|
Re: يا زول .. انت متأكد ما عندك اسم غير كربشين ن (Re: يحي قباني)
|
1964 يا قبة ؟؟ نحمد الله الزمن داك ........ ولاّ ما في داعي
بس من السياق واضح أنو حاجة كدا بتخوف .... بقرينة ( نص الليل ) حاجة كدا زى مرفعين نص الليل مطر نص الليل
________
غايتو يا أبو الريش قماش كربشين دا يطرشني فيهو أقول قولي هذا وعامل ساتر لكونكم أبناء بنادر وعندكم حاجاااات كدا بتعرفوها براكم
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: عاطف عمر)
|
Quote: 1964 يا قبة ؟؟ نحمد الله الزمن داك ........ ولاّ ما في داعي
بس من السياق واضح أنو حاجة كدا بتخوف .... بقرينة ( نص الليل ) حاجة كدا زى مرفعين نص الليل مطر نص الليل
________
غايتو يا أبو الريش قماش كربشين دا يطرشني فيهو أقول قولي هذا وعامل ساتر لكونكم أبناء بنادر وعندكم حاجاااات كدا بتعرفوها براكم |
الزمن داك مالك يا توفي ؟
حايم في رفاعة و ماسك جلابيتك قدامك ...
كان ما دفناهو سوا ..!!!
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: يحي قباني)
|
ازيك يا قبانى
زى ما قال ليك أخونا أبو الريش
الكربشين فعلا إسم نوع من القماش حاجة قريبة من النايلون او البوليستر
بعدين الإسم بقى يطلق على الجنيات الما ياهن يعنى بالإنجليزى الما شادين حيلن
ههههههههههه
واحد من الشخصيات الحية فى كتاب الإنداية بتاع الطيب محمد الطيب
إسمه الكربشين برضو
شغال فى الإنداية مع الرئيسة
قلت لى الكاراكتير ده سنة كم ؟
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: أبوذر بابكر)
|
سلام كبير يحى والأخوة المتداخلين
الكربشين بالفعل قماش وكان يعتبر من الأقمشة الغالية في القرن المنصرم
والكرب ( بكسر الكاف والراء ) هو أصل القماش ، وأضيف إليه كلمة شين ، وكلمة شين يقال أنها لفتاة تركية عاشت أيام الحكم العثماني أو التركي وكانت فائقة الجمال وتمت تسمية قرية بمصر بإسمها ( البدرشين )
وللشايقية مثل في هذا القماش :
ﻣﺮﻳﺾ ﺍﻟﺸﺒﻌﺎﻧﻴﻦ ﺑﻐﺘﻮﻫﻮ ﺑﻲ ﻛﺮﺑﺸﻴﻦ ﻭ ﻳﻘﻮِّﺗﻮﻫﻮ ﺑﻲ ﻗﻤﺮﺩﻳﻦ ﻭﻣﺮﻳﺾ ﺍﻟﻔﻘﺮﺍﻧﻴﻦ ﻳﻐﺘﻮﻫﻮ ﺑﻲ ﺩﻻﻗﻴﻦ ﻭ ﻳﻘﻮِّﺗﻮﻫﻮ ﺑﻲ ﺣﺘﺔ ﻋﺠﻴﻦ
***
أقمشة كثيرة إندثرتْ أو تكاد مثل الدمورية والوزن عشرة
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: سيف اليزل سعد عمر)
|
دا في الأصل قماش فرنسي كان زمان موجود في السودان ، قماش رقيق وخفيف جداً ، ومخطط خطوط رفيعة ، اسمه الحقيقي الكريب دي شين crêpe de chine لكن أهلنا أكلوا منه حتة وعملوه كربِّشين!!! والله أعلم افتكر المعنى واضح من شكل وصورة صاحبك الجايبه العسكري كان بتحاوم انصاص الليالي وين ما عارف!!!!
تحياتي
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: أيمن محمود)
|
قباني أسأل ناس أم درمان بتاعين الستينات عن الكربّشين كسرة على الكاف والراء ، وتشديد الباء وكسرها وهو قماش اشتهر في تلك الفترة وكان يعتبر غاليا في ذاك الزمن وراقيا جدا ولامعا جدا ... ولينا جدا .. إذن ما بالك لو كان الكربّشين مرتبطا بنص الليل بيكون ناعم الملمس ، طيّعا ، ليّن ...( يموع ) تحت اللمسات الله يهديك يا يحيى .. جبتو من وين كاريكاتير عزالدين دا؟
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: ودقاسم)
|
Quote: قباني أسأل ناس أم درمان بتاعين الستينات عن الكربّشين كسرة على الكاف والراء ، وتشديد الباء وكسرها وهو قماش اشتهر في تلك الفترة وكان يعتبر غاليا في ذاك الزمن وراقيا جدا ولامعا جدا ... ولينا جدا .. إذن ما بالك لو كان الكربّشين مرتبطا بنص الليل بيكون ناعم الملمس ، طيّعا ، ليّن ...( يموع ) تحت اللمسات الله يهديك يا يحيى .. جبتو من وين كاريكاتير عزالدين دا؟ |
هيّا ( يموع ) دي يا ود قاسم ...
جبت ليهم من الآخر ...
اما كاريكاتير عز الدين ... فعندي كتاب كااامل فيهو كاريكاتيرات ( العهد البائد ) حقة الأحزاب ...
نشرت منهم مجموعة قبل سنتين كده ...
لو ليك شوق فيهم ... نرفعهم هنا واحد واحد ...
و هاك عينة
ده عن عمك محمد عبد الجواد و حكاية الأقمار الصناعية
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: dardiri satti)
|
Quote: دا في الأصل قماش فرنسي كان زمان موجود في السودان ، قماش رقيق وخفيف جداً ، ومخطط خطوط رفيعة ، اسمه الحقيقي الكريب دي شين crêpe de chine لكن أهلنا أكلوا منه حتة وعملوه كربِّشين!!! والله أعلم افتكر المعنى واضح من شكل وصورة صاحبك الجايبه العسكري كان بتحاوم انصاص الليالي وين ما عارف!!!!
تحياتي |
سلام درديري ... ياهو الكريب دو شين بي صفاته ...
و كان لبس نسائي صرف ...
و لا يلبسه الرجال الا زي كربشين نص الليل ده ...
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: سيف اليزل سعد عمر)
|
Quote: هههه..قهمت ابو الريش ساي يا يحي لولا نجدة ابوجهينة وزميل اخر.. كان في غنية بنات مشهورة والبنات اكثر من يفهم في الثياب خاصة لو المناسبة حقت عرس. الغنية بتقول:
"يا كربشين..المترو غالي زوولي البريدو السبب لي وداري النار يا كربشين...."
تحياتى |
سلام يا سيف ...
صاحبي أبو الريش ده ما بنقهِم ...
عجوز و ساكن بُرّي ... تاني الفضل شنو ؟
الكلام ما أبو الريش يا سيف ...
الكلام صاحبي التاني النكر ... و هو بي طورية و انا بي كوريك دفناهو في البركس سوّا آخر السبعينات !!!
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: ابو جهينة)
|
Quote: سلام كبير يحى والأخوة المتداخلين
الكربشين بالفعل قماش وكان يعتبر من الأقمشة الغالية في القرن المنصرم
والكرب ( بكسر الكاف والراء ) هو أصل القماش ، وأضيف إليه كلمة شين ، وكلمة شين يقال أنها لفتاة تركية عاشت أيام الحكم العثماني أو التركي وكانت فائقة الجمال وتمت تسمية قرية بمصر بإسمها ( البدرشين )
وللشايقية مثل في هذا القماش :
ﻣﺮﻳﺾ ﺍﻟﺸﺒﻌﺎﻧﻴﻦ ﺑﻐﺘﻮﻫﻮ ﺑﻲ ﻛﺮﺑﺸﻴﻦ ﻭ ﻳﻘﻮِّﺗﻮﻫﻮ ﺑﻲ ﻗﻤﺮﺩﻳﻦ ﻭﻣﺮﻳﺾ ﺍﻟﻔﻘﺮﺍﻧﻴﻦ ﻳﻐﺘﻮﻫﻮ ﺑﻲ ﺩﻻﻗﻴﻦ ﻭ ﻳﻘﻮِّﺗﻮﻫﻮ ﺑﻲ ﺣﺘﺔ ﻋﺠﻴﻦ
***
أقمشة كثيرة إندثرتْ أو تكاد مثل الدمورية والوزن عشرة |
و سلام أكبر لحبيبنا أبو جهينة ...
و الله يسترنا من كربشين نص الليل :)
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: أبوذر بابكر)
|
Quote: ازيك يا قبانى
زى ما قال ليك أخونا أبو الريش
الكربشين فعلا إسم نوع من القماش حاجة قريبة من النايلون او البوليستر
بعدين الإسم بقى يطلق على الجنيات الما ياهن يعنى بالإنجليزى الما شادين حيلن
ههههههههههه
واحد من الشخصيات الحية فى كتاب الإنداية بتاع الطيب محمد الطيب
إسمه الكربشين برضو
شغال فى الإنداية مع الرئيسة
قلت لى الكاراكتير ده سنة كم ؟ Ø |
أبا ذر يا جميل ...
الكربشين فعلاً قماش حريمي لانو من الحرير
ملمسه مزحلِق كده ...
و الرجال ( زمان) - ما بعرف حسي كيف - ما كانو بلبسو الحرير ...
و ما كانو بلبسو المحزّق ...
فلو في ( راجل ) لبس كده ... طوالي يُحكم عليه بالتي و اللتيي ...
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: Ahmed Khalil)
|
Quote: ياخ المسألة دي التاريخ إتجاوزها ووقفنا شوية في محطة (هلم جرا) و(ينبغي)، وما عارفين الجاي شنو |
بمناسبة التاريخ اتجاوزها دي ... يا عمّو ...
نواري عمر نواري ضرب لي من الكويت مخصوص لما شاف البوست ده داير يموت من الضحك
قال لكن أبو العزايم نقش الموضوع من بدري ...
قلت ليهو يابو النور لكن أبو العزايم ده ... أبو عزايم الليله و لا امبارح ...
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: جلالدونا)
|
روعه والله الكربشين ده .. يا قباني .. رحم الله عزالدين ملكـ الكاركاتير .. بوست جعله هؤلاء المعتقّين .. أكثر من روعة ... فيه شغل ( ناعم ) مو دراش .. وأنعم من الكربشين ذاتوو ..
أثني .... فعلاً .. سجم خشم بوستات ما يظهر فيها هؤلاء المعتقّين ..
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: جمال ود القوز)
|
Quote: أبو عزايم الليله و لا امبارح ... |
أمنع الفوضى .....
عاجبك كده؟ أهو بقو يقولوا علينا معتّقين.
بعدين يا جماعة راجعوا كلامي، أنا أصلو ما جبت سيرة علاقة الكربشين بالولد الـ (شاقي شعرو) الفي الكراكاتير ........ أنا يا دوب قلت (نوع قماش) ،،، والجماعة ما قصّروا.
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: محمد أبوالعزائم أبوالريش)
|
Quote: أمنع الفوضى ..... عاجبك كده؟ أهو بقو يقولوا علينا معتّقين. |
وماليكـ عليّ حلفان يا أبو الريش يا أخوي .. عرفتكـ حتجي ترد .. أحساس كده بس ..
يأخ أنتم من يجمّل هذا الفضاء الاسفيري .. بعدين عندكم تلميح يغري بحكحكة الدقنوس .. والبحث عن الكنز .. هسه شوف زي ردكـ ده .. كافتتاحية وتدشين لما بعده ..
Quote: كربّشين المقصود القماش واللاّ حاجة تانية؟ |
شوف المتعة دي عليكـ الله .. بعدين شن جاب لي البختوها ليكـ ( تراااااخ ) في وشكـ .. لامن يجيكـ أبو الشهيق ..
تحياتي واحترامي لكم جميعاً ..
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: محمد أبوالعزائم أبوالريش)
|
Quote: بعدين لو بحتنا ممكن نلقى لحمة بيناتنا (القوز) ........ أمسك من مظلة مرتضى واكسح غرب لحدي السكة حديد. |
عارف والله يا أبو الريش لأني مولود في القوز .... هناكـ ترابط قوي ووشائج قربى تربط ناس القوز .. ببري وناسها .. وحتى محطة النيمة .. ولفة القوز .. والى الاسطبلات .. وأطراف ديم سلكـ .. وحتى السكة حديد والرميله .. كلهم أهل ..
تسلم يأخ .. ناس القوز .. كان عندهم هنا بوستات فيها اجترار لذكريات وحواضر .. عن ذاكـ المثلث الجميل .. القوز .. الرميلة .. الحلة الجديدة .. طبعا لا فكاكـ للقوز من الرميلة .. وما تسمية قوز الرميلة .. الا نسبة للرميلة الأقدم من القوز .. وبري أقدم من القوز برضو ..
تقديري .. لكـ ولكل من مر من هنا ...
| |
|
|
|
|
|
|
Re: يا زول .. انت متأكد ما عندك اسم غير كربشين ن (Re: جمال ود القوز)
|
Quote: بعدين لو بحتنا ممكن نلقى لحمة بيناتنا (القوز) |
بالله يا ود القوز يا صديقي ...
امانةً في ذُمتك ...
( لُحمة ) دي سمعتها او قريتها آخر مرة متين ؟
انا شخصياً من أيام بروف عبد الله الطيب ما سمعتها تاني ...
و انت في البورد ده ما ظنيتك بتشوفها ... اللهم امكن آخر امل ليك بوست من بوستات محمد أبو جودة ...
شفتها ( التعتيق ) المخملي ده كيف ؟
| |
|
|
|
|
|
|
|