مشروع مكتبة العوض المسلمي بالساحة الخضراء

Quote: التحيه لكم ياعمر صديق وانتم تسارعون بالمعروف وترسخون مبدأ غايه فى الروعه بس ياريت تبنوا فصل فى مدرسه متهدمه ...صدقه جاريه قويه جدا جدا وبراكم شفتو مدارس الضل ومدار القش ومدارس اللامدارس ... مع تأكيدى التام واحترامى لكم مكتبة الساحه الخضراء مبروكه ومقدره ...!!! لكن أطراف البلد محتاجه الكتير ...!!! نكشه.... مالكم دايرن تبقوا زى الحكومه البلد جمب النيل والناس عطشانين ماشايفين العوض شايل الحديد على كتفه ...!!! وافراحترامى لكم جميعاً بتحلم بيهو وطن إنسانو كريـم وعزيز وطن رائع بى قيمتوالفيهو شرف أيثاروكفاح ونضاره زى ضحكة يارا وطن زى ضحكة يارا.

Quote: الاستاذ عمر صديق موافق تب و شكرا للثقة بس قبل ما نبدا المشروع داير صديق راحلنا المقيم وهبة يحسن لينا وضع قبر العوض ......يعنى يصلح الباب و يضرب الاوضة جير جديد....خليه يعمل بوست يضع فيه عنوانه والبورداب ما بقصروا معاوه فى هذا المشروع الصغير

Quote: الساده الكرام لكم التحيه وانتم تبادرون بالخيرات يا أحباب بالله .... اهم حاجه تنسقوا مع اهل العوض المسلمى بالله وتشوفوا انسب واقوى الطرق لتفعيل الوقف واظن انو اهل الراحل المقيم العوض المسلمى ماشاء الله عليهم أهل كرم وعز وأصاله ..وماخاب من إستشار وأى عمل مدروس ومنظم بتكون نتايجه إيجابيه وباهره ..... وكمان ماتتجاهلو حتة الفصل الدراسى دى عايزه تنسيق قوى مع الأهل والاخ محمد المسلمى بالله ماحلو لمن واحد فى ابتدائى (أساس) يقول انا درست فى فصل (المسلمى) ... احترامى

Quote: له الرحمة والمغفرة وعسى الدعاء له والعمل الصالح الذى ينفعه أعلن تبرعى بعدد : 1- 20 كتاب باللغة اإلإنجليزية فى مواضيع شتى . 2- 20 كتاب باللغة العربية جلها فى الدين الإسلامى 3- تسجيل سمعى كامل للمصحف الشريف سوف ألتزم بإيداعها شخصيا فى المكتبة حين أصل السودان فى أول زيارة . له الرحمة والمغفرة .

Quote: شكرا يا عمر يا اخى دايراك انت باعتبارك صحفى و وهبة باعتباره عنقالى مثلى تعملوا كتاب عن العوض و هو عبارة عن مواضيعه التى كتبها هنا و ما كتب عنه بعد وفاته و التى سوف اجمعها كلها هنا مكتبة العوض المسلمي (العوض المسلمي) بعد انتهاء ايام الحداد يعنى مثل كتاب الخاتم الذى اسهم اعضاء المنبر فى اخراجه و جمعوا مبلغ ممتاز للكتاب....الموضوع دا مهم و عاجل

Quote: حاضرين ومستعدين لاي عمل وبرضو كلام اخونا ملهم ده مهم شديد ..

Quote: بسم الله الرحمن الرحيم وَبَشِّرْ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُوْلَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُوْلَئِكَ هُمْ الْمُهْتَدُونَ . رحم الله شيخ العوض واسكنه جنات عرضها السماوات والأرض البركة فيكم اخي عمر في هذا الفقد العظيم جبر الله كسركم وعظم اجركم وصبركم على فقدكم الجلل جزاكم الله خير على عملكم الجليل هذا ,, وفي ميزان حسناتكم إن شاء الله ربنا يقويكم إن شاء الله وبالتوفيق يا رب ,,

Quote: يا سلام عليكم يا ناس يا سمحين يا الكلكم مروءة وشهامة وتسارعون لعمل الخير دون من ولا أذى.. ووالله فكرة المكتبة العامة باسم المرحوم العوض المسلمي فكرة جيدة ونؤيدها بشدة... ولا يموت ابدا من ترك ذكرى حسنة وراءه.. وها نحن نرى تقريبا جميع اعضاء المنبر العام يسارعون لطلب المغفرة والرحمة للعوض المسلمي.... ومن شهد له الناس دخل الجنة... ونحن على استعداد تام للمشاركة في انشاء هذه المكتبة باسم المرحوم العوض المسلمي سواء كان بالتبرع المادي او العيني ، اي اهداء كتب او شرائط دينية للمكتبة.. ويا حبذا لو ناديتو المغتربين في الخليج والمهاجرين في اوروبا وامريكا وآسيا للتبرع للمكتبة بأي صورة كانت ولا شك ان هؤلاء سيتدافعون لانشاء هذه المكتبة.. ولتكن المكتبة عند افتتاحها مجانية الدخول لجميع الناس ولتكن مكتبة حديثة ، يستلف منها الناس الكتب لفترات محدودة وبها قسم لخدمات الكمبيوتر .. وسوف ترى ان جميع الذين يرتادون هذه المكتبة العامة وهم يبتهلون لله سبحانه وتعالى ان يرحم ويغفر للعوض المسلمي ويسألون له الجنة... والله يديكم الصحة والعافية

Quote: عَنْ أَبِي هُرَيْرَةَ ، عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ ، قَالَ : " إِذَا مَاتَ ابْنُ آدَمَ انْقَطَعَ عَمَلُهُ إِلا مِنْ ثَلاثٍ : مِنْ صَدَقَةٍ جَارِيَةٍ ، أَوْ عِلْمٍ يُنْتَفَعُ بِهِ ، أَوْ وَلَدٍ صَالِحٍ يَدْعُو لَهُ " الوفاء لأهل العطاء بارك الله فيكم وجزاكم الله خيرا أقترح بناء فصل في مدرسة الكباشي للأساس وتسميته باسمه وبارك الله فيكم وجزاكم الله خيرا