|
Re: يوم الجمعة المنبر دا بيبقى صِننننننن يا قول خالتي بت العباس، إن شاء الله ال (Re: معاوية المدير)
|
خالتي بت العباس عندها عتوداً ليها ودران، أها، قامت نُصصصت نهار تفتش عليهو في حلآل الباوقة. قالت كدي دخلت العمارنة والوآطة حر، كان رميت الحبة تنقلي، والناس ضاربين الضللة ومقيلين، قدُر ما إتلفتت يمين شمال كان تلقالآ زول كبير صغير مرا راجل تنشدو من خبر عتودا تب عينا ما وقعت في شي متحرّك. أها، قالت كدي غززت كيعانا، وقالت، قااااااادر الله، عاد الليلة العمارنة صِنننننن فوق عِتيدِي !!!.
العمارنة: حِلّة من حلآل الباوقة...
| |
|
|
|
|
|
|
Re: يوم الجمعة المنبر دا بيبقى صِننننننن يا قول خالتي بت العباس، إن شاء الله ال (Re: معاوية المدير)
|
وانت الصادق ايام الاسبوع كلها انا بزوغ من الشغل وعين في المدير ولا المراجع وعين في سودانيزون لاين والصفحات المفتوحة رزم رزم سودانيز و الفيس وبيزات للعقارات وبرنامج الشغل الصفحة الرئيسيه اما لو موبايل ف الانترنت ملح واي فاي مسروق ي خ نحن احسن ناس واكثر ناس بنحب الملح يحكي ان حلاق جاهو زبون فرنسي وبعد ما حلق دفع ثمن الحلاقة الا ان الحلاق رفض اخذ المبلغ وقال انه يحلق = انسانيه = تاني يوم الصباح وهو بفتح الدكان جاتو باقات ورد من الفرنسي ودخل صيني يعمل صائغ فحلق له وما اخدمنو شئ تاني بوم الصبح الصيني رسل ليهو خاتم دهب واتي السوداني فحلق ليهو وما اخد اجرو تاني يوم الحلاق جا الدكان لقي كل امة محمد واقفة سأل في شنو قالو ليه نحن تبع محمد ود التومة جمعة مباركة ود المدير
| |
|
|
|
|
|
|
Re: يوم الجمعة المنبر دا بيبقى صِننننننن يا قول خالتي بت العباس، إن شاء الله ال (Re: معاوية المدير)
|
Quote: وانت الصادق ايام الاسبوع كلها انا بزوغ من الشغل وعين في المدير ولا المراجع وعين في سودانيزون لاين والصفحات المفتوحة رزم رزم سودانيز و الفيس وبيزات للعقارات وبرنامج الشغل الصفحة الرئيسيه اما لو موبايل ف الانترنت ملح واي فاي مسروق ي خ نحن احسن ناس واكثر ناس بنحب الملح يحكي ان حلاق جاهو زبون فرنسي وبعد ما حلق دفع ثمن الحلاقة الا ان الحلاق رفض اخذ المبلغ وقال انه يحلق = انسانيه = تاني يوم الصباح وهو بفتح الدكان جاتو باقات ورد من الفرنسي ودخل صيني يعمل صائغ فحلق له وما اخدمنو شئ تاني بوم الصبح الصيني رسل ليهو خاتم دهب واتي السوداني فحلق ليهو وما اخد اجرو تاني يوم الحلاق جا الدكان لقي كل امة محمد واقفة سأل في شنو قالو ليه نحن تبع محمد ود التومة جمعة مباركة ود المدير |
ههههههههههههههههههههههههه، يا إخلاص الجابرك علي الحقيقة شنو ؟. بعدينك علمانا قالوا، الوآي فآي المسروق دا حرام، كان في زول عندو فتوة معارضة يجيبا لينا بالله، إلا طبارك فهو يدلّس تدليس تسوية...
| |
|
|
|
|
|
|
Re: يوم الجمعة المنبر دا بيبقى صِننننننن يا قول خالتي بت العباس، إن شاء الله ال (Re: معاوية المدير)
|
Quote: مع الواتساب دا يا ود المدير مواصلة أرحام شنو الولادات بقت قيصرية ياخ |
ههههههههههههه،
يا ود الزبير مع الحاصل دا أنا خايف تبقى اوّن لآين.
قبل كم يوم بسمع في اللِذآعة، قال ايه ! بيتكلموا عن الإسمارت تواليت ؟!. تصدق قاليك الشي دا تخُش تقطع الجُمار طوالي يروح فاحص ليك الجُمار ويرسّل النتيجة للدكتور بتاعك !!!. الشي دا قالوا في اليابان، الناس ابِيّن عويناتاً مزربدات ديّل يوم بيكتُلُولُن زول.
شرح الكلمات الصعبة، قطع الجُمّار: واللآ مافي داعي للشرح زاتو...
| |
|
|
|
|
|
|
|