويا مراحب،
بالنسبة للمحيط الكلنا كسودانيين نشانا فيه، فيما قبل السبعينات، المهم جدا بالنسبة لي هو ثقافة، عقلية، وطريقة تفكير افراد ذاك الزمان الناجم اولا عن البعد الروحي الخالص في حياتم حينها، ثم البعد الاجتماعي الماثل في نظام التكافل الفريد العجيب، الذي اغنانا عن جهاز الدولة تماما!
نعم ولاحتي نقطة بوليس، او حتي شفخانة زاتو!
بالادوية البلدية، الاكل الصحي والنشاط الجسدي، فوق للرضا النفسي، التوازن الروحي، السعادة وغياب اي هموم الناس عمرت فوق للمية عادي من دون حتي شفخانة دعك دكتور!
جدي عليه الرحمة كان لما يجي الخرطوم يصر يودو الدكتور ساكت كده، او هو ماعندو اي شئ، ولكن هذا مالفت نظرو في البندر، فحبا يستطلع to fit in زي مابقولو، وقد عاش فوق للمية كغيره في الاسرة!
نعم لاوجود لاي شئ اسمو حكومة اطلاقا في حياة الفرد العادي اليومية هناك، وهذا لما نفكر فيهو اليوم، الواحد لازم يتعجب!
نعم بي طريقة اهلية، مدنية، خاصة، وخالصة الناس عاشو في منطقتي حياة اولا، ماديا كانت مترفة بي معايير الزمن داك، حقيقة لله!
خدي عندك كمثال:
في كل اسرة، والاسرة تعني الاب الام الجد الخالة الخال العم العمة الاولاد والبنات- هناك الاتي:
1-مراح كامل لابقار اللبن، نعم ابقار مش بقرة واحدة، مع وجود تور او تورين للزراعة خصيصا!
واللبن كانو بعملو منو السمن بكميات تجارية للبيع! Cash flow!!!
2-مراح كامل للضان فقط للحم ولاغير!
طبعا الفائض كان بيباع cash flow!!!
3-مراح كامل لي غنم اللبن مع سخلانم، وما اجمل سخلان غنم اللبن!
او بعد ده كلو ما كان هناك تمايز او فرز طبيقي بي لغوة اخوانا الشيوعيين، والمادة عمرها في تاريخ ثقافتنا ما كانت معيار واساس للتمايز كما في ثقافة الغرب المادية بطبعها، وهذه خاصية لعبت دور اساسي في تكوين الشخصية التاريخية للسوداني مقارنة بي شخصيات الثقافات الاخري، وهذا مفتاحي في ثبر غور هذه الشخصية السودانية الفريدة بحق!
لاحظ في كل الحبر المدلوق في السودان حول موضوع التكوين الاجتماعي، فلا وجود لفهم كهذا، لانو ياللنكتة، الكل هناك ينطلق من فرضية وجود فرز وتكوين طبقي كما في ثقافة الغرب، والكارثة عامة هنا، وهذا بعض السبب في كوننا بنموت من العطش كالعيث، والماء الزلال فوق رؤوسنا مش ظهورنا، محمولو!!!
عزيزي القارئ:
لما تقرا عن مجتمع عصر الاهرامات، يا للهول، ستجد نموذج شخصية الراحل المسلمي هي البتلوح ليك من بين السطور!!!
ماذا يعني هذا؟
نعم العزلة الكنا عايشنها كسودانيين عبر مئات السنين، والمنعكسة الي اليوم في لبسنا الاشتر للازياء الغربية، بل وصولنا للغرب الي اليوم عن طريق طرف تالت كالامارات، مصر والسعودية، كان حقيقة خير محض، وعسي ان تكرهو شيئا!
الي هذا التاريخ السوداني في عالم اليوم درويش، زي تور الجر لما جا الخرتوم اول مرة، او راح رابط الدحشة في "الفلوكسواجن" باعتبار وتد او كده!!
قطع شك لو كنت سوداني فاين ماكنتا حتكون عايش في غربة لاجدال في هذا، لو واعي بي كده ام لا، لانك بي طبعك انسان متصوف في اعماق اعماقك، والتصوف هو المعادل الجيني للخلايا البتتكون منها جسم السوداني، وعمرو في ثقافتنا ممتد لاكثر من 40,000 سنة!!!
عشان كده هذا الارث نجده مجسد في نماذج امثال "الملحد" افتراضا الراحل محجوب شريف، "الكافر"، "العلماني"، "السكرجي"، "العربيد"، حسب تصورات شياطين الجرة من الدواعش في اليمين، ابعد الناس فينا عن التصوف وكل ماهو روحاني، رغم انف ذات دقون بعانخي، تود، او "آبا"، ورغم انف مكتبة النصوص الهائلة الحايمين بيها هؤلاء الشياطين، الحاشين بيها امخاخم الخاوية الا من كل ماهو شر خالص!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
الأخ / بشاشا
لك التحية وأنت تطرح هذه الأسئلة العميقة وتغوص في هذا الموضوع الشائك الذي بسببه ترجل السودان عن قيادة الدول الأفريقية
والعربية حيث كان المؤمل أن يكون في مقدمة هذه الدول لو أننا تمسكنا بسودانيتنا نعم سودانيتنا ولو أن نخبنا السياسية كانوا على قدر المسئولية....
* لماذا، كشعب سوداني، افنينا دهرا، بحثا في "كوش" وقمامة الاخرين، عن لقيمات، فضلات بعض مكارم اخلاق، متوهمة لتقمن صلبنا؟
* لماذا، التسول طرقا علي ابواب الاخرين وما لز وطاب من مكارم الاخلاق، فوق نافوخكم محمول يا سودانيين؟
* للغربة العايشة فيها هذه الشخصية، في السودان الغريب، العجيب، المسكون هذا!
نعم أخ بشاشا أضغط على الجرح الذي ظللنا كلنا نتحاشاه وظل ساستنا وقادتنا يتهربون منه ونحن لك من المتابعين ..
لك التحية
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Othman Al-Hasan Babikir)
|
| Quote: نعم أحن وبشدة لتلك الأيام، أتمنى أن أصحى الصباح، دغشاً بدري، وأدفر غنمي قدامي صوب الغابة القريبة من القرية، وأجد في تلك الغابة كائنات تشاركني كل شي، حتى ضرع أغنامي، حياة حقيقية.. |
بدر الدين تحياتي ومرحب بيك،
الحنين للماضي اضحي سمة عامة لينا كسودانيين، وهذا واضح في المنبر ده، وطريقة الاحتفال بالصور البتجسد الماضي المابعيد، والسؤال لماذا هذا الحنين الجارف جوانا لماضينا؟
لانو شياطين الجرة ديل اعوذ بالله منهم، اتو الينا بي سودان عجيب، غريب، وافد واجنبي!
والاعجب هذا السودان الوافد، اتي الينا تحت رايات شرع الله، ودولة لا اله الله، وهذا يمحن حقيقة!
بالذات كلمة السر، ومفتاح شخصية السوداني التاريخية، هي "الله" او "امون" او "ارتي"!
المشكلة وين؟
اترك الاجابة للقارئ في الوقت الحالي، مع طلب بسيط:
راجع عنوان البوست عزيزي القارئ، او كيف احنا بنموت من العطش كما العيث، والماء فوق ظهورنا، محمولو!!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
| Quote: هذه الجملة المقتبسة من حديثك كثيراً ما قلتها وتمنيتها وكثير من أبناء اهلي واصدقائي |
هيثم غالي تحياتي،
نعم كلامي او مناي لو فضلت الي اليوم زي ماكتا، حتة رعواتي او "حوار" خلوة، غرضي منو من جانب اخر اوضح كيف نظام التعليم المستخدم في السودان ساهم علي مدي نصف القرن الماضي في تدمير ودفن هذه الشخصية السودانية، التاريخية الفريدة.
نعم عندي محبة خالصة جواي لي زملاي في الخلوة اللي ما واصلو تعليمم والاصح منهج استلابم، او بالتالي احتفظو بقدر مقدر من هذه الشخصية في دواخلم.
مشكلتي حقيقة اني عاجز تماما اتقمص واستلهم هذه الشخصية بالصورة اللتي ترضيني، والمشكلة دي في العادة ما قاعدين ننتبه حتي لي وجودا ناهيك محاولة حلها، بالذات احنا البقولو علينا متعلمين!
اما المثقفاتية، فيا زول انسي!
المثقفاتي السوداني او الافندي المتورك، هو المسخ المشوه والنقيض الفعلي حقيقة لهذه الشخصية، والسبب في ده كلو هو نظام التعليم عندنا منذ 56م!
زي ما كتبو كتار قبلي، في نواحي اقصي الشمال، من اول يوم ليك في مدرسة "الترك" بتحس بي غربة عجيبة بحق، كانت مبهمة حينها، وان تعجبت حينها، سر العداء لي لغتنا الام النوبية، في هذه المدارس؟
نعم كانو بفرضو علينا نفرد اصابع اليدين عشان تضرب بالمسطرة علي قفا اصابعينك، متي تلفظتا بي لغة اجدادك ولسانك الام امام بعض الاساتذة وهذا كان عجيب حينها بالنسبة لي مع اني كنت ناطق بالعربية حقيقة مش زي غالبية زملاي، اي مستلب.
بعضا من زملاي التلاميذ الصغار في اولي ابتدائي ما كانو بعرفو عربي خالص، خالص!
مثل هذه القسوة والارهاب المادي، النفسي، الثقافي، تاثيرو علي اليفع كان مدمر بحق وحقيقة!
حكيت كتير، كيف كنتيجة بعضنا لما جو الخرطوم، كانو بتبرو او بتعرو من كبارم "البرطنو" في المركبات العامة!!!
هذا مؤلم ولكن يوضح بجلاء الدرك السحيق الوصلناه من تيه، غيبوبة، وفقدان هوية!
حقيقة لله لما اراجع من الذاكرة هذه الذكريات، اصاب بالحيرة ما بين البكا والضحك!
ذكرت قبل كده كيف واحد قريبي، نزل من البص في نص المسافة او قام صوف من الخجلة انو واحدة بلدياتنا كانت بي براءة، او عفوية بتخاطبو باللغة النوبية لهجة دنقلا، بي صوت عالي، هي قاعدة او هو واقف ورا السواق، لمن من الاحساس المفرط بالخجل الزول ده قام جاكي!
حولا ولاقوة!
ده السبب انك بتسمع كلمة "رطانة" و "رطّانة" في توصيف اللغة، و البتكلمو اللغة "الغريبة" الشاذة، المنحطة، الدونية دي، مقارنة بي "لغة القران" يا للنكتة بحق!!
يا اعزائي الموضوع ده غريق جدا، مركب جدا، حساس جدا، ومؤلم، مؤلم، جدا جدا!
يا سبحانك حقيقة!
فجاة بقدرة قادر، لغة وليد هاجر"النوباوية" اسماعين، الولدتو من بطنها اضحت اللغة البتكلم بيها رب العزة ذات نفسو حصرا دون لغات العالم، لتصبح لغة هاجر، اول ما نطق بها بشر كلغة، مجرد "رطانة"!!!
لاحظو للتجسيم هنا، الذي جعل رب العزة، كائن بعينه كما البشر، ينطق بلغة قومية بعينها، محددة، من خلقه، اصطفاهم لتفوقم وتميزم علي بقية خلقه، من امثالنا احنا ابناء السوداء الرطانة، لا ادري كيف وبماذا!
ياتري فيما قبل هاجر ما تتوحم بي اسماعين رب العزة كان بنضم ياتو لغة، ولا ما كان بنضم اصلا؟
ماعشان كده شيخنا ديوب، قال رب العزة في مفهوم هؤلاء، اي شماليي العالم، كان مجرد "سوبر مان"!!
اها فهم مادي تجسيمي زي ده الوهابية الدواعش، مستجدي التوحيد، بسمو توحيد!!!
ماعلينا، معليش حاقيف هنا!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
| Quote: لماذا يصحو ذلك الزخم فقط في المنافي فصارت أخلاق السودانيين بصمة ترقد إلى جانب بصمات أصابعهم. |
العزيز ابو جهنية مرحب بيك،
فعلا السودان البنعرفو الانجب هذا النموذج، وياللغرابة الان مهاجر او ده عجيب!
مكان اقامتي في عدد من افراد الجالية فيهم الشخصية دي كماهي من دون ذكر اسماء، وكرمم او سهرم علي مصالح الاخرين يحيرك، لانو وجودك في زي امريكا دي قصبا عنك، ولا جميلتك سيجعل منك امريكي او اقلاها، ستبذر فيك بذرتها ولا علي كيفك!
علي كده عجيب ان يكون السودان ذات نفسو هو مقبرة هذه الشخصية، بينما مجتمع زي مجتمع امريكا ماقدر يغير في بعضنا بذات السرعة والقوة الجاري بيهو التغيير في السودان!
حقيقة لا ادري لماذا او كيف المهاجر احتفظت بالشخصية دي خارج تربتا، مقارنة بالسودان او التربة الانجبت هذه الشخصية!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
Quote: عن نفسي من هنا
واوسي طوالي، الخرطوم دي نجيها ترانسيت،
تقولي تكساس...
الساعة عشرة ليلا، السرير ملايتو تهبب، من عصرن بدري،
وباردة، في نص الحوش الوسيع،
غير بعيد من مكان دفن (صرتك)، تلك هي الحياة ...
او
هكذا ينبغي ان تكون ....
انت قايل السودانيين ديل من الخليج الي سان فرانسسكو متوترين من شوية .... |
من مداخلة لي في بوست يحث عن الهجرة من هجرتنا الحالية لمكان ابعد،
..................................
سلام يا بشاشا، وبركة الشوفة ياخ،
والبركة فيكم في المسلمي،
ساعود
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: عبدالمنعم الطيب حسن)
|
Quote: رحمة الله تتنزل عليك سيدي العوض المسلمي الذي بركته
تتري حيا وميتا وها هي بركته تجلب لنا استاذنا بشاشه
الذي لا يرضى بالقشور بل يفك المأسور من عقلنا تجاه
انفسنا وتاريخنا وهويتنا |
تحياتي العزيز عمر ويامراحب،
مقدرين حسن ظنك فينا وانشاء الله ربنا يقدرنا نكون قدرنا.
نعم يا ليتنا كشعب نعرف قدر انفسنا ياريت، ياريت!
ثقافة انجبت نموذج الراحل العزيز المسلمي ومنذ الاف السنيين، دار الزمن بي منتسبيها، اللي من فرط احساسم بالعار الناجم عن عصاب فقدان الذاكرة الثقافية، للبحث في مجاري وقمامة امثال داعش، عن بعض جلود جمال، ماعز، او ضان، لستر عورة انتماؤم المزموم او ملفوظ، لانهم لايعون قيمة انتمائهم الحقيقي!
حولا ولا قوة حقيقة!
يالله، يا حنان يا منان، تفك اسرنا، او تشيل الغشاوة من عيونا يالله ياكريم!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
Quote: الاخ صلاح عباس فقير
بعد السلام والاحترام،
عارف يا صلاح الانسان السوداني البسيط، هو الذي ما زال محافظا على كيان البلد،
بطيبتها وعفويتها وبساطتها وعمقها في ان،
الزول السوداني البسيط في الحافلة والقطر، في المطعم، والج ب انة، في الحقل والمصنع والغربة،
في المدرسة والجامع والكنيسة، في اطراف المدن وفي عمقها، في الحواكير ، الجخانين، الدساكر ...
هو الذي ما زال متسكا بانسانيته، لم يجرفه موج التتار والتطرف، والعنصرية،
وهو بسيطا جدا ما عاوز غير، سلام وحرية ولقمة بسيطة، صحة وتعليم، وامان من غدر بكرة،
لو توفر هذه ما غادر قريته، ولا مدينته، ولا السودان،
لكن هو في وادي وحكومة الفقر الدمار الكضكضب والصهينة في وادي غير ذي زرع ..
............
ما زلنا نحلم بالرجوع، وسنظل؛ وهذا الامل شريط اخضر لولاه لاحترقنا...
ونحلم بالغبش الرابة تغني،
وبهدير المدن التصحى وتمحى ظلام الحاصل عنا...
هذا عصر الجماهير ، نحن منها ولها، ننحني لها، نتعلم منها، ونحبها الله بعلم؛ |
من بوست لي ردا على مداخلة للاستاذ/ صلاح عباس فقير، له التحية والتقدير...
البوست بعنوان
الجبهة الثورية، ارضا سلاح
..................................
ساعود
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: عبدالمنعم الطيب حسن)
|
Quote: لم أستطع أن أتوقف منذ بداية أول كلمة كتبتهـا إلى آخر كلمة ( وبنفسٍ واحد ) فلقد عبرت عن دواخلي وعن واقعنا في مناحي كثيرة.
بالنسبة لي هذا كلام لا بد من إجتراره .. برواقة |
تحياتي يا عثمان او مرحب بيك.
الرحمة علي روح الراحل العزيز المسلمي.
واضح للكل، لايمكن لانسان باخلاق الراحل لو كان في كامل وعيو، يفعل باهله في جبال النوبة مثلا، ومايفعله المسلمي الاخر فينا، الحالج، القابض بزمام الامور الان في بلدنا!
لايمكن سوداني في كامل وعيو، يعمل في اهلو في دارفور، زي البعمل فيهو ذاك الاخر فينا المغيب وعيه!
زي ما قتا كتير البشير مامقطوع من شدرة ياخلق، وانما هو فينا او مننا، بمعني ان هذا هو الجانب المظلم في شخصية السوداني، هذا الظلام الذي تراكم علي مدي ال600 سنة الماضية، وليس فقط ال 26 سنة الاخيرة او ال50 سنة الاخيرة!
لنتحمل المسؤولية كاملة ونشخص العالينا تشخيص سليم، علينا ان ننظر لشواطين الانس ديل الماسكين بلدنا، باعتبارم بمثلو جانب موجود فينا كلنا سلفا، بدرجات متفاوتة، وبالتالي هو خلاصة حالتنا المرضية اللتي اقعدتنا الزمن ده كلو!
نعم قرون القهر، العبودية، الاستعمار، الاحتلال، تركمت لتاخذ شكل الورم السرطاني، البمثلو امثال الترابي، البشير، نافع، علي عثمان وماشابه!
قطعا بازالة هذا الورم السرطاني سنبدأ مشوار العافية الطويل!
اذن رغم الثمن الفادح اعلمو بازالة هذا النظام الداعشي، ان هذه خطوة واحدة في مشوار ايضا طويل باتجاه الخروج من النفق المظلم الحالي.
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: عبدالمنعم الطيب حسن)
|
Quote: عصام سليم
شجن مقيم ،
هو عصام محمد احمد عشا عربو
ود اللُوج
ود سليم
ود العشا ،
رجل من لحم ودم وانسانية ،
لا اعرف كيف يجد كل هذا الوقت للتواصل ؛
اول من يعاود مريضا في كل الحلة الممتدة ، ما عندو زول معين كل الحلة ناسو
اول من يدق طورية في المقابر ، وفي صيوان العزاء ، ومع عمود طعامه من اول الحاضرين ،
وقبال العين تشوف قريب وبعيد يأتي لمكان العزاء ، ومعه الترمسة الشهيرة
كل الناس تعرفها ، فهي البرنجي دائما وللشاي الذي بها رواد مبكرين ،
بيده الكريمه يصنعه ، لا ينتظر زوجة ، ولا اخت
أي مجموعة في الحلة هو عضو فيها ،
تجده في التمرين ، ودكان يسن
وفي النادي والجامع ، الكل يتمسك به وهو ينسرب كما الضوء
وان يظل نوره يشع في المكان؛
يتماهى في الونسة مع ابوي ، والفرذدق ابن اختي صديقه
ابوي في عقده السابع ، والفرذدق يطوف حول تاشراته
وكذا مع امي ، وتضحك فيحاء بنت اخي التي مازالت في
مرحلة اساسها ترفل ،
ودا في كل الحلة ؛
الحلة ياجماعة كبيرة ، في الاعياد نلفها بيتا بيتا ، خلف وانا وعصام سليم
من الصباح حتى الليل يستغرق الامر منا ثلاثة ايام ؛ |
ودي مداخلة من هذا البوست
http://sudaneseonline.com/msg/board/420/msg/1359617788/rn/5.html
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: يحي قباني)
|
| Quote: هذا البوست رؤيوي( Visionary )ودقة ناقوس ( A wake up call) للخروج من غربة الوجدان والجغرافيا والزمان! |
الفاتح ميرغني تشرفنا بي طلتك البهية ويا الف مرحب.
نعم ياعزيزي هذا الخيط قرع لي جرس التمام، استلهاما وجرد لي حصيلة نموذج العوض الكان يوم من الايام هو نموذج الفرد السوداني، الاشغث كما العوض، الاغبر، في اي بقعة في المليون ميل مربع. جزء من الحزن، والجذع المكبوت الانعكس علي الصفحة الاولي برحيل العوض، انما هو تعبير عن حزن مكبوت اكبر واعمق، علي ذاتيتنا، هويتنا، شخصيتنا السودانية اللتي اجهز عليها او يكاد نظام القتلة، الفسدة، الفسقة!
الكل بالقلب بحس بالزلزال ده في جواهو، او ده السبب محل ماقبلت بتلقي الحنين الجارف للماضي القريب بتاع امبارح، لدرجة، مقارنةً بالحاصل، واحد زي عبود اصبح اليوم بطل او مقبول علي نطاق واسع!!
نعم واحد زي رك مشار في الدنيا ام قدود قعد يحن لذات السودان القديم، من هول وفجعة الجديد في الجنوب!
يالسخرية الاقدار بحق!
ده بوضح مدي الهوة والدرك السحيق الوصلناهو كشعب علي ايدي شيطان الجرة!
التحية عبرك لاهلنا في الشرق محاربي كوش العظماء.
بفضل امثالهم اول واقدم اسم للسودان الحالي كان "ارض القوس"!
طيب ليه ياربي عبر التاريخ اشتهرنا كافضل محاربين مشو علي قدمين علي سطح هذا الكوكب؟
ليه؟
ماعلاقة هذا بالاهرامات؟
واين تقع شخصية الراحل من الاعراب هنا؟
القاسم المشترك بين كل هذه النقاط المتناثرة، هو ايمان اجدادنا المطلق بالحياة الاخري، ذبدة وخلاصة ارث التصوف الضارب في اعماق، اعماق، الشخصية السودانية!
نعم جدودنا كفرو كفر تام كامل بي لغوة الدواعش، بالحياة الدنيا لدرجة وصلت مرحلة الشطط في الاخر!!
لذا سموها خربانة!
نعم ام بناين قش!
نعم قالو الدنيا دي "جيفة" خليناها، لي كلابا!
اها انقر كلابا ديل منم؟
قطع شك امثال المتعافي ال القشير، والي الخرطوم، وكل زي دقينة كوز!
عرفتو الفرق مابين نموذج الراحل سليل الصوفية، ونموذج شيطان الجرة؟
عرفتو ليه اجدادنا ماتركو قصور وقد ملكو العالم كله، بل تركو لنا مقابر وقباب؟
لعلمك الهرم ماهو الاعبارة عن قبة بي لغوة اليوم!
هل ده صدفة؟
I rest my case!0
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: nour tawir)
|
| Quote: حيث كان المؤمل أن يكون في مقدمة هذه الدول لو أننا تمسكنا بسودانيتنا نعم سودانيتنا ولو أن نخبنا السياسية كانوا على قدر المسئولية.... |
عثمان الحسن يامراحب،
حقيقة لله، او من باب الصدق مع النفس بقول ليك، مشكلتنا الاخري العويصة المركبة، اننا ما عندنا مفهوم قومية بتاتا، تاريخيا!
عايز تتاكد من الكلام ده راجع تفاصيل ذكريات علاقتك بي ايا من اهلنا من جبال النوبة، البمثلو بوصلة هذه الشخصية السودانية التاريخية باكثر من اي مجموعة اخري علي الاطلاق.
هذا المخلوق اطلاقا ماعندو وعي عنصري بي معني قومي او عصبية قومية اطلاقا، بالصورة البجسدا المصري في عصبيتو لكل ماهو مصري، او الامريكي الابيض او الانجليزي الانجلو ساكسون!
او ده كلام عن احتكاك مباشر لسنوات مع بعضا من اهلي من جبال النوبة!
وهم العروبة تاريخيا وحقيقة لله انتشر بينا من مدخل روحي اسلاموي في بدايتو الاولي، كما متجلي في ادب المدائح!
بالتدريج مع السنين، وكنتاج لقرون العبودية، مصطلح عربي تحول الي "كود" بي معني "حر" تحديدا، في مقابل "فرخ" اي السوداني، وليس قومي من جزيرة العرب!!
ده السبب لما الثورة الام انطلقت ضد الخلافة الاسلامية ذات نفسها، يا للعجب شعارا كان برضو "نصرة الدين"!!
عييييييك!
اطلاقا ما كان لنصرة العرق الذنجي او القومية السودانية، مع انو سبب الثورة اصلا استعباد البيض تحديدا للافارقة، حيث انطلقت الشرارة الاولي للمهدية في غرب افريقيا وليس السودان، باستلهام ارث اوزريس تحديدا البشر بظهورو دان فوديو في الشرق لارتباط ظهور اوزريس بي بروز نجمة بعينها كل فترة تاريخية محددة بالمناسبةا!!
اذن يازول اطلاقا ماعندنا وعي قومي، والمصيبة او البركة هنا!!!
الانجليز بسرعة انتبهو لي ده كلو شر انتباه!!
الانا شايفو مخرجنا، ثورة روحية، مش قومية في المدي البعيد، بالطريقة الاتبعا الشهيد محمود!
اذن بعد قرون وقرون، القومي السوداني حيكون علي غرار نموذج السوداني الجمهوري!!
الكلام ده ما بحب الوكو كتير، لانو بعمل بلبلة، ولذا في الوكت الحالي بكتفي بي خطاب قومي، بالمعني الغربي للمفردة طبعا، باعتبار هذا لغة العصر، وبالذات المثقفاتية بتاعننا، الله لاغزا فيهم بركة، قول امين!
امغت المثغفاتي في روحي او لي روحي، لله في الله!
افة السودان هم متعلميه حقيقة!
او دخري السودان، هم غمار الناس العاديين، او بالذات "الاميين"، من حيث المركوز الثقافي علي مستوي اللاشعور!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
العزيز عبدالمنعم الطيب الحسن مشتاقين، فيا مراحب.
اتفق معاك تماما، مهدي ومنقذ السودان هم الغبش من غمار الناس زي الراحل العزيز، ولا رجاء اطلاقا في متعلميه، او بالذات الرموز تحديدا، كان معارضة كان نظام!
مع انو تاريخيا مرجعيتنا تتطلب دور اساسي لي قائد ملهم!
اذن فساد وضعف قادتنا حتي في المعارضة، خير لانو ده، وللمرة الاولي حينمي ويقوي دور الناخب او دورو الرقابي الغيبتو الطائفية تحديدا، ثم ديماغوغيي اليسار الستاليني القديم.
واضح للكل السياسة في السودان في المستقبل حتتغير تغيير جذري، لانو الناس فتحت تب، من الشافو من تتر نظام القتلة، بالذات فساد زمتم واستخدامم البشع للعاطفة الدينية للناس، من اجل الخم الرسالي والهبر السماوي في وضح النهار!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
يحي قباني يا مراحب،
انتا زول طيب او علي نياتك اوما عليك بالسياسة البتستمع لي مخلوق زي ده، لعنة الله عليهو.
ده واحد من ذنوجة الاعراب المسكونين بكراهية الذات، وعقلية مثل هذا الجرذ، هي المسؤولة من محارق الابادة للملايين من البسطاء، عامل فيها عربي، هذا "العبد الحبشي" بي لغوة اولياء نغمة وعيو المستلب.
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
| Quote: كانت هذه الفكرة "الرومانسية" تأسرني جدا في الواقع .. فيما مضى أعني .. |
دكتور المشرف، مرحب بيك او مشتاقين،
ماعارف ليه بتفتكر وجود شخصية محددة لكل ثقافة بعينها، فكرة حالمة او رومانسية؟
العكس تماما!
الرومانسية هي نظرتك دي تحديدا لانها مجافية للواقع او ناطة من فوقو!!...
كوننا واعين او مدركين ام لا، لابعاد الشخصية الانتجا التراكم التاريخي لي ثقافتنا، لايغير من حقيقة الوجود المادي لهذه الشخصية الاعتبارية في محيطنا.
كونك لم توفق في العثور علي القاسم المشترك لهذه الشخصية السودانية التاريخية، هذا لاينفي وجود هذه الشخصية، بقدرما يثبت، حالة الودار المتلبسانا جمعيا، كقوم نعاني من ازمة هوية مستفحلة ومتجذرة فينا!
كاسهام من جانبنا بنقول ليك القاسم المشترك بينا كسودانيين، في كلمة واحدة، هو التصوف، فل استوب!!
لايهم لو كنتا محسي ام نويراوي علي الاطلاق!
لايهم لو بنتكلم عن انسان اليوم ام انسان عصر اوزريس منذ عشرات الالاف من السنين!
بصفة عامة العالم كلو ينقسم الي ثقافتين اتنين فقط لاثالث لهما!
نعم ثقافة سودانية اي افريقية، اي ذنجية، وثقافة اخري لاسودانية، بشتركو فيها بقية الاجناس الباقية كلها بما فيهم العرب، وان كانو الساميين بصفة عامة هم نقطة التقاء هاتين الثقافتين، تاريخيا وجغرافيا!
فالاولي بالفهم الغربي مثالية، الجسدا في المنبر ده الراحل العزيز المسلمي اي روحانية، والثانية مادية براغماتية!
ده ما كلام بشاشا وانما كلام ابرز عالم وخبير في عالم اليوم في تاريخ الثقافة السودانية، اي شيخنا او رسولنا ديوب عليه السلام!
فخلينا نتفق كيف اذا بشاشا ماشايف الحاجة الا مامو ديك، فده ما معناهو الحاجة دي مافيشا، بقدرما بشاشا معمش او مطشش او مضهب!!
شلوم!
| |
|
|
|
|
|
|
|
|
|
Re: لماذا، يقتلنا الظمأ في فيافي الاخرين، بح� (Re: Bashasha)
|
تحياتي مر تانية يا كمال
يعني لأنو مقدم البرنامج حسين خوجلي
فمعناها المستمع ليهو يا طيب يا علي نياته
لأنو ينتمي الى الجانب الاخر !
لو لاحظت انا قلت في كلامي أني اختلف معاهو احيانا
و لكن للرجل وجه اخر ادبي انا اهتم به و اعتقد انه من المجودين في ذلك المنحى
و اعتقد فلسفة تقبل الطرف الاخر يمكن تكون صعبه للمتعصبين ...
الفيديو المرفوع هنا يهمني مضمونه ولا ادري ان كنت شاهدته
في اعتقادي حكمك مسبق
علي اي حال انت لك وجهة نظر في التعامل مع الأشياء قد نختلف او نتفق معها
فلا يهم ...
| |
|
|
|
|
|
|
|
|
|
دعواتكم لعضو المنبر العميد يوسف محمد يوسف الذي تمكن منه السرطان وهو في حالة حرجة (Re: Bashasha)
|
أود أن أضيف الآتي ..
أنا منادي كغيري من المنادين بالعودة لذاك التراب الهناك .. ذاك الوطن .. بل وأعتبر ذلك شرطا من شروط التغيير .. فالتغيير لن يحدث وحتى يبدأ انقلاب المسار السوداني للداخل .. ويتم ذلك بالعودة من جهة .. وبوقف الهجرة/الهروب من ناحية اهم .
هذه المعادلة وفي صيغتها البسيطة تبدو مستحيلة وغير واقعية وحالمة ..
فماذا يكون عليه الحال لو اشترطنا بجانب العودة شروطا جديدة كاعادة البعث هذه التي ينادي بها الاخ العزيز بشاشا ؟!!
اعادة بعث لشخصية قديمة لا نتفق عليها كتعبير شامل عن أهل السودان جميعا..
ولم نتفق حول سماتها بعد ..
ولن نتفق حول مكوناتها على الاطلاق !!
ولا نتفق حول جدواها ..
ولا نتفق حول اسباب إنتاجها لهذا الفشل الطويل ..
تبدو لي مثل الرؤى بعضا من الرؤى "المثقفة" المغضوب عليها في كل حين من ذات "المثقفين/تقرأ المثقفاتية" حال تبادلهم للاتهامات العريضة .. وحال تحللهم من الاتهامات العريضة .. وحال بسط صوابيتهم المجيدة على الجميع ..
لا يجب اعفاء الاخ بشاشا من اصالته كمثقف .. ولا يجب إعفاءه من متعلقات هذه التهمة الخطيرة .. فالرجل حاله كحال امثاله, مثقف بامتياز
يا حليلنا نحنا القاعدين ساي !!
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: محمد حيدر المشرف)
|
بشاشا ..
ايها المستمتع ببعض البدائية وبكل التطور المادي .. بشاشا أنت أكلت كل ( الخرائف ) ( جمع خريف عند ( عربنا ) في الوسط ) .. مررت بالشعلقة في رؤةس النخل
والسباحةفي النيل ، والجلوس على الرمال ، والخلوة والفكي ، تحدثت بالرطانة ، ثم بدأت رحلة التحديث التي وصلت قمتها وأنت في البركس ، وكنبات الآداب ، ومقاعد النشاط ..
والإطعام المجاني الذي ظللت مع رفقائك تنظر إليه أنه اقل من المستوى المطلوب .. وناديت مع كل قرنائك بسقوط الحكومة التي تقدم الخدمات المجانية - طبعا بقدر قدرتها -
ومن بعد التخرج خرج من خرج إلى بلاد العالم .. وبقي في البلاد بعض من رفقائك هم الآن يديرون البلاد من اصغر إلى أكبر شئونها ..
سلبوا الناس الخدمات التي كنا ننظر إليها أنها ضعيفة وغير كافية .. يلبوا الناس حرياتهم ، سلبوهم هويتهم ، سلبوهم دينهم ، سلبوهم أخلاقهم .. وابقوا على أجساد بعضهم ليذيقونهم هوان الدنيا
أنت يا بشاشا تعيش الآن آخر دورة في العز .. إما أن يأتيك الأجل هنااك ، وإما أن تعود لتعيش المذلة في بلاد تطن بأهلها خيرا ..
العوض المسلمي ، لم يكن إلا حالة استثنائية ، لم يكن امتدادا لكوش ولا للقرون الوسطى ولا للقرن الماضي ولا غيرها من الماضي أو الحاضر ..
فمثلا أنت يا بشاشا تكره كل ما هو عربي وترى أن كل الشرور أتت مع المفهوم العروبي ، وترى أن الزنوجية هي المخرج ، والعوض المسلمي لا يتفق معك حتى على الحد الأدنى من هذا ..
سبق لي أن كتبت أنا وشلة البركس والعم ساتي أنا وشلة البركس والعم ساتي
وقلت فيه أن العم ساتي يذكرني والدي ، وهذا من الجزيرة وذاك من دنقلا
والآن أنت ترى أن القرية مفضلة أخلاقيا على االمدينة ، وأن الشخص المتعلم تعليما أهليا خير من المتعلم تعليما ( غربيا ) ..
والتعليم هذا الذي تسميه (الغربي ) ، هو الذي أنتجك وأنتجني وأنتج محمود محمد طه .. وأنتج البشير والكوشي جعفر نميري .. وبكري وعبدالرحيم ..
العوض المسلمي ( عربي ) جده الكباشي من الجزيرة ، وأسرة الكباسي ليست كباشية لكنها انتمت للكبابيش بحكم المعايشة .. والعوض المسلمي مسلم معتدل وسطي في كل شئ ،
والعوض عاش في المدينة وتربى فيها ودرس تعليما غربيا .. وأعتقد أنه درس الجامعة في كوريا .. لكنه خرج إلى الدنيا هذا النموذج الذي عرفنا..
وفي الانسانية باختلاف أعراقها واخنلاف أديانها واختلاف ألوانها وثقافاتها وبعيدا عن الحضارات ما قبل الميلاد ، وجدت أمثلة مثل العوض المسلمي
الا رحم الله العوض ..وشكرا للعوض أنه أخرج من بطنك كلاما مثل الذي كتبت فيه بحث وعبرة وأمل في سودان جديد قائم على مكارم الأخلاق
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: ودقاسم)
|
عبدالعزيز عثمان رفيق البركس، ايها الصوفي المعذب مرحب بيك او مشتاقين.
نفسي القا فرصة او نفتح سوا بوست ذكريات البركس والنشاط، عسا ولعلا الاجيال التلتنا تاخد من تجاربنا في الزمن داك شئ!
والله اللعظيم لا ادري كيف اتخرجت من اداب الخرطوم، بل قبلها كيف دخلتها زاتو!
عييييك!
نعم من سنة اولي عالي او من بداية سنة تانية انا كنت حايم ام فكو حقيقة، في المكتبات او الندوات او الاركان!
لحدي ما اتخرجت من مقهي النشاط اقصد اداب الخرطوم، حقيقة لا اذكر كنت عندي غير كراس واحد احد!
البركة في زميلي في الغرفة في البركس في داخلية عطبرة علي الصادق المتحدث الان باسم نظام القتلة!
كنت بقلع منو الكراسات قلع مع الامتحانات، او احنا مدورنها يوماتي في الداخلية، رغم انو السراير لصق!!
شخصياتنا كانت لاجامع بينها قط غير الغرفة!
علي الصادق كان زول Goal Oriented بي لغوة الخواجات بي صورة مخيفة حقيقة، زول عملي شديد خالص بل اكثر من اللازم او ماعندو الشغلة بالسياسة خالص!
بشوف فقط مصلحتو وين او بروح دافر لايكل ولايمل ولايحفل بايها مثاليات اطلاقا!
اهو ده النقيض بالضبط لي شخصية الراحل المسلمي!
هل بتلوم زول زي ده؟
لا ادري!!
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
| Quote: وهي ليس من قبيل الحنين إلى الماضي أو الأحلام المفرطة في الرومانسية ولكنها فرملة مهمة للهاث المر خلف اللاشيئ . |
عمر مصطفي يا الف مرحب،
عليك نور حقيقة!
كلامنا ده عزيزي القارئي ما اجترار لي ذكريات او بكاء رومانسي علي زمن مضي!
اطلاقا لا!
هذه دعوة لبعث المركوز فينا كسودانيين، الاندفن بي ريح قمامة القيم الوافدة، الدخيلة، الاجنبية!
نعم احنا دلقنا موية النيل العزبة الصافية تلهج في قراعنا "من قرعة"، من اجل رهاب ماكفي اهلو ذات نفسهم!
الوافد ده يا جماعة هو سبب السم الهاري الساري كما السرطان في جسد الشخصية السودانية الاصيلة، العريقة، المترعة روحانية، رحمة او مودة، بلا عنصرية او حتي مجرد استعلاء، لانها مجبولة علي التواضع، الناجم من الايمان المطلق بالحياة الاخري، في مقابل الذهد حد الكفر بالحياة الدنيا!
طبعا مفاهيم كهذه وبحكم وعي الاستلاب احنا فهمونا انها جاتنا مستوردة من يغداد او الرباط، او بلاد الهند وماشابه، والعكس هو الصيح يا اعزائي!
هذه بضاعتكم انتم، وحدكم، لاشريك لكم، طافت اركان العالم، الذي اسستوهو انتم ياسودانيين او بنيتوهو بويت في بويت!
المؤسف لما نتكلم كده الغالبية بتكش!!
نعم بترجع الطرادة للكمساري بشاشا او بقومو فارين من الدفار عاضين العراقي، ما مصدقين مثل هذا الهراء!
نعم هم دايرين كلام زي ده يجي من افواههم، هم!
هم ديل منم؟
قطعا اولياء نغمة وعينا المستلب!
كان عرب كان خواجات!
شئ مؤلم، مؤسف او خطر للغاية، ياكد اننا سنظل كما الميت بين يدي غاسلي وعينا للاسف، لندور في حلقة مفرغة جهنمية، تغذي نفسها بنفسها، والي الابد!
في المنبر ده براكم شفتو الاحتفاء الطفولي بالخواجة، السويسري اياهو، بواسطة "النوبيين" حصرا، اي القبائل اياها في اقصي الشمال، رغم انو هذا السويسري افني عمرو كجندي في جيش كتشنر الاخر بزعامة الامريكي الالماني النازي جورج رايزنر الذي صاغ المنهج الحالي الذي صاغ بدورو وبخبث العقلية الحالية الجهنمية لينا كسودانيين المسؤولة من الدمار الجنوني الحاصل لينا او لي ارثنا او هويتنا!
لا احد من هؤلاء اطلاقا يذكر افضال رجل في قامة العلامة شيخنا ديوب مثلا، عليه الصلاة والسلام!
ليه؟
لانو في لاشعورم السنغالي ده "فرخ" مثلهم او ما ود "بيضة" او خواجة كما ذاك السويسري معبودم!!
شئ مخجل، مبكي، ومضحك بحق!
...يتبع...
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
Quote: تخلقنا قبل آلاف السنين وتجذرت فينا ملامحنا واصبحنا سودانيون تجمعنا سوداناويتنا التي ليس كمثلها شيئ وتركنا ما لدينا واستبدلنا الذي أدنى بالذي هو خير .
|
نواصل مع العزيز عمر مصطفي،
نعم يا صديقي، نحن اول من خلق رب العزة كبشر مشي علي قدمين، وهكذا امن مؤسسي حضارة اليوم الغربية!
ده بعض السبب في شرعتنا، الاخ تزوج اختو شقيقتو بت امو او ابوهو!
لانو كاول من خلق رب العزة كبشر لو كستا تعرس في الزمن دااااك، حتسوي شنو؟
نعم ده السبب الي اليوم انتا بتعرس بت خالتك تحديدا!
كده امسك اقرب خواجة جنبك او قول ليهو الكلام ده!
انا عملتها كتير او رد فعلهم كان باستمرار "عوع" زي ما بنقول بالرندوق بتاعنا!!!
بعضا من اسرار التكافل الاجتماعي الفريد في ثقافتنا بتعود للخاصية العضوية دي، ولذا عادي بتجد كقاعدة تاريخيا في الارياف واعني هنا دنقلا العلاقة علاقة دم مابين معظم ابناء الحي في القرية!
كقاعدة كلو وراثة في وراثة وهذا يشمل تقريبا كل مناحي حياتنا وهذا تاريخيا طبعا.
وكنتيجة برز للوجود ماعرف بنظام الكاست الكوشي كاساس للبناء الاجتماعي اللي اثرو موجود الي اليوم عندنا ولكن نحن اخر من يعلم بهذا كالكثير جدا من جوانب ثقافتنا المبهمة الغريبة الماعندنا ليها اي تفسير او ادني معرفة، كالختان الفرعوني، مثلا او كيف قري بي اكملا بيوتا خشوما فاتحة من طرف باتجاه الجنوب، او شكل المثلث تحديدا منقوش باشكال مختلفة علي البروش والابواب وماشابه، او كيف في المظاهرات بنقطع اقصان الاشجار الخضراء ياسبحانك او بنحوم بيها، او كيف العريس بقطع جرايد النخل والسيرة بترد البحر!
دي كلها عادات قديمة جدا جدا او من صميم معارفنا او ارثنا الروحي الكوشي تحديدا، ونحن لاندري عنها التكتح!!
قبل ما اواصل فكرك عزيزي القارئي، هل غرضي هنا الفشخرة او البوبار، لما اقول نحن اول من خلق ربنا كبشر؟
الخواجات تحديدا كمثال لما اشتبك معاهم، بقولو لي انتا عيان بتعاني من احساس مفرط بالدونية، عشان to feel good انت بتالف في اساطيرك دي!
لا ابدا ما غرضنا فشخرة او زهو من اي نوع، بقدرما غرضنا تحديدا التشخيص السليم لي حالتنا المرضية، اللتي تستدعي تمحيص وسرد تاريخنا اللي ما انكتب منو ولاسطر واحد الي اليوم!
نعم المدون او مقدم كتاريخ لينا هو المكون الاساسي لي جرعة السم الانجبت وعينا الجزامي الحالي.
طيب لو عرفنا، او قبلها اقتنعنا انو هاجر يا اخوانا هي الولدت اسماعين او مش العكس، قطع شك حيقع لينا هاجر دي ياها خالة الراحل المسلمي، الكانت لها شخصيتا الثقافية المستقلة كسودانية، وهي من صاغت شخصية ابنها اسماعيل وليس العكس، زي ما علي الدوام ابان دقون من اذلام الغزاة بحاولو يفهمونا كيف اسماعيل هو الانجب امو!!
اذن وبما اننا فاقدين للذاكرة الثقافية وبالتالي مارين بي حالة جنون، ولاسترداد وعينا لابد لنا من معرفة تاريخنا كمدخل.
اها ده البخليني اقول القتو عن من نحن ومتي برز السودانيين للوجود في التاريخ مقارنة بمن نتوهم اننا هم، او هم نحن!
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
| Quote: فمثلا أنت يا بشاشا تكره كل ما هو عربي وترى أن كل الشرور أتت مع المفهوم العروبي ، وترى أن الزنوجية هي المخرج ، والعوض المسلمي لا يتفق معك حتى على الحد الأدنى من هذا .. |
ودقاسم ليك وحشة او سعيد بي طلتك.
ياعزيزي بشاشا ماعندو شغلة بالعرب اطلاقا كعرب في بلادم.
شغلة بشاشا هم ذنوجة الاعراب اي امثال بشاشا العاملين عرب.
مش كده او بث وانما بيقطعو رقبة كل سوداني في نظرم ماعربي!!
ياتري ده فات عليك ليه ياود قاسم، شايل هموم الغير، او همك، هم اهلك الببادو بالملايين باسم الدفاع عن العمق العربي، غالبك تشيلو بل ولاحتي حاسي بيهو؟
هل ده صدفة، تسوي بشاشا يكره العرب، وليس امثال بشاشا بكرهو اهلهم؟
بالنسبة للراحل، فهو كوشي ابا عن الف جد، بغض النظر عن وعيو، عن وعيك انتا بهذا ام لا، كرهك او حبك لهذا ام لا علي مستوي الشعور!
هو لو كنا واعين بي حقيقة ذاتيتنا، الملفوظة، المنبوذة، المكروهة، المقبورة، هل ده كان بكون حالنا؟
وقسما لكنا اليوم اكبر قوة في افريقيا والشرق الاوسط قاطبة!
نعم دول العالم الكبري لكانت اليوم 8 بفضلنا بدل 7!
داخل امريكا نفوذنا كان فاق اسرائيل ذات نفسها!
ماعندك ادني فكرة عن التمن الفادح الدفعناه، نقزقز في هواليق الدواعش، او نرعي في غنم ال سعود او حماس، بلا ادني مقابل، دافعين افدح الاثمان!
اها بكرة دي جارين ذات مهمشي السودان كما الخراف لتذبح ككباش فداء لال سعود وعرش ال سعود، وهم يبعثون سنة داعش اقصد داحس والغبرا كالعهد بهم بدو الصحراء، من اول او جديد!
نعم بشاشا لايري غير الشر المطلق الخالص، في هوية الغزاة العرب المفروضة علي رقابنا بحد السيد!
ماذا عنك يا ودقاسم؟
بتستبشر خير، بي هوية الغير المدرعنها ذنوجة السودان، شغل تعري، خجل، او تبري مما تسميه انت "ذنجية"؟
بعدين وين بشاشا قال "الذنجية" مخرج؟
يازول هذا ادب مستلبة اعراب!
مافي اطلاقا في قاموسنا حاجة اسمها "ذنوجة" في مقابل عروبة، عشان نختار واحد في الاتنين كمخرج!
ده كلام او فهم ذنوجة احتلال ثنائي، من امثال المستعبد محمد المكي ابراهيم، بتاعين مدرسة الغابة في مواجهة الصحراء، او شمال عربي في مواجهة جنوب ذنجي!
في عرفنا ده وعي كلونيالي علي قول اخونا الخواض انتشر بطول وعرض القارة في فترة بعينها، بزعامة امثال سنغور في السنغال!
يازول في بلاد السودان اي الذنوج مافي عرب زاتو من اساسو عشان كمان نفاضل او نفاصل مابين الاتنين!
اذا قبلان انك سوداني فانت ذنجي، مع تقديرنا التام، للرعب الذي يعتري ذنوجة السودان من مجرد النطق بهذه المفردة، اللي بي سببا امثال محمد المكي استجارو بي هوية مستعبديهم الاعراب، وهو المهمش لي روحو داخل السودان، حيث لايعترف بوهم عروبة امثالو، حتي ذنوجة الشمال، دع عنك اسيادم!
اذن باختصار شديد البتوهمو روحم كعرب من ذنوجة السودان هم البتكلمو بي صيغة المخرج الذنجي وماشابه!
لغة، "نقرو" ولاسودان، ولا "اثيوبي" معناها واحد احد!
اي انسان اسود البشرة!
لو انتا اسود بالعربي فانت نقرو باللغة البرتقالية، واثيوبي بالاغريقية!
لافرق اطلاقا الا في امخاخ البتعرو من اصلهم، كارهي زواتم!
...يتبع..
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
| Quote: والآن أنت ترى أن القرية مفضلة أخلاقيا على االمدينة ، وأن الشخص المتعلم تعليما أهليا خير من المتعلم تعليما ( غربيا ) .. |
معليش ده فهمك ياود قاسم او قراتك لي كلام بشاشا!
اشرنا للقرية باعتبارا كقاعدة بتكون محتفظة اكثر بالمكون الثقافي السوداني الاصيل مقارنة بالمدينة اللي عادة بتعكس باكثر من القرية التراكم الثقافي للموروث الاجنبي الوافد، لاسباب كتيرة، اولا احتكاك المدينة وسكان المدينة بالخارج، بي صورة اكبر من احتكاك الريف او القرية بالعالم الخارجي!
لذا طبيعي انو الريف او القرية يكون، تكون مجسدة لارثنا الثقافي كسودانيين باكثر من المدينة!
اذن فهم بشاشا هنا، نقدي وموضوعي او مش انطباعي زيك!!
معزتي
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
| Quote: مكان الاختلاف الحقيقي في كونها تعبير حقيقي عن هوية أهل السودان .. |
ود المشرف او تاني حبابك الف:
اذا باعترافك الشخصية التاريخية السودانية القديمة المدفونة في اعماق كل منا علي مستوي اللاشعور، حقيقة، فكيف بعد ده كلو تقول لي، هذه الشخصية لاتعبر عن هوية اهل السودان؟
وماهي هوية اهل السودان ياعزيزي ان لم تكن هذه الشخصية المشار اليها؟
نعم هذه الشخصية في الوكت الحالي، مقبورة علي مستوي الشعور، بمعني هي متوهطة في لاشعور كل منا اي في العقل الباطن لكل منا!
للاسف علي مستوي الوعي اي العقل الظاهر، فالمسيطر هي الهوية الوافدة، الاجنبية، الدخيلة، هوية الغزاة العرب، وتحديدا ذهنية الدواعش!
الخلط دايما في الحتة دي باستمرار!
اي التفريق مابين الوعي الباطن اي اللاشعور، والوعي الظاهر اي مستوي الشعور!
اللاوعي هو الاساس لاي شخصية ثقافية اعتبارية علي مستوي الافراد والجماعات.
اللاشعور سلطة امرة ومهيمنة هيمنة مطلقة، وهو الموجه الاساسي لسلوك الفرد بغض النظر عن مايدور بخلد هذا الفرد علي مستوي الشعور، البكون عابر ومؤقت!
بعضنا بالغريزة علي مستوي السلوك والممارسة باستمرار بينج في الAccess لي مخزون اللاشعور، وليس علي مستوي المعرفة النظرية الشعورية!
عشان نوضح الحتة دي خلينا نرجع للطريقة البشتغل بيها جهاز الكمبيوتر:
*الهارد دسك او هارد درايف هو اللاشعور.
*الفلوبي بتاع زمااااان، هو الشعور او العقل الواعي.
اها، الواحد بيعمل access لل hard drive بتاعو عن طريق الfloppy disc!
اها في حالة البني ادم العملية دي في منتهي الصعوبة!
ده السبب الانسان بيلجأ الي استخدام اساليب معينة عشان to access الhard drive بتاعو او اللاوعي!
من هذه الاساليب بالفهم المادي الغربي:
*الصلاة!
*الرقيص مثلا كما في حالة الدرويش في حلقة النوبة، او الفن عموما!
*اها، العرقي مثلا او اي مشروب "روحي"!
صدقوني اجدادنا انتبهو لكل هذا منذ الالاف السنين، ولكن طرحو المعرفة "اللدنية" دي بي صيغة اخري مختلفة!
*نعم حتي مايعرف اليوم بال"يوقا" الطالعة الايام دي موضة، وجدت مرسومة علي جدران معابد اجدادنا، كطريقة مثالية لمخاطبة العقل الباطن بي لغة العلم المادي الغربي العلماني!
بالمناسبة بوذا سيد الاسم الاصلي الحقيقي، بالله تقول من نوبة الجبال لو شفتا صورتو!!
نعم الخواجات جو من بعدهم، وكالعهد بهم شالو "المثاليات" بي فهمم، برة اي العضم، او قدمو اللحمة كما ترون بالصورة الانا قدمتها دي، مبهرة او جاهزة للعضة باعمال الة العقل العلماني المادي الجبار!!
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
سلام الاخ الفاضل بشاشا
الريف السودانى المستقر كان حتى 89 بخير قبل ان تفتك به الانقاذ
سياسة المحليات من رسوم وغيرها وتخبط الساسيات الاقتصادية
وارتفاع تكاليف الانتاج اد ت
الى هلك الزرع والضرع فرحل الريف بكامله الى المدينة
وتحولت القرى الى منازل, مهجوره
الشخصية السودانية المذهلة جيناتها ريفية فى الغرب او فى الشمال
رعويه اوزراعية ،
جاء الريف الى المدينه فجف
النبع واشعل الفساد النار فى التركيبة السودانية
اصبحنا نرى بيسر طلاب داخل السجون بجرائم شيكات
ينام فقيرا ليلا ليصبح صباحا ملياردير
تسرق ايرادات الدول جهارا نهارا ونهتف الله اكبر
الفساد اضاع الحياة الكريمة واضاع تركيبتنا
واضاع جيلا اخر من اولادنا تربوا خارج الوطن
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: عمر دهب)
|
| Quote: هؤلاء الشعراء المتبجحين لم يكونوا يعلمون أن هذا الخلق ليس جينات وراثية وإنما ظرفاً موضوعيّاً لم يكن لهم دورفي صنعه وسبّبه نقص الوعي الاستهلاكي |
تحياتي مرة اخري يا عثمان عبدالقادر،
نعم تركيزنا حقيقة، في ثبر غور هذه الشخصية السودانية التاريخية، مفروض يتركز حصريا علي دراسة التراكم التاريخي لثقافتنا اللتي انجبت هذه الشخصية الفريدة بكل ما تحوي المفردة.
نعم حتي اهلنا الافارقة لاحظو هذه الفرادة في بعض جوانب هذه الشخصية، الملخصا تعبير "ناس طيبين"!
نعم كتير ما بنكنكش في موضوع العرق اللون وماشابه، او بي كده بنطش ضمة من الموضوع الاساسي والا وهو التراكم التاريخي لاسلوب حياتنا اي "الثقافة" وهي "الهوية" الانجبت هذه الشخصية التاريخية بحق وحقيقة!
خد عندك، شكل الدولة اخترعناهو احنا السودانيين حصريا متخطين تشكيلة القبيلة كمرحلة تطور، وهذا ضخم بمعني المفردة لما نضع في الاعتبار كيف العربي في الكويت مثلا لازال عايش الي اليوم في مرحلة القبيلة كمرحلة تطور، حيث الدولة مجرد شكل خارجي مظهري من دون وجود مادي فعلي يذكر لها بنية!
في السودان تدحرجنا سقوطا من علو شاهق، تاني للمرحلة دي، ووهم العروبة ساهم بقدر كبير جدا في بلورة هذا الوعي البدائي المتخلف بحق!
خد عندك:
شكل الدولة عندنا تاريخيا عمرو ما كان قومي او عنصري بي مفاهيم اليوم كما هو الحال في مرجعية الثقافة الغربية، البدوية في جذورا تماما كما الثقافة العربية، وانما كان اممي وتقدمي بي مصطلحات وتعابير اليوم، من دون علم او نشيد او وثيقة جنسية!
دليلنا انو في الدولة الانشا "ابا" في كمت اي مصر منذ اكثر من 5,000 سنة، الدخول ليها ما كان بي جوازات، او تاشيرات من اي نوع، او ضباط هجرة!!
اها في اوربا لما وصولو مرحلة الدولة بي تاثير مباشر مننا، دولتم كانت قاصرة علي المدينة المحددة القامت فيها الدويلة دي، لدرجة لو جيت خاشي من برة، ولو كنتا انجلو ساكسون عيونك خدر زي افراد الدويلة الجيت غايشها زائر، كانو عديل كده بقبضوك او يبيعوك بالكيلو في سوق الرقيق لانك اجنبي!!!
نعم الخواجات كانو بعملو كده لي ناسم هم دع امثال الزينا!
عيييييييك!
صعب كمستلبة ومستعبدين نصدق كلام زي ده عن "الخواجة" سر الله، والانسان الكامل في وعينا المستلب!!
لاحظ الي اليوم لما ندخل ديارم كداري بقبضونا زي الجراد او بختونا في معسكرات مقفولة!
ده برضو تقدم هائل لايقارن بما كانو يفعلونه حتي باهلهم لو جوهم من حتة تانية!
احنا تاريخيا عمرنا ما كان عندنا تصوارت وافد ومقيم او مواطن ومهاجر وماشابه اطلاقا الا مؤخرا جدا وكتاثير اجنبي او محاكاة!
عمرنا لم نبادر بغزو ديار الاخرين لاحتلال اراضيهم سبي نساءهم واسترقاق رجالم كما فعلت دولة الخلافة ذات نفسها الاستعبدت امثالنا، وكما فعلت الكنسية ذات نفسها بحق امثالنا!!
يا سبحانك بحق!
عليك الله يا اب عفان قارن العقلية الخواجية دي بي ذهنية
القال:
وإن جيت ياغريب تلقى الباب فتح ** والفقران يجيك مزمول بي قدح
عندنا "الوافد" ضيف تكرمو باكثر من المقيم معاك جو البيت!
نعم ماعندنا مفهوم "وافد" البلوكو السعوديين بتافف، رغم انف الايات والاحاديث، ارض الحرمين وماشابه!
عصبية السعودي مثلا ضد "الوافدين" اخير منها عصيبة الخواجة "النصراني" بي مفاهيمم هم طبعا!!
مكة لوما مسلم مابتدخلا وهذا عجيب بحق!
ارض الحرمين هذه والكعبة ذات نفسها احنا البنيناها اصلا، ومفردة كعبة لغة لامعني لها باللغة العربية!
نعم لما العربي جانا في ذات ارض الحرمين هذه كلاجي كان وثني وليس بمسلم!
حينها شعارنا كان ياضيفنا العربي لو زرتنا نحن الكوشيين لوجدتنا نحن الضيوف وانت رب المنزل، وهذا ماحدث بالضبط هناك، في كمت في فلسطين في عراق اليوم ايران اليوم، انتهاءا بجنوب افريقيا اليوم!!
اذن صفة الكرم المقترنة بقدرة قادر بالعرب والثقافة العربية علي لسان السوداني، ماهو الا وهم واسطورة كالكثير من جوانب موروثاتنا احنا المنسوبة لهؤلاء وغيرهم شغل الارث السائب الهامل المبهول بعلم السرقة!
ده بعض السبب انك بتشوف قباب اجدادنا منقوشة في شكل هرم في الدولار الامريكي او مرشد ايران ساجي عمتنا ذاتا، او الهندي ساجي ذات طاقيتنا، او البابا حايم بي جلاليبنا!
متاكد الناس حتفكر كلام الطير بتاعي ده شغل شطحي والسلام!!
...يتبع...
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
نواصل مع الصديق اب عفان:
خلينا نرجع لي جدنا "ابا" مؤسس ثاني دولة عرفتها البشرية.
طبعا الدولة الاولي كانت داخل حدود السودان الحالي وان كنا لانعرف عنها الكثير كتلك اللتي اقامها "ابا" في كمت.
لاحظ سبب انشاء هذه الدولة هو الهجوم والغارات المكثفة من الاجانب الاقامو في نواحي الدلتا علي اجدادنا في اسوان الحالية، من اجداد امثال السيسي او عبدالناصر، الاكرمو وفادتم اجدادنا، في اسوان اليوم بدون تميز، او كفيل، او جوازات، او قرين كارد!!!
نعم عاملوهم كمواطنين من الدرجة الاولي مثلهم تماما، بي مفاهيم اليوم وقبل 5,000 سنة من تاريخ اليوم!
اليوم في الاخبار، الشرطة الامريكية اغتالت تاني احد اخوانا دون ادني مبرر، ونحن في الالفية السادسة منذ عصر ابا!!!
في امريكا بالقانون لو كنت اسود البوليس عادي ممكن يرصصك عديل كده، وفقا للدستور!!!
لاحظ في الزمن داك ماكان عندنا بوليص زاتو، عشان يقنص لل"Tamhou" وهذا اسم اجداد الخواجات في الزمن داااك، او تاح يفك فيهو وابل من الرصاص بلا ادني مسوغ، وفقا للقانو والدستور، لانو Tamhou او بالتالي دون، مرتبط في ذهن العسكري الكوشي او النوبي في الزمن داك بالاجرام!
ما كان عندنا بوليس في الزمن داك زي ماهو الحال في قرانا الي اليوم اي قبل 1989م!
نعم لاحوجة لبوليس اصلا، حيث القانون اخلاق حاكمة لسلوك الافراد مش نصوص جوفاء معلقة في الهوا!!
يا الهي!
عشان كده ابو تاريخ الخواجات قال علينا blameless اي خاتين قول، تب!!
ماحصل في الدلتا منذ اكثر من 5,000 سنة انتهي باحتلال السودان زاتو في 1821م، من بعد كمت "مصر" في القرن السابع ق.م، تكرر هذا في حياتنا في نموذج جنوب افريقيا!
الغرض شنو من ده كلو؟
الغرض ان تعرف نفسك، قدرك، قيمتك ياسوداني!
مافي شئ في الكون ده بخليك ترخص روحك للدرجة دي لتتسول، بل تسطو علي هوية، مكتسبات، وانجازات الاخرين، او خيرك،
فضلك، من دون خلق الله، علي خلق الله بل لايقارن زاتو!
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
Quote:
الشخصية السودانية المذهلة جيناتها ريفية فى الغرب او فى الشمال
رعويه اوزراعية ،
جاء الريف الى المدينه فجف
النبع واشعل الفساد النار فى التركيبة السودانية |
تحياتي يا عمر دهب او مرحب بيك،
ما قتا الا الحق.
فالريف هو الاصل، والمدن تكونت من هجرات ابناء وبنات الريف، لي ريف بعينه فاضحي مدينة. حاج يوسف المايقوما مثلا لحدي ما رحلنا ليها سنة 72 من "حلة الدناقلة" بحري، نعم حلة الدناقلة، او كانت اقرب للقرية، سكانا بطاحين مثلا، تحولت بالتدريج الي مدينة.
نعم نظام القتلة الذي اشعل الحروب، عشان يدفع فاتورة حروبو البلهاء، شلع الريف تشليع قاتل مدمر ماساوي، بالذات قريتي او حلتي في دنقلا العجوز، بالضفة الغربية للنيل بي صورة لايتخيلها عقل اطلاقا!
بالذات النسيج الاجتماعي تم تدميرو كاملا يا للهول، لدرجة للاسف كل اسرة النار مولع جواها، محاكم او سجون حتي لافراد الاسرة الواحدة، بي سبب القروش!
حاجة تموخل بحق!
صدقوني قضبي علي هذا النظام بعضا من ابعادو، اللي حصل هناك تحديدا!
والله اكاد لا اصدق اطلاقا البسمعو يومي عن الحاصل لي اهلي هناك، الكانو كما الانبياء في نقاءم، ولكن نظام شيطان الجرة جعل منهم مسخ شيطاني حقيقة!
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
Quote: الغرض ان تعرف نفسك، قدرك، قيمتك ياسوداني!
|
أجمل التحايا والود يا بشاشا .
كنت أعمل في البنك السعودي البريطاني ، هاترني أحد الزملاء السعوديين متلفظا بعبارات جارحة في حق السودانيين !!؟ رددت بمنتهى الجدية وقلت له : الحرية من أعلى القيم الإنسانية والعدل أدنى مراتب الأخلاق فكم تملك منهما !؟ فإن كان رصيدك منهما صفراً وهو بلا أدنى ريب كذلك فأنت تساوي هذا الصفر ولا يغرنك أن صحوت من نومك فوجدت كل ما أنتجته الحضارة البشرية بين يديك !!.
والآن يا بشاشا يا اخي قطع لساني وانهزمت لا أملك أي من مصادر القوة التي يتقاخر بها البشر فيحترمون فلا مال ولا جمال ولا علم ولا أخلاق ولا حرية ولا عدل ولا......ولا ........فقط ظهور رئيسي على أي فضائية يجعلني اشعر بالخزي مطأطئا رأسئ لا يشفع لي الماضي !!!؟
سآتيك لاحقا لوضع معطيات المسألة المطلوب حلها فقد عاتبني أخونا حبيب الله بخيت بالقول أني اكتب بطريقة معقدة أكثر فيها من الإشارات .
أشكرك على ما تفضلت به من توضيح .
أبو حمــــــــــــــــــــــــــد
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: عثمان عبدالقادر)
|
2- | Quote: الفشل كان هو المحصلة الوحيدة لهذه (الارواح القديمة على ضفاف النيل) .. وتبدو فكرة إعادة بعثها وضخها من جديد في عروق الناس .. فكرة فاشلة بدورها في انتاج حضارة انسانية عالية .. (قلت على ضفاف النيل لاننا وبصورة غير واعية نسقط تصوراتنا كمجموعة بشرية تعيش على ضفاف النيل .. نسقط تصوراتنا حول الشخصية السودانية على مجموع أهل السودان .. بل ونتمادي في اسقاطها على عموم اهل أفريقيا |
دكتور المشرف مشكور علي المثابرة،
اتمني ما اكون فهمت كلامك اعلاه خطأ.
ياعزيزي الفشل والنجاح دورات تاريخية محددة حتي علي مستوي حياة الفرد العادي منا.
او ده ياهو كلام مانديلا القال الفشل ما مشكلة طول ما بتقوم من وقعتك، حيث بي كده فشلك بتحول الي asset معليش مابعرف مقابل المفردة دي بالعربي شنو.
نعم اذا قدرتا تثتسمر فشلك، بمعني تتعلم من اخطاءك بشرط انك ما تكررا، فهذا هو تعريف النجاح في قاموس مانديلا الذي لم يياس قط، او فضل كل مرة وقع فيها ينفط التراب من عراقيهو او يواصل مشوارو لمن يصل الميس!
اذن عشان تكون ناجح لازم في الاول تفشل، ولكن بشرط انك تواصل من دون تكرار للخطأ واستنباط لي معرفة جديدة من التجربة الفاشلة!
علي كده حقيقة الزول الانجح هو الفشل باكثر من غيرو وبالتالي لانو غامر او دقش او وظف اخطاؤو ففي الاخر بينجح بالمثابرة او بي كده بيعرف اكثر من غيرو في ذات المجال!
اذن فهمك للنجاح والفشل مخيف شوية، لانك بتحكم علي الحاول مرة او فشل بالاعدام!
البحاول او بنجح من اول مرة، ده هو المنو خوف، لانو نجاحو ده ممكن يكون ضربة حظ، مش كسب، بعد عرق او دفع الفاتورة كاملة!
اما فكرة البعث للروح القديمة، فحتمية تاريخ بي فهم جماعتكم!!!
اما بي فهم مرجعية اجدادنا، فالموت والبعث دورات!
فهم امنو بي فكرة الCycle ايمان عميق، او عشان كده اختارو الشمس كرمز لي عقيدتم، اي عقيدة التوحيد المروية.
طبعا الوهابية شغل اسقاط فاهمين انو الفراعنة كما يطلقون علينا كانو بعبدو الشمس، شغل الفي بالك يبقالك، كعبدة اصنام العجوة اياها!
عييييك!
مش كده او بس، بل اجدادنا وضعو التقويم الحالي، بتاع يناير ديسمبر، وهو تقويم سوداني ابا عن جدا، انطلاقا من الفهم الدوري او الCyclical ده لكل شئ حي تقريبا!
بل مضو بعيدا وحددو تاريخ معين محدد بالسنين لي فترة التيه او الموت المعنوني، روحيا، حيث بنهاية الCycle سيظهر Ausir او بالاغريقي اوزريس الذي سيبعث قومه من هذا الموت.
اها الكلام ده العمرو اكثر من 40,000 سنة، لفحوهو الاخرين مننا، لياخذ في الاديان الارية الثلاث، اليهودية المسيحية الاسلام، شكل عودة المسيح والمهدي وماشابه!!
ده ماموضوع يخوضو فيهو بالصورة دي ولكن مضطرين.
باختصار شديد النقاش الداير هنا ده، اطلاقا ماصدفة!!
احنا ماشين في اتجاه "الصحوة" علي قول الصادق المهدي، من "الكوما" او النومة الاحنا غاتسين فيها دي!!
اها بالرندوق بتاعكم فهذه حركة تاريخ ياحبيب، نعم هي حتمية تاريخية ان تعود لنا، وتبعث هذه الروح القديمة فينا!!
اسمع يادكتور لما نتكلم كده بالرندوق بتاعكم، ما بكون عندي مشكلة، لانو التعليقات شايفة بدات عن بشاشا راهب امون الانجذب وماشابه!!!
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
| Quote: الحرية من أعلى القيم الإنسانية والعدل أدنى مراتب الأخلاق فكم تملك منهما !؟ |
العزيز عثمان تحياتي،
اها كلامك الفوق ده لخبتني شوية!
غايتو من جانبي، الفاهمو انو مفهوم الحرية بي صورتو الحالية، حقيقة من اسهامات الحضارة الغربية المعتبرة، او بالتالي فهم جديد علي مرجعيتنا الصوفية، الغيبية، المثالية، بي فهم الخواجات، اللي فعلا اساسا التسليم المطلق لي قوة وطاقة روحية لها الهيمنة المطلقة علي اقدار الافراد، اللي ما بي يدهم شئ اماما.
بناءا عليه العدل كان مفهوم مركزي ومنتشر بي كثافة في ادبيات عصر اهرامات الجيزة.
الي اليوم النزعة المبهمة دي مركوزة في اعماق الشخصية السودانية التاريخية.
هذا يوضح الانطباع العبرو عنو بعض الغربيين عن النوبيين الحاليين كناس صريحين شديد، حد الجلافة زي ما تقول، او احنا ناس ماعندنا "دبلوماسية" مقارنة بي انسان المهد الشمالي، الحاذق في اظهار خلاف مايبطن بي صورة غريزية طبيعية، وهو براغماتي بي طبعوو المادي العملي مقارنة بي مثاليتنا بي كلا مم هم طبعا.
ده ربما كان السبب عن انطباع بعض العرب عن قلب السوداني "الابيض"!
ايوا ابيض!
ختيت بالك؟
عييييك!
نعم لو خير او ايجابي لازم يكون ابيض!!
ده السبب اللي خلا انطباع عام عن اجدادنا، بانهم كانو اعدل الناس، وهذا مرتبط ارتباط لصيق بي هاجس النجاة في اليوم الاخر كفكرة محورية مركزية كانت هي المحرك الاساسي المتحكم في سلوك الافراد، نعم في الزمن داااااك، اي قبل الاف السنين!
فمفهوم الحرية بي صيغتو الحالية، في تقديري علماني بي معني عقلاني اي مادي.
لاحظ انا باستمرار برجع ورا شديد بحثا عن مرجعيتنا الثقافية في منابعا الصافية الخالية من اي اثر اجنبي او خارجي، عشان ابعد من مفاهيمنا الحالية الملوثة تماما، النجمت عن وعي الاستلاب، اللي قوامو مرجعية المهد الشمالي اي الاري اللي تراكم علي مدي ال2,000 سنة الماضية، وبالتالي الان بشكل قوة خارقة بحق، ساحقة ماحقة، علي طريقة تفكير بشرية اليوم بغض النظر!
لو ملاحظ عزيزي القارئ الكلام ده كلو قبل اختنا هاجر ماتتوحم بي اسماعيل، دع عنك المرتد ابن ابي السرح يكون هو الدخلك او جاب ليك الاسلام باللالف واللام!!
لازم كسودانيين نفهم الكلام ده كده، باعتبارا الحقيقة التاريخية المجردة لوعايزين نعرف من نحن او نطلع من "الغيبوبة الاحنا عايشين فيها دي!
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
Quote: اعادة بعث لشخصية قديمة لا نتفق عليها كتعبير شامل عن أهل السودان جميعا..
ولم نتفق حول سماتها بعد ..
ولن نتفق حول مكوناتها على الاطلاق !!
ولا نتفق حول جدواها ..
ولا نتفق حول اسباب إنتاجها لهذا الفشل الطويل .. |
نواصل مع الصديق دكتور حيدر،
ياعزيزي خلينا نتفق ان الشخصية الحالية الرسمية، الممسوخة، علي مستوي جهاز الدولة والوعي الجماعي الماثل، شخصية وافدة واجنبية ولاتشبهنا اطلاقا في شئ.
نعم الشخصية السودانية الحالية، هي نتاج التراكم التاريخي لي تهينا الحالي علي مدي قرابة ال700 سنة الماضية، البتمثل القاع فقط مش البداية بالمناسبة!
بداية انحدارنا الحالي كان في القرن ال7 ق.م بعد هزيمة ترهاقا او فقدنا لي كمت "مصر" ابنتنا الكبري، ليبدأ مشوار الزحف علي السودان الحالي، في القرن ال7 تاني ولكن بعد الميلاد!
تحديدا قرون العبودية البتمثل اخدود دامي في اعماق كل منا هي المكون النفسي الاساسي للشخصية السودانية الماثلة، الشائهة، المشوهة، اللتي صاغتها الخلافة الاسلامية ياللهول المعروفة بالتركية مجازا، البجسدا امثال الطيب مصطفي وابن اختوالقشير اصدق تجسيد!
تذكر الولد خال!
اذا اتفقنا علي التشخيص السليم يا دكتور لي حالتنا المرضية، فالعلاج بكون اسهل.
فالشخصية السودانية التاريخية اي الاصلية، تبلورت مش تكونت في عصر الاهرامات اي اقلاه قبل 5,000 سنة!
مافي زول عارف علي وجه اليقين متي بنيت هذه الاهرامات حقيقة، وهذه ال5,000 سنة مرتبطة بي تاريخ بروز الاسرة الاولي باكثر من اي شي اخر!
اذا متفق معاي حتي الان، فمن السهل جدا نصل للمكونات الاساسية لهذه الشخصية السودانية التاريخية البتمثل القاسم المشترك لكل الجنس الاسود، او مش فقط سكان جمهورية السودان الحالية!
نعم في غاية البساطة وعكس مافي بالك من تصورات.
ياخي انتا لحقتا نسيت كيف كلنا سودانيين؟
شقيش ماقبلتا في الكون الفسيح ده العالم بينظر لامثالنا كمجموعة بشرية واحدة، وبالتالي ثقافة واحدة!
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
شئ مخجل، محزن لواكة هذه المفردة، المصطلح، الوافد، الدخيل، طج، طرج، زي اللبان، دون اي ادراك موضوعي، نقدي، عقلي، بي لغوة الخواجات، لهذا الطرح، اللي ماعندو اي معني علي الاطلاق، خارج نطاق المرجعية الانجبت هذا الطرح، علي الاطلاق، كقاعدة!
نعم وككل المفاهيم الغربية، الخواجية، لامعة البريق القاشرين بيها تنابلة الخواجات هؤلاء، شغل شوفوني، الدالة علي ان "مورجغها" مثقفاتي!!
قنا ادني ادراك موضوعي، نقدي، لانو الشرط الاساسي البستوجب هذا المستوي من الادراك النقدي لاي ظاهرة او طرح اجنبي ما متوفر كقاعدة لدي هؤلاء علي الاطلاق!
قد تسال، ماهو المعيار؟
يتبع......
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
المعيار حد ادني من الوعي بالذات الثقافية للفرد، وهذا غير متوفر الي اليوم في ايا من رموز الستينات والسبعينات، من امثال د.منصور خالد، والنقروفوبك ع.ع.ابراهيم او صديقو د.بولا، او فردتو حسن موسي وماشابه من مجندي لواء مكدونالد الجديد.
من سخرية الاقدار حقيقة، وصمة عار كالنقروفوبك ع.ع.ابراهيم اليسار الجلابي يا للعار لازال يحتفل بامثال هذا المسخ المشوه بحق وحقيقة!
حاجة تفقع المرارة حقيقة ان يحتفي هذا اليسار الجهوي، بهذا المسخ، في ذات الوكت اللي هو بمثل بي جثة وعي امثال الطيب مصطفي!!
ولكن كيف ما كنتم ياجلابة، كانو رموزكم المسؤولين باكثر من جوغة الترابي من محارق الابادة للاسف!
اذن باختصار شديد، اذا واحد زي النازي، النقروفوبك، ع.ع.ابراهيم، داعية الشريعة العامل ماركسي، لايدري زاتو، من هو، فمن اين لامثاله تناول مايسمي ب"الحداثة" من منطلق ارضية وعي بالذات الثقافية السودانية، الصلبة؟
زول، مضهب، مودر ضمة، من اين له يفهم او بي صورة نقدية موضوعية، المعروض عليهو من معلبات الاطروحات الوافدة والمستوردة؟
قطع شك كما واضح من فهمو لي شريعة الثقافة العربية، وبما انو مستعبد، يعاني من مركب نقص، مركب، حيسيل لعابو لاي شئ عربي او غربي بغض النظر كقاعدة!
ده السبب هو ماركسي لينيني كما يتوهم او داعية شريعة في ان معا!
خلونا نرجع لي كلام رئيس وزراء نظام السيدين، المعروف في قاموس الجلابة من امثال بشاشا ب"الديمقراطية" المحجوب الجابو منصور خالد:
يتبع......
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
| Quote: انكر المحجوب الحضارة النوبية وتذكرها فقط كاثار ولم يتطرق الى اختراع اللغة النوبية منذ زمن قديم وعلق على اشارة المحجوب للحضارة النوبية بانها وثنية |
قرقرقرقر!
اعلاه كلام محمد احمد المحجوب، رئيس الوزراء عن الحضارة السودانية، اللي بفتكرا وثنية!!!
راجع:Re: مؤتمر عن الهوية السودانية فى الشارقةRe: مؤتمر عن الهوية السودانية فى الشارقة
معقولة مخلوق، وهو رئيس الوزراء ظاتو، ده سقف وعيو بي زاتيتو الثقافية السودانية، يكون في وضع يؤهلو للتعاطي او بي صورة نقدية موضوعية بي لغة الخواجات، المعروض امامو من معلبات افكار واطروحات-وصلت بلدو سلفا منتهية الصلاحية؟
قطعا لا!
لامعني اطلاقا، كقاعدة، للحداثة او العلمانية او البلوريتاريا، او الجدل، او الفرز الطبقي، بالصورة الخام، المقدمة بي ضبانتا دي، الان في سودان وعي الاستلاب، خارج نطاق حدود الثقافة الانجبت المفاهيم دي لحل مشاكل مجتمعا هي!
عشان اثبت كلامي ده، حاواصل عرض كلام د.منصور خالد، ابرز ضباط صف لواء مكدونالد الجديد، في السودان:
يتبع......
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
ذنوجة الاستلاب الثنائي، الشرقي الغربي، شغل اعجاب، انبهار كالعادة، او قشر، بخمو البلاوي دي كلها من ديار هكس باشا او علاء باشا او بجو يفكوها فينا دون ادني المام "نقدي" من اي نوع، لو بي حاجاتنا ولاخموم او خبوب الثنائي الطروب، هكس و علاء!
اذن لامعني اطلاقا لي مفهوم التنوع في مرجعية ثقافتنا، حتي من منظور "ابستمولجي" اي منظور نظرية معرفة بي رندوق الخواجات كمدخل!
نعم من الاساس المشكلة الاستوجبت طرح الحداثة في ثقافة هكس باشا كحل، احنا يا خلق ماعندنا، دع عنك ما بعد الحداثة!!!
دي مصيبة وين يا اخوانا!!
العالم دي بتروح ناجرة المشاكل نجر، او من "العدم" عشان يمررو بيها الحلول المستوردة لي مشكلة اصلا لاوجود لها في مرجعية ثقافتنا!!
ده ذات مصيبة الصراع الطبقي المتخيل، الناجم عن تكوين طبقي متخيل بدورو او منجور نجر، شغل اعجاب او قشر!
اها شفتو كيف مثقفاتية الجلابة مستعدين يجيبو منشار الخشب عشان يقطعو بيهو اطراف، او اصابع الكرعين، عشان كرعين الجن تلفق مع الكبك المستورد من باريس؟
امنتو بامون!!
يتبع......
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
ماعايز اضيع وقتك بالخوض في موضوع تاريخ مفهوم الحداثة في الثقافة الغربية او بي كده نطلع برة موضوعنا الاساسي حبيبينا القارئ.
ولكن باختصار شديد، هناك بعد ثالث دايما خفي للصراع بين اي مجموعتين داخل مجتمع الثقافة الغربية، كما وتر المثلث القائم الزاوية.
هذا البعد الثالث هو الوتر في (المثلث الكوشي الشهير)، البمثل مربعي الضلعين الاخرين داخل مكونات هذه الثقافة، الا وهو الصراع التاريخي الخفي الغير مرئي مابين الاقلية اليهودية والاغلبية الكاثوليكية تحديدا.
فمفهوم وطرح الحداثة وما بعد الحداثة، كالكثير جدا من جوانب الظواهر والاطروحات الفكرية "شكلا" في مرجعية الثقافة الغربية تحديدا، ماهو الاتعبير وانعكاس للصراع ده سوي مباشرة او بي صورة غير مباشرة، كما مجسد ايضا في مفهوم الاستنارة من قبل، ثم الماسونية، فالماركسية، العلمانية، ثم حركة الحقوق المدنية في امريكا، والان الارهاب!
كمثال الان نجد الحرب الماثلة امامنا ضد مايسمي بالارهاب والاسلام وماشابه، اللي لاعلاقة لها حقيقة بالارهاب زي مافاهميين وان كان هذا واقع الان!
ده سر الحربين الاهليتين في اوربا المعروفة بالحرب العالمية الاولي والثانية!
اذن الموضوع ده كبير جدا او مشربك لابعد حد، ولكن ناس قريعتي راحت ديل من ذنوجة الجلابة الكانو ملمومين في الشارقة ما جايبين خبر زاتو ولافاهمين الحاصل، طرش بس، في الزفة، رغم موقفم المضحك من اسرائيل شغل خادم الفكي علاء باشا!
هذا بعد غير مطروح اطلاقا في ترهات القادننا بي عاش كفاح الطبقة العاملة، الحداثة، الاستنارة، والتنوع وماشابه شغل ببغاوات، وماهم الا ادوات، كما اسلافهم في جيش كتشنر، وتحديدا لواء مكدونالد الحسم معركة امدرمان، ليعاد احتلال السودان بفضل عطاء سودانيين، تم استخدامم شر استخدام ضد اهلهم ووطنهم!
البعد الثالث الغير مطروق خالص، في نكتة مايسمي بالحداثة، متصل اتصال وثيق بي الية عمل العقل الغربي بصفة عامة، البميل الي تفتيت الظاهرة موضوع الملاحظة الي اجزاء لانهائية، عكس الية عمل العقل السوداني تماما، الموحد، والبميل بطبعو الي جمع المفتت اولا قبل تناولو بالدراسة!
اذن بالفهم ده، مفهوم التعدد بعيد عن اطروحات ما بعد الحداثة، اصل من اصول الية عمل العقل الغربي، عكس طبيعة عقلنا الموحد بطبعه او بي صورة الية!
طيب خلونا ننزل المفاهيم دي المجردة علي واقعنا او نشوف ياتو في الاتنين بحلو مشاكلنا او ياتو فيهم بعيد انتاج المشكلة من اول او جديد.
يتبع......
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
نعم مرجعية ثقافتنا تاريخيا اطلاقا ماعرفت مثل هذا التقسيم الغريب والوافد للسودانيين علي اساس العرق، حيث كنا وعبر التاريخ شعب واحد، وثقافة واحدة!
عفوا ماقاصد اتكلم بالصيغة دي من منطلق مرجعية ثقافة غربية، بتاعة القومية علي طريقة حزب البعث او الحزب الناصري وما شابه بقدرما حاولتا اعبر عن حقائق تاريخ مجردة تثبت اننا باستمرار كنا بننظر لي بعض كمجموعة بشرية واحدة، دون حدود، حواجب، تاشيرة دخول او اوراق ثبوت حتي للاجانب بمعني المفردة!
اوربا الي هذا التاريخ ماقدرت تنجز مشروع الدولة الواحدة القومية دع عنك الاممية بي فهمم لكل الاوربيين دع عنك غير الاوربيين لو جو خاشين اوربا، البطبلوهم كما البهائم في معسكرات شبيهة بي معسكرت النازية الشهيرة في تاريخم، بينما نحن علي العكس عمرنا ما عرفنا مفهوم الدولة الخاصة بقومية او جتس بعينه اطلاقا، بل ما كان حدود زاتو، او عشان كده الخواجات جو قاطعين البحر الابيض ده بذات الطريقة الماثلة كلاجئين في منطقة الدلتا الحالية من دون ما حد يسالم زاتو انتو منو او جايين هنا ليه، او يلا فحطو!
كنتيجة هم من بعد الاستقرار في الدلتا بداو يغيرو علي اهلنا في اسوان الحالية وهذا ما ادي لي بروز الدولة الكمتية اي المصرية اللي استشهد مؤسسا السوداني وهو ينافح عن اهلو في اسوان الحالية!
خلفاهو لم يلجاو الي ترحيل هؤلاء الاجانب العجيبين او عزلهم، او التمييز ضدهم من منطلق عنصري قومي او ديني!!
تقول لي حداثة اوتعدد او كرور؟
ثق تماما الرافعين رايات التعدد ديل كقاعدة منطلقم الاساسي هو الحفاظ علي وهم العروبة، ومن ثم النقاء العرقي المتوهم، ا بي كده يسهم مفهوم التعدد "الحداثني" الكارثي، الوافد والغريب، في تذكية روح التعالي بل الفصل الاستعلائي النازي المعشعش في دواخل الجلابة من امثال بشاشا!
نعم يعني الاحنا الانجزناه منذ اكثر من 5,000 سنة اوربا لي روحا هي، او لي بيضا هي، ما قادرة تنجز ولا مثقال ذرة من الانجزناهو احنا منذ الاف السنين ياخلق!!
فقط تاملو عالم اليوم والنيران المولعة في اركانو كنتيجة مباشرة لي مفهوم لي حداثة الجن دي البرزت للوجود في عصر الزحف الاستعماري وهي المؤولة كما او ضحنا من ميلاد الحركة النازية يا للهول!
حولا ولا قوة ياخي!
يا حليلكم يا عيث السودان، المتو من العطش!
يتبع......
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
ثقافتنا في جذورا، بالفهم الغربي، مثالية، اي روحانية، اساسا التصوف المعروف ده، ما بتعرف حاجة اسمها جنس او عرق او قومية او وطنية او نشيد او علم، اطلاقا!!
تامل فقط نموذج انسان جبال النوبة، صمودو العذب، انسانيتو المترعة روحانيتو البتشهق، رغم اهوال القرون من اقرب الاقربين، كاصدق تجلي للشخصية السودانية التاريخية المعنية، اليوم والان مش في كتب التاريخ، ثم قارن هذه الشخصية العريقة في التاريخ سليلة "العانو" قوم "اوثر" او اوزيس، و رد فعلها الرصين في مواجهة الاهوال، القهر، المحارق، من بعد العبودية، بي شخصية داعشي الثقافة العربية، اللي باسم الظلم والقهر، ومن منطلق وعي قومي عنصري نازي، معبأ في اقنية زجاجية مكتوب عليها دين او اسلام، بسوو في فعائلم العجيبة دي بحق بشر زيهم ابرياء في القرن ال 65 بي تقويم ابن الجبال او ال21 بي تقويم الشمال اي الغرب!!
اذن دعوتنا للعودة للجذور لاتعني السير بالكرعين لي بقعة معينة بعيدة اسمها الجذور، مقموتة في بستلة، نشيل منها حبة عند اللزوم!
ابدا!
هي دعوة للتخلص من وعينا الاستلابي الحالي، لانو البديل سلفا مركوز في اللاشعور داخل كل منا، كما جسده ابن الجبال في سلوكو اليومي، البتنفسو كما الهواء، او بي كده نعالج كل امراضنا بي صورة الية ميكانيكة وبتلقائية!
الفيروسات الوافدة دي يتاعة حداثة، شريعة او ما شابه، هي سبب مرضنا!
خلونا نغسل جسد ثقافتنا او نطهرو من فيروسات وعي الاستلاب الوافد، كان عربي كان غربي!
كان شريعة ولاحداثة!
زي ماقال بامسيكا، الراسو بوجعو كنتيجة لي مرض الايدز الناجم عن فقدان المناعة، اي الهوية، ليه مصرين تربطو ليهو كرعيهو كعلاج ياناس دكتور منصور؟
ده ماعمل بتم بين يوم او ليلة، نعلم هذا!
اذن المدخل للحل اننا نديها صنة في الاول، ثم نبطل اللهث خلف المصطلحات، المفاهيم والافكار البراقة، الوافدة، الاجنبية، لبعث خلاصة التراكم التاريخي للمركوز داخل كل منا!
بعد كده او مش قبل كده، ممكن نقتبس من الاخرين البنفع معانا بعد تمحيص بما يتناسب واحتياجاتنا، ووفق مرجعية ثقافتنا نحن!
اذكر وانا صبي امي عليها الرحمة اصرت تجيب شتلة من نخلة الدفيق بتاعا عجبا شديد.
اها شلت المنجل او مشيت راكب الدحشة ايها، بعد تعب او بهدلة قلعت الشتلة من دون معرفة، بي طريقة خطأ او في وكت غلط، حفرتا لي حفرة برضو بي طريقة غلط، شتلت الشتلة، كبستها موية، واذا بها الشتلة في الاخر ماتت!
ليه؟
لانو الشغلة عايزة معرفة محددة من زول مدرب علي الحاجة دي!
الاقتباس من تجارب الاخرين بيحتاج لي ناس بمؤهلات محددة، مش عنقالة زي الصبي بشاشا داك، او امثال العار النقروفوبك ع.ع.ابراهيم وماشابه من بضاعة وعي الاستلاب.
يتبع......
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
من حيث السياسة احنا محتاجين لي دولة سودانية 100x100، لاغربية ولاشرقية، تتقمص شخصية فطومة في الغرب، ملوال في الجنوب، ادروب في الشرق، محمد احمد في الشمال والتاية في الوسط.
اكرر ما دايريين اطلاقا شخصية السوداني الحداثي من امثال بشاشا وبالذات نموذج منصور خالد تحديدا الاكثر تغرب بشهادة رموز نظامو المايوي الكانو بسمو المنطلون كزي غربي "منصور خالد"!!
واضح جدا للكل هنا علي مستوي الدولة وفي المجال السياسي اننا اطلاقا لاندعو الي بديل كوشي حسب منطوق خطابنا المنشور في الاسافير، والفرق هنا، والا لكونا حزب او انضمينا لي واحد او شلنا السلاح!
ليه؟
لانو الدولة بلورة وانعكاس لي واقع بعينه موجود سلفا، مش كما فهم الترابي الدولة باعتبارها عصاة موسي، البلعت طرحو بلع ثم فجرت المجتمع بالاسهال الجا صابي سيل علي رؤس البسطاء من مؤخرة دويلة المشروع كما قنابل هيروشما الذرية!
كنتيجة اسهال دويلة المشروع تسبب في انتشار وباء الفساد الذي دمر ماتبقي من ملامح الشخصية السودانية التاريخية، رغم انف ورجغة النصوص، في الرادي في التلفزيون في المسرح في الشارع وهي تنطلق من مكرفونات الماذن الملت الحلال زعيق، صم اذنا!
اي عاقل لازم يتعظ بما فعلته السياسة وجهاز الدولة بالمشروع الاستلابي بتاع ناس الترابي!
نعم بما فعله مشروع البعث بالعراق والان سوريا، ليبيا، مصر، والان جنوب السودان!!
ما ندعو له، لاعلاقة له بشكل الدولة او حتي السياسة مهما بدي كذلك للمتلقي!
دعوتنا هذه لبعث الوعي الكوشي، للافراد، اكرر للافراد، او تالت للافراد، نؤكد انها تعبر عن حركة تاريخ بالفهم الغربي، جبرية، تمهد لحركة وعي ثقافي في المستوي الاجتماعي تنتهي بثورة روحية في القرون القادمة باذنه امون!
نعم احنا غرضنا في المحصلة النهائية ثورة بعث روحي خالص لانو ده خلاصة طرح مرجعيتنا الثقافية، رغم استخدامنا لي خطاب القومية غصبا عننا باعتباره اللغة المتداولة الما بفهمو المخاطبين غيرا!
يتبع......
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
اذن باختصار مرة اخري ندعو الي دولة سودانية 100% مش بي فهم امثال بشاشا، وانما بي فهم الفرد العادي الاشعث الاغبر في ارياف السودان البعيدة كل البعد عن المدن وكل ماهو وعي "حداثي"!
ليه؟
لانو في شدرة النمازج المشار اليها اعلاه عندنا فرصة نلقط ماتبقي من ثمار نموذج الشخصية السودانية التاريخية علي مستوي الممارسة اكرر الممارسة او تاني الممارسة، لا التنظير المشار اليها في نموذج الراحل المسلمي علي مستوي المنبر!
لو ملاحظين كررت كلمة ممارسة، بغضا وكراهية لله، في الله، لي افة تنظير المثقفاتية، حريقة تحرق المثقفاتية ياخي!
يا اعزائي الاساس في مرجعية ثقافاتنا كان الممارسة، نعم السلوك، وليس التنظير، الفطير يا اعزائي!
ده السبب اجدادنا الاخترعو الكتابة واللغة بي مطلقا كاداة اتصال، للمرة الاولي في تاريخ البشر علي سطح هذا الكوكب، "حرمو" الكتابة بي لغوة الوهابية، تحريم قاطع، اي التنظير والسفسطة الفارغة - اي كاداة اتصال جماهيرية بي مفاهيم اليوم، في كل ما اتصل بي موضوع التريية الروحية للافراد، الكانت خاصة جدا، لاجماهيرية!
يا الهي!
يا الله، يا كريم تاخد بيدنا باتجاه المحمول علي اعناقنا من مياه عذبة، صافية، واحنا مدفوعين بالعطش نمشي نكوس للموية في فيافي الاخرين، نسوي شريعة او حداثة!!!
ياسبحانه!
يتبع......
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
عزيزي القارئ، اعلاه انا ذكرت مفردة "سفسطة".
هذا المصطلح يطلق علي حيرانا من قدماء الخواجات، القامو هاجين بي تعاليم اجدادنا الروحية، شغل قشر في زمنم، يورجغو بي كلام مافاهمين منو التكتح، سموهو The Mystery System، تماما زي ذنوجتنا الكانو ملمومين في الخليج من يومين، تحديدا في الامارات، يسوي الحداثة!!!
ابو التاريخ بتاع الخواجات، اسمو هيرودتس، تحريم احدادنا للكتابة، شطب راسو تماما!!
الوحيد من الاسماء المعروفة من تلاميذنا في الزمن داك الاتفّهم المسائل دي كان الاسمو فيثاغورث!
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
بناءا عليه يا دكتور منصور خالد، الحل مافي مفهوم التنوع، اللي اساسا قام عليهو بناء السودان "القديم" اي المصري، اي (الهكسوس)، الانجليزي، اي (اولاد البحر) بي لغة اجدادنا!
نعم هكذا اصبح امثالك وامثال بشاشا عرب ومسلمين شماليين، وامثال قرنق، ذنوج، مسيحيين، جنوبيين!
ده طرح وفهم وافد ومدمر.
اعادة انتاج هذا الفهم تحت مظلة مفهوم "الحداثة" وفق طرح امثالك، سيعيد انتاج المحارق من جديد!
الحل للمرة الالف، ينبغي استنباطو من شخصية السوداني التاريخية، كمرجعية في كل شئ.
اكرر ماعايزين نموذج بشاشا اطلاقا المنظراتي مهما كان كلامو جميل جديد او مختلف!
ابدا!
دايرين الشخصية السودانية التاريخية، علي مستوي الممارسة والسلوك، فيما قبل 1989 اقلاه!
ده مامعناه نموذج المحجوب مثلا يختلف عن نموذج الترابي وان كان نموذج المحجوب افضل السيئين واقرب بعد ده للشخضية النموذجية نسبيا قارنة بالترابي.
اكرر الشخصية دي موجودة فقط لدي من يسمون بالاميين مجازا!
نعم انسان السودان العادي الما متعلم، البجسد في سلوكو النموذج الفتحنا عليهو كلنا في اريافنا تحديدا كقاعدة.
لاحظ الفرد العادي بالقريحة، بالغريزة، بالقلب، توصل لذات الاستنتاج سلفا!
هذا واضح في كفرو القاطع بما يسمي بالمعارضة والنظام في ان معا!
صدقوني هذا الشعب معلم بمعني المفردة، ولكن المثقفاتية كالعادة للاسف ما مؤهلين اطلاقا لفهم خطاب هذا الشعب الفريد بحق!
...يتبع...
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
عزيزي القارئ،
تذكر في مرجعية ثقافتنا، الاساس هو القلب وليس العقل كما في الغرب المنظراتي!
ده السبب الخلا منظر النازية ينمط امثالنا من "الذنوج" بي فهمو، ككتلة صماء من العواطف، الخالية من العقل!!
نعم عشان كده البشير جنو رقيص ك"ذنجي"!
نعم حتي المصريين جيرانا، الرقيص عندهم حرفة او مهنة، كما العتالة عندنا، بتقوم بيهو انثي تحديدا بعينها اي واحدة فقط كقاعدة او بقية الحلة تكتفي بالفرجة!!!
عييييك!
عندنا، يازول في دنقلا الشياليين عكس ناس الخرطوم، هم ناس الحلة لي حدها، والفنان او الغناي هو المؤذن احيانا دون حرج او مجرد تفكير، والبرقصن هن اماتنا، خالاتنا اخواتنا او حبوباتنا في مقابل اباءنا او اخوالنا او اعمامنا!!
لافرق اطلاقا مابين متعة تلاوة القران او الغنا او النوبة!!
رجاءا عزيزي القارئ خت بالك لي كلامي ده!
ده ماكلام كتب اطلاقا!
ده الانا او انتا فتحتا عليهو كممارسة عادية في حياتنا كافراد ومجتمع!
المرجعية هنا، والشخصية السودانية التاريخية المقصودة، اتخرجت من الخلوة دي، مش من هارفارد او U.OF.K بتاعة غردون التذكارية!
تقول لي تنوع او حداثة؟
حداثة my foot ياخي!!
نعم طز في الحداثة علي قول الفارسة تراجي يطراها بالخير!!
اه، ياريت نعرف قيمة المحمول علي ظهورنا، ياريت!
قاتل امون-رع عيث وعي الاستلاب هذا!
لاتنوع!
الي الجحيم فليذهب مفهوم التنوع السرطاني هذا!
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
شوفو ياهؤلاء:
احنا من ربنا خلقنا "شعب" واحد، ثقافة واحدة!
يازول البشرية كلها جنس بشري واحد حقيقة في مرجعيتنا نحن!
هكذا امن اجدادنا، لما اخترعو مفهوم الدولة للمرة الاولي علي سطح هذا الكوكب!
الخواجات هم الاخترعو مفهوم التعدد علي اساس العرق، اللون، والجهة، وليس نحن!
شويتين، مفهوم الانسان الكامل بتاع عصر الاهرامات البجسدو تمثال ابو الهول، يا للهول، الخواجات حولوهو لي مفهوم عنصري نازي، جعل من الالماني تحديدا هو الانسان الكامل، فقط لانو الماني تحديدا، من حيث اللون، الشكل الشعر، ثم القبيلة!!
مش لانو الاكثر قيام بالليل، صلاة، والاكثر صيام بالنهار كما فهم اجدادنا منذ عشرات الالاف من السنيين دون تمييز اطلاقا علي اساس العنصر او الدين او القومية!!
ياسلام!
لاحظ اليهود، المجد لهم، يا لهم من ثعالب، تمتطي ضهر الجاموسة الكاثوليكية هولة Arthur de Gobineau تحديدا، هم البدفرو كارو المفاهيم دي من خلف حجاب!
بالفعل حلفاءنا اليهود نجحو نجاح باهر في لجم تور Gobineau هذا، الانجب عجل النازية!
اذن يا احبابي، ذنوجة الاعراب ومجندي لواء مكدونالد، الكانو ملمومين من ايام لدي ستهم اللي لا اذكر اسمها الان في الامارات، واضخ انهم لايفقهون اي من هذا رغم انف عمم الدال (دكتور) الساجين بيهو النافوخ المبستف وعي استلاب!!
| |
|
|
|
|
|
|
|
|
|
Re: دعواتكم لعضو المنبر العميد يوسف محمد يوسف (Re: Bashasha)
|
لو لقيت وكت حاتناول الدور القذر جدا او خبيث القايمة بيهو مدرسة مابعد الحداثة ضدنا، في الحرب الكونية الحالية الدايرة رحاها حول ارث تاريخنا القديم بعامة وبالذات ابنتنا الكبري كمت "مصر"، عشان تامنو مدي خطورة هذه المفاهيم الغربية الوافدة علي وجودنا ذات نفسو كمجموعة بشرية.
| |
|
|
|
|
|
|
| |
Bashasha
Yasir Elsharif
فقيرى جاويش طه
محمد إبراهيم علي
عثمان عبدالقادر
munswor almophtah
سيف النصر محي الدين
Mohamed Adam
تيسير عووضة
بدرالدين بابكر مصطفى
ابو جهينة
عمر عثمان
عثمان رضوان
الفاتح ميرغني
Othman Al-Hasan Babikir
عبدالمنعم الطيب حسن
يحي قباني
محمد حيدر المشرف
صديق مهدى على
nour tawir
عبدالعزيز عثمان
عمر مصطفى مضوي
ودقاسم
فيس بوك
تويتر
انستقرام
يوتيوب
بنتيريست