|
|
 ود ابوسن، ود شيقوق، ود البوش، ود المنسي، انتو ناس سمحين...
|
كتبت هذا البوست في الربع الماضي.. وحبيت اواصل البوست في الربع الجديد ...لأن هذا البوست الرائع( انا بشكر نفسي براي وشكار نفسه ابليس)
لكن الروعة جات من الحكاوي الرائعة لأعضاء المنبر العام الذي حلقوا بنا في سماوات الحياة السودانية الصرفة والصادقة وعادوا بنا لحياة
نتمناها ونتمنى ان نعيشها .. وخرجوا بنا من ويلات وعذابات الغربة القساية ... وخلال البوست تعرفنا على اخوات عزيزات وفي مقدمتهن ينت عمسيب
ود, وضاحة وسلمى وبسمات وامتثال وسلافة وهن اللاتي يتابعن البوست باهتمام وتعرفنا على اخوان اعزاء ووالله خرجنا من حكاويهم السمحة والظريفة
بفوائد لا تقدر بثمن.... والله يديهم الصحة والعافية كلهم وبدون فرز....
وحتى نواصل محل ما وقفنا في الربع الفات ، فسوف نتقتبس هنا الفقرات الأخيرة في الصفحة 26... وما شاء الله البوست كان وصل 26 صفحة واكثر من 72 ألف
نقرة على الماوس على البوست..
والفقرات الأخيرة هي:"
( من ود شيقوق):
"كتب زميل المنبر الأخ الهادي محمد الأمين - مشكورا - موضوعا عن الراحل عبد الرحيم أبو سنينة والد زميلنا يوسف قائلا :
لا أدري في أي فصل دراسي كنّا حينما جاء الاستاذ (أحمد عكاشة) وامرنا بالخروج بعد أن قطع علينا إحدي الحصص بممارسة هوايتنا في القراءة والاطلاع والمذاكرة وكتابة الواجب وقال لنا بلهجة حاسمة وقوية (يلا أطلعوا بره يا أولاد) كان النهار وقتها غائظا والشمس ترسل ألسنتها الملتهبة وأشعتها اللاسعة تقع علي أجسادنا النحيفة كالسياط ورؤوسنا مغطاة بالورق والكراسات تفاديا وتلافيا لحرارة الجو الساخن واللافح وما أذكره أن أعمارنا كانت صغيرة في تلك الفترة التي التحقنا فيها بمدرسة صافية الابتدائية وتضم صافية وكتفية بين جنباتها عددا من أعرق المدارس البنين والبنات (إبتدائي) والبنين والبنات (المتوسط) وقبلها كانت تسمي الثانوي العام ومما سمعناه من سلفنا أن هناك مدارس كانت تسمي الوسطي والكتّاب وفي العهد الحالي حدث تحولات في مرحلة حكم الانقاذ قضت بإجراء تعديلات وتغييرات في السلم الدراسي وتحويل المرحلة الإبتدائية إلي الأساس مع إضافة ودمج سنتين في السلم التعليمي لتصبح جملته (8) سنوات دراسية بعد أن كانت (6) وإلغاء الابتدائي والمتوسط (3) سنوات والاستعاضة عنهما بالمرحلة الثانوية ومع مدارس صافية وكتفية العتيقة كان هناك النادي العريق من أقدم الاندية الرياضية والثقافية والاجتماعية بالمنطقة ثم (استراحات الاساتذة) و (الشفخانة) وتحولت الان إلي مستشفي أو إن أردنا الدّقة نطلق عليها (مركزا صحيا) بعد ان كانت قديما (نقطة غيار) ومن المواقع القديمة والأثيرة في كتفية (مقابر الترك) التي تقع غرب مدرسة البنات المتوسطة وجنوب ميدان الكورة القديم الذي انتقل قبل سنوات عديدة في اتجاه الشرق بالقرب من المسجد الجديد والمسافة بين (مقابر الترك) ومقابر (كتفية) عدة أمتار تفصل بين الموقعين ...
وعودا علي بدء فعندما كنا في الفصل في تلك الايام والازمنة أمرنا الاستاذ (أحمد عكاشة) وهو من قرية ودبترو بالخروج من الفصل وتلاقت كافة الفصول (الستة) الأخري مع طلاب المدرسة المتوسطة بنين ثم حدث تجمع مع طالبات البنات في المرحلتين الابتدائي والمتوسط بجانب الاساتذة ومواطني القري الثلاثة (السنية -صافية - كتفية) وكان الحشد كبيرا وبلغة اليوم (جماهيري حاشد) تدافع نحوه المئات رجالا ونساء شيبا وشبابا صغارا وكبار جاءوا من كل فج عميق (وحدب وصوب) هذا إذا استصحبنا ان المدارس تضم أبناء وبنات عدد من القري المجاورة مثل قوز عبد السلام - ودبترو - توبة - انجضو - استرحنا - ود اللمين - اولاد يوسف - جاد العين) وغيرها كل ما عرفناه أن وفدا رسميا بمستوي عال في طريقه للمنطقة لزيارة القري ميدانيا وللوقوف علي أوضاع المواطنين ومعرفة مطالب السكان واحتياجاتهم وقال لنا الاساتذة قولوا بصوت عال ومرتفع (يا ابو سنينية نوّر لينا) ويا (محجوب النور مطلوب) والاشارة هنا لاسماع صوت أهل القري للمسؤولين القادمين من رئاسة حكومة الاقليم الاوسط (مدني) بضرورة توصيل خدمة التيار والامداد الكهربائي بعد أن كانت غالبية قرانا تعيش حالة (إظلام كامل)وتقع في حزام ظلام دامس وتحتكم في لياليها للسواد الحالك الذي يطرده ضوء (الجنريتر) و (الدينمو) الصادر من النادي أو نور (الرتاين) النابع من فصول المدارس حين تكون هناك مذاكرة إجبارية ليلية غير ذلك فان (حبوبة ونسيني) و(لمبات الجاز) و (الفوت) هي سيدة الموقف في كافة المنازل والبيوت وما يهم وصل الوفد الذي يقوده (عبد الرحيم أبو سنينة) ومعه آخرين بجانب رموز إتحاد المزاعين وهو (حكومة بي ذاتو) لا تقل في رمزيتها ومواقفها وفاعليتها قوة من رمزية ومواقف وفاعلية الحكومة الحقيقية فاتحاد المزارعين كان هو الحامي والراعي للأسر في مشروع الجزيرة التي كانت تعتمد كليا في حياتها ومعيشتها علي الزراعة ومنتجاتها وبجانب الشق النقابي في حفظ حقوق المزارعين وحماية الحواشات وأصحابها كانت هناك القشارات ومطاحن الغلال ومصانع الصداقة للغزل والنسيج والمحالج وكان الاستقبال حارا والترحيب بالضيوف قويا وأصواتنا عالية وداوية وزغاريد النساء تملأ ساحة الاحتفال والهتافات تنتقل من الفسحة الكبيرة بالقرب من منزل عمنا الراحل (إدريس عبد القادر) وحتي أشجار حديقة الروضة شمال بيوت عمنا الراحل (البشير ود أبسيرة) وفي موقع ملاصق لمدرسة البنات الابتدائية انتقلت الفعالية بعدها إلي صحن النادي الذي فاضت مساحته وضاقت جنباته بالحضور رغم سعته وامتداد الفسحة التي تنتهي عند المسرح في الاتجاه الشمالي وبالمناسبة تزامن مع تلك المرحلة حضور (حيدر قضامة) ولا أدري حتي الان هل هو ساحر أم مصارع أم ملاكم ؟ لكنه كان شخصا مخيفا ومرعبا وتستثيره استفزازات الحضور الذين كانوا يتهيبون الاقتراب منه حينما يقولون (يا ييا همبرسي) فيتهيج الرجل الذي كانت توضع علي صدره المسامير دون أن تؤثر في جسده ويقوم بتوقيف السيارة البوكس ويجرها للخلف بالحبل (السلبة) في مشهد مدهش وغريب كما أن النادي كان وباستمرار يستضيف (الحواة) الذين تستهوينا خدعهم البصرية عبر سحر الأعين وإيهام الحضور بأكل الامواس والمسامير والابر وووو وغيرها من القصص والحكاوي الفكاهية ..
ما يهمنا أن اللقاء الذي كان علي قيادته (عبد الرحيم أبو سنينة) كان لقاء حارا كحرارة شمس ذاك اليوم ولا أدري هل عملية توصيل الشبكة الكهربائية لقرانا قبل سنوات خلت كانت بسبب توصيات ومجهودات (عبد الرحيم أو سنينة) أم عبر تحركات مجموعة أخري ساهمت في وصول خدمة الإمداد الكهربائي لتك القري فيما بعد وتحول ليلها بفعل أسلاك الكهرباء - عبر الانارة - إلي نهار وغطت الشبكة غالبية قري المنطقة ..
ما كان لي إيراد هذه الحكاوي أو شريط الذكريات برواية متقطعة وغير محبوكة لولا أنني سمعت قبل أيام عن وفاة (عبد الرحيم ابو سنينة) ولم أكن أعلم أن الرجل حيّا ولم يفض إلي ربه بعد فقد حسبته ميتا ذلك لأنه غاب عن الساحة وانسحب بهدوء عن المسرح السياسي والنقابي وغاب عن المشهد بالكلية ولم نعد نسمع عنه شيئا منذ عهد الحكم الإقليمي وسطوة إتحاد مزارعي الجزيرة والمناقل وسبحان الحي الدائم فقد مات مشروع الجزيرة وتبعه موتا إتحاد مزارعي المشروع ثم أخيرا أبو سنينة واسمه بالكامل عبد الرحيم محمد أحمد و (أبو سنينة) هي قريته التابعة للمدينة عرب بمحلية المناقل وهو ينتمي للحزب الاتحادي الديمقراطي حيث ينقسم الولاء في منطقة الوسط في تلك الحقب علي ثلاثة ولاءات حزبية (الأنصار) وواجهتم السياسية حزب الامة و (الختمية) وذراعهم السياسي الحزب الاتحادي الديمقراطي وقوي اليسار ممثلة في الحزب الشيوعي السوداني في وقت ندر فيه الولاء للأخوان المسلمين الذين كانوا يعدون علي أصابع اليد الواحدة وتوزع العمل السياسي العام بين الحراك السياسي المباشر والحركة النقابية التي تظهر في خطط هذه التيارات للسيطرة علي إتحاد مزارعي الجزيرة والمناقل وكانت المنافسة علي أشدها بين هذه القوائم التي كان يتصدرها عدد من المخضرمين بالمنطقة أمثال (أحمد عبد الدافع إمام - الأمين محمد الامين - عبد القادر دكين - عبد الله عبد الله عديل - عبد الله محمد الامين برقاوي - إبراهيم الشيخ الطيب بدر - صديق أحمد البشير - يوسف أحمد المصطفي - الأمين أحمد الفكي - أحمد الطيب حماد - الطيب يوسف - داؤود عبد الجليل - حامد بلول وغيرهم كثير) وأنا أعمل علي تدوين هذا المقال الذي قصدت أن يكون عبارة عن خطبة وداع ورثاء للراحل (أبو سنينة) بعد رحيله عن دنيانا الفانية سمعت أن فنان الطنبور (جعفر السقيد) سيحل ضيفا علي قريتي صافية وكتفية لإقامة حفل ساهر بنادي صافية ربما تكون أول زيارة لفنان يعزف بالدليب والطنبور مع صفقة الكورس المعروفة في أغنيات أهالي الشمال الأقصي والصفقة الجماعية المميزة هي في الأصل تقليد نوبي يخص قبائل الحلفاويين والمحس والسكوت والدناقلة ثم انتقل للشمال الأدني في مناطق الشايقية والبديرية ومن خالطوهم من الهواوير ورغم أن بضاعتي مزجاة في المجال الفني بحكم موقفي من قضايا الموسيقي ومقاطعتي في سماع آلات الطرب ومخاصمتي لإيقاعاتها بكافة ضروبها وأشكالها وقوالبها بجانب ضعف ثقافتي بكل ما هو مرتبط بالفن والغناء والتمثيل وليس لي فيه نصيب وافر لكنني أري أن استقدام (جعفر السقيد) يحمل مؤشرات من بينها دخول عنصر جديد ولونية أخري في مجال السماع في قرانا التي ارتبطت آذانها في الإستماع إلي أغاني الحقيبة المعتقة بالاضافة إلي فن الغناء الشعبي عبر الكورس (الشيالين) مع اصطحاب آلة الرق أو الطار والبنقز ثم الحديث المموسق أو الاروكسترا الجماعية ورغم وجود (الغناء الشايقي) الذي كان يخترق الوجدان من خلال جهازي الإذاعة والتلفزيون والحضور المنتظم لفناني الطنبور من عهد النعام آدم - عثمان اليمني - عبد الرحمن بلاص - إدريس إبراهيم - صديق أحمد - محمد كرم الله - محمد جبارة مرورا بعبد الرحيم أرقي – وثنائي العامراب وانتهاء بمحمد النصري وجعفر السقيد الذي استضافه نادي صافية وكتفية مؤخرا فأهالي وسكان المنطقة كانوا كثيري الإحتفاء بمطربيهم أمثال الكروان بادي محمد الطيب - عبد الله محمد - وعوض الكريم عبد الله واذكر حينما كنا صغارا ظهر فنان الولي (أحمد يوسف) ومن ود المنسي (محمد عبد الله) كانا يمثلان (نجوم الفن) وقتها علي المستوي المحلي ثم الذي جعل الساحة مشبعة بروح الفن أن المعلمين والاساتذة الذين كانوا يدرسوننا لهم هويات وبعضهم كان موهوبا في (ميادين الفن) وآخرين في ميادين (كرة القدم) فمن لم يغازل المايك (صدحا وشدوا) كان يغازل المستديرة (لعبا ولهوا) كما شكّل وجود أغاني السباتة والسيرة في حفلات الأعراس ومناسبات الزواج عاصما من الوقوع تحت ثورة الفن الداعي للمجون أو الخلاعة لكن بدا لي أن التذوق في الآونة الأخيرة أصبح ميالا للتصالح مع الموضة والصيحة الوافدة وتقمص النيولوك وأصبح الجيل الحديث تستهويه لونيات جديدة جزء منها وافد من خارج الحدود بكسر حاجز الجغرافيا عبر التطور الهائل في تقانة الميديا وثورة الإتصالات باستلطاف فنون الهند ودراما الأتراك والسوريين وقبلهم بقليل الفن المصري ثم موسيقي الروك من الغرب والجاز الصاخب القادم من بعض البلدان الإفريقية وفي داخل حدود السودان سيطرت علي الوجدان والسماع مخرجات برامج (نجوم الغد) و (أغاني وأغاني) وانقسم المراقب في توصيف الحالة أو الظاهرة بين ما يطلق عليه بالفن الهابط أو الغناء الشبابي لكن ما يهمنا أننا وقعنا أسيرين للونية جديدة فرضت نفسها وثقافتها علينا شئنا أم أبينا وقدم هذا الواقع بتغيراته وتحولاته الراهنة والحديثة جعفر السقيد علي خشبة مسرح نادي صافية وكتفية بترتيب وتنسيق قامت به رابطة أبناء صافية وكتفية بالجامعات والمعاهد العليا في منطقة غنية بالتراث وبقعة تلاقحت فيها الثقافات وقدمت منتوجا غزيرا في هذا المجال يحتاج لسنوات طوال لتوثيقه أو لملمته من الافواه والصدور بل يصعب علي شعراء العهد القديم والحديث مثلا كتابة شعرا مجيدا مثل قصيدة (بتريد اللطام أسد الكزاز الزام شقيت البلد من اليمن للشام) فاتحة القصيدة وبدايتها يندر مجاراتها أو تقديم (نموذج) وإنتاج شعري يماثلها مهما علت لغة الاخرين واتسعت قريحتهم وتفتحت مدارك أفهامهم أن يقدموا مثل هذا الابداع الخلاق الذي يتحدي الزمن ويرفض ان يموت بالتقادم في بيئة تتقاذفها حاليا ثقافات وتتقاطع معها عادات وتقاليد تكاد تمسح الماضي أو تردمه بالتراب ...
والله يديكم الصحة والعافية
|
|
 
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
ولكن وحتى يعرف الزوار الجدد للبوست السبب الذي جعلني ان اكتب الموضوع ولماذا وصفت
هؤلاء الناس السمحين بوصف السمحين ، فقد رأيت ان اقتبس ايضا اول فقرة في البوست ليكون السبب
واضحا وجليا..
والله يديكم الصحة والعافية.
والفقرة الأولى كانت كالآتي:"
"من أجمل بوستات هذه الفترة البوست الذي كتبه عبد الحفيظ ابو سن بعنوان:" ود شيقوق وود البوش وود المنسي هام""
في الأول افتكرت بأن ود ابوسن سوف يشن هجوما او انتقادا شرسا عليهم وان حربا كلاميا سيقوم بين الأربعة ولكن الرد الأولي لود المنسي اثبت
ان هناك مباراة شيقة جدا بين صفات ود المدن وود القرى والريف واهل البطانة ستقام واننا سنستمتع بقراءة كل سطر من البوست ، وطبعا على الرغم من ان في كلمات
ما ممكن يشرحها إلا عالم علامة في لغات ولهجات اهل البطانة واهل الريف ويكون بدوي وريفي قح عاش حياته في البادية.
وبالله شوفو ود ابو سن بيقول شنو"": كيف يعني تقولوا انا بتاع عشر ولعوت .. هوي انا بتاع زهور وغروب شمس على ضفة النيل ترسل اشعتها المذهبة نحو ظلال الأشجار المنحنية تقيم
صلاة الشكر صوب الكائنات في اعماق النهر المتدفق كعاشق هرول نحو عشيقته في حب مستهام "" كلام سمح بالحيل والكلمات طيعة ميسرة بين يديك تصوغها كما تشاء . والله يديك العافية
وأعجبني ايضا الرد القح لود المنسي:" يعني التكنك كربت في وسط البنطلين خلاس بقيت ود مدن؟؟ انت جنى بطانة جنى بطانة وان سكنت كوستي""
وعلى الرغم من هذه المباراة الشيقة كتبوها الناس السمحين ديل والقلوبهم صافية كاللبن والعسل بكلام اهل البطانة والريف والبادية والقرى ، إلا انه في كلمات وجمل ما بتتفهم بسهولة ومنها قصة ود البوش
عن حكاية الجنا الجانا في حلتنا مع ولدنا البقرا في الخرطوم .. وضبحوا ليه الجدادة.. وجا مارق واحد بيضحك وماسك قدومو بيده العسير كاتما انفجارا الضحكة وقال : الجنا دا غشاكم ساهي
مو من الخرطوم كان بعيدا كيفن اكون من التكلة الفكي حامد - كيفن عرفتو . قال انا ما باكل محير الجداد..
اها يا ود البوش اشرح لينا النكتة دي ما فهمناها .. محير الجداد ده شنو؟ وكيف عرف ان الجنا ما من الخرتوم؟؟
وأها ود شيقوق كمان جاب ليه كلمات ما بتتفهم بسهولة وشوفوا قال شنو:" انا عاااارف بتحلي بحنبك الطندب والمخيت والغضيم والقنديل.. وانا خايف تقوم تقرش ليك فرع هيكبيب .."
كده براحة وبمهلة ورينا الطندب والمخيت والغضيم والقنديل والهيكيبيب ديل شنو؟؟\
اما تحلية البوست فكان نغمات ود بادي ..
وانا كمان حبيت اشارك معاكم في ونستكم السمحة دي واسمعوا معاي محمد ود بادي بيقول شنو؟؟
يا سكان القصر العالي سلام
يا ناسات البرج العالي سلام
تبقى مصيبة ان كان القرش الأحمر
قسم الخلق اجناس اجناس
يا سادات البرج العالي سلام
يا آنسات البلد الغادي سلام
القرش الأحمر صايل
حاكم بينكم تارك وفاعل
اللقمة بتوصل حلقك بالايجار
الريش اتقصص تحتك بالايجار
لكن الموت كان جاكم طرفة عين
بتاجروا مين؟
كان الموت بالأجرة بفوت
بتأجروا زول في شانكم اموت
لكين الموت مرسال جبار وعنيد
ارقدوا عوافي ونوموا عوافي
والله يديكم الصحة والعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
والفقرات الأخيرة من البوست اقتبستها من هناك وكانت كالآتي( عشان نقدر نواصل مما وقفنا)..
من بنت عمسيب:"
تحياتي وحبي وشوووووووووووق .
زهرات الصديقات وحشتني موووووت ... الاحبة الكلوس اليكم بكوس مشتاقون .
يا الاميرة شنو يعني الحالة ما واحدة حبيبنا ود بلة ربنا يديهو الفي مرادو
قايلك انت انا وانا انتي هههههههههههه .
Quote: لكن يا ود بله الكتبت الكلام ده ما الغالية بت عمسيب لكني انا العندي صديقة في فداسي
الاميرة جبت ليكم الوردتين ديل وحدة ليك وجدة لي ود بلة . ورود بلون النيل يا نيل انتوا .
( الوردات ما ظهرن يا بت عمسيب.. رجعي لينا الوردتين تاني...
والله يديك الصحة والعافية)
ود شيقوق يا بت عمسيب اتسردب للشينة الجاياك وختاها في ضهرو وقادل بيها
كان عندك كلام الحقي المسنوح ود المنسي ياهو القال (الزهور فتلت لينا )
كر علي يا ود امي تراني انا شان كت مستعجلة عقب ماني فهمت الكلام صاح لفحتو وجريت
للبنوت للشكية ههههههههه اها عاد اكان كدي امسحها لي في وشي وانا اسفة آآآآلحببب .
وات يا ود المنسي القريب للقلب خلاس الموضوع دا ندفنو وهدي جات لنا الارشفة وغفران الذنوب
اللهم اجعلنا من المغفور لهم في البوستات حقت المشاكل ههههههههه . مزاجي رايق طيلة ما جنبي الحبايب .
Re: ود ابوسن، ودشيقوق، ود البوش، ود المنسي: انتو ناس سمحين (Re: مني عمسيب)
كو كو كو !!!!!
كوكوكوكوكوكوك !!!!!!
يا الاميرة
يا نسمات
يا ود البوش
يا شقيقي
يا ود بلة
يا ود المنسي
يا ود ابو سن
سجمي أكان ارشفتوا نفسكم ههههههههههههههه .
اها انا شايلة اهلي بجيكم صادة بعدين .
0
ومن اميرة:"
العزيزة بت عمسيب
نحن ما ارشفنا نفسنا..والارشفة جاية براها بعد شوية ..والباشمهندس هسع خلاص
سل سكاكينه وحيبدا ضبح في البوستات..
وطبعا نسمات ..بسمات..ارشفت نفسها من زمان ..والايام دي نحن عايشين مع الاجواء
الملكية في نيويورك عشان الامير وليام وزوجته في زيارة هنا ومتابعين حياته في القنوات
التلفزيونية خطوة بخطوة ..والتلفزيونات هنا نا عندها غير السيرة. ..والامريكان فرحانين
فرحة شديدة بهذه الزيارة الملكية....
وشكرا على هذه الوردة الرائعة....وان شاء الله حياتك كلها تكون مفرةشة بالزهور والورود
والله يديك الصحة والعافية
من ود ابوسن:"
سلام
ما تأرشفونا ياخ
هو في البير وقع فيهو الفيل
وانا حذفت العتاب بين الأعزاء ود المنسي وود شيقوق عشان نبدأ الكلام السمح من جديد.
والله ديكيم الصحة والعافية
ومن ود ابو سنينة
ان شاء الله يوم ارشفتكم ما يجى ............. يا احلى الحلوين
بنت السيد اقيفى الف احمر للباشمندس ابو صلعة وقولى ليه البوست بطير فية رقاب ههههههههههههههههههههههههههههه
و( والله يا ود ابو سنينة فشلت في نقل البوست للربع الجديد ولكني هنا نقلت البوست للجزء الثاني عشان
نواصل ونستمع كمان لحكاوي ود ابوسن الذي وعدنا..
غايتو في ناس كتار جدا متابعين البوست لأن هذا البوست فعلا بيفرج الهم والغم... وشوف براك في الربع الأول اكثر من 37 ألف
نقرة على البوست لقراءة كل هذا الكلام الجميل والذي يجعلنا نضحك من الأعماق .. ونرجو ان يكون حياتكم كلها افراح ومفروشة بالزهور والورود ..وحتما تكون من زهور وورود هولندا..)
ونتمنى ود بلة الأمين ما يقيف ويواصل هذه الونسة السمحة بالجد...
ومن بت عمسيب
اميييييييييييييييييييين يا أبو سنينة
ومن بت عمسيب
Quote: حبيب قلبي ود شيقوق اقصد شقيقي ... قسم مشتاقون لما لهناك ..
ومن ود شيقوق
انداحي ساي حبيبتي ما تخافي فلانة - انا خمشت منها اللاب توب وسويت ليهو باسويرد عام و لبوست بت السيد دا باسويرد خاااااص انت فاكراني ساي ولا شنو؟
ومن اميرة:"
بعد النظر في حيثيات القضية والاستماع للدعوى وكذلك حيثيات الدفاع
فقد حكمت المحكمة بالبراءة على ود شيقوق وذلك بعد ان تاكدت المحكمة
واطمانت على حسن نيته....
والله يديكم الصحة والعافية
ومن ود ابوسن:"
والله يا بت السيد إنت قاضي مدني على قول عم عبد الله كريشاوي
Quote: بعد النظر في حيثيات القضية والاستماع للدعوى وكذلك حيثيات الدفاع
فقد حكمت المحكمة بالبراءة على ود شيقوق وذلك بعد ان تاكدت المحكمة
واطمانت على حسن نيته....
والله يديكم الصحة والعافية
ومن ود شيقوق:"
غايتو يا ود البلة قلت اديك فرصة تتجدع لكن بت البندر خمشتها قبالك
انا مش قلت ليك امورة دي Jack of all trades? لكيييييييييييييييييييين she is a master of all
(عدل بواسطة الطيب شيقوق on 10-12-2014, 04:51 AM)
ومن ود ابو سن:
هيع مرقتو حق ود البلة بندق في بحر
بت السيد دي ما بتنفع قاضي تب . قلبها حنين
الكتابة عندكم هنا صعبة رغم بساطتها وعدم تكلفها . ولكنها تحتاج لي روقة البال لأنها تبع من القلب والقلب مشغول وما جعل الله لرجل من قلبين في جوف واحد .
بالجد مرة اضحك ومرة ابسم وتغلبني الكتابة
عندي حكاوي ابت تمرق لي لكن بعافرا بعد نخلص من المحكمة الشعبية دي
ومن ود ابو سن:"
هيع مرقتو حق ود البلة بندق في بحر
بت السيد دي ما بتنفع قاضي تب . قلبها حنين
الكتابة عندكم هنا صعبة رغم بساطتها وعدم تكلفها . ولكنها تحتاج لي روقة البال لأنها تبع من القلب والقلب مشغول وما جعل الله لرجل من قلبين في جوف واحد .
بالجد مرة اضحك ومرة ابسم وتغلبني الكتابة
عندي حكاوي ابت تمرق لي لكن بعافرا بعد نخلص من المحكمة الشعبية دي
ومن ود شيقوق:"
Quote: عندي حكاوي ابت تمرق لي لكن بعافرا بعد نخلص من المحكمة الشعبية دي [/Q
ومن ود شيقوق:"
ياخ فضفض وانداح يا مانجل
ومن اميرة
غايتو يا ود ابوسن اذا في الربع الثاني والجزء الثاني من البوست ما مرقت لينا حكاويك
انت ذاتك حنعقد ليك محكمة شعبية..لكن المرة دي ما حاكون قاضية مدنية ..لكن قاضية
جنائية.....
والله يديكم الصحة والعافية واللقمة الدافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: مني عمسيب)
|
والله يا منى اذا انتي كنت عندك مزرعة زهور زي دي في امريكا كنتى حتكوني مليارديرة..
ومع ان الأمريكان ما رومانسيين زي الفرنسيين لكن تجارة الزهور مزدهرة ودكاكين الزهور
ما تديك الدرب.. وحزمة زهور قليلة وفيها ثلاث وردات ما بتقدر تشتريها اقل من 25 دولار
وشوفي المزرعة دي فيها كم زهرة..
والله يديك الصحة والعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
طيب يا بت السيد
حيثيات قصتنا هذه تمت بريفي مدينة السوكي عندما كنت اعمل محاميا هناك
انها قصة حقيقية تحكي عن علاقة غرامية انتقلت الى محراب القضاء وقد كنت آنئذ ممثلا للدفاع ولهذا السبب كنت مدركا لجميع تفاصيل المشهد
ارجو ان تسمحوا لي انزال القصة في شكل حلقات لزوم الشحتفة وكدا ههههههها
بسم الله نبدأ بخلفية بسيطة عن جغرافية مدينة السوكي :
تقع مدينة السوكي على بعد 48 كيلو متر شرق مدينة سنار وتطل على الضفة الشرقية للنيل الازرق وتعتبر السوكي ، ايام الزمن الجميل ، من اهم محطات السكة حديد في السودان نظرا لتنوع الوجبات الجاهزة التي تقدمها البائعات للمسافرين بالقطارات واهم هذه الوجبات هي وجبة السمك الجاهزة حيث اشتهر سكانها الذين اغلبهم من اصول غرب افريقية بصيده من النيل الازرق . كما اشتهرت بانتاج الخضراوات والفواكة التي تزرع على ضفاف النيل الازرق . شرق مدينة السوكي وعلى بعد 24 كيلو تقع مدينة الدندر او معتمدية الدندر التي تتبع لها مدينة السوكى . ثمة صراع سياسي تاريخي بين سكان مدينتي الدندر والسوكي لا سيما حول رآسة المحافظة او المعتمدية . اغلب سكان ريفي الدندر من قبيلة رفاعة التي تتزعمها اسرة العجب ود اب جن والد الناظر منصور العجب والشيخ يوسف العجب .
بالسوكي مشروع السوكي الزراعي الذى كان يروي ببيارة تضخ المياه من النيل الازرق وقد تم إنشاء البيارة هذه في عهد نميري عندما كان المهندس مرتضى احمد ابراهيم - شقيق الراحل صلاح احمد ابراهيم وفاطمة احمد ابراهيم - وزيرا للري وتم فصله اى مرتضى من الوزارة بعد انهيار تلك البيارة بعد ايام من إنشائها ووقتئذ اطلق مرتضى احمد ابراهيم بكل شجاعة كلمته الشهيرة وذات الدلالات السياسية التي قال فيها ( فالتنهار البيارة الاولى والثانية ولتبقى الحقيقة)
كانت فتاه جميلة المحيا وقع في غرامها الكثيرون من ابناء قبيلتها العربية ولكنها ادارات ظهرها عنهم جميعا ورمت عينيها في هذا الشاب الوجيه المنحدر من اصول غرب افريقية الذى غيرت الغربة في ليبيا الكثير من ملامحه وجعلته متكامل البنيان طويل القامة فاتح اللون واسع العينين يتضرع وسط القرية ولسنان حاله يقول يا دنيا ما فيك الا انا . تصادف ان كان هذا الشاب مدعوا للمشاركة في حفل زواج احد محاسيب هذه الفتاة . وكانت البنت على يقين تماما ان هذا المغترب سيشارك في هذا البوش نظرا للعلاقة التي بينه والعريس . إرتدت اجمل ما لديها من هندمة وانتظرت في بيت اهلها ريثما ينتهي الفاصل الاول من الغناء – صحيح فتاة عربية ولكنها تجيد فن الشحتفة للمغرمين بجمالها . كان المغني في ذلك الحفل هو الفنان عبد الوهاب الصادق . تم اعداد المسرح للفنان من مقطورة قندران بطحت جنباتها لتكون مستوية افقيا و فرشت بالبطاطين وتم تزيينها بالفرش العجمي الوارد من ارض الحجاز .
انتهي الفاصل الاول بثلاث اغاني . نزل الفنان لتناول وجبة العشاء الما خمج وكان من بين المكلفين للاشراف على مائدته ذلك الشاب الوجيه المغترب . وقد كانت فرصة للتقارب بينهما ( الفنان والمغترب) .
اعتلى الفنان خشبة المسرح القندراني وامتلات الساحة بالحضور من الرجال والنساء . حضرت الفتاة وهي في ابهى صورها وجلست في المقاعد الامامية . وفي تلك اللحظة صعد الشاب المغترب وهمس في اذن الفنان طالبا اغنية بعينها وكانت :
ست الريد بقت نساية والتي يقول فيها http://www.youtube.com/watch?v=VAqa1DLVokQ:[/Bhttp://www.youtube.com/watch?v=VAqa1DLVokQ:[/B]
امسك المغترب بيد العريس وراح مبشر بيهو فوق خشبة المسرح وبعد شوية نزل قادل بيهو متلهم الرجال ثم اخد بالعريس انزواية صوب كراسي الحريم وهو يبشر وممسك بسجارة بينسون وعييييييييييييك الزغاريد ولعت في السماء . البنية قطعت الشك الاغنية المطلوبة دي مقصودة بيها لكنها لم تحرك ساكن ومثلت انها متوازنة ومتماسكة لكن جواها مولع نار من المغترب . بعض الشباب والشابات المفتحين والمفتحات من اقرباء البنية بدأوا يحسوا من خلال تبادل النظرات برسائل روحية خفية متبادلة بين المغترب وبنتهم لكنهم آثروا التثبت ليسمعوا ونسة الحريم صبيحة الغد عن جملة معطيات السهرة .
خلاص اقتربت الساعات الاخيرة من نهاية الحفلة وباقي لي الفنان قصد ان يمسك باحلى اغنية عندو عايز يفكها في النهاية عشان يلخبط الكيمان كووووووولها . وفعلا الفنان مسك المايك وشكر الجمهور على التفاعل وراح فارد جناحيه مع اغنية حلوين زي ديل بزوروني حبايبي الحلوين اهلا جونى انا ما قائل .
فاصل و نواصل
| |
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
نواصل
المهم أغنية ( حبايبي الحلوين ) دي ألهبت مشاعر الناس كوووووووولهم ونزلوا ليك نسوان ورجال حتى البنية العاملة فيها تقلة نزلت حت شدييييييييييد . اها المغترب لقى ليكم الجوطة دي فرصة وطوالي مشى يرقص ليكم في طرف البنية ( باقي لي زولك حاري ليهو تطيشا من touch يعني ) وشعر من نظراتا ليهو بانها مرتاحة ليهو بالحيل . زولك اتاريهو مجهز ليهو رسالة في وريقة فيها رقم تلفونو الثابت - طبعا زمان مافي موبايلات – وطوالي راح عاصر للبنية الوريقة في يدها وزولتك خمشتا زى الما حصلت حاجة ورايحة مدياهو ظهرها سريع عشان الناس ما تحس بحاجة .
الحفل انتهى والناس كوووووووولهم شتتوا لبيوتهم
البت رجعت اهلها مع قريبات ليها وهي صارة الوريقة في يدها وفي الطريق فتحت حقيبتا السمحة ودفست الوريقة جواها منتظرة لحظة وصولها البيت عشان تغير ملابسها بمزاج وتتلهم غرفتا الخاصة وتولع الانوار وتقفل الباب وتنتكي عشان تقرأ كلام المغترب ليها . وصلت وغيرت واتعشت مع عولا وعملت ليهم فيها ماسكا وجع راس من السهر وإستأذنت منهم واتلهمت الغرفة الخاصة دخلت وقفلت الشبابيك والابواب لانو الدنيا كانت شتاء صقط شديد وكدا جرّت البطانية وفتحت الحقيبة وطلعت الرسالة بلهفة ورعشة بسبب البرد وال ....... وبدت تقرأ:
عزيزتي ............. :
إيه يضرك تسأل يوم علي يا غالي
وإنت وحدك عارف همي عارف حالي
كيف أواصل صبري في الطريق الخالي
كيف بدونك تصبح اليالي ليالي
أنا كنت دايما ً بصبر مهما البعاد أضناني
في قلبي إنت بتكبر تكبر معاك معاني
برجى الأيام وستنى أمالي بين نيراني
والهجر مهما يألم يرجع حنانك تاني
لو كان جفيتني خليتني وحدي برايا
مع ليلي الوحدة والشوق حنينو معايا
ما بسيبو غرامك رضيان معاك بشقايا
وقت الطريقك يوصل أعرف نهايتة خطايا.
عزيزتي .... ارجوك ان تحفظي كلماتي هذه ورقم هاتف مكتبي وتمزقي الرسالة باسرع ما يمكن . انا لا أتجرأ الاتصال بك ولكنى في انتظار اتصالك انت في الساعة ..... من صباح اليوم التالي .
لك منى صادق الحب
اخوك ......
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
نواصل :
فكرت البنيّة في الرد عليــــــــــه برسالة عاطفية مثلها فما وجدت اجمل من ان تتلهم احاسيسه بقولها :
من أول نظرة لم آخد حذره
غير اني هويتو
في قلبي أويتو
قدرت جمالو وأغراني دلالو
أوريهو فنوني
يوريني فنونو
الحياء والنضره
والتيه والجبره
هم مصدر شوقي
ومصيبتي الكبرى
بالحب أبلاني وكمان خلاني
أجيد أشعارو حبيبي شعارو
ده جمال يسحرني
بي لونو ولونو
فيك ياذو الإمرة عا########ي رشاقة
تقسيمه وضمرة
في عيونك خمرة
فوق لونك سمره
في خدودك حمره
الليل والقمرة
ضدين واجتمعو
ثمارك ينعو
بقامتك رنعو
ثم اختتمت خطابها بدعوة صريحة له لمقابلتها في موقع يتفقان عليه فكتبت له :
فرح الاحبة يتم في الامسيات
حيث اللقاء يذهب ما كان وفات
الامور لحدي هسه عادية
اتصلت عليه في اللحظة المحددة وكانت تلك اول مرة يسمع كل منهما نبرات صوت الاخر . تلعثمت الالسن في بداية الووووووو وصار كل منهما يبلع في ريقو وبعد لحظة هدأت الامور وحدث التوازن وصار كل منهما يحكي للاخر لحظات انطباعه الاول في اول مشاهدة بينهما.....................
في النهاية اتفقا على ان يتقابلا في لحظة محددة من مساء ذلك اليوم في منزل لإحدى قريبات المغترب داخل نفس القرية . كان منزل البنية امام القرية ومنزل اسرة المغترب في الناصية الجنوبية منها على بعد 2 كيلو تقريبا .
صارت البنت تفكر في أوفى وأنبل صديقاتها واكثرنهن حرصا على مصالها و حفاظا على خصوصياتها لمرافقتها الى محطة اللقاء . وقع اختيارها على صديقتها البتول . ذهبت البنية الى صديقتها البتول في منزلها المجاور لبيت اسرتها وحكت لها الحاصل و طلبت منها ان تذهب معها الى منزل قريبة المغترب في مساء ذلك اليوم . وافقت البتول على الطلب وبعد ذلك طلبت البنية من البتول ان تسمح لها بالمغادرة لمنزلها لإجراء بعض الترتيبات ...... البتول قالت ليها اقعدي اشربي ليك جبنة آ بنية وامشي بيتكم ( احيييييييي انا دا يوم جبنة يا البتول؟) هكذا كان رد البنية .
حان وقت المساء وحانت لحظة التحرك الى منزل قريبة المغترب في طرف الحلة وظلت البنية في انتظار البتول وهي لابسة توب ملون عادي . وصلت البتول وبدأت تنادي صديقتها من خارج الحوش بصوت عالي يا فلانة يا فلانة يا فلانة . أهلين يا البتول ردت البنية بصوت اعلى من صوت البتول ذاتو. قالوا العاجبة بت خالي أمحمد ولدت بعملية في الاستبالية خصمتك بالشيخ التوم ود بانقا تمشي معاي نحمد ليها السلامة . نان يا البتول العاجبة ما ولدت من الصباح والناس كووووووووووووولهم مشوا ليها مالك تأخرتي ؟ هنا تداخلت (نفيسة ) واحدة فضولية من الجيران بعد سماع اصوات البنات ديل . ايوا نعم يا نفيسة ولدت من الصباح بس انا كنت مصدعة وما قدرت امشي معاهن وبعد بلعت حبوب بندول وجع الراس راح منى والحمد لله ، هكذا كان رد البتول لتسبيك سيناريو الطلعة الى بيت قريبة المغترب .
سمح يا البتول قدامنا قهوة تعالي اشربى معانا و نصلــــــــــي المغرب ونتحرك ( تسبيكة بروحانياتها كمان) . هنا نطّ اخو البنية الصغير وقال ليهن ما شات وين ؟ انا ما ماشي معاتن - ردت ليهو البنية ( نحن ماشين للحكيم ارح معانا عشان يشوف قومة النفس البتجيك كل مرة دي من شنو ؟ يمكن يديك حقنة بنسلين ) لا لا لا امشوا براكن انا ماشي معاكن وتت دابت ليها حدن ( الوليد لسانو مانجض لسه) . كانت في واحدة من بنات الجيران متابعة الكلام البين البنية والبتول وسبق ان تقدم اخوها لخطبة البنية ولكنها رفضت وقد رشح منها بعض الكلام الفارغ عن الخطيب اغضب اخواته جدا . بدأت اخت الخطيب الغير مرغوب فيه تتابع في تحركات البتول والبنية وشكت بحسها الكيدى ان المسألة قد لا تكون زيارة استبالية وانما امر آخر ........ وعلى الفور نادت اتنين من بنات اخواتا وقالت ليهن شوفن انا عايزة منكن حاجة واحدة بس . اها شنو يا خالتو ؟
شوفن يا بنات انا سمعت البنية دي ومعاها البتول قالن ما شات الاسبتالية اها انا دايراكن مما حسّيتن بيهن طالعات تمشن مبارياتنّهن بالطّوالة بعيد بعيد واوع يحسّن بيكن مبارياتنهن لحدى يصلن الاسبتالية سمح؟ لشنو يا خالتو ؟ ما تسألني لشنو بوريكن بعدين و انا قلت ليكن الكلام دا وشوفن اوع تكلمن زول بكلامي دا سمح؟ سمح يا خالتو .
تعالن تعالن واقول ليكن كلام تاني البنية دي مع البتول لو مشن اى جهة غير الاسبتالية برضو حاولن اتبعنّهن بالطوالة شوفن ماشات وين ؟ واوع يعرفن انتو متابعنّهن سمح؟ سمح يا خالتو .
يلا البنية السمحة والبتول طلعن وشايلات ليهن عمود تلاتة طوابق ما فيهو اى حاجة غير ورق الجرائد الجاي من الصين و البلفو بيهو ناس الكناتين زمان السكر .
قدلن قدلن قدلن وبعد دقائق بنياتنا الاتنين قدلن بارياتنّهن بالطّوالة سااااااااااااى ماشات وماشات وماشات وماشات والبنيات متابعات وقت قرّبن للاسبتالية البنية والبتول عرجن لإتجاه اخر صوب فريق ناس المغترب . القمر في طفولتو عمر 5 ايام بس و البنيات الاتنين ماشات ملاصقات الحيّط عشان يكون ضل الحيّطان وصرايف القش رامية فيهن ....
بعد مشوار البتول والبنية وصلن بيت قريبة المغترب وانزون بمدخل الصريف برااااااااااااااحة .
اها البنيات الاتنين عرفن محل دخول البتول والبنية وبعد داك رجعن جري لخالتهن بعد تنفيذ تعليماتها حرف حرف بدون حد يحس او يسمع
وتفشى وعم القرى والحضر
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: مني عمسيب)
|
الحبيبة وعزيزة بت عمسيب منى
لك من المنى ما يرضيك ولو بإيدي كنت طوعت المحال
كفارة وسلامةعلي محمدالبوشي وربنا يمتعه بالصحة والعافية
ويسعد مُهجتيك بسلامته يا رب
ولك أمد الأيدي راضيا شكراً وعرفان على كل كلمة خطها كيبوردك
يا طيبة السريرة
وربنا ما يحرمنا من شهد لسانك وروحك الجميلة
تحيات .. مودة ... أشواق ... وسلااام كتيييير
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
بت السيد ست الحوش
Quote: وكيف وقد وصفوك في بوست حيدر حسن ميرغني الذي رشحك لقبولك عضو
في المنبر بانك من قبيلة المحامين والمترجمين وكاتبا وباحثا في الشأن الآسيوي
وتشارك في العديد من المؤتمرات والندوات الدولية وورش العمل .. كما وصفك عصام دهب
بأنك الإنسان المحامي والمترجم والفنان عازف الجيتار المبدع... فما شاء الله مواهبك متعددة
ومزيد من النجاحات والوفيق ... وليه ما ساعدتنا في ترجمة بعض النصوص التي صعبت علينا في بوست
اسرة بن لادن... وان شاء الله تزورنا بهناك عشان بنقوم بترجمة كتاب عن اسرة بن لادن وكتبه كاتب امريكي..
والله يديك الصحة والعافية
وبعدين يا الفاتح ان شاء الله ما تكون دي آخر زيارة وتزورنا مرات ومرات وتجينا مرات ومرات وتتحفنا من القصص الزي دي والحكيتها انت في بوست آخر::
تعرف يا جمال البانجديد وبنو وود البقا وجبل كرباج المناطق دي عبارة عن مستودع ذكريات لكل أهل الابيض في الزمن الجميل. كتبت للباشمهندس باسط ذات مرة " حكي لنا العم باهي نور – وهو ذو صوت مغرد وعازف عود ماهر وأحد اضلاع مثلث – الشفيع وود القرشي كثيرا من الطرائف والقصص التي هي أشبه بحكايات كونتربري.
فذات مرة وعندما ألقى الليل سدله وبدأوا يعدون لاوازم الإبداع من تجهيز الصالة ودوزنة العود وما إلى ذلك، فجأة ودون سابق إنذار أجهش الفنان عثمان الشفيع بالبكاء وأصر على رؤية قريب له معتقل في سجن " بنُو " بالقرب من الابيض. فما كان من الجميع إلا أن ذهبوا وأيقظوا مدير السجن ثم ذهبوا جميعا لرؤية قريب المبدع الشفيع وعادوا ادراجهم ليواصلوا الطرب ومعهم مدير السجن حتى مطلع الفجر . كان من نتاج تلك الليلة ذات الوحي الشعري والإبداع اللحني أغنية" لحن الحياة او الحالم سبانا" ( غير متأكد من ذلك) .كان أشد ما يربطهم هو التواصل الحميم والإلفة النبيلة إلى أن رحلوا عن دنيانا وتركوا " ذكريات صادقة وجميلة". وأذكر في زواج إبن الراحل الشاعر محمد عوض الكريم القرشي من كريمة العم باهي نور، تكبد الفنان عثمان الشفيع مشقة السفر إلى الابيض ولم تكن صحته تسمح له بذلك، وغنى كما لم يغن من قبل، وأجهش بالبكاء وسكب دموعا مدرارة هي مزيج من الحزن على أحبة رحلوا وفرح بإلتأم أحبة جدد علهم يحملوا شعلة الذكريات ويحافظوا على جذوتها متقدة بمثل نار كسرى وروح محبة الآباء.
|
اشكرك وانت تستقبلين الأخ الصديق الفاتح ميرغني بهذه الكلمات المضيئة
حديثك يبين بصورة واضحة انك تتابعين كل ما يكتب في هذا المنتدى بكل دقة وتبصر
صحيح الأخ الفاتح من الكتاب المتميزين في سودانيز اونلاين - انا لست في قامة الأخ الفاتح لتقييم اعماله - ولكن الحق يقال سبق ان جمعني معه عمل مشترك في بوست بعنوان ( ظلال واشجان في مسيرة القضاء السوداني) وقد كانت هي السانحة الأولى التي اهتبلتها للتعرف على عمق ثقافة هذا الانسان القانونية لا سيما في مجال ال common law
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
عزيزي الفاتح ميرغني
Quote: اهلا وسهلا ومرحبا .. ووالله زيارتك لينا شرف كبير...
وكيف وقد وصفوك في بوست حيدر حسن ميرغني الذي رشحك لقبولك عضو
في المنبر بانك من قبيلة المحامين والمترجمين وكاتبا وباحثا في الشأن الآسيوي
وتشارك في العديد من المؤتمرات والندوات الدولية وورش العمل .. كما وصفك عصام دهب
بأنك الإنسان المحامي والمترجم والفنان عازف الجيتار المبدع... فما شاء الله مواهبك متعددة
ومزيد من النجاحات والوفيق ... وليه ما ساعدتنا في ترجمة بعض النصوص التي صعبت علينا في بوست
اسرة بن لادن... وان شاء الله تزورنا بهناك عشان بنقوم بترجمة كتاب عن اسرة بن لادن وكتبه كاتب امريكي..
والله يديك الصحة والعافية |
الأميرة الأميرة بت السيد.
تحياتي النواضر.
مشكورة شديد على جلب هترشات صحابي دي هنا. وثانيا والله ما قريت البوست الفات لأني كنت بخش على فترات متقطعة. لكن ابشري لو في اي موضوع ترجمة.
ودي طوبتي في البوست ده وجاييك لكلام شيقا أو ريحانة المنبر.
عزيزنا ود المنسي.
مشكور يا سيدي على الترحيب وإضافتي لكوكبة هذا النادي العريق.
محبتي
| |
|
|
|
|
|
|
|
|
 Re: ود ابوسن، ود شيقوق، ود البوش، ود المنسي، انتو ناس سمحين... (Re: الفاتح ميرغني)
|
Quote: الله يجازيك بالخير يا وضاحة..لقطة روعة ومباااااااااااااااااالغة
نحن ذاتنا اتخلعنا لمن شفنا الجنين طالع من بطن امه بيمشي
وعاوز يستخدم الانترنت.....طبعا اذا الجنين بيطلع وهو ماشي
الامهات حيفرحن عشان يتخلصن من كواريك الليل والسهر
في السنتين الاوائل..
والله يديك الصحة والعافية |
ستهم مشتاقيين
هاهاهاها
يا ريت ويا ريت لو الرجال ديل جربوا وجعة واحدة من وجع الولادة كانوا امنوا زاتوا ههههههههه
وعرفوا كم هى عظيمة المراة
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: وضاحة)
|
Quote: بيبة قلبي الواضحة صباح الحب وصباح الشوق وصباح الخير
يا وش الخير ... وجيدن جيتي والله الصالون بلاكم خلا ..
يا وضاحة رأيك شنو في حواشتي دي ؟ تعالي نتمشي مع بعض فيها .
طبعآ يا وضاحة ان شاء الله ننسق مع بعض عشان تجوني زيارة بس النفضي
شوية كدي ورح نتمشي ونتكلم هههههههه. |
بت عمسيب الحنينة شوق الشوق يا غالية
حواشتك اريتا حواشت البنات كلهم هههههههه
بعجبنى زوقك فى اختيار الالوان كلها الون فرايحية
الله يسعدك دوم
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: وضاحة)
|
Quote: عزيزنا ود المنسي.
مشكور يا سيدي على الترحيب وإضافتي لكوكبة هذا النادي العريق. |
العزيز الفاتح
الترحيب كان في اهله ومكانك بيننا
ونناشدالحبيبة الحنينة بت عمسيب أن تتحف قدومك البهي بباقة زهور من مزارعها
وهداك شايف بت عبد الرحيم الأميرة مرقت ليك عنقريب هبابي قوم إتكي لما تجيك القهوة والشاي
وتحيات ومودة وسلام
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
العزيز ود المنسي
انت عارف ابوي زعلان منك بالجد لانه قال لي يا بت انتي غيرتي اسمي من مصطفى لعبد الرحيم
لشنو؟ قلت ليه وكيفن يا ابوي اغير اسمك ..حتى اسمك من اسماء الرسول..وقال لي وطيب كيفن
ود المنسي يقول ليكي اميرة بت عبد الرحيم..قمت شرحت ليه ان ناس ود المنسي قاصدين بسمات
بت الشيخ عبد الرحيم..وقال لي بت السودنة الكانت مقيلة معانا اليوم ..قلت ليه ايوه يا ابوي وبيلقبوها
بالاميرة.....وقال : فعلا تستاهل يسموها اميرة ..مش عشتن اخلاقها العالية وبس وكمان هي بتلبس
زي الاميرات...
ووين نحن يا ود المنسي من بت عبد الرحيم البرجوازية والولدوها وفي خشمها معلقة دهب ..وبتشتري
ملابسها من ساكس في الفيفث افنيو ونوبلز....
يعني معقول ياا ود المنسي نسيت اسم ابوي بالسرعة دي...
وبالمناسبة بت عبد الرحيم دائمة السؤال عنكم ..وبتسال ود حلتها ود الفاضلاب
مواصل الكتابة...قلت ليها ود الفاضلاب بيكون سافر لانه ما كتب ولا حرف في الربع
الجديد....
والله يديك الصحة والعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
الناس السمحين
القرايب الحلوين
صباحكم احلى صباح وايامكم كلها ان شاء الله افراح بحاول الحق البوست لكن اشهد الله حمارى مكادى شاريوة من شيقا وانتو عارفين ناس النضمى ديل الواحد ما بلحق لسناتهم الطويلة خليك من اشترى منهم شيتن نافع
لكن كل مرة وبتاوق وبطلع
الى ان اركب معاكم السموحة ان شاء الله جاى من اجازة والشغل ما يستاهل الا اشوف ليه دوكة نارها مولعة وارميه تحتها اريحهم وارتاح منه ومحل نجيضة التنقد ما تنسد بركة اهلى البعاد
ود المنسى الغالى
مشكور للاتصال دائما صاحب واجب وما عدمناك يارب
شوف صاحبك العريبى قام يقلب فى المواجع بتذكر فى ايام الانتخابات والطردة الحاااااااااااااااااارة من البردانه الفراقها فراق ام ريش من الدريش
لورى وعمروه الله يستر
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
Quote: العزيز ود المنسي
انت عارف ابوي زعلان منك بالجد لانه قال لي يا بت انتي غيرتي اسمي من مصطفى لعبد الرحيم
لشنو؟ قلت ليه وكيفن يا ابوي اغير اسمك ..حتى اسمك من اسماء الرسول..وقال لي وطيب كيفن
ود المنسي يقول ليكي اميرة بت عبد الرحيم..قمت شرحت ليه ان ناس ود المنسي قاصدين بسمات
بت الشيخ عبد الرحيم..وقال لي بت السودنة الكانت مقيلة معانا اليوم ..قلت ليه ايوه يا ابوي وبيلقبوها
بالاميرة.....وقال : فعلا تستاهل يسموها اميرة ..مش عشتن اخلاقها العالية وبس وكمان هي بتلبس
زي الاميرات... |
الأميرة أميرة مصطفى السيد
سموك بت مصطفى والصفاء أخلاقك
الأديبة رفيعة مهذبة من ميلادك
بت العز تمام والتلود أجداك
وا أسفي الشديد كان غلتا مُشهادك
قولي للوالد أنا في السودان وطاشي شبكة وإحترت تب كيف ناس ودأبوسن مكابدين ورابطي الجأش
يا الحبيب مصطفى السيد أنا أسف ماقصدي هضم حق وزلة لسان وكان شفت كيف اعاني حتى أكتب سطر
وأسله نغمة نضفي حوش بنيتك العامر بي عماركم لعذرتني والله يا مصطفى ود السيد أكتب وأمسح
زيشفع سنة أولى أرسل وألقى الموضوع ما نزل ,اعيد من تاني
أعذرني .. أعذرني .. أعذري
ولك العذر حتى ترضى
وأمسحا لي في وشي واللوم بجي بي الغفلات وأمانة ما إتلومتا فيك لوم اليابا فضل
Quote: ووين نحن يا ود المنسي من بت عبد الرحيم البرجوازية والولدوها وفي خشمها معلقة دهب ..وبتشتري
ملابسها من ساكس في الفيفث افنيو ونوبلز....
يعني معقول ياا ود المنسي نسيت اسم ابوي بالسرعة دي...
وبالمناسبة بت عبد الرحيم دائمة السؤال عنكم ..وبتسال ود حلتها ود الفاضلاب
مواصل الكتابة...قلت ليها ود الفاضلاب بيكون سافر لانه ما كتب ولا حرف في الربع
الجديد....
والله يديك الصحة والعافية |
والله يا الأميرة بت مصطفى ود السيد كلك عندنا دهب شيبون مدخور نزود وندافع عنو
وتب ماكن هينات ولينات وربنا يحفظكن في صونه
سلام كتير بعدد زرات تراب بدنا لبت عبدالرحيم بسمات
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
Quote: ود المنسى الغالى
مشكور للاتصال دائما صاحب واجب وما عدمناك يارب
شوف صاحبك العريبى قام يقلب فى المواجع بتذكر فى ايام الانتخابات
والطردة الحاااااااااااااااااارة من البردانه الفراقها فراق ام ريش من الدريش
لورى وعمروه الله يستر |
تسلم يا ابوسنينة
حقك كبير فوق الرقاب يا المبروك
ودا الواجب الواجب مقامو أهل الواجب الزيك
يا أخوانا بت عمسيب حزينا شديد قوماكُن نمشي عليها في بلد الزهور
يا أبوسنينة شوف ود العوض خلي يكب لي جاز في لوري ونقوم
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
..
Quote: الناس السمحين ... والغاليين .. لا زلنا نتابع ... الحكي .. والونسة .. معاكم .. في .. قصر بت الأمير ... الاميرة ..
نستمتع ... فقط بالقراءة .. ونحكي ... بي اسمكم .. لللأهل والاحباب .. وهم .. يغروكم السلام ..
ودالمنسي ... شيقا .. والله اسفين على الانقطاع ... لكن الشديد القوى ... هو ... السبب |
العزيز عبدالحليم ود حامد
سلام يغشاك يا طيب
وما بتقصر تب يا جبل الحديد
وتحياتنا للأهل والحِبان
وخليك قريب وماتغيب ننشد أخبارك يا جميل
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبيد الطيب)
|
سماكي زرقتو زي الطَّاجِن الممسوح
ؤبتكَّل سحابك زي سطور اللّوح
إتحليتي بي مسكاً عطورو تفوح
وفيك ريحة دِعاشاتَن ترُد الرّوح
الله يا عبيد تسلم اياديك
هذا البوست ومن فيه اناس اكن لهم معزة اخوية صادقة وخالصة مرورك الكريم زادة حلاوة وبهاء
الطيب حبيب وغالى ويعلم معزتى له ولاهله جميعا مناكفتنا له ماهى الا زيادة فى محبتة التى ليست لها حدود
اجد راحة كاملة فى كل ما ياخذة منى من كلمات اكثرها تحمل رسائل تزكرة باهلة فى البردانة حتى لا يغرق فى الاجواء السلطانية بمساعدة حبيبى المتلق دائما ود المنسى
لكن بس المحيرنى ولا واحدة من االاخوات شدت علية مثل ما ياخذ منى ومن خالد ود المنسى
سوف احاول جاهد جذب بت العم عمسيب لتكون فى الصف موازة للجعلية وضاحة حتى يرد الله امرا وتكون الاميرة معنا
بعدها يكون العريبى وحيدا فى المرمى وسهل الاصتياد ( لكن فوق كل هذا زول شغلة فى لسانووو الله يقدرنا علية )
وفيما يخص ود بله فهو اخى وابن الجيران ولا يحتاج الا لمد الاصبع والفزعة هوى هههههههههههههههه
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
Quote: سماكي زرقتو زي الطَّاجِن الممسوح
ؤبتكَّل سحابك زي سطور اللّوح
إتحليتي بي مسكاً عطورو تفوح
وفيك ريحة دِعاشاتَن ترُد الرّوح
الله يا عبيد تسلم اياديك
هذا البوست ومن فيه اناس اكن لهم معزة اخوية صادقة وخالصة مرورك الكريم زادة حلاوة وبهاء
الطيب حبيب وغالى ويعلم معزتى له ولاهله جميعا مناكفتنا له ماهى الا زيادة فى محبتة التى ليست لها حدود
اجد راحة كاملة فى كل ما ياخذة منى من كلمات اكثرها تحمل رسائل تزكرة باهلة فى البردانة حتى لا يغرق فى الاجواء السلطانية بمساعدة حبيبى المتلق دائما ود المنسى
لكن بس المحيرنى ولا واحدة من االاخوات شدت علية مثل ما ياخذ منى ومن خالد ود المنسى
سوف احاول جاهد جذب بت العم عمسيب لتكون فى الصف موازة للجعلية وضاحة حتى يرد الله امرا وتكون الاميرة معنا
بعدها يكون العريبى وحيدا فى المرمى وسهل الاصتياد ( لكن فوق كل هذا زول شغلة فى لسانووو الله يقدرنا علية )
وفيما يخص ود بله فهو اخى وابن الجيران ولا يحتاج الا لمد الاصبع والفزعة هوى هههههههههههههههه |
ابوسنينة الحبيب
سلام يا طيب الخصال والذكرى
سلام يا ود صناديد الرجل والضكرة
سلام يا أهل الكرم والشكرة
سلام ولهجك زي ادُعاش والنترة
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
والله يا عبيد ود الطيب انو البوست او بالاصح الحوش الواسع استطاع ان يجذب مبدعين
ورائعين وسمحين زيك بيورونا كل يوم شئ جديد ومبدع وخاصة في خاصيتنا السودانية
الفريدة ...ومنها انشاد الد وبيت ..واصبح البوست كل يوم بيعلمنا .الجديد والمفيد ..ووالله الحكايات
الشعبية . وونسات ناس القر ى على ضوء القمر وهم جالسين في الرملة تساوي سعادة ما بعدها
سعادة ونحن لم نقرا الروائع دي تصيبنا ايضا عدوى السعادة وبنطلع من حالة الياس والنوستالجيا
البنعيشها في الغربة البعيدة....
وبعدين كمان عجبني شديد وصف ابو سنينة لشغلة المحامين لمن قال عن ود شيقوق:"زول شغله
لسانو الله يقدرنا عليه"....وفعلا اذا المحامي ما كان فصيح اللسان وسليط اللسان ما بيكون محامي
ناجح...وبالمناسبة انا قريت قانون ..لكني في امربكا ما شغالة في المجال ..لكن شغالة عمل
ببحتاج للقلم وذاكرة قوية....بس الله يديم الذاكرة والقلم..
والله يديكم الصحة والعافية...
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
يعلم الله مشتاقين للناس السمحين
الأرشفة شفقتنا لكن الحمد الله شجرتنا الظليلة التي نستظل بظلها عادت أكثر اخضرارا
وعاد رواد الشجرة أكثر شوقا وتألقا
صديقي ود شيقوق " فضى" ليكم وبدأ يحكي عن روائعه من واقع مهنته التي أحبها فأحبته وبرع فيها
بعد دا " حتنتظروا " مسلسل ود شيقوق" الشيق والله اصبركم على "شحتفة" ود شيقوق وأنا خايف ناس فلانة وعلانة يبطلن شغلتن لزوم متابعة حلقات المسلسل الممتعة .
التحية والشكر والتقدير لجميع الإخوة والأخوات الذين أثروا هذه المساحة النظيفة التي بجمالها تزيل الهم والغم خاصة للإخوة والأخوات في بلاد الغربة والشتات.
يا الله يا بت عمسيب ويا بت السيد عمكم " الفكي آدم" عازمكن تشربوا معه "كباية "شاي من نوع خاص وقال ليكن أجبرن بخاطري يا بنياتي الله يجبر بخاطركم.
جبر الخاطر
كان كلما مر ببيته المطل على الطريق المؤدي إلى المسجد ألقى عليه التحية فيبادله صاحب الدار بأحسن منها ويضيف قائلاً : " اتفضل يا ولدي أشرب معاي كباية شاي" وكان صاحبنا دائماً على عجلة من أمره فيعتذر له ويوعده بتلبية دعوته في المرة القادمة. تكررت الدعوة واعتذر صاحبنا عنها مراراً. في يوم من الأيام وكان الفصل صيفاً والوقت نهاراً، تذكر صاحبنا دعوة صاحبه المتكررة، فنوى زيارته تلبية لدعوته فذهب إليه وألقى التحية عليه وقال له جئتك لشرب الشاي. رحب به "فكي آدم " ترحيباً بالغاً قائلاً " الليلة جيت تجبر بخاطري يا ولدي الله يجبر بخاطرك."
حكي " فكى آدم" لصاحبه شيئاً عن حياته وأهله الذين فارقهم منذ زمان بعيد وانقطع التواصل بينهم ، وحدثه عن الأسباب التي منعته عن الزواج وأنه بلغ من العمر عتيا واستقر به المقام منذ سنين في هذه البلدة المباركة الطيب أهلها ووجد عندهم حسن المعاملة وطيب المعشر وسيقضي باقي عمره معهم وهو مطمئن إذا وافته المنية أنهم سيكرمونه كما أحسنوا معاملته في حياته.
بدأ صاحبنا يفكر في كلام "فكي آدم" وقد تأثر بحديثه وأعاد التفكير في الظروف التي ترغم الإنسان على فراق أهله وتحرمه من التواصل معهم والأسباب التي تدفعه عن العزوف عن الزواج وتكوين أسرة أشد ما يحتاجها الإنسان في مثل هذه الظروف: الغربة وبلوغ سن الشيخوخة، فسالت دمعة من عينه مناجياً نفسه ما أقسى ظروف الحياة عندما تحرم الإنسان عن أهله وعشيرته.
جال صاحبنا ببصره في غرفة "فكي آدم" التي لا يوجد بها نوافذ ولا حتى "طاقة" لمرور الهواء، وبدت له موحشة مظلمة رغم أن الوقت كان نهاراً وأشعة الشمس تتسرب إليها من خلال شقوق جدرانها المتصدعة، كما أنها خالية تماماً من الأثاث سوى "عنقريب" قصير متأرجح متهتك الحبال موضوع "قصاد" الباب و"تبروقة مهترئة" وجرة صغيرة "قلة" وإبريق نحاس قديم.
شرع "فكي آدم" في تجهيز الشاي: بدأ "يبحت" بطرف أصبعه حول "عنقريبه" عن " كسرات" فحم وقام بجمع كمية قليلة منه، "ولملم" شوية " قشقش" من داخل الغرفة وأشعل النار وقام بوضع "كفتيرة" صغيرة قديمة صار لونها أسودا من تراكم "السكن" عليها. ملأ الفكي آدم "الكفتيرة" من "إبريقه" ، واستغرق الماء وقتا طويلاً إلى أن وصل درجة الغليان، ثم أخذ قليلاً من الشاي والسكر من علبة داكنة اللون ووضعهما في "الكفتيرة" وترك الماء يغلي ويغلي. فاحت رائحة الشاي وعطرت أجواء الغرفة. صب "فكي آدم" الشاي في "كباية مكسرة الحواف" كانت أصلاً وعاءً لـ "مربى" وقدمه لصاحبه . رشف صاحبنا رشفة فوجد طعم الشاي طيباً وأعجبته نكهته فشربه حتى آخر قطرة مثنياً على طعمه ونكهته وطلب المزيد منه. بعد أن شرب صاحبنا "الكباية" الثانية قال للفكي آدم: كانت هذه أطيب "كباية شاي" شربها في حياته. ودع صاحبنا "فكي آدم" ووعده بزيارة أخرى. شكره "فكي آدم" على الزيارة ودعا له بخير. في تلك الليلة وعند آذان الفجر، رأى صاحبنا رؤية جميله فاستبشر بها خيرا، ولما كانت الأعمال بالنيات ومرتبطة بقرائن الأحوال ، خطر على ذهن صاحبنا تلك الزيارة التي قام بها نهاراً بنية جبر خاطر "فكي آدم" والتي ربما تكون السبب في تلك الرؤية الجميلة.
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: مني عمسيب)
|
كتبت رد طويل من صفحتين لكن اتمسح بقدرة قادر وكان جهاز الكمبيوتر لحق كميوتر
ود ابوسن...لكن بكتب موجز للصفحتين .....
..انا متاكدة يا ود بلة ان الشاي الحيقدمه لينا الفكي ادم في الكباية المكسرة ده حيكون اطعم والذ
نكهة من الشاي البنشربه في ارقى مطاعم نيويورك وامستردام او مطاعم برج الخليفة في دبي او
حي اللؤلؤة في الدوحة(طبعا دبي والدوحة بنشوفها في طريقنا للسودان في الترانزيت لمن ننزل
يوم كامل في ضيافة الخطوط القطرية وطيران الاتحاد في فنادق الخمسة نجوم)''''
وكمان ان متاكدة ان الفكي ادم وهو يعيش في هذه الغرفة البدون نوافذ او طاقة يمر منها الهواء
يشعر. بسعادة اكثر من المليونيرات العايشين في الغرف الفخمة في ارقى الفنادق العالمية زي الغرفة
الكان نازل فيها Kevin الطفل الراح من اهله في نيويورك في فلم Home alone2 lost in NewYork
وطبعا انا جبت المثل ده عشان شفنا الفلم الفكاهي ده امبارح)...
وان شاء الله جبر الخاطر، هذه العادة السودانية السمحة لسع موجودة في السودان في الزمن
السئ ده...لكني ايضا على يقين ان طيبة السودانيين ومروءتهم ما بتروح ابدا على الرغم من
تقلبات الزمن. وغدره..لانها عادات اصيلة مثل الذهب لا تصدا ....
والله يديك الصحة والعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
Quote: ومن ود ابوسن:"
والله يا بت السيد إنت قاضي مدني على قول عم عبد الله كريشاوي
|
كم يزيدني فخرا وسرورا أن أجد هذا الإقتباس بإسم أخ قامة في كل شيء - ما شاء الله - شيخ العرب حبيبنا ود أبسن أهل الفصاحة والبيان، والجود والشهامة والكرم.
ما قلت ليك يا بت السيد كلنا واحد في هذا الحوش، أنا ود أبسن، وود أب أنا ، وأنت بت عمسيب وبت عمسيب أنت ، مثل هذه الروح السمحة والإلفة والمحبة التي تسود وتميز كتاب وقراء ومتابعي هذا البوست جعلته يصل إلى الصفحة (26) وسيمتد إلى أكثر من ذلك بكثير، ما دام هذا هو ديدنكم في الكتابة النظيفة " الخاتية العيب"، البتسر القلب وتبهج الروح وتزيل الهم والغم . وما يصدر من القلب حتما سيدخل القلب. الباريء يحفظكم ويديم المودة بينكم.
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
Quote: وان شاء الله جبر الخاطر، هذه العادة السودانية السمحة لسع موجودة في السودان في الزمن
السئ ده...لكني ايضا على يقين ان طيبة السودانيين ومروءتهم ما بتروح ابدا على الرغم من
تقلبات الزمن. وغدره..لانها عادات اصيلة مثل الذهب لا تصدا ....
والله يديك الصحة والعافية |
أنا على يقن تام أن عاداتنا وقيمنا وشهامتنا ومروءتنا لا تنتهي أبدا مهما أصاب أحوالنا الإقتصادية والمعيشية من سوء .
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبدالحفيظ ابوسن)
|
تشكر اسحق ياخ
وكتر خيركم جميع
الايامات دي كدوسي منكسرة فيهو قشة
الحكاوي راقدة الله يعدل المزاج
ههههههههههه اها اتعدل يا اخوى كان الكدوس انكسر شوف ليك وقرقار
وانا ما نفعت القصبة شوف ليك بوصة هههههههه
ود عمى ات بلا كدوس مو مقصر مشاء الله عليك ان جابت ليها كدوس سعادينى على العريبى شغال فى اليوبيلات شيتن فضى وشيتن حديد ونسى البردانة الغرقانة فى الطملة
يالله ما اجملكم وما اجمل ما يقدم من ايايدكم البيضاء وقلوبكم الطاهر
يا اخوان فى ناس كتار بحلووو البوست زيادة على حلاوتكم لكن عارفين اخوكم شهر 12 شهر اقفال قروش الناس المتاوقة احسن من الانقطاعة
او شنو رايك يا اميرة الاميرات
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: Yousif A Abusinina)
|
فعلا المشغوليات بتجبرنا ننقطع من النت لفترات لكن زي ما قلت المتاوقة اخير من الانقطاع
مرة واحدة....ونحن حتى في اوقات المشغوليات الكثيرة بنجي نتاوق ونقرا على السريع بدون
المشاركة بالتعليقات..ومرات بنكلف الزميلات العندهن فراغ يقرو الجديد في الحوش ويلخصوا
لينا الموضوع لغاية ما نجي برانا للتفاصيل..وعندنا زميلة مدمنة بتقرا النكات البقدمها عثمان موسى
وكاتلانا بالتلفونات وتقول لينا يا الله فرجوا همومكم بالنكات دي ..ودي دائما مرات بنكلفها تشةف لينا
الجديد ..والله النلس في الغربة القساية دي،وخاصة البنات اذا لقن الوسيلة كان حيرجعن الليلة قبل بكره
لكن الحاجة والضرورة ليها احكام....والله يبارك فيكم لقد هونتم علينا الكثير من الصعاب ونعيش السودان
..سودان الطيبة والشهامة والكرم والمروءة من خلال السطور الوضيئة التي تخطها اقلامكم
والله يديكم الصحة والعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: Yousif A Abusinina)
|
Quote: جيدن جيت ود امي وادخل لالالاجوة .. وتصدقو انا اقول لي عيني بترف
اتراهو لي ود بلة هههههههههههه .
الموضوع بستاهلو حفلة ( اهداء خااااااص لي ود بلة )
( مرحبآ يا شوق ) ... |
أهلك العرب بقولوا رفة العين كان بي فوق خير
وكان بي تحت الله استر
أكيد عينك رفتك بي فوق ما دام فيها إهداء جميل لفنان قامة غنى فأطرب لحًن فأبدع أنشد فأجاد وأمتع.
شكرا على الإهداء يا بت عمسيب أختي
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: مني عمسيب)
|
حبابك اخوي الحبيب ود بلة ..
| Quote: شكرا على الإهداء يا بت عمسيب أختي |
والله يا خيي اي شئ سمح وانا بدورو بدوركم تسمعوا وتشوفوا
وتستمتعوا بيهو معاي .. ومافي داعي للشكر ومافي شكر بين
الاخوة الاحباب .. ربنا يخليكم لينا ويديكم الفي مرادكم قادر يا كريم ..
يا خواني ابو سنينة دي قال مشغول الله يسهل عليهو وود شيقوق مشغول وود ابو سن
رغبة في الكتابة معلنة العصيان اها شن بنسو ؟ انا ذاتي بعد كم يوم مغادرة
واهو وصيتكم الموت من الحياة مو معروف واختص اخوي ود بلة وكل الاحبة البسعودية
لو حصل قدر الله وامره تحجوا لي والموت من الحياة مو معروف انا بخاف من ركوب الطيارة
وبعتبرها وسيلة الموت السريع اكتر من الوصول ههههههه ومو بغيير رأي فيها علا لما اصل
بالسلامة محل ما ارك اها عشان كدي دي وصيتي يا الحبان قررت السفر لي مصر وربنا يوصلنا
بالسلامة ودعواتكم الصالحات .
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
كويس الكدوس انكسر يا ود ابو سن ..عشان اساس الكدوس مضر بالصحة زيه ووي السجاير
وبعدين الكدوس دائنا بيدخنه الناس العجايز ...وانت ما شاء الله شاب في مقتبل للعمر..
..والعمر مش بعزقة ..زي ما بيقولوا المصريين..
والله يديك الصحة والعافية..
يا جماعة الخير في اتنين مسجلين غياب على طول ومشتاقين نقرا ليهم حروف ..ود البوش..وود
الفاضلاب..ود حلة ناس بسمات ..اسالوا منهم...ان شاء الله المانع خير..
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
Quote: البورصة إن شاء الله تطير الأخدتك منا
منتظرين جيتك ومتابعة "مسلسل ود شيقوق" الشيق |
الاحتفال السابعة و النصف مساء اليوم منقول على الهواء مباشرة على القناة العمانية
الليلة عاد اخوك بتغيّر كلو و لا بتعرفو علا تركز فيهو كويس ، يتهندم سمح ويملا ليك الجيوب كروت تعريفية ويشيل ويشتت ساي الما عارف يقول الزول دا مولود مع ناس المرتضى في حي المسالمة
العجب الحديث بيكون كلمة كلمة وبراحة علا الواحد يرخي لي اضانو قريب عشان يفرز الحكي وكمان كان ما شحتفت ليك روح الواحد ما برمي ليه الكلمة التانية
كدا كيف يا خالي ود البلة؟
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
سلام للاخوان واللخوات
ود البوش والفاضلابي
ود البوش دة عريس النعذرو شوية لكن الفاضلابي مالو
اميرة القصة معروفة
شيخ العرب كدوسو انكسرت فيهو قشة .. بنضف فيهو بي قشة والقشة انحشرت وانكسرت وغلبو يمرقها .. وبقا بحاول يمرقها وممحن فيها
جات مرتو وقالت ليهو
ابوي مات
قال ليها
انتي في ابوك المات ولا في كدوسي الانكسرت فيهو القشة
فصارت مثلا
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبدالحفيظ ابوسن)
|
الله يجا زي محنك يا ود ابوسن..وتراهو الكدوس الانكسرت فيه قشة مثل وانا مفتكرة
انو كدوسك انكسر بالجد...وبقيت زي الاطرش في الزفة..
وبعدين نحن مما ولدونا بنسمع ان شهر العسل للعروسين شهر واحد بس.. ود البوش ليهو
شهرين....
بي في بالي برضه سؤال حول الموضوع ده...ليه حددوا شهر العسل بين المتزوجين حديثا
بشهر واحد..ليه ما يكون العسل مستمر العمر كله...واتناقشنا في الموضوع ده مع زميلات
وواحجة قالت مستحيل طبعا العسل والسعادة تستمر العمر كله بين الزوجين لان الحياة
حتكون مملة ..وقالت ان المشاكل ملح الحياة بين الزوجين وزي ما الملاح بكون طاعم بالملح
فالحياة الزوجية بتكون طاعمة بالمشاكل.....معقولة يكون ده مفهوم الزواج ..والحياة الزوجية
تكون كلها مشاكل عشان تستمر؟.....واذا كان ده ياهو المفهوم فاخير حياة العزوبية....
ويا الناس المتزوجين رايكم شنو..
والزميلة المدمنة ببوست النكات قالت هي قرات نكتة في بوست هنا في المنبر العام بان زوج وزوجة
متزوجين ليهم 50 سنة وعايشين في سعادة وبدون اي مشكلة بيناتهم...قام واحد سال الزوج عن
سر هذه السعادة وكيف ما تحصل ولا مشكلة بينهم..فالزوج رد :"انا وزوجتي اتفقنا اول ما رجعنا
من شهر العسل اذا حصل اي زعل ولا مشكلة بيناتنا هي تقوم تدخل المطبخ وانا امشي لحديقة المنزل
بره...واها لين خمسين سنة هي عايشة في المطبخ وانا عىيش هنا في الجنينة..هههههههههههههه..
والله يديكم الصحة والعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
إهداء لناس الحوش، خاصة الناس البعادهناك في بلاد الغربة والشتات
زمان كان البعاد عن الأهل والأحبة داخل الوطن غربة والآن صار البقاء داخل الوطن هو الحاجة الغريبة، ولو أتيحت الفرص لما بقي في الوطن الجريح أحد سوى الشيوخ والعجائز.
قصيدة مينا - بركات بله – 1971
بلغة أهلنا الطيبين في الريف، وبلسان المحبوبة كانت هذه القصيدة التي أستعير فيها لسان حالها عندما أبلغت بخبر نقلي إلى مينا شرق مدينة سنجة أيام كنت معلماً بالمدارس الإبتدائية
ياربي شيلنا نحنا وكضب الشينة
وادينا الصبر لمتين يعود لينا
ورفقاً بحبيباً ناقلنه لمينا
ولطفاً بولوفاً كان بصابحنا وبماسينا
ويا حليلو نقلوه الليلة لي مينا
مالو فات الفريق ومسّخ ديارنا علينا
وزي طفلاً رضيع بكت دموع عينينا
وفي فقده العزيز منو البقدر يعزينا
غيرك صبرك يا إلهنا ترضى وتقسمو لينا
ويا حليلو نقلوه الليلة لي مينا
لو داير بعيد عشان بالمال تعود لينا
وتتغرب وحيد عشان تفرح ليالينا
خليك قريب نحنا ناس القليل برضينا
وما كان المال هدفنا ولا وراه جرينا
ويا حليلو نقلوه الليلة لي مينا
خلاص اتغرب انحنا عليك رضينا
وفوق الغربة أخوان فيهم حنان والدينا
قلوبنا معاك تلقى مناك وتعود لينا
ويضمنا ليل ويجونا أحبابنا يهنونا
ويا حليلو نقلوه الليلة لي مينا
ومشينا هناك بعيد لي مينا
شمال الفونج .. جلقني وشاشينا
وشفنا قدر ما تشوف عينينا
لكنو وين لي شباب "فداسينا"
زولاً كان نظر برمينا
وكان بسم بشيل قلوبنا يخلينا
ويا حليلو نقلوه الليلة لي مينا
• "فداسينا" : فداسي الحليماب بلد الشاعر
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبيد الطيب)
|
التحية والتقدير للاخت العزيزة أميرة السيد
بعد غياب سنتين من المنبر عدت لاستمتع بحديث
المسانيح الحلوين صديقي الحبيب ود شيقوق والامير
ود المنسي والجميل الفاتح ميرغني وأبوسنينة ودكتورة
وضاحة وعلي امل ان يمر سعادتو عمر علي حسن
ليعطر الجلسة بحديثة الشيق . وايضا صاحب اليراع الجميل
مولانا محمد المرتضي حامد . وأكيد بوست جميل بأصحابه
تسلمي يا أميرة .
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
سلااااااام جاكم مدردق ليكم كلكم إخوان واخوات ... وحقيقة ربي يدينا وإياكم الصحة و العافية ونعمة شكروا إن هدانا ليكم واصبحتو بيهو زيما قال القائل :
ومِن عجَبٍ أني أحِنُ إليكُم .... وأسألُ عنكُم من لَقيتُ وأنتُم معي
وتَطلُبَكُم عيني وأنتُم في سوادُها .... ويشتاقَ قلبي وأنتُم بينَ أضلُعي
Quote: اسحاق بله الامين : مالو فات الفريق ومسّخ ديارنا علينا
وزي طفلاً رضيع بكت دموع عينينا
وفي فقده العزيز منو البقدر يعزينا
غيرك صبرك يا إلهنا ترضى وتقسمو لينا |
الاستاذ الفاضل / إسحاق الامين ... ياخ يعلم الله إنك جيتنا في سلك عريان وهبشت لينا وتر عاااالي خلاس في الاحساس
وسيدنا ( جرير ) بيتم ليك كلامنا وبيقوليك : لو لا الحياة لهاجني ...... !! وبنردد ونقول كمان فوق قولك العجيب :
جاني الخبر جاني البلا والسمحة قالوا مرحلا
قول يا لسان في الراحلا صوغ المعاني وجمِــلا
وحقيقة لولا خوفي من فلكة بالعنكوليب المتوعدني بيها حبيبنا ود شيقوق والبي سببو مرتي قالت لي ( كُبـــــــــــة ) بي معنى وجع ههههههههه
كان فكيت ليكم اخري هنا دي فوق كلامك السمح بالحيل ياخ ...
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: محمد عبدالقادر ضرار)
|
الاحتفال السابعة و النصف مساء اليوم منقول على الهواء مباشرة على القناة العمانية
الليلة عاد اخوك بتغيّر كلو و لا بتعرفو علا تركز فيهو كويس ، يتهندم سمح ويملا ليك الجيوب كروت تعريفية ويشيل ويشتت ساي الما عارف يقول الزول دا مولود مع ناس المرتضى في حي المسالمة
العجب الحديث بيكون كلمة كلمة وبراحة علا الواحد يرخي لي اضانو قريب عشان يفرز الحكي وكمان كان ما شحتفت ليك روح الواحد ما برمي ليه الكلمة التانية
كدا كيف يا خالي ود البلة؟
اهاااااااااااااااااااااااااااا يا اهلى كلامى مو فى محلة
ود بله عليك الله دا تانى بذكر البردانة ان شاء الله ام برد الما تجيك على قول حبوبتى
يا ود المنسى بعاااااااااد طال العريبى فرهد وانفرد
ان شاء الله تصلى بالسلامة يا بت العم والله يبعدك من مصائب الطيارات والله الزول عضمة ما يلقوها ان شاء الله يسموا بيها القبر يقولو دا قبر فلان وعلان .
عشان الحبايب فى البال كان حبوا ليهم زوووول طوالى يركبوا الطيارة
ود ضرار نورت ولا تخاف من العريبى حكاوى مو اكثر ارمى اخررررررررك طوالى وانا قدامك مو وراك
اها بت العم الله يفضى بالك يا بت عمسيب الدنيا كلها مشغلة فى مشغلة يهون علينا ربنا
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: Yousif A Abusinina)
|
Quote: كدا كيف يا خالي ود البلة؟
|
أنا أستأذنت من المدير ومن "دربي دا " للبيت طوالي ما في أي غشوة لا بقالة ولا فرن ولا يحزنون وكلمت الوليدات يرجوني الفضائية العمانية فاتحة لمشاهدة حبيبنا ود شيقوق.
يا أبو سنينة الحبيب عليك أمان الله الليلة "البردانة" كلها تلقاها متحلقة ومحلقة في الفضائية العمانية ومنتظرين ظهور حبيبنا ود شيقوق في شاشة التلفزيون أصله كلمهم قبل شهر، وبعد إنتهاء الإحتفال الأعمى بشيل المكسروجري لبيت ناس مولانا، عشان يباختوا ليهم ظهور ولدهم في التلفزيون.
الليلة حظ جلاد العناقريب ، عناقريب ناس ود شيقوق كلها بتتكسر، ات ما سمعت بالمثل البقول العربي كان فتح بجيب لأهله ....
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
الليلة مشيت زرت لي بيت جميل جدا ومكتوب قدام البيت :"كل عام وانت اجمل كلماتي"
وهو بيت احمد موسي..ولقيت ود ابو سن سبقني بهناك...ولمن دخلت لجوه البيت وجدت
الكلمات الرائعة دي:"
يصادف اليوم السابع عشر من ديسمبر عيد ميلاد رفيقتي حبيبتي زوجتي..امراة من خطوط الشمس
ناصعة كقلب رضيع كاما نظرت اليها ازدادت القا على الق..وشكرا لك ربي ان اهديتني امراة نخلة..
وكل عام وانت اجمل كلماتي...""
انا رديت عليه بهذه الكلمات:"
ده كلام سمح بالحيل با احمد موسى..ويا ريت الازواج كلهم زيك ..ما بتعرف ليك واحد زيك بالظبط
وعنده مشاعر دفاقة زيك يكون لي عريس.."
وشوفو الوول ده وصف زوجته وصفين من اجمل الاوصاف التي تتمنى اي فتاة في الدنيا ان تسمعها..
وصفها بانها امراة من خطوط الشمس..يعني هي مضوية حياته..ووصفها بانها نخلة..ونحن جميعا نعرف
ماذا تعطي النخلة ..تعطي الرطب والتمر ..والرطب مذكور في القرا في سورة مريم..واضافة لذلك فالنخلة
صبورة تصبر على الماء شهور وشهور....واصافة لذلك وصفها انها كالقلب الرضيع ..ناصعة...
هذه كلمات من نور..
المعروف ان اي امراة في الدنيا ومن كل الاجناس تحب وتعشق الذهب ورنين الذهب وتتمنى دائما ان يزين
معصمها وعنقها الذهب الاصفر ..ولكن هذه المراة ايضا يمكن ان تستبدل كل ذلك بالكلام السمح والكلام
الطيب وكلماتةالمشاعر الدفاقة..مثل هذه الكلمات التي خطها احمد موسي...فالمراة تاسرها مثل هذه الكلمات
تاسرها كلمات الغزل من زوجها وتحب دائما ان تسمع كلمات الحب من زوجها...وطبعا معروف ان طبيعة
الرجل السوداني هو عدم البوح بحبه لزوجته...وعدم التعبير عن مشاعره الجفاقة نحوها..ولذلك تجد
ان اقل هفوة من احدهما تصعد ها الى مشكلة كبيرة وتجد ان رجلا انفصل عن زوجته لسبب بسيط وتافه جدا
ولو ان الزوجة كانت تسمع من زوجها مثل هذه الكلمات المنيرة التي خطها احمد موسى لساد الوئام والحب
والمودة بين الزوجين....ان الكلمة الطيبة بالنسبة للمراة تساوي كنوز الدنيا كلها..
لقد اتيت بهذه الكلمات هنا كي اشجع زوار الحوش من المتزوجين او المقبلين على الزواج ان يحذو
حذو احمد موسى حتى تدوم المحبة والالفة والمودة ..
والله يديكم الصحة والعافية..
تخريمة
يا ود بلة ذكر د شيقوق ان يوم الاربعاء ولى وفات وبقى ورا ضهره..ونحن منتظرين
والله يديك العافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبيد الطيب)
|
يا له من وصف بديع ورائع..
ويا له من شاعر مرهف نحرير.
ويا لاسفي اني لم لم اقرا لهذا الساعر الفذ من قبل
وذاك من عيوب العيش في الغربة بعيدا عن الوطن
ولا نستطيع متابعة الجديد في عالم الادب والشعر
والاصدارات الجديدة من الكتب العربية بوجه عام
والكتب السودانية بوجه خاص...ونحن بنعتمد على
هذا المنبر العام لزيادة المعرفة بكل جديد ورائع
والله يديك الصحة والعافية يا ود الطيب
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
يا أبو سنينة الحبيب عليك أمان الله الليلة "البردانة" كلها تلقاها متحلقة ومحلقة في الفضائية العمانية ومنتظرين ظهور حبيبنا ود شيقوق في شاشة التلفزيون أصله كلمهم قبل شهر، وبعد إنتهاء الإحتفال الأعمى بشيل المكسروجري لبيت ناس مولانا، عشان يباختوا ليهم ظهور ولدهم في التلفزيون.
الليلة حظ جلاد العناقريب ، عناقريب ناس ود شيقوق كلها بتتكسر، ات ما سمعت بالمثل البقول العربي كان فتح بجيب لأهله ....
يا ود بله العناقريب قد ( جلد بقر اصلى مو خمج ) بعملوه تعمر الف سنة وتقاوم كل الظروف الطبيعية والغير طبيعية
لكن بينى وبينك العريبى تانى برجع البردانة والله الا يقول ليهم تعالوا فى البندر وربنا يصبر ام عبد الله المراة المكافحة وصابره على البلاوى البتحدف عليها
اليوم اللوارى كلها معبية العمى يشيل المكسر والجداد صفوف فى جنبات اللورى شايل امبدة يباركوا لام عبد الله ود شيقا ظهر فى تلفزيونات الخليخ ههههههههههههه
يا امير ام عبد الله فاقدة الشى دا زاتو تكوسى ليه عند ود شيقا ما عرفت فاقد الشى ما بعطية غايتو شوف ود بله من زمان ناس بندر يمكن يجيب ليك واحد لقطة لكن البردانه يخربها خراب الترب من طلب دا
فعلا العريبى كان فتح بجبيها كبيرة
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: Yousif A Abusinina)
|
Quote: وحقيقة لولا خوفي من فلكة بالعنكوليب المتوعدني بيها حبيبنا ود شيقوق والبي سببو مرتي قالت لي ( كُبـــــــــــة ) بي معنى وجع ههههههههه
كان فكيت ليكم اخري هنا دي فوق كلامك السمح بالحيل ياخ ... |
محمد أخوي مرحب بيك كتير
يا خوي ما تخاف من توعد ود شيقوق اليومين ديل مو فاضي للعنكوليب ، مزاجه رايق وروحه عال العال ومالي شاشات الفضائيات.
ربنا يعليه ويعلي مقامه
قول آمين يا ود ضرار أخوي
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
Quote: بلغة أهلنا الطيبين في الريف، وبلسان المحبوبة كانت هذه القصيدة التي أستعير فيها لسان حالها عندما أبلغت بخبر نقلي إلى مينا شرق مدينة سنجة أيام كنت معلماً بالمدارس الإبتدائية
ياربي شيلنا نحنا وكضب الشينة
وادينا الصبر لمتين يعود لينا
ورفقاً بحبيباً ناقلنه لمينا
ولطفاً بولوفاً كان بصابحنا وبماسينا
ويا حليلو نقلوه الليلة لي مينا
مالو فات الفريق ومسّخ ديارنا علينا
وزي طفلاً رضيع بكت دموع عينينا
وفي فقده العزيز منو البقدر يعزينا
غيرك صبرك يا إلهنا ترضى وتقسمو لينا
ويا حليلو نقلوه الليلة لي مينا
لو داير بعيد عشان بالمال تعود لينا
وتتغرب وحيد عشان تفرح ليالينا
خليك قريب نحنا ناس القليل برضينا
وما كان المال هدفنا ولا وراه جرينا
ويا حليلو نقلوه الليلة لي مينا
خلاص اتغرب انحنا عليك رضينا
وفوق الغربة أخوان فيهم حنان والدينا
قلوبنا معاك تلقى مناك وتعود لينا
ويضمنا ليل ويجونا أحبابنا يهنونا
ويا حليلو نقلوه الليلة لي مينا
ومشينا هناك بعيد لي مينا
شمال الفونج .. جلقني وشاشينا
وشفنا قدر ما تشوف عينينا
لكنو وين لي شباب "فداسينا"
زولاً كان نظر برمينا
وكان بسم بشيل قلوبنا يخلينا
ويا حليلو نقلوه الليلة لي مينا |
اها يا اسحاق يطول عمرك ذكرتيني امرين :
اولهما انك كنت في مينا - بالمناسبة قريتنا البردانة على بعد عشرين كيلو فقط شرق مينا وا حسرتاه الما كنت بعرفك ذلك الحين يا ود البلة ثم من اين للمحبوبة العلم بديموغرافية و جغرافية شرق النيل الازرق لتنظم قصيدة فيها جلقني وشاشينا؟
القصيدة بتكون نجرتها انت براك واديتا ليها هههههههها
طبعا قرية جلقني جنوب مدينة ابو حجار وود النيل اي جنوب سنجة وغرب النيل الازرق - قرية شاشينا شرق النيل الازرق وتبعد من مدينة السوكي ثلاثة او اربعة كيلو مترات .
مينا تعتبر تاريخيا عاصمة مملكة الفونج وما زالت سلالة عمارة دقنس تقيم و تتزعم المنطقة منهم الناظر المرحوم يوسف المك حسن عدلا توفى مقيما بالروصيرص والعمدة عدلان العوض بالسوكي والعمدة جادين بمينا نفسها العمدة حسن جانقوة بابو البنات .
ثانيا يا اسحاق اخوي يبدو لي انت من جيل الرقعة السابق لجيلنا والرقعة - يا اميرة بت السيد - هي اعادة الجلوس لامتحان الشهادة ليمتحن ( بكسر اللام وضم الياء وتسكين الميم - اسم مفعول يعني ) الطالب في مادة واحدة او مادتين لم يوفق فيهما في الامتحان الاول .
اغلب الطلاب الذين يرغبون في الرقعة يتجهون لمهنة التدريس ما بين الامتحان الاول والثاني .
الذي يميز هولاء المدرسين هو انهم لدى دخولهم جامعة الخرطوم وهم برالمة بيكونوا اكثر حمكة ونضوجا عن غيرهم من الطلاب الفرش fresh
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
ابو سنينة المسنوح
| Quote: يا ود بله العناقريب قد ( جلد بقر اصلى مو خمج ) بعملوه تعمر الف سنة وتقاوم كل الظروف الطبيعية والغير طبيعية |
احسن من سراير ناس البندر لا بتسيّك ولا بتطقطق - تنطط فيها زى التيوة ههههههه
يا حليل عناقريب القد - أكان حضرت ناس الزمن دا اكان ادوها شهادة الايزو في مقاومة اختراق الهكرز - يا ود اب سن
وين خالي عمر على حسن ياهو زولي فكاك المحن والشفرات
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
ود اب سن
Quote: ود شيقوق البارح قضيت المغربية كلها اكوس لي قناة عمان في النايل سات .. لا توجد اشارة في المحفوظة عندي وخشيت النت لقيت .. 10795 و 11823 هذا ان لم تخني الذاكرة وبرضو لا توجد اشارة .. الموختسر المفيد مالميت فيها
|
صحيح عندهم عدة قنوات- ربما لم يتسن لك الحصول على القناة الناقلة للاحتفالية لكن كانت بجد رائعة جدا - اصبر بنزلها ليكم هنا يا مانجل
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبدالحفيظ ابوسن)
|
uote: ود شيقوق البارح قضيت المغربية كلها اكوس لي قناة عمان في النايل سات .. لا توجد اشارة في المحفوظة عندي وخشيت النت لقيت .. 10795 و 11823 هذا ان لم تخني الذاكرة وبرضو لا توجد اشارة .. الموختسر المفيد مالميت فيها
صحيح عندهم عدة قنوات- ربما لم يتسن لك الحصول على القناة الناقلة للاحتفالية لكن كانت بجد رائعة جدا - اصبر بنزلها ليكم هنا يا مانجل
ود ابوسن اخوى القناة موجودة لكن دورك على سبب تانى لشنو ما ظهرت عندك
ههههههههههههههههههههههه الكوج النحس القناة خلاها ما تبين عندك موجود
قال اي عندهم قنوات كثير غايتو الواحد الحقيقة اصلا ما بقولها
شوف الخرطوم ، الشروق . النيل الازرق قنوات الخليج حساسات بالحيل ما بتحملووووووووو
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
بركة بالعودة للحوش يا ود شيقوق وان شاء الله بت عمسيب تجيك
بباقة ورد من مزرعتها الجميلة في الاراضي المنخفضة هولندا ..لكن
الجبنة انا شاطرة فيها ..مع اني مما جيت امريكا دي بقيت مدمنة ستار بك
والفضل بيرجع لبسمات العلمتنا استار بك star bucks والجلوس لساعات
ننقر بالماوس على الكمبيوتر ونقرا الروائع البتكتبوها هنا في الحوش..
لكن برضه فنانة في عمل الجبنة ..بالوقاية..(متذكر الوقاية)..عشان ابوي
ما من رواد الاستار بك وما بتكيف الا للجبنة بالوقاية..وعندنا عدة الجبنة
وحتى الوقاية هنا في امريكا وجبناها من السودان..
اما قصة ضابط الحياة البرية القام اتزوج البنت بدون رضاها ،،يعني
ما كان في استلطاف وحب بيناتهم،،والصدفة البحتة هي الخلتهم
يعيشوا مع بعض فدلالة على العشرة بين الزوجين ممكن تزيد من حميمية
العلاقة بينهم والمعاملة الطيبة والكلمة الطيبة بتذلل كل الصعاب وكل المشاكل
زي ما قلت قبل كده..
وواصل ونحن متابعين ..
والله يديك الصحة والعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
Quote: بركة بالعودة للحوش يا ود شيقوق وان شاء الله بت عمسيب تجيك
بباقة ورد من مزرعتها الجميلة في الاراضي المنخفضة هولندا ..لكن
الجبنة انا شاطرة فيها ..مع اني مما جيت امريكا دي بقيت مدمنة ستار بك
والفضل بيرجع لبسمات العلمتنا استار بك star bucks والجلوس لساعات
ننقر بالماوس على الكمبيوتر ونقرا الروائع البتكتبوها هنا في الحوش..
لكن برضه فنانة في عمل الجبنة ..بالوقاية..(متذكر الوقاية)..عشان ابوي
ما من رواد الاستار بك وما بتكيف الا للجبنة بالوقاية..وعندنا عدة الجبنة
وحتى الوقاية هنا في امريكا وجبناها من السودان..
اما قصة ضابط الحياة البرية القام اتزوج البنت بدون رضاها ،،يعني
ما كان في استلطاف وحب بيناتهم،،والصدفة البحتة هي الخلتهم
يعيشوا مع بعض فدلالة على العشرة بين الزوجين ممكن تزيد من حميمية
العلاقة بينهم والمعاملة الطيبة والكلمة الطيبة بتذلل كل الصعاب وكل المشاكل
زي ما قلت قبل كده..
|
غايتو يا اميرة زولك أبو سنينة هسه يكون ضحك ضحكة لامن اتفنقل من عنقريبو - أصلك ما تغلطي قدام أبو سنينة و تقولي ود شيقوق بهدوا ليهو ورود و زهور انتظري هسه بجيت ناط يقول شنو
بعدين الاستار بك دا شنو ؟
صحيح العشرة والأولاد بزيدو الحميمية بين الزوجين بالحيل يا بت السيد
اها يا اخوانا انا هدية بت عمسيب لو جات بديها لود البلة لانو العروب ديلاك كلهم ما ناس زهور هم زي وكدا
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
Quote: بعدين الاستار بك دا شنو ؟
|
أفو يا ود شيقوق
إت ماك خابر
Starbucks
يا خي دي أشهر Coffee Company وفنجان القهوة عندهم بـ 17 ريال وعليك أمان الله أكان أدوك معاها قروش ما تقدر تشربها من مرارتها، وعندنا هنا أصبحت موضة ونوع من البرستيج كل واحد يجيك من الصباح طابي كبايتو الورقية المزخرفة ليها قدوم زي قدوم ود أبرك ومصوها مص ما بشربوها شراب، والسندويش عندهم أقل حاجة 25 ريال وحات الله كان جيعان ليك إسبوع ما تقدر تشيل منه قضمة وكان راتبك ألف ريال كان ما جيت شايل الصباح قهوة الاستاربكس يعني إنت زول ضهاري وماك متحضر. الليلة عاد فضحتنا جنس فضيحة مع ناس أمريكا وهولندا
إت البارح مالي الفضائيات والناس بطلت شغلها عشان تشاهدك وات من يومك ماك داري بالـ Starbucks . ما قلنا يا أبوسنينة العربي مهما يتحضربجيب لأهله .....
قال ليها
أملي لي الفنجان يا شبيهة البسكي
وكبي لي التني والتلتاوي هناك مني أمسكي
يا ام نفسن فاق ريحة الجلاد والمسك
فنجالك مقيم بقزازتين وسكي
تقول لي قهوة استاربكس يا ناس هولندا
هاك الرابط شوف شن فيهو:
https://http://http://www.google.com.sa/search?site=andsource=hpandq=starbuksandoq=starbuksandgs_l=hp.3..0i10l10.4497.7728.0.8268.8.8.0.0.0.0.284.1214.0j1j4.5.0.msedr...0...1c.1.60.hp..3.5.1212.4AgU6p4vY68www.google.com.sa/search?site=andsource=hpandq=starbuksandoq=starb...3.5.1212.4AgU6p4vY68
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
كتر خيرك ود بلة الشرحت الاستار بك لود شيقوق...لكني
اظنه بيستهبل ساكت وعامل نفسه ما عارف لان مقاهي
الاستار بكةغزت العالم كله...وهنا في نيويورك تلقى الناس
واقفة صفوف طويلة عشان قهوة الاستار بك..
اما حكاية القهوة المرة دي ..فمرارتها اتعودنا عليها لغاية
ما بقت ادمان...
وطبعا اول يوم عزمتني المسنوحة بسمات لاستار بك طلبت
لي كباية القهوة الكبيرة ..ومن اول جغمة جريت بره القهوة
ومرقتها من خشمي وما قدرت ابلعها..ولكنها اصرت وقالت
كبي تلاتة اربعة ورقات سكر في الكباية..والمهم بعد زبارتبن
ثلاثة اتعودت على القهوة المرة دي ..وبقينا بصورة دورية
نزور محلات استار بك ...وخاصة وعندهم واي فاي مجان
للانترنت عشان نشرب في القهوة ونستمتع بونستكم
السمحة دي. ونطلع من حالات احباط وملل الغربة..
وعليك الله مان جاك ود شيقوق زيارة اعزمه في استار بك
والله يديك الصحة والعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
الاخت اميرة بت السيد
سلام من الله عليك وعلى اسمح واجمل وانصع من اخترت لحوشك الجميل ود ابوسن، ود شيقوق، ود البوش، ود المنسي،
Quote: حيثيات قصتنا هذه تمت بريفي مدينة السوكي عندما كنت اعمل محاميا هناك انها قصة حقيقية تحكي عن علاقة غرامية انتقلت الى محراب القضاء
وقد كنت آنئذ ممثلا للدفاع ولهذا السبب كنت مدركا لجميع تفاصيل المشهد |
الاخ الجميل ود شيقوق هذه القصة الجميلة وسردك الجميل لها تجعلك لاتمل من قراءتها، فهل نشرتها من قبل فى فى احدى الصحف او المنتديات.
ولك منى كل الود والتقدير
| |
|
|
|
|
|
|
| |
عبدالحفيظ ابوسن
Dahab Telbo
مني عمسيب
وضاحة
الطيب شيقوق
خالد علي محجوب المنسي
الفاتح ميرغني
Yousif A Abusinina
عبيد الطيب
إسحاق بله الأمين
سيف الدولة كامل
محمد عبدالقادر ضرار
جعفر محي الدين
فيس بوك
تويتر
انستقرام
يوتيوب
بنتيريست