|
|
 ورحـــــــــــل زول عشاء بايتات .
|
06:23 AM Apr, 06 2015
سودانيز اون لاين
عمران حسن صالح-الرياض ، السعودية
مكتبتى فى سودانيزاونلاين
الحزن
الجوه جوف الزول لفراق زول حااااااار ،
والفراق الفجأة أحر وألمو أشد .
اخير تشوف زولك يموت قدااااااامك وهو عيان .
معرفة الاسافير حيرتنا !
ليه تواصُل النت لامن يلفق بتلقى نفسك ضمن مئات غيرك لفق معاهم تواصلك مع نفس الزول ؟ ، إشارة تميُز من الله له
العوض المسلمي معرفة بدت إسفيرية وانتهت بالمودة لغالب من فاجأهم رحيله .
شيخ العوض كما يسموك أحباباكـ
ارقد مطاااامن آآخوي
الدعاء لاحقك ليوم الدين من كل الشاف فيك كل الإنسانية وما أكثرهم .
بكره بيحكو لينا عن طول صفوف من صلو عليك.
بكره بيكبرو عيالك وهم من صفوة الخلق عند من خلقهم لأنك كنت من صفوته.
لا نزكيك على الله ولكنه من قال اذا أحب الله عبداً حبب فيه عباده وانت كنت حبيب للكل.
أرقد بسلام آمنين .
|
|
  
|
|
|
|
|
|
|
|
Re: ورحـــــــــــل زول عشاء بايتات . (Re: عمران حسن صالح)
|
انا لله وإ نا إليه راجعون
اللهم أرحم العوض المسلمي و أسكنه فسيح جناتك مع الصديقين و الشهداء
اللهم أحببه و قربٌه كما حببت فيه من عرفوا قدره و فضله
اللهم أهدنا كما هديته و أنر دربنا كما أنرت دربه
اللهم ألهم آله و ذويه و كل معارفه الصبر و السلوان .
حار التعازي لأسرته الكريمة و الجميع بالمنبر .
| |
|
|
|
|
|
|
|
|
|
Re: ورحـــــــــــل زول عشاء بايتات . (Re: جلال الدين القرشي أحمد محمد)
|
مرضت أحب الناس لقلبي من بين أخوتي شقيقتي إيمان
وذهبت
بكيتها لأنها لا تشبه أحداً أعرفه
إستغرب سكان الحي كمية الناس الكانو وراء جثمانها ومن هم ؟؟
لم أستغرب ذلكـ .
ولم أستغرب كثرة من أدمعت أعينهم لفراق شخص يحبه كل من تعرف عليه .
هنا تعرفت عليه
وهنا عافت نفسي التواجد لكثرة الشتايم والخلافات وسوء خلق البعض
ولكن عادت لي قناعة جديدة
بأن الخير في أمة السودان موجود
خير فرد وااااحد يعادل كفة كل التالف منهم
والعوض نموذج لشخص إجتمع الناس حوله .
رحمكـ الله يا إنسان
شكرا لكل المرور الجميل
أخوة الأمس
وزوار حوش بكري
وأعضاء جدد نتشرف بالتعرف إليهم
| |
|
|
|
|
|
|
|
|
|
Re: ورحـــــــــــل زول عشاء بايتات . (Re: عمران حسن صالح)
|
من أغرب تجمعات العزاء
في لحظة وأنا أنظر لبكاء الخال حمزاوي وهو يقالد محمد الصايم
ودموع تمبس وابوجهينة واسماعيل عباس
والحزن الكاسي وجوه الحضور
تخيلت فضولي ما من جنسية أخرى أتى به الشارع فسأل من المتوفي ؟
وسأل بعدها اريد أن أعزي أقرب الناس اليه !!
جداً تفضل أيها الزائر
كل الحضور
المالين كراسي الإستراحة
وبكل الحزن المالي وجوه الكل
مجرد أصدقاء
لا قرابة بيننا هنـــا
بل حب إلهي وحد قلوب هؤلاء تجاه من ذهب
تخيلته هز رأسه متعجبا ومردداً ربما أنا في كوكب جديد أو الحضور كائنات فضائية في لبوس البشر
..
| |
|
|
|
|
|
|
| |
عمران حسن صالح
نعمات عماد
عاطف عمر
فيس بوك
تويتر
انستقرام
يوتيوب
بنتيريست