كتب الكاتب الفاتح جبرا المتوفرة بمعرض الدوحة
|
|
 ممكن تلاتة سيجارات برنجي .. و ختهم في علبة بينسون لو سمحت !!!
|
دي كانت جملة لأي قندِف زمنا ...
و القندفه ما بتختي اى زول بي صراحة ...
يعني لو عندك مواعيد مع بت من بنات العز و الوز ...
ما معقول تمرق علبة البرنجي البتشبه مفحضة حبوبتي بت حسين البرتقالية .... !!!
كنت بشاغل حبوبة أقول ليها ديل طقم يا حبوبة ...؟
كانت تنتعل مركوب فاشري و مفحضتها معلقة من رقبتها ... و الاتنين نفس اللون ...
كانت تضحك ... و تمرق مفحضتها من ( تحت ) ... و تناولني الفوقوا النصيب ...
_________________________________________________________
فتقوم تشتري تلاته سيجارات برنجي و تختهم جوه علبة البنسون اب عشره ( الخصيص ) ...
و لو متوقع يكون في زول سغيل هناك ... النوع الشايل شلاليفوا و ما عنده شغله غير شيل حس الناس ...
تقوم تخت معاهم سجارة بينسون احتياطي ...
__________________________________________________________
سيد الدكان اتعود علي الطلب و بقي يدس لينا علب البنسون الفاضية لزوم الشي و الشياكه ...
الي ان جا يوم و مشيت ليهو قلت ليهو يا ابوعويض اديني خمسة سيجارات ( بينسون ) ...
مش كلام واضح . ؟ بييييينســـون ...
من دون ما يشعر قال لي .,.. اختهم ليك في علبة ... و قبل ما يكمل كلامه ...
قلت ليهو لا ... حأشربهم هنا ....!!!
قال لي علي الطلاق اهلي الرباطاب كان سمعوا بي العملتها فوقي دى الا ينفضوني ....
____________________________________________________
رحم الله عوض ... ورحم معه الزمن الجميل ...
!!!
|
|
  
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: معاوية الزبير)
|
تحياتي للاصحاب هنا
بس في حاجة انت ما نسيتها لكن خفت الهجوم ( وش ضاحك ) واللهي انو البرنجي اسمو سجار المشاطات آنذاك .. ليه ما تعرف .. اظنو المشاطة دخلها بسيط و البرنجي ارخس سجاير قبل اكتشاف ابونخلة .. وعموم اهل السودان الذكور ناس بحاري ( قولد ليف gold leaf ) .
والبنسون لل اللوردات صنع خصيصا للسودان .. والبنسون المهرب اب صلعة . يعني شوفو صنع خصيصا للسودان كان اغلي من المهرب ! ليه ما تعرف
وكنا بنخت كيس الصعوط في علبة السجاير .. وتحسبا كدة بتشيل معاك تلاتة سجارات لزوم امكن تخرم وانت بتحب وزمن الخلطة يطول .. الوقت داك لم يتم اكتشاف شنقة السفة ودسها
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: عبدالحفيظ ابوسن)
|
Quote: تحياتي للاصحاب هنا
بس في حاجة انت ما نسيتها لكن خفت الهجوم ( وش ضاحك ) واللهي انو البرنجي اسمو سجار المشاطات آنذاك .. ليه ما تعرف .. اظنو المشاطة دخلها بسيط و البرنجي ارخس سجاير قبل اكتشاف ابونخلة .. وعموم اهل السودان الذكور ناس بحاري ( قولد ليف gold leaf ) .
والبنسون لل اللوردات صنع خصيصا للسودان .. والبنسون المهرب اب صلعة . يعني شوفو صنع خصيصا للسودان كان اغلي من المهرب ! ليه ما تعرف
وكنا بنخت كيس الصعوط في علبة السجاير .. وتحسبا كدة بتشيل معاك تلاتة سجارات لزوم امكن تخرم وانت بتحب وزمن الخلطة يطول .. الوقت داك لم يتم اكتشاف شنقة السفة ودسها |
أحرق البينسون ... حسابو علي ...
يا صاحب الزمن بقي يخليكم تشنقوا السفة ؟
البنسون المهرب اب عشرين ... ما سمح ...
و المصنوع خصيصاً ده ما بعرف فوقوا شنو لكن سجارتوا تحل من حبل المشنقة ...
بالله لما تولعها بعد فطور رمضان ... يجيك خدار في جسمك كده لامن حيلك يموت ...
___________________________________________________
أيام الخرطوم القديمة كنا بعد الفطور نمشي ورا البركس ندخن بالدس ...
انا و عمر احمد مختار و معتصم تبيدى و سعد بشير ( سعد ميتة ) ...
كنا نمسك السجاره بمشابك الغسيل عشان الريحة ما تمسك في اصابعينا لأنو عمك حسن عبيد الشايقي الله يرحمه كان بشمشم الاصابعين في نهاية الفطور ...
و عمك كان عندو سوط عنج طوله تلاته متر ... يجيبيك لو خاشي بلكون ...
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: معاوية الزبير)
|
Quote: طبعا هسي اي زول طالع من السودان بيشيل معاه سجاير برنجي للناس الماشي ليهم
فتخيل مكر التحولات الاجتماعية. البينسون في السودان بقوا ما بدخنوهو
للمعلومية أنا عاشق للبحاري
-----------------
إخلاص دي لو ورّتنا من ياتو جيل، كان أديناها تعليق مناسب
لكن الشلاقة ما كويسه في عمرنا دا
تحياتي ليكم الاتنين |
البرنجي جاب ليهو عِزة كمان يا ود المدير...
كنا مجبورين عليهو و جابرانا الميزانية و نحن طلبه ...
الا و الله كان اسمح من الناشونال ...
الناشونال كان بعمل وجع حلق ضمان ...
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: يحي قباني)
|
أها فيكم زولاً بيعرف قصة السجاير "السفرجين" بتاع النميري؟
السجاير ده ما عمّر طويل لأنو ليهو قصة طريفة يا قباني!
-----------------------
حليل زمن الدكاكين لامن كان فيها رفوف خاصة ومليانة بالسجاير...
الدنهل والبنسون والشامبيون والبحاري والناشونال والبرنجي وأبونخلة
حسب الترتيب... ومرات كان بيجي السجاير التلات خمسات من ليبيا!
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: عبدالحفيظ ابوسن)
|
| Quote: اتفه سجارة مرت علي السودان ... |
هلا بعظيم البطانة ود أبوسن...
فعلاً هو كان أتفه سجاير والنميري عملنا فينا بمحسوبيته المعروفة وأمر بإستيراده في عز أزمة السجاير في أول التمانينيات. وذي ما قلتا، فالسجاير كان طعمه ذي البلاستيك، وتدخينه كان للندرة والعدم في الوكت داك... ولأنه كان على الأقل أفضل من لف القش الكان مالي السوق.
وكعادة أخوانا المساطيل، كانوا بيبلوا السجارة بلسانهم وبيكسروا الفلتر ويجُروا الحتة المبلولة من ورقة السجارة الكانت بتنقطع ذي الشريط عشان ما تبوِّظ شكل التباكو المضغوط ذي المارق من قالب... لزوم رشُه بالبنقو وإعادة لفو كصاروخ بكرت آو كرتين. المهم جماعتنا المساطيل إكتشفوا إنو ورقة السجاير السفرجين ده ما بيتبل باللسان والفلتر بتاعو كان متعب في الكسر، فعدم القدرة على كسر الفلتر أو بل الورقة عشان تقطعها كان لازم تستعمل ليك موس ولا حاجة سنينة... وطبعاً ده بيبوظ ضغطة التباكو الكان مهم المحافظة عليها سليمة.... وكان بيبوظ المزاج... ذي مزاج حبوبتنا الباظ لامن إتخلت الناس عن الحقة وبقت تستعمل كيس التمباك. فدقت الحقة كانت مزاج وكان كل زول عنده ليها طريقة بتخصو وبيتمتع بيها.
أها أهلنا المساطيل طلعوا إشاعة "قوية" بإنو السجاير السفرجين مصنوع من بلاستيك وبيعمل سرطان. الإشاعة وصلت نميري الزعل شديد وعلق قائلاً: "ما كل السجاير بيعمل سرطان... أها بقت على ده؟". جماعتو قالوا ليهو المساطيل هم ورا الإشاعة دي.. قام قال ليهم:"هو المساطيل بيعرفوا السرطان... والله أنا زعلان من إنو الشعب السوداني آخر الزمن بقى يسمع كلام المساطيل!"،
وطبعاً من يومها ديك السجاير ده إختفى من السوق بعد ما بااار ونشف نصو!
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: اخلاص عبدالرحمن المشرف)
|
مرحبا محمد يسن
وينك
وحافظ ليك جميل انك ذات يوم اجزت مناشدتي لك ولم تعد رغم كل شئ
تعرف
القمشة .. بتذكرها .. السجاير بقا سوق اسود وخش التموين ! وبتوزع بكرت التموين .. ظهرت القمشة .. اظنو تفالة التباكو .. وبقا يتباع وحرك سوق ورق البرنسيس .. وورق البرنسيس كان ممنوع . بستعمل في لف البنقو بتباع بالدس .. ومجرد القبض عليك بي ورقة برنسيس تعتبر متهم بالبنقو .. فالناس كانوا بقولو بنضفو بيهو عدسة النظارة
اها القمشة رخيصة لكن لانها بدون فلتر كانت حارة وطعمها ردئ
غايتو الانقاذ دي طبقت فينا نظريات عجيبة
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: علي عبدالوهاب عثمان)
|
Quote: يحيى قباني حبيبنا الجميل .. إنت مالك عايز ترجعنا للزمن العلماني داك ..
يا زول السنين عدت .. لكن بيني وبينك الواحد لو ما إسترجع الماضي البعيد داك
إلا يعيش بمسكنات باقي عمره ..
يا أخي تحياتي ليك ..وانت تجمل دواخلنا .. من ابوكديس .. إلى القمشة ..
|
استاذنا أنيق الحرف و جميل الدواخل علي عبد الوهاب ...
الحقيقة هي ... هو ذلك الماضي الي يحفظ لنا توازننا في هذا الزمن المسخ ...
خلينا نسترجع الزمن الذي عشناه طولاً و عرضاً ...
من أجمل ما تعلمناه اننا لا نكذب و لا نتجمل ...
و ليس لنا ما نخجل منه ... عشنا ما عشناه و فعلنا ما فعلناه ...
و لم نخلط الأشياء ...
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: عبدالحفيظ ابوسن)
|
أفوو يا ود أبوسن... ياخي أنا بدرِّس قصايد جدك للطلبة أولادي وبناتي!
وبمناسبة التلاتة سيجارات بتاعات أخونا الفنان قباني.. خليني أحكي ليك الحكاية دي:
بعد إزالة النميري رجعتا للخرطوم ماليني الشوق لزيارة محلات العماري للتماك الجيد، وفي الحقيقة كنتا في حاجة لعطسة عطستين ولا خِريتة حلة السعوط، لأني ما بحب غير التمباك المعطر بالعطرون والبيكون بايت ... مع إني كنتا مدخن شره للبينسون من يومي. أها مشيت مع أصحاباً لي للسوق العربي لمحلات العماري الجيد في السوق العربي وشلنا المطلوب في أكياس بلاستيك ملفوفة بورق دفتر التلفونات الخفيف داك. وطبعا فك لفة الورق وشخشختها وفتح الكيس وشمُه كانت جزء من الكيف.. نحنا ما حضرنا زمن الحُقة بتاعت التباكو بتاع الكدوس. أها بعد ما إشترينا السعوط والوكت كان ضهر واحد مننا قال عنده مشوار لمعهد الكليات غرب السوق العربي ومشينا معاهو. صاحبنا دخل ليهو مكتب وخلاني قاعد برة الكافتيريا في الفسحة.
قعدتا أعاين، لقيت لي واحدة جميلة ويمين لونها أخدر من القمري... طبعاً أخوك كان جاي من بلاد الشقراوات الأبيض من الحليب... وكان عطشان ليهو لشوفة خدار أصلي ووطني. المهم سلمتا عليها بإحترام ودخلتا معاها في ونسة جميلة بجمال هيئتها وثقافتها العالية وطعامة حديثها لدرجة إنو أصحابي بعدما زولنا رجع من غرضو زهجو مني ومشوا كلهم لامن شافوني حارن مع القمرية. وطبعاً الونسة ذادت والسجاير كمل مني ولكني إستأذنت من تلك الفاتنة ومشيت إشريت لي تلاتة سيجارات برنجي من زول فارش قدام الكافتيريا. تلاتة سيجارات لأني ما بشرب البرنجي وهو ما عندو غيرو في حوش الجامعة.. ولأنو كان بيبيع التلاتة سيجارات بجنيه.
الونسة طااالت وفتت المغرب بقادي، والخرمة ذادت، والكيس الماكن بتاع التمباك في جيبي عامل لي قرقرينة... وكل شوية أنا بقيت أمشي لصاحبنا الفارش قدامنا وأشتري تلاتة سيجارات برنجيات وأنفخ فيهم من غير فايدة. الزولة اللطيفة إرتاحت للونسة الطويلة ولكنها حست بحالي المتوتر، وحنت علي لامن شافتني كل شوية ماشي لبتاع السيجاير. أها في نهاية الونسة قالت لي إنتا ياخي ما تتعلم السعوط...هو أحسن وأرحم ليك!!! عاينتا ليها وغلبني الكلام ولقيت نفسي ما عارف. أقول ليها شنو؟ ياربي أقول ليها كيسي في جيبي ولا أنكر وأنا الخرمة عاوزة تدخلني في غيبوبة!
غايتو بعدها مشيت منها وأنا أغني في سري في الضُلمة: " خداري البحالي ماهو داري...."!
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: اسامه العريفي)
|
ههههه
الله يكرمك محمد يسن
معانا في السوق عمنا شايب اسمو محمد زين .. انصاري ! لا بسف لا بسجر
اها قاعد مع اولادو الفتحو دكان في السوق . وهو من الريف .. جا قعد معاهم شهور .. من الصباح لي العصر .. يفرق ..
جمبهم عماري بتاع صعوط لصق الدكان .. يجر كرسيه في برندة الدكان والعصر جمبو
رجع الحلة .. تاني يوم اتضايق ضيق شديد خلاس في الحلة .. المهم شاعر انو ما كويس .. ما خلو سفوفة ولا بندول ما ادوهو .. وقت اتضايق تب .. ضربو لي اولادو في كوستي وابوكم محتضر .. اولادو واهلهم اتخموا مشو. يجيبوهو الدكتور
وعمك قال دة مرض موت ما حصل جاهو زي دة
حسب رواية ود اخوهو الماحي .. قال لي ..
عندنا واحد من الحلة مسطول ومصقوع طوالي .. قال ابوكم دة خرمان .. شاكلوهو اول مرة .. لكن اصر .. وهو شاف دكانم ..
قال لي فتشنا الله لقينا حقة شممناهو الحقة .. شمة طويلة ووغر وغرة شديدة .. تاني دبلنا ليهو الشمة لي العشية بقا شديد
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: عبدالحفيظ ابوسن)
|
الله يعافيك يا حفيظ.. وتسلم يا سيدي!
وتعرف خرمة الشمة أخطر من السفة في حد ذاتها...
المحيّرني صاحبكم المسطول داك عرف حلها كيف؟!
المساطيل ديل سرهم باتع!
زمان كان عندنا صنايعي للباسطة إسمه "وصلة" من أولاد جبال النوبة
وصلة ده كان بيشم حقة التمباك لغاية ما عيونو تكب موية... زول مزاجه عالي.
أي رول بيسف بمزاج.. لازم يديها شمة قُبال الدردمة....
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: Mohamed Yassin Khalifa)
|
| Quote: وكعادة أخوانا المساطيل، كانوا بيبلوا السجارة بلسانهم وبيكسروا الفلتر ويجُروا الحتة المبلولة من ورقة السجارة الكانت بتنقطع ذي الشريط عشان ما تبوِّظ شكل التباكو المضغوط ذي المارق من قالب... لزوم رشُه بالبنقو وإعادة لفو كصاروخ بكرت آو كرتين. |
الحبيب محمد يس
كنا حضورا مع شلة السطلي كثيراً جداً ... رغم عدم اقتناعي بها و لكني كطبعي احترم حريات الآخرين ...
و لكنها لم تستهويني ... و لا انكر اننى اكيد جربت ( شفطة شفطتين ) و لكنها لم تترك أي اثر ...
و في الغالب أيضا لان المجتمع وقتها لم يستوعبها مثل التدخين و الشربه ...
فكان اقصي ما نسمعه من كبارنا ان تم ( زرنا ) في شربه او دخان و نحن طلبة ...
ان يتم توبيخنا باننا صغار و سنكون احرار فيما نفعل حينما نكبر و نشتغل ...
اما السجارة الخدرة فكانت في نظرهم موبقه و جريمة ...
ما علينا ...
كان صديقنا فوفو ... من احرف من يلف السجارة ( تلاتة كرت ) ... طولها نص قدم و بها اجنحة طايرة بالجنبات ...
اذكر كنت مع الشله في غرفتهم في الداخلية ...
و كنت اقرأ كتاباً ما زال معي حتي تاريخه ... هو احلي 20 قصيدة حب لفاروق شوشة ...
كنت قد اشتريته من مكتبة مدبولي في القاهرة عام 1979 ب 125 قرشاً فقط لا غير ...
و كانت هي المرة الاولي التي نقرأ فيها قصيدة ( اليتيمة ) لدوقلة المنبجي ...
و التي من ابياتها :
فالوجه مثل الصبح مبيضٌ ... و الشعر مثل الليل مسودُّ
ضدان لما استجمها حسُنا ... و الضد يظهر حسنه الضدُّ
و التي قال عنها فاروق شوشة انه قرأها اول مرة في مجلة الحديقة التي كان يصدرها محب الدين الخطيب في العشرينات ...
و كان الشباب اربعتهم حول الطاوله منهمكين في اللف و التدخين و انا راقداً في السرير العلوي
و كل فترة يرتفع صوتي بالقراءة حينما اعجب بقصيدة ...
و بعد مرور ساعتين و الجو ملغم بالكواميت ... سمعت احدهم يقول:
انا ماشي البوفية اجيب ليمون بالخلاط الداير منو ...؟
كلهم قالوا دايرين ...
قمت عاينت ليهو وقلت خليك هنا ماشي وين و انت بالحالة دى ...
خليني امشي انا اجيب ليكم جك ليمون و اجي ... ( انا الواعي طبعاً ) ...
و قال كده داير انزل من فوق ... و حياتك كرعيني ما اقيتهم ...
اخوك انسطل بالريحه ...
و دى كانت آخر مره اجلس مع جماعة السجارة في مكان ( مغلق ) ...
و لكن استمرت الجلسات تحت شجرة الليمونه امام سينما النيل الأزرق حيثُ الهواء الطلق ... سنوات بعد ذلك ...
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: عاطف عمر)
|
اول بالتبادي يا قباني رد من اخر مداخلة شان نعرف نتابع . مش تمسك ليك مداخلة في النص وترد
ثانيا
كلام عاطف عمر دة ما صاح . شوق عقد سادس وبتاع ! الزواج اربعة بي اربعة عقودات
ذكرتني ماشي مع الوالد واخوي الكبير . ماشين محل نجيب سمك العصر . ويمر بمناطق ملتهبة ! الشوارع غميسة وخيران وكدة .. قمت اوصف ليهم .. امشي بي هنا .. لف بي هناك .. ووصلنا وجينا راجعين .. بعد ركبنا الزلط .. وقفوا البوكس ونادوني من ورا
المحلات دي عرفتها كيف ؟؟!!
اها عاطف بقا زيهم
استمتع بالتاريخ وابقي للنكهة
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: عبدالحفيظ ابوسن)
|
تحياتي وسلامات عزيزنا أبو سن
| Quote: كلام عاطف عمر دة ما صاح . شوق عقد سادس وبتاع ! الزواج اربعة بي اربعة عقودات |
يا أبوسن ياخي ( سيرة الزواج ) دي سوف تحرمكم من وجودنا ( البهى ) وسطكم ....
هسع نحن جبنا سيرة زواج ....؟؟؟
من ( مساوئ ) الغربة أنو السيدة المبجلة ( البعلة ) تكون حافظة تفاصيل تفاصيل خط مسار بعلها
حتى بوستات سودانيزأونلاين
Quote: ذكرتني ماشي مع الوالد واخوي الكبير . ماشين محل نجيب سمك العصر . ويمر بمناطق ملتهبة ! الشوارع غميسة وخيران وكدة .. قمت اوصف ليهم .. امشي بي هنا .. لف بي هناك .. ووصلنا وجينا راجعين .. بعد ركبنا الزلط .. وقفوا البوكس ونادوني من ورا
المحلات دي عرفتها كيف ؟؟!! |
وعلى غرار هذه الأسئلة ( الملتهبة )
كنا في إجازة في السودان
أعجب أبنائي بمشروب ( ستيم ) ، .... طول النهار ماشين البقالة التي قرب المنزل لشراء ستيم
حبوبتهم والدة والدتهم قالت لهم ذات ونسة
" العاجبكم شنو في ستيم دا ؟؟ ... أصلو ماعجبني .... باين لى طعمو عرقي عرقي.... "
وحيث كانت كلمة ( عرقي ) كلمة جديدة عليهم تساءلوا بصوت واحد
" عرقي يعني شنو يا حبوبة .. ؟؟ "
تولت زوجتي الرد بأن العرقي هو نوع من الخمور البلدية
وبشلاقة أولاد المغتربين سألت كريمتي الصغرى ذات الستة أعوام وقتها ، سألت حبوبتها
" طيب يا حبوبة ... إنتي ضوقتي العرقي عشان تقارني ...؟؟ "
فقدت الحبوبة المنطق وفشت غلها في إبنتها - زوجتي -
" أمسكي عليك شواطينك ديل أحسن أقوم أوريهم الأدب الما خمج ..... "
نهرت المدام إبنتها وخرجت من الغرفة ووجدتني ميتاً من الضحك حيث كنت متابعاً للحوار
أرادت المدام أن تشرح ، أجبتها من خلال الضحك
" سمعت كل حاجة .... البنت سؤالها منطقي لكن أمك فقدت المنطق ...... نحاول نلم الموضوع بدون البنت ما تفقد الثقة في نفسها "
| |
|
|
|
|
|
|
|
|
 Re: ممكن تلاتة سيجارات برنجي .. و ختهم في علبة بينسون لو سمحت !!! (Re: عاطف عمر)
|
| Quote: البرنجي ارخس سجاير قبل اكتشاف ابونخلة |
ياخي ابو تمرة دا الله يقطعو ويقطع حِسّو زاتو، دا صُنع خصيصاً لوجع الحلق.
إنتو نسيتو وِنر الفايز ؟، الغريبة لآزم تتقال كدا، وِنر الفايز مع بعض.
تاني أنا حإنتظر ود الزبير يكتب مدآخلة واكتب وراها
وانا كممممممممان.
قاليك في إتنين حلب النوع البيجو في الحلآل راكبين الحمير ويكوركوا ديّك.
وآحد صوتو ردئ جداً، والتاني صوتو عذب وجميل. أها، اب صوتاً جميل
دا يكورك، أصلّح بابور الجاز، الحم الحِلل، ألحم البراميل، إشتري القزاز،
الحم القِدر ...إلخ، واب صوتاً أجش يقول، وانا كممممممان. آخر النهاية
إشكلو.
دحين انا بدل طربقتي البطربقا هنا دي بس ببقى لآبد لود الزبير وكت
اصلكم ماكُم مِنترين.
انا وود الزبير دا اللِتنين رباطاب.
والله صحي.
طوبتي دي خلوها لي في محلها دا، ما في زول يهبشا...
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: عاطف عمر)
|
السيد صاحب الخيط الأستاذ قباني و ضيوفه الكرام
تحية طيبة
استمتعت بقصاصاتكم الجميلة وما جرني هما امرين
اول حاجة شجرة الليمونة دي
| Quote: و لكن استمرت الجلسات تحت شجرة الليمونه امام سينما النيل الأزرق حيثُ الهواء الطلق ... سنوات بعد ذلك ... |
و داير استغل الموقف عشان اسال اخونا ابو سن سؤال للتحقق من شيء اذا كان خرافة ام حقيقة وهو انه كنت في ذات المكان الذي ذكر اخونا قباني والكلام ده كان في خريف العام 1994
كنت ضيفاً في البركس ووقتها الفيضان على اوجه والدنيا نهار والجميع بالجامعة المهم زهجت رحت على البحر قبالة سينماء النيل الأزرق مباشرة ونزلت تحت في الجروف
لحد ما وصلت على حافة النيل وكان النيل قد امتلأ عن اخره وفاض على الجنبات وكنت اقف بين القيفة ومن خلفي الحشائش تملأ المكان وفجاءة اذا بي اسمع صوت يتحرك بين الحشائش
و لم اتبين الا و اني ارى تمساح ضخم بطول قد يقارب المترين وشوية وعلى ما يبدوا اني اصبحت عائق له او قد يكون انزعج من وجودي ولا احد هناك غيري والوقت عند الظهيرة
وعندما التفت الى الخلف اذا بالتمساح متجهاً صوبي باندفاع وما هي الا لحظات و رمى بجثته في البحر حتى بلل الماء جسدي تماماً وغالب الظن انني حولت بينه وبين الماء و كانه هارباً مني
وربما دفعني داخل الماء وكنت في خبر كان فقد اراد الله لي عمر اخر ووليت هارباً جزعاً و لم اصدق انني نجوت وما توقف الا داخل الغرفة وانكفات على السريرونمت و ما صحوت الا عصراً
الشاهد انه كان احدهم من النيل الابيض وحكيت له ما حدث فقال لي اصدقك فيما حدث اذا رأيت شي وهو انه تظهر علامة بلون اصفر بحجم الريال لمن ينجوا من موت محقق كهذا من تمساح و قد كان كما ذكر
والى يومنا هذا موجودة تلك العلامة ولم الحظها انا قبل هذه الحادثة فهل الموضوع ده يا اخونا ابوسن متعارف لديكم ام ان الامر خرافة وما حدث ربما مصادفة اعني بروز تلك العلامة مع نجاة من موت محقق بفك تمساح.
الشي التاني واحد اخونا كييف درجة اولى وفي احدي الصباحات قرر ان يقلع عن التمباك دون مقدمات ويبدوا انه كان يصف العماري منذ ان كان عمره اقل من 10 سنوات الى ان تجاوز عدد سنين التبمكة عنده العشرون عام ونيف
وبعد ساعتين بعد ان رمى بالكيس اذا به يحس رجفة وهذا امر طبيعي ودوخة ثم اغماء فغيبوبة و برودة في جميع الجسد وكان مع احد الزملاء في الصناعية بالسجانة فما كان الا ان دخل في غيبوبة وحمله صاحبنا على سيارة وهو يفرفر
الى حوادث الخرطوم وحسبت الطبيبة المناوبة بعد الكشف عليه ربما هو في سكرات الموت ولم يخطر ببالها ان الموضوع ربما صفة صاعوط وهاك يا درب وهاك يا حقن ودخلوه الانعاش وعملت ليه تخطيط قلب و عتقدت انه يعاني من انسداد في الشرايين
ورشته بحبوب كده شنو ما معروفة بعد لحظات اخونا فاق من سكرته وقام على حيلو ولمن احس بالامر قال لمرافقه اسمع اتناول من الزول داك كيس التمباك وماهي الا هنيهات و قام زي الحصان فِت
وهم ان يغادر المشفى ووجد طبيب فمد له الحبوب و قال ليهو انا و الله حصل لي كده و استغرب من نوع الحبوب بطرفه و لكن حينا تم الفحص عليه وجده انه لا يعاني شيئ ولا عنده قلب حسب الحبوب المعاه ولا حاجة واخبره صاحبنا
ان الموضوع كله في خرمة لانه ترك التمباك صباحا ولم يستطيع التحمل والدكتور دخل في شكلة مع الطبيبة في انها صرفت له حبوب كان من الممكن ان يؤدي بحياته لولا عناية الله و فوقان الزول
و خلاهم في مشادة فيما بينهم واخذه صاحبه وولى صوب العماري ليبدا رحلة تمبكة من جديد الى يومنا هذا لم يفكر ان يتركها الجميل في الامر و صاحبنا ماشي بيه على الحوداث والزول بين يتكلم ويقطع حسب الدوخة القوية
وصاحبنا لمس يده لقاءها باااااااردة كانها لوح تلج وبيسمع ان الميت قبل مفارقة الروح اطرافه تتلج فقام قال ليها اسمع يا احمد عندك اي وصية وذكر لي في هذه اللحظة لمن قال ليهو عندك وصية لقي الزول عيونه زي الريال
لانه مستغرب من السؤال عن وصيته وهو بين فائق ورائح لكنه عارف الموضوع خرمة تمباك
تحياتي لكم جميعاً
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: احمد عمر محمد)
|
حبابك احمد عمر
غايتو كومون سينس وموضوعية مربوطة بما اعرفه هي محض خرافة .. لكن حتي كخرافة اظن الزول نجرها ليك ساي .. سألت ليك مجموعة من السماكة .. هوسا وعرب مافي زول سمع بيها .. لكن الهوسا بقولو لو محل التمساح البمسكها بتطلع دود ودي معقولة ممكن تحصل ..
الغريبة يا احمد كسودانين عندنا خرافات حول الحيوانات كتيرة .. الزواحف والقطط بالذات .. ماعارف ليه
ما بتلقي ليك سواق بطلع في دبيب بي عربيتو .. ولا بتلقي ليك زول بكتل دبيب ولا كديس بالليل
مع ملاحظة انو صيد التماسيح بتم ليلا
قناة ناشونال جيوقرافيك قناة اضافت لي الكتير حول معرفة الحيوانات ومدمنها جدا حتي اختفت ولكن بدلا عنها ابوظبي
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: عاطف عمر)
|
Quote: يآآآآآآآآآآآآآآآآآآآآآآآآآآآآآآآآآآآآه
ياقبة ياخ إمكن من تلاتين سنة ما سمعت الكلمة دي
ديناصور إنت ؟؟
اللغة تغيرت يا قبة
لم تعد ذات المفردات التي نعرف
|
يا حليلك يا ( توفي ) ...
انت عارف يا عاطف في ناس هنا لمن انت ساكن جواري في التاكا هم لسه ما ولدوهم ؟
______________________________________________________
بمناسبة الدكشنري الجديد في السودان ...
قبل كم سنة عاملين كونفرنس كول و معانا واحده هنا لكن مرتبطة بالسودان و البالتوك و خلافه الزمن داك ...
فما بعيده من الدكشنري الجديد ... و بنتكلم في شغل ...
المهم انتهي الكلام في الشغل و بقت شوية ونسة ... فجأة صاحبتنا قالت يا جماعة انا ( مشتته ) ...!!!
اخوك صنّ ... و قلت في سري ... الشابة دى فهمتنا غلط و لا شنو ...
اها حلّها انت عاد يا عاطف ...
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: عاطف عمر)
|
شتت قصبو
حكي لي صاحبي مغترب .. بشرح لود اخوهو في اولي اساس. جات كلمة فتح .. ود اخوهو قال ليهو يعني قام جاري ..
الرندوك صار لغة موازية وزازت باللغة الرصينة . ساعدها الصحفين غير المؤهلين .. وهي لغة حية مصابة بالسرطان !
زمان كان في رندوك لكن لا يسمح بونسة كاملة .. يعني كلمة كلمتين
مرة خاشين النيل الازرق ومعانا واحد من ناس التبادل الثقافي خواجة ..الاكسجينق .. بشرب في سيجارة .. وواحد صاحبنا انجليزهو تعبان وداير يشحدو نفس .. قال ليهو
ويل يو فيفس مي ز سيقرت
سبحان الله فهمها
| |
|
|
|
|
|
|
|
|
|
Re: ممكن تلاتة سيجارات برنجي .. و ختهم في علبة بينسون لو سمحت !!! (Re: tabaldy)
|
Quote: هههههههههههههههههههههههههههههههه
لا تكوني حاولتوا ( تتاوقوا ) خلال الشاشة لـ ( رؤية التشتيت ) لوووووووووووووووووووووول |
و الله يا عاطف بقت فينا زي البقت في العزابي الزمان داك ...
المشي السعودية لي أصحابوا كايس شغل و قاعد في البيت ...
اول يوم الجماعة راجعين من الدوام الأول ....
و عادة بيغشوا ليهم اقرب محل كبسة ياكلوا و يرجعوا ياخدوا ليهم غمدة سريعة عشان يلحقوا الدوام التاني
لكن بما انو الراجل جديد فدايرين يكرموهوا ...
وصلوا البيت و قالوا لي صاحبنا البس سريع ارح معانا ( البروســــ تد ) البي ورا العمارة ده ...
صاحبنا عاين بره كده و عاين ليهم ... وقال سمح ما تخلوا الواطة ( تفلل ) شوية كده و بعد داك نمشي ...
| |
|
|
|
|
|
|
| |
يحي قباني
معاوية الزبير
عبدالحفيظ ابوسن
Mohamed Yassin Khalifa
khaleel
علي عبدالوهاب عثمان
اسامه العريفي
سيف اليزل سعد عمر
عاطف عمر
معاوية المدير
فيس بوك
تويتر
انستقرام
يوتيوب
بنتيريست