|
Re: مريخابي و اعترف بأن الهلال هو الفريق السو� (Re: شمس الدين ساتى)
|
شكرا ياخالد الهلال والمريخ يلعبان باسم السودان خليق بنا ان نشجعهم في البطولات الخارجية ممكن تكون هناك مكاواة برئية ومقبولة لكن ما نشاهده بين مشجعي الفريقين هذه الايام لا يشرف اي انسان غيور على فرق تلعب باسم الوطن قبل اسم النادي للاسف الشديد الصحافة الرياضية ضالعة ايضا في كل هذا اتمنى التوفيق لكل فريق يلعب باسم البلد
| |
|
|
|
|
|
|
Re: مريخابي و اعترف بأن الهلال هو الفريق السو� (Re: حيدر حسن ميرغني)
|
الاخ الكريم خالد اما ان تكون صادقا ..(مريخابي)...وبذا تكون منافقا...(واربأ بك ان تكون كذلك)... او ان تكون كاذبا (هلالابي)...وبذا يكون حكمك (الصادر عن هوى) صحيحا.... ((كم انت كبير يا هلال)).....هذه العبارة - دعك من غير الهلالاب - حتى الهلالاب العاقلين لا ينطقونها إلا عند الاشارة لعامل السن الهلال .....ذو الصفر الدولي الضخم ....كبير؟!!!! الهلال الفريق السوداني الوحيد الذي طرد له لاعب من دورة دولية لاستخدام المنشطات.....كبير؟!! الهلال الفريق الوحيد الذي ثبت له التزوير (في اوراق رسمية) في عملية وصفها رئيس راحل له بأنها ستظل وصمة عار في جبين الهلال.......كبير؟!!! الهلال الفريق الوحيد الذي يدخل رئيسه اطراف الملعب ليلكم حكما بين الشوطين ثم يكذب و يتحرى الكذب.......كبير؟! هلال (مجدي شمس الدين).........كبير؟!! هلال (رمضان احمد السيد) صاحب اخطاء كل يوم ........كبير؟!!
كم انت فضيحة يا هلال.........
| |
|
|
|
|
|
|
Re: مريخابي و اعترف بأن الهلال هو الفريق السو� (Re: Zakaria Fadel)
|
الأخ خالد بس كلامك عكس الواقع وعكس كل ما يقوله ويشاهده الوسط الرياضي حاليا بان فريق المريخ هو من أفضل الفرق فى البطولة حاليا لماذا تتحدث عن مستوي المريخ فى السابق ونحن نشاهد المريخ الان يتفوق على بطل الكاس السابق فى الاداء فى معقله ووسط جمهوره وشاهدناه قبل ذلك يقدم أفضل اداء اما اتحاد العاصمة وسط جمهوره ويظلم بأمر التحكيم وقبل هذا وذاك المريخ حاليا يتربع على عرش بطولة الممتاز التى تضم الهلال ايضاً فيبقى من الأفضل وكيف تقول بأن الهلال لم تتوفر له الأموال التى توفرت للمريخ ورئيسه يقول بأن الهلال هو أكبر قوة مالية ضاربة فى البلد وان مالدى الهلال لا تملكه حتى الحكومة فمن نصدق خالد ام رئيس الهلال
| |
|
|
|
|
|
|
Re: مريخابي و اعترف بأن الهلال هو الفريق السو� (Re: حيدر حسن ميرغني)
|
شمس الدين ساتي شكرا كتير
تعلم ان امثالك هم الذين اوردوا المريخ الموارد يقبلون بأي شئ انا اشجع المريخ و لا يعجبني المريخ لانه فريق قوي بامكاناته و ضعيف في ادائه لو تحدثت عن لاعبي المريخ كأفراد تجدهم لا بأس بهم و لكنهم مع بعضهم لا يشكلون فريق قوي اذ لا توجد جماعية ولا اي نوع من انواع اللعب الممتع انا اقول ذلك متمنيا من كل قلبي ان يكون المريخ فريق بطولات قارية و ليس بطولات محلية متواضعة - نريد ان نشجع فريق بامكانه ان يحقق بطوله ابطال افريقيا
و اذا اراد المريخ ان يكون كذلك فعليه اتباع الاتي اولا يجب عليه ان يضم في صفوفه او يصنع لاعبين لهم كاريزما امثال فيصل العجب و هيثم مصطفى على اقل تقديرو ان يكونو سودانيين و ليسو اجانب ثانيا يجب على الفريق ان يتبنى طريقة لعب تعتمد في اساسها على اللعب الحديث السريع اكرر السريع و الاهتمام بالمهارات الفردية و التدريب على تطبيق التيكي تاكا يجب على اللاعبين التدريب على استلام و تمرير الكرات لانو مستواهم ده ما بيأكل عيش يجب على اللاعبين ان يكونو متطلعين و يشاهدو مباريات الدوري الاسباني و الانجليزي لان فيها دروس مجانية و يهتمو بالمهارات الفردية و اللياقة البدنية
فريق المريخ لا يمتع جمهوره في الميدان لان مستوى المهارات متدني للغاية انصح اللاعبين بإدمان مشاهدة مباريات الفرق الاوروبية و تتبع سيرة اللاعبين الكبار و محاولة تقليدهم و الارتباط بهم امثال ميسي و كريستيانو و بنزيمة و تشافي و انيستا و انصحهم بتعلم لعبة الفيفا في بلي استيشن لان فيها دروس مجانية ( وجه ضاحك ) و انصح ادارة الكرة في النادي بتقديم اشتراكات في قنوات بي ان سبورت لكل لاعب فقط عشان ما يتفرجو في الناس بتلعب كورة كيف و يشوفو اين هم من كره القدم لانو بالصورة الحالية الشايفنها دي اعتقد ان كثير من لاعبينا لا يعرفون حتى بأن هناك لاعب اسمه ميسي و لا سمعو بيهو
| |
|
|
|
|
|
|
Re: مريخابي و اعترف بأن الهلال هو الفريق السو� (Re: الحاج حمد الحاج)
|
يا زول انت ما عندك علاقة بالمريخ شوف ناس المريخ الاصيلين حتى النقد بالله انت مريخابي وطلحة مريخابي سبحان الله رجل صحفي ينتقد المريخ من نواحي فنية وادارية وزول كلام الطير في الباقير يا راجل المريخ الفريق الوحيد في السودان الذي فتح له القصر الجمهوري و تم استقبالة على مستوى رئاسة الجمهورية تجي انت يا الفالح تمسح كل التاريخ ده وتقول مريخابي يا خوي انت اظنك عايش في كوكب تاني خالص شوف كلام المدربين
Quote: ان مدرب الترجي بارك للمريخ البطولة الافريقيه *وقبله مدرب عزام قال *الايام ستثبت ان من اقصاني هو بطل افريقيا |
دا حال الكيزان اصلا نفاق وكذب كبيرهم الذي علهم السحر غايتو العوج راي والعديل راي
| |
|
|
|
|
|
|
Re: مريخابي و اعترف بأن الهلال هو الفريق السو� (Re: اباذر عبد العال)
|
Quote: لا نريد كؤوس لا نريد بطولات نريد ان نؤسس لفرق امثال فريق الهلال لها كاريزما تلعب بثقة و يخاف منها الخصم مش فرق زي دراويش الحضرة
|
هههههههههههه
Quote: تخريمة المريخ قبل فترة وجيزة كان أغنى نادي في افريقيا رغم ذلك ظل فريق الكرة في النادي من أسوأ الفرق رغم شراءه لاغلى اللاعبين بالله التقول قروش حرام !!! |
جبت المعلومة دي من وين بالله.
يعني المريخ أغلى من الأهلي المصري ومازمبي مثلا ؟؟
واضح جدا بأنه لا علاقة لك بكرة القدم أبدا.
| |
|
|
|
|
|
|
Re: مريخابي و اعترف بأن الهلال هو الفريق السو� (Re: Deng)
|
http://binaanews.net/%D8%A7%D9%84%D9%86%D8%A7%D8%AF%D9%8A-%D8%A7%D9%84%D8%A5%D9%81%D8%B1%D9%8A%D9%82%D9%8A-%D9%8A%D8%AA%D8%B1%D8%A8%D8%B9-%D8%B9%D9%84%D9%89-%D8%B9%D8%B1%D8%B4-%D8%A3%D8%AB%D8%B1%D9%8A%D8%A7%D8%A1-%D8%A7/http://binaanews.net/%D8%A7%D9%84%D9%86%D8%A7%D8%AF%D9%8A-%D8%A7%D9%84%D8%A5%D9%81%D8%B1%D9%8A%D9%82%D9%8A-%D9%8A%D8%AA%D8%B1%D8%A8%D8%B9-%D...%D8%A7%D8%A1-%D8%A7/
| |
|
|
|
|
|
|
Re: مريخابي و اعترف بأن الهلال هو الفريق السو� (Re: على محمد على بشير)
|
محمد علي
Quote: انتا زول غريب ي خالد وفيك شىء غلط انا ما عارف هو شنو |
كيف يعني فيني شئ غلط ؟؟ و لو ماعارف هي شنو كيف عرفت اصلا في حاجة غلط ؟؟ الحاجة دي شايلها في كيس و لا في باغة ؟؟
Quote: وما بتعرف كوره ولو دقيت راسك فى السماء |
هو لو في زول بيعرف كورة في السودان ده كان صبرنا اكثر من خمسين سنة بدون اي كاس و لا بطولة ؟ كل الفرق المولوده حديثا تعبر من فوق و تحمل الكؤوس و نحن صابرين يعني هل عارفين و ما عايزين كؤوس و بطولات يعني ؟؟ !! طيب البعرف الكورة منو قبل ما ادق راسي بالسما ؟؟ كلامك ده لو قالو مصري ولا تونسي و لا مغربي او جزائري ممكن يكون صح لكن انت منو عشان تقول انو بتعرف كورة ؟ ما هو انجازك في الخمسين سنة الماضية ؟؟
هي كورتنا دي عايزه ليها صلعة ؟؟
| |
|
|
|
|
|
|
Re: مريخابي و اعترف بأن الهلال هو الفريق السو� (Re: خالد المبارك)
|
Quote: مريخابي و لكن حينما اتنفس كرة قدم سودانية اتنفسها هلالية -- ترى لماذا ؟؟؟ |
لانك هلالابي من صوف راسك ولاخمص رجليك ولكنك لا تعلم ذلك .. في الحقيقة فوجئت بكونك كنت يوما مريخابي .. انت هلالابي وتمتلك كل المقومات لذلك .. هنيئا للهلالاب هذه الاضافة !!
| |
|
|
|
|
|
|
Re: مريخابي و اعترف بأن الهلال هو الفريق السو� (Re: Mohammed Abuzaid)
|
السلاااااام عليكم
هاهاهاهاهاههاهاهاهاها ياخ دا امتع بوست من سنين الزول دا ردمتوهو ردم عجيب هاهاهاهاها بس انت ذاتك تستاهل لانك بتبالغ لوووووووول قلته لي ٥٠ سنة ما جبنا كاس و الكاسات بتجي من فوووق ماشى و قاطعه سمانا !!!!!؟ يازووول دحين انت مش قلته بتشجع الاحمر الوهاج صاحب الكاسات ذاااتو !!!!؟
اسمع كلام اخونا هجو الاقراع دا اي كلامو حاااار بس بينفعك في كبدتك دي هاهاهاهاهاها
| |
|
|
|
|
|
|
Re: مريخابي و اعترف بأن الهلال هو الفريق السو� (Re: سفيان بشير نابرى)
|
هلال أو مريخ .. المهم الكاس هذا العام .. لازم يجي الخرطوم .. ولو النهائي اتلعب بين الهلال والمريخ .. في تلك الساعة لن تسعنا الفرحة .. ولن يفرق معانا كتير من الذي يتوج بالكأس ..
غايتو السنة دي كان مرقنا ملوص .. باقي الكورة الفضلت معانا دي .. حنخليها ....
ــــــــــــــــــــ
خالد المباركـ .. مرحب بيكـ مشجع هلالابي كامل الدسم ..
| |
|
|
|
|
|
|
Re: مريخابي و اعترف بأن الهلال هو الفريق السو� (Re: جمال ود القوز)
|
نعم صدقت أخ خالد
نعم الهلال هو الفريق السوداني الذي لديه كاريزما في البطولات الافريقية في السنوات الأخيرة والمشاركات في الأدوار النهائية خير دليل على ذلك بل كل أفريقيا تعرف ان الهلال هو البطل غير المتوج بكأس افريقيا ولولا سؤ الحظ والتحكيم الذي ظلم الهلال قبل 20 سنة لكان الهلال يمتلك ما لا يقل عن 7 كاسات ابطال. وحتى الفرق السودانية ومن ضمنها المريخ أصبحت تنتظر مشاطيب الهلال الذين يتمتعون بالخبرة الافريقية لترميم فرقها التي تفتقد لروح المنافسة لكن للاسف لم تستفد منها بقية الفرق وخير مثال الند المريخ الذي اصبح في السنوات الأخيرة في كل فترة تسجيلات يسجل أثنين أو أكثر من مشاطيب الهلال حتى ضاعت هويته ورغم ذلك لم ينافس تنافس حقيقي في الأدوار النهائية وإكتفي بدور الكومبارس رغم اجادته سابقا" في بعض البطولات الضعيفة نسبيا" بالمقارنة مع البطولة الأفريقية الأم, وفي النقيض تماما" نجد الهلال ورغم تغيير جلده فى الفترة السابقة وأعتماده علي شباب صغار السن إعتاد على المضي بعيدا" فى البطولة الأفريقية وبأقل مجهود معتمدا" علي الكاريزما الهلالية التي صنعها بتواجده الدائم في الأدوار النهائية للبطولة.
| |
|
|
|
|
|
|
Re: مريخابي و اعترف بأن الهلال هو الفريق السو� (Re: عثمان الأمام)
|
Quote: نعم صدقت أخ خالد
نعم الهلال هو الفريق السوداني الذي لديه كاريزما في البطولات الافريقية في السنوات الأخيرة والمشاركات في الأدوار النهائية خير دليل على ذلك بل كل أفريقيا تعرف ان الهلال هو البطل غير المتوج بكأس افريقيا ولولا سؤ الحظ والتحكيم الذي ظلم الهلال قبل 20 سنة لكان الهلال يمتلك ما لا يقل عن 7 كاسات ابطال. وحتى الفرق السودانية ومن ضمنها المريخ أصبحت تنتظر مشاطيب الهلال الذين يتمتعون بالخبرة الافريقية لترميم فرقها التي تفتقد لروح المنافسة لكن للاسف لم تستفد منها بقية الفرق وخير مثال الند المريخ الذي اصبح في السنوات الأخيرة في كل فترة تسجيلات يسجل أثنين أو أكثر من مشاطيب الهلال حتى ضاعت هويته ورغم ذلك لم ينافس تنافس حقيقي في الأدوار النهائية وإكتفي بدور الكومبارس رغم اجادته سابقا" في بعض البطولات الضعيفة نسبيا" بالمقارنة مع البطولة الأفريقية الأم, وفي النقيض تماما" نجد الهلال ورغم تغيير جلده فى الفترة السابقة وأعتماده علي شباب صغار السن إعتاد على المضي بعيدا" فى البطولة الأفريقية وبأقل مجهود معتمدا" علي الكاريزما الهلالية التي صنعها بتواجده الدائم في الأدوار النهائية للبطولة.
|
صدقت في حديثك حين اشرت للمشاركة الهلال المتكررة في الابطال ولكن لم توضح الاسباب التي جعلت من الهلال اكثر مشاركة هل تعلم يا عزيزي ان الهلال من اكثر الفرق التي نالت ضربات جزاء في تاريخ المشاركة الافريقية (سادومبا) من اكثر الفرق التي ترشي الحكام (حادثة البرير) هل تعلم بعدد مشاركاته كان نصيبة الاكبر مع اضعف فرق المجموعات هل تعلم بأن الفريق المزور الوحيد في السودان ( حادثة كندورة والثعلب 2 - 12 ) العبرة ليست بعدد المشاركات العبرة بالمحصلة يا عزيزي المشاهد اما حديثك عن مشاطيب الهلال والله لأمر مضحك افضل لعيبة عندك حاليا مشاطيب المريخ ( الشغيل - فيصل موسى - وليد صلاح الدين ) ياخي انت بهاء الدين ملوص سجلتو ولو رجعت لعدد الذين تسجلوا من المريخ للهلال لوجدت البون واسع الشيء المضحك فريق له تاريخ يقارن بفريق الصفر الدولي والله حكم اخر الزمن
| |
|
|
|
|
|
|
Re: مريخابي و اعترف بأن الهلال هو الفريق السو� (Re: Saifelyazal Elmaki)
|
Quote: افضل لعيبة عندك حاليا مشاطيب المريخ ( الشغيل - فيصل موسى - وليد صلاح الدين ) |
ياخي دي واسعة شوية ياخ :)
ــــــ تصدّق يا سيف اليزل يا حبيب ...
مرّة قاعد في التلفزيون جابوا كورة للمريخ العاصمي وأهلي شندي ...
سألت على سبيل المُداعبة فقط يا جماعة الهلال ياتو ولابس شنو وشايت وين ؟!
| |
|
|
|
|
|
|
Re: مريخابي و اعترف بأن الهلال هو الفريق السو� (Re: صبري طه)
|
حبيبنا صبري سلامات ياخي وين انت مختفي
Quote: سألت على سبيل المُداعبة فقط يا جماعة الهلال ياتو ولابس شنو وشايت وين ؟! |
ما دام مداعبة ما فوكا حاجة اها قلت لي كيف يا صبري يا خوي كدي روق المنقة الفرق الاقيتا فرق ضعيفة شديد كي ام كي ياخي الخرطوم الوطني رشاهو رش صاح وما عارف الرصاصات ملاوي هههههههههههههههههههه الشغيل لو لاه لما تخطيب عتبة التمهيدي يا حبيب وفيصل موسى كل الجرايد الزرقاء كانت بتتكلم عنه اما وليد صلاح الدين فهذا فاكهة الهلال اها تاني عندك 11 افريقي
| |
|
|
|
|
|
|
Re: مريخابي و اعترف بأن الهلال هو الفريق السو� (Re: عثمان الأمام)
|
كدي النركب ليك البيتين ديل في بعض عشان يظبطوا مع شخصيتك
ابت الجهالة ان تفارق أهلها
وكاد المريب ان يقول خذوني
عارف لي سنين من المنبر العام مارجعني ليهو غير هطرقاتك القاعد تكتب فيها دي
يمين وفوقه يمين انت زول كيسك فاضي وقاعد تكذب وتتحري الكذب
ويمين تاني مافي مريخابي يتكب عن المريخ زي كلامك الفارغ ده
قال شنو : رغم مريخيتي
ياخي قوم لف
ولا أقول ليك
ياخي اختشي
| |
|
|
|
|
|
|
Re: مريخابي و اعترف بأن الهلال هو الفريق السو� (Re: haroon diyab)
|
أمّا بخصوص رأيي في كورتنا .. بقول ليك يا خالد نحن ماشين بالبركة ساي ...
لاعبين في أكبر الأندية السودانية أبجديات الكورة ما بعرفوها ...
الناس مدحت نزار حامد في الهدف الذي أحرزه في سموحة .. والصحيح هو أن يلعبها نزار قبل الكسرة الأخيرة لكاريكا .. غايتو صدقت معاهو ودي تدخل في ماشين بالبركة ساي !!
| |
|
|
|
|
|
|
Re: مريخابي و اعترف بأن الهلال هو الفريق السو� (Re: صبري طه)
|
Quote: الشغيل لو لاه لما تخطيب عتبة التمهيدي يا حبيب |
كان جينا للكلام الجاد// فعلا الشغيل راكز واداء قوي وثابت
لكن الوصيف هذا الموسم معتمد على بكري المدينه داخليا وخارجيا ..هداف و ممول ......لضفر وغيره
وتاني كلام جد
من ناحية الهلال فريق كبير بالنسبه للمريخ دي ما عاوزه ليها رفع ضوء
بس الكوره السودانيه كلها تعبان يااااخ انتو يا مريخاب اصحاب مقولة ما بنطير برانا هههههههههههه بالله دي مستوي ده
| |
|
|
|
|
|
|
Re: مريخابي و اعترف بأن الهلال هو الفريق السو� (Re: معاوية محمد الحسن)
|
Quote: صدقت في حديثك حين اشرت للمشاركة الهلال المتكررة في الابطال ولكن لم توضح الاسباب التي جعلت من الهلال اكثر مشاركة هل تعلم يا عزيزي ان الهلال من اكثر الفرق التي نالت ضربات جزاء في تاريخ المشاركة الافريقية (سادومبا) من اكثر الفرق التي ترشي الحكام (حادثة البرير) هل تعلم بعدد مشاركاته كان نصيبة الاكبر مع اضعف فرق المجموعات هل تعلم بأن الفريق المزور الوحيد في السودان ( حادثة كندورة والثعلب 2 - 12 ) العبرة ليست بعدد المشاركات العبرة بالمحصلة يا عزيزي المشاهد اما حديثك عن مشاطيب الهلال والله لأمر مضحك افضل لعيبة عندك حاليا مشاطيب المريخ ( الشغيل - فيصل موسى - وليد صلاح الدين ) ياخي انت بهاء الدين ملوص سجلتو ولو رجعت لعدد الذين تسجلوا من المريخ للهلال لوجدت البون واسع الشيء المضحك فريق له تاريخ يقارن بفريق الصفر الدولي والله حكم اخر الزمن |
الأخ سيف اليزل سلامات للأسف الشديد ردك رد مشجعين لا يفرق كثيرا" من كلام المساطب الشعبية وحأجيهو نقطة نقطة:
كلامك عن ضربات الجزاء فعلا" كلام فطيير وغير صحيح اطلاقا" بل على العكس تماما" نال المريخ ضربات جزاء أكثر من الهلال رغم مشاراكاته البسيطة ودونك هذا العام هل تدري من أكثر فريق نال ضربات جزاء!!! رغم ذلك أعرف جيدا" أن ضربات الجزاء جزء من اللعبة ولا يقول مثل كلامك الا من لا علاقة له بكرة القدم.
من أكثر الفرق التي ترشي الحكام (حادثة البرير) !!! فعلا" شكلك غير متابع جيد للكرة ولا تعرف ما يدور اساسا" ماهي حادثة البرير في رشوة الحكام!!! ولتعلم عزيزي أن المريخ أكثر فريق طالته إتهامات بشراء التحكيم الأفريقي منذ قدوم الملياردير جمال الوالي كرئيس وعلى سبيل المثال فقط مباراة الأسماعيلي الشهيرة في 2007 وبعدها بعام او عامين القضية التي أثارتها صحيفة الهداف الجزائرية وحتي قبل عامين في قضية الجلاكسي الشهيرة !!
هل تعلم بعدد مشاراكاته كان نصيبه مع اضعف فرق المجموعات !!! إنت جادي ؟!! هل تعلم ان الهلال في فترة الثمانية سنوات السابقة فقط لعب ضد الفرق الاتية: الأهلي المصري الزمالك المصري الأسماعيلي وبلدية المحلة من مصر وما أدراك ما مصر!! الترجي والنجم الساحلي والصفاقسي والأفريقي من تونس!! الرجاء المغربي والأهلي الليبي انيمبا النيجيري والقطن الكاميروني واشانتي الغاني ومازيمبي الكونغولي والملعب ودجوليبا المالي والخ الخ الخ في الفترة دي المريخ كان بنازل في القطن التشادي وعزام التنزاني والجيش الرواندي والتكسي واتراكو الزامبي!!
الفريق المزور الوحيد في السودان!! كيف الهلال زور فى 2 و12 !! أخطاء الحكم في تسجيل اللاعبين اصحاب الكروت موجودة بكثرة وحتى في أكبر الدوريات الأوربية وحتي قبل كم سنة أعطى الحكم السوداني شمس المعارف لاعب فريق الأهلي المصري كرتين صفر في نفس المباراة ولم يقم بطرده!! دي أخطاء حكام ويحاسب عليها الحكام وليس الهلال لكن عقدة النقص الكبيرة لدي المريخاب جعلتهم ينسجون القصص لتجريم الهلال وهم يعلمون جيدا" مبادئ الهلال جيدا" . والفريق المزور والوحيد المتهم في قضية جنائية هو فريق المريخ والشاكي هو لاعب المريخ الحالي والهلال السابق علاء الدين يوسف في قضية البصمة الشهيرة!! فريق يزور بصمة لاعب بالتواطؤ مع لاعب آخر وموظف بالأتحاد يا للعار يا للعار دي قضية لو في اى دولة تانية لتم شطب النادي نهائيا" وتسريح لاعبيه فهذه فضيحة لم تحدث في أي نادي آخر علي مر التاريخ.
نعم العبرة بالمشاركات والمحصلة في نفس الوقت فكلما كنت موجود في المنافسات حتى أدوارها النهائية تعطي مشجعيك فرصة متابعتك وتعطي الفريق هيبة وجوده وهذا هو الفرق الحقيقي حاليا" بين الهلال والمريخ كل أفريقيا وكل العرب يعرفون الهلال جيدا" وكل متابع للشان الرياضي يعرف الهلال جيدا" عكس المريخ الذي لا يعرفه الكثير حاليا" (ربما في السابق) ولولا سؤ الحظ والتحكيم لكان الهلال صاحب اكثر عدد بطولات في كل القارة وليس السودان فقط.
حديثي عن مشاطيب الهلال هي حقيقة يعرفها المريخاب قبل الهلال لن أعدد ولن أذكر لعيبة الهلال الذين ينتقلون في بداية كل موسم للمريخ ولم يجنوا غير الفشل والفشل الزريع لأن المسألة مسألة كاريزما ورغم محاولات الوالي بناء فريق المريخ على أنقاض الهلال وبقاياه الا ان الفشل لازمه وصار كل عام يخرج من البطولات الافريقية ويدفع في النثريات والحوافز المليونية بل صار أي لاعب في الهلال يدري جيدا" أنه متي ما تم الأستغناء عنه مكانه موجود في المريخ وفعلا" صدقت الصحافة اليوغندية عندما وصفت المريخ بانه ضل الهلال!!
من المضحك المبكي أن طوال تاريخ المريخ لأكثر من 105 سنة لم يتخطي دور الأربعة في البطولة الأفريقية وهذه السنة بوصول المريخ للنقطة الرابعة هذا انجاز لم يحدث في تاريخ المريخ منذ تأسيسه في حين أصبح الهلا يصل هذه المرحلة باقل مجهود واصبحت من بديهيات الكورة الافريقية فلو كان الهلال صفرا" فان المريخ تحت الصفر بكثييير ويحتاج سنوات وسنوات للوصول لمرحلة الهلال.
| |
|
|
|
|
|
|
Re: مريخابي و اعترف بأن الهلال هو الفريق السو� (Re: عثمان الأمام)
|
Quote: وكل متابع للشان الرياضي يعرف الهلال جيدا" عكس المريخ الذي لا يعرفه الكثير حاليا" (ربما في السابق) ولولا سؤ الحظ والتحكيم لكان الهلال صاحب اكثر عدد بطولات في كل القارة وليس السودان فقط.
. |
clap
Quote: من المضحك المبكي أن طوال تاريخ المريخ لأكثر من 105 سنة لم يتخطي دور الأربعة في البطولة الأفريقية وهذه السنة بوصول المريخ للنقطة الرابعة هذا انجاز لم يحدث في تاريخ المريخ منذ تأسيسه في حين أصبح الهلا يصل هذه المرحلة باقل مجهود واصبحت من بديهيات الكورة الافريقية فلو كان الهلال صفرا" فان المريخ تحت الصفر بكثييير ويحتاج سنوات وسنوات للوصول لمرحلة الهلال |
clap
Quote: حديثي عن مشاطيب الهلال هي حقيقة يعرفها المريخاب قبل الهلال لن أعدد ولن أذكر لعيبة الهلال الذين ينتقلون في بداية كل موسم للمريخ ولم يجنوا غير الفشل والفشل الزريع لأن المسألة مسألة كاريزما ورغم محاولات الوالي بناء فريق المريخ على أنقاض الهلال وبقاياه الا ان الفشل لازمه وصار كل عام يخرج من البطولات الافريقية ويدفع في النثريات والحوافز المليونية بل صار أي لاعب في الهلال يدري جيدا" أنه متي ما تم الأستغناء عنه مكانه موجود في المريخ وفعلا" صدقت الصحافة اليوغندية عندما وصفت المريخ بانه ضل الهلال!!
|
clap
ضل...زي الضل....وسيف اليزل ماسك ليك في الشغيل ...وناسي الباقين حقننا المعاهم
| |
|
|
|
|
|
|
Re: مريخابي و اعترف بأن الهلال هو الفريق السو� (Re: اباذر عبد العال)
|
الواحد يقول ليك كلام مشجعين ويجى يسرد تاريخ ويعمل مقارنات مقلالا من شأن الفريق الآخر
وكان هذا كلام محايد.. ما إنتا برضو كلامك كلام مساطب جانبية ..
هلالنا فعل وترك ولعب مع الفريق الفلانى والعلانى .. وكأنكم أحرزتم شيئا
طيب ما تلعبوا معاهم .. العبرة بالنهايات يا هلالاب.... نهايات لعبكم كانت صفر كبير
ماسكين فيهو من سنة حفروا البحر ..خلكم ماسكين فى لعبنا مع الفرق الكبار دى كان تجيب ليكم كاس
يطعم ليكم خشومكم من ملح البحر الشاربنو وما رويانين.....بس بعدين ماتجو تبكوا تفولو ..لااراش و حظنا كعب ..
| |
|
|
|
|
|
|
Re: مريخابي و اعترف بأن الهلال هو الفريق السو� (Re: شمس الدين ساتى)
|
Quote: الواحد يقول ليك كلام مشجعين ويجى يسرد تاريخ ويعمل مقارنات مقلالا من شأن الفريق الآخر |
الاخ شمس الدين سلامات
كلامنا رد على نقاط معينة أوردها أحد المريخاب فمن غير المنطقي يجي مريخابي يقول الهلال تواجد فى الأدوار النهائية لمواجهته فرق ضعيفة!!! عملنا ليهو سرد بسيط بالفرق التي قابلها الهلال فى الثمانية سنة الماضية مقابل المريخ مع العلم ان هذه الفرق قابلها الهلال أكثر من مرة مثل الزمالك والأهلي والترجي والقطن وانيمبا وفرق اكثر من مرتين مثل مازيمبي والرد علي علي كلام المساطب بحقائق لا يجعلها كلام مساطب أيضا".
نحن الحمدلله وأنا شخصيا" كهلالابي راضي تمام الرضا عن مشاركات الهلال الخارجية في الفترة الأخيرة واذا هناك فريق سوداني سيحرز البطولة الأفريقية فلن يكون غير الهلال وكل الفرق التي احرزتها عانت وتواجدت في الادوار النهائية لسنوات عدة حتى أحرزتها والهلال لم يكن بعيدا" من الكأس رغم أنها أستعصت عليه في مرات عديدة .
عندما يكون الحديث عن سيكافا وكاس الشارقة وما عارف شنو من حق المريخاب يجوا يهللوا ويفرحو وما عندنا دخل بيكم لكن لما يجي الحديث عن البطولة الكبرى على المريخاب الإنصات والأستمتاع في حضرة مارد أفريقيا.
| |
|
|
|
|
|
|
Re: مريخابي و اعترف بأن الهلال هو الفريق السو� (Re: عثمان الأمام)
|
Quote: نحن الحمدلله وأنا شخصيا" كهلالابي راضي تمام الرضا عن مشاركات الهلال الخارجية في الفترة الأخيرة واذا هناك فريق سوداني سيحرز البطولة الأفريقية فلن يكون غير الهلال وكل الفرق التي احرزتها عانت وتواجدت في الادوار النهائية لسنوات عدة حتى أحرزتها والهلال لم يكن بعيدا" من الكأس رغم أنها أستعصت عليه في مرات عديدة .
عندما يكون الحديث عن سيكافا وكاس الشارقة وما عارف شنو من حق المريخاب يجوا يهللوا ويفرحو وما عندنا دخل بيكم لكن لما يجي الحديث عن البطولة الكبرى على المريخاب الإنصات والأستمتاع في حضرة مارد أفريقيا. |
ههههههههههههها وتانى ههههههههههههههههههها
وطيب بى منطقك دا ..المريخ برضو لعب مع نفس الفرق ..بس الفرق ما أخد خمسات..
بعدين وينو مارد أفريقيا دا ..أوع تقول الهلال.. ماياهو الرصيدو صفر من نفس البطولة؟
بعدين كأس سيكافا دا لعبتو فيهو لما ربنا غفر ليكم وحصلتو منو غير (صفر كبيييييييييير)
فبالله عليك تواضع قليلا .. قلت لك العبرة بالناتج النهائى..قل ما هو نتيجة المشاركات الكثيرة للمارد بتاعك
دا ياهو نفس الموال بتاع ( نحن أول من شارك فى كأس إفريقيا وأول من نال الإستقلال ..ورصيدنا متواضع جدا
قياسا للى جو من بعدنا... قليل من التواضع لا يضرك
| |
|
|
|
|
|
|
Re: مريخابي و اعترف بأن الهلال هو الفريق السو� (Re: عثمان الأمام)
|
Quote:
الأخ سيف اليزل سلامات للأسف الشديد ردك رد مشجعين لا يفرق كثيرا" من كلام المساطب الشعبية وحأجيهو نقطة نقطة:
كلامك عن ضربات الجزاء فعلا" كلام فطيير وغير صحيح اطلاقا" بل على العكس تماما" نال المريخ ضربات جزاء أكثر من الهلال رغم مشاراكاته البسيطة ودونك هذا العام هل تدري من أكثر فريق نال ضربات جزاء!!! رغم ذلك أعرف جيدا" أن ضربات الجزاء جزء من اللعبة ولا يقول مثل كلامك الا من لا علاقة له بكرة القدم.
من أكثر الفرق التي ترشي الحكام (حادثة البرير) !!! فعلا" شكلك غير متابع جيد للكرة ولا تعرف ما يدور اساسا" ماهي حادثة البرير في رشوة الحكام!!! ولتعلم عزيزي أن المريخ أكثر فريق طالته إتهامات بشراء التحكيم الأفريقي منذ قدوم الملياردير جمال الوالي كرئيس وعلى سبيل المثال فقط مباراة الأسماعيلي الشهيرة في 2007 وبعدها بعام او عامين القضية التي أثارتها صحيفة الهداف الجزائرية وحتي قبل عامين في قضية الجلاكسي الشهيرة !!
هل تعلم بعدد مشاراكاته كان نصيبه مع اضعف فرق المجموعات !!! إنت جادي ؟!! هل تعلم ان الهلال في فترة الثمانية سنوات السابقة فقط لعب ضد الفرق الاتية: الأهلي المصري الزمالك المصري الأسماعيلي وبلدية المحلة من مصر وما أدراك ما مصر!! الترجي والنجم الساحلي والصفاقسي والأفريقي من تونس!! الرجاء المغربي والأهلي الليبي انيمبا النيجيري والقطن الكاميروني واشانتي الغاني ومازيمبي الكونغولي والملعب ودجوليبا المالي والخ الخ الخ في الفترة دي المريخ كان بنازل في القطن التشادي وعزام التنزاني والجيش الرواندي والتكسي واتراكو الزامبي!!
الفريق المزور الوحيد في السودان!! كيف الهلال زور فى 2 و12 !! أخطاء الحكم في تسجيل اللاعبين اصحاب الكروت موجودة بكثرة وحتى في أكبر الدوريات الأوربية وحتي قبل كم سنة أعطى الحكم السوداني شمس المعارف لاعب فريق الأهلي المصري كرتين صفر في نفس المباراة ولم يقم بطرده!! دي أخطاء حكام ويحاسب عليها الحكام وليس الهلال لكن عقدة النقص الكبيرة لدي المريخاب جعلتهم ينسجون القصص لتجريم الهلال وهم يعلمون جيدا" مبادئ الهلال جيدا" . والفريق المزور والوحيد المتهم في قضية جنائية هو فريق المريخ والشاكي هو لاعب المريخ الحالي والهلال السابق علاء الدين يوسف في قضية البصمة الشهيرة!! فريق يزور بصمة لاعب بالتواطؤ مع لاعب آخر وموظف بالأتحاد يا للعار يا للعار دي قضية لو في اى دولة تانية لتم شطب النادي نهائيا" وتسريح لاعبيه فهذه فضيحة لم تحدث في أي نادي آخر علي مر التاريخ.
نعم العبرة بالمشاركات والمحصلة في نفس الوقت فكلما كنت موجود في المنافسات حتى أدوارها النهائية تعطي مشجعيك فرصة متابعتك وتعطي الفريق هيبة وجوده وهذا هو الفرق الحقيقي حاليا" بين الهلال والمريخ كل أفريقيا وكل العرب يعرفون الهلال جيدا" وكل متابع للشان الرياضي يعرف الهلال جيدا" عكس المريخ الذي لا يعرفه الكثير حاليا" (ربما في السابق) ولولا سؤ الحظ والتحكيم لكان الهلال صاحب اكثر عدد بطولات في كل القارة وليس السودان فقط.
حديثي عن مشاطيب الهلال هي حقيقة يعرفها المريخاب قبل الهلال لن أعدد ولن أذكر لعيبة الهلال الذين ينتقلون في بداية كل موسم للمريخ ولم يجنوا غير الفشل والفشل الزريع لأن المسألة مسألة كاريزما ورغم محاولات الوالي بناء فريق المريخ على أنقاض الهلال وبقاياه الا ان الفشل لازمه وصار كل عام يخرج من البطولات الافريقية ويدفع في النثريات والحوافز المليونية بل صار أي لاعب في الهلال يدري جيدا" أنه متي ما تم الأستغناء عنه مكانه موجود في المريخ وفعلا" صدقت الصحافة اليوغندية عندما وصفت المريخ بانه ضل الهلال!!
من المضحك المبكي أن طوال تاريخ المريخ لأكثر من 105 سنة لم يتخطي دور الأربعة في البطولة الأفريقية وهذه السنة بوصول المريخ للنقطة الرابعة هذا انجاز لم يحدث في تاريخ المريخ منذ تأسيسه في حين أصبح الهلا يصل هذه المرحلة باقل مجهود واصبحت من بديهيات الكورة الافريقية فلو كان الهلال صفرا" فان المريخ تحت الصفر بكثييير ويحتاج سنوات وسنوات للوصول لمرحلة الهلا |
حبيبنا عثمان الامام تحية طيبة كلامك يا عثمان غير صحيح انا سردت ليك حقائق ووقائع تاريخية لا يستطيع احد في الدنيا ان ينكرها حكاية كلام مشجعين ومساطب لا يخدم النقاش في شيء كل ما اوردته كان حقيقة لو المريخ بدفع رشاوي كان زماااان يا عثمان الكاس في القلعة الحمراء 1989 كأس يشهد له القاصي والداني كل السودان طلع لاستقبال ابطال المريخ بالله عليك تاريخ الهلال منذ متى وصل نهائي او دوري الاربعة قبل 87
| |
|
|
|
|
|
|
Re: مريخابي و اعترف بأن الهلال هو الفريق السو� (Re: Saifelyazal Elmaki)
|
Quote: ههههههههههههها وتانى ههههههههههههههههههها
وطيب بى منطقك دا ..المريخ برضو لعب مع نفس الفرق ..بس الفرق ما أخد خمسات..
بعدين وينو مارد أفريقيا دا ..أوع تقول الهلال.. ماياهو الرصيدو صفر من نفس البطولة؟
بعدين كأس سيكافا دا لعبتو فيهو لما ربنا غفر ليكم وحصلتو منو غير (صفر كبيييييييييير)
فبالله عليك تواضع قليلا .. قلت لك العبرة بالناتج النهائى..قل ما هو نتيجة المشاركات الكثيرة للمارد بتاعك
دا ياهو نفس الموال بتاع ( نحن أول من شارك فى كأس إفريقيا وأول من نال الإستقلال ..ورصيدنا متواضع جدا
قياسا للى جو من بعدنا... قليل من التواضع لا يضرك |
كلامك غير حقيقي يا ساتي المريخ مشاراكاته كما ذكرت سابقا" لا تتعدى المشاركة في الأدوار الأولية الا في حالات معدودة فقط ورغم هذه المرات المعدودة أخد خمسات زيو وزي الهلال ولو رجعت لمشاركات الفريقين في البطولات الأفريقية حتلقى الهلال إتهزم (خمسات) مرتين من فريق الترجي ومرة من فريق مازيمبي وده شي عاادي في كرة القدم حتي الترجي نفسو أخد خمسة من مازيمبي قبل سنتين . والمريخ نفسو أخد خمسة من الأهلي القاهري ومن كانون ياوندي. فحكاية أخد خمسة ولا سبعة دي في كرة القدم عادية وكل ما كثرت مشاركاتك في الأدوار النهائية كلما زادت قوة الفرق المنافسة فكونو فريق النسور ما اخد خمسة في المنافسات الأفريقية ليس معناه انو احسن من الهلال والمريخ.
| |
|
|
|
|
|
|
Re: مريخابي و اعترف بأن الهلال هو الفريق السو� (Re: عثمان الأمام)
|
Quote: حبيبنا عثمان الامام تحية طيبة كلامك يا عثمان غير صحيح انا سردت ليك حقائق ووقائع تاريخية لا يستطيع احد في الدنيا ان ينكرها حكاية كلام مشجعين ومساطب لا يخدم النقاش في شيء كل ما اوردته كان حقيقة لو المريخ بدفع رشاوي كان زماااان يا عثمان الكاس في القلعة الحمراء 1989 كأس يشهد له القاصي والداني كل السودان طلع لاستقبال ابطال المريخ بالله عليك تاريخ الهلال منذ متى وصل نهائي او دوري الاربعة قبل 87 |
حبيبنا سيف سلامات والله انا ما عارف الحقائق والوقائع التاريخية دي سردتها ويين :) تكلمت عن ضعف الفرق البقابلا الهلال وأديناك لستة بالفرق التي قابلها الهلال مقارنة بالتي قابلها المريخ!! تكلمت عن ضربات الجزاء قلنا ليك شوف في المشاركة دي بس الهلال أخد كم ضربة جزاء والمريخ كم!! تكلمت عن الرشاوي والتزوير جبنا ليك التزوير على اصولو (تزوير البصمة) ورشاوي الوالي والجلاكسي!! تكلمت عن التحكيم وكل أفريقيا وحتى المصريون انفسهم عارفين أكثر ظلم تحكيمي حصل كان ضد الهلال ولولاهو لكانت الكأس الافريقية من سنة 87 في خزانة الهلال ولو بندفع رشاوي كان على الاقل عندنا اربعة خمسة كاسات افريقية!! شان كلامك كلو كان مجافي للحقيقة انا قلت ليك كلام مشجعين المساطب!
اما كونو المريخ أخد بطولة كأس الكئوس من قبل 26 سنة دي حقيقة ما بنكرا زول زيو وزي أندية كثيرة منها على سبيل المثال تونير ياوندي, هافيا كوناكري, بي سي سي لاينز والمقاولون العرب فأين هذه الفرق كلها ومن ضمنها المريخ من مشاركات الهلال وجولاته الأفريقية!! اما سؤالك عن منذ متى وصل الهلال نهائي أو دور اربعة قبل 87 الأجابة وصل دور الأربعة عام 66 في اول نسخة من ابطال افريقيا!!
| |
|
|
|
|
|
|
Re: مريخابي و اعترف بأن الهلال هو الفريق السو� (Re: خالد المبارك)
|
خالد المبارك كل سنة وانت طيب
اولا انا ممغوص من البوست ده من يومو النزل لانو قرايتك للكورة ضعيفة جدا والظاهر انو عجبك تبديل اندرزينو العجوز وهدفو ولياقتو التعبانة
Quote: الثقة معناها ان يستبدل المدرب لاعب بلاعب اخر كي يحرز هدف |
يعنى ما عجبك استبدال هدف شيبون الملغي وعجبك اندرزينيو (( والله انتتتتت هلالابي ومتعصب كمان )))
Quote: نريد ان نؤسس لفرق امثال فريق الهلال لها كاريزما تلعب بثقة و يخاف منها الخصم مش فرق زي دراويش الحضرة |
يعني ما عجبك المريخ واسلوبو المتمييز في الجزائر واستحواذو وعجبك فريق كان بيلعب بدون اى شخصية في الملعب
حتى جميع الهلالب اعترفو بان الهلال اصبح يلعب بدون اى شخصية في الملعب
المهم ، قابلني بعدين بعد المبارة وياريت تحضرها ...
سلام.. :@ :@ :@
| |
|
|
|
|
|
|
Re: مريخابي و اعترف بأن الهلال هو الفريق السو� (Re: خالد المبارك)
|
تحية طيبة للجميع الا لمن رفض
رآى فى رآيك انماي على انك انسان انهزامى ما بتحضر من الكورة الا المخلص ، و ما تعمل لينا فيها دور الناصح ، و تعال بالواضح الما فاضح احسن
لطاع كده و عبر و اتنفس كويس عشان ما تخق !!!
===============
عباس دلقان، حقو تحترم نفسك و تناقش الناس بادب عشان ما تسمع الما بيرضيك ،، مكسب
| |
|
|
|
|
|
|
Re: مريخابي و اعترف بأن الهلال هو الفريق السو� (Re: محمد الامين احمد)
|
الاخوة الرياضيين المرور
لكم التحية
يبدو انو متابعة مباريات الدوريهات الاوروبية خربت طبعي و اصبحت لا اطيق حتى مشاهدة مباريات دراويش الحضرة و نفسنا طلعت منها و اكاد اجزم لو ان الهلال او المريخ نال البطولة و جاب الكاس لما فرحت لانو بالتأكيد ما حيكون جابوهو عن لعب و تكتيك و حرفنة و احتراف فالمستويات دي الله اعلم تجيب ليها كاس
اي فريق ممكن يغلبنا لايمكن التكهن بنتيجة المباراة غض النظر عن المنافس و في اي لحظة ممكن الهلال و المريخ يتغلبو يبقى نحن لسه ما وصلنا مرحلة يفترض بنا ان نشجع اي فريق طالما نحن غير متأكدين من نتايج مبارياتم و كل مباراة نخت ايدينا على قلوبنا لغاية ما الحكم يصفر
دي ما فرق يشجعوها ما فيها امكانيات و لا متعة و لا حتى باص ون تو و لا اي شئ غير العك انا شخصيا استثني كاريكا لاعب الهلال بعض الشئ لكن صراحة لا يوجد لاعب يعتمد عليه و على مهاراته في تقليص فارق او حلول فردية اقسم بالله لو كنت بحجم احد اللاعبين و لياقتهم البدنية دي لا كريستيانو و لا نايمار و لا حتى ميسي يتحداني المسألة يا جماعة تدريب شخصي على المهارات ما محتاجة مدرب المحترفين ديل بيتمرنو بأنفسهم على الحركات و الضربات برااااهم الواحد شايل الكورة دي معاهو في اي مكان حتى لو لي صفاح او بيريك نجاح حتى في النوم لكن ناسنا ديل الواحد حق الحكومة و الاساسيات ما قادر يصبر على تعليمها
فاااا شنو بس نحن في الغربة و كده اي شئ فيهو ريحة السودان بنتابعها حتى و لو كانت بتفقع المرارة
فالتحية للمرور العطر و للناس البقولو ما عارف ما بتفهم في الكورة بقول ليهم انا مدمن مشاهدة دوريهات اوروبية و لاتينية يعني ما بتقدرو تغالطوني في الكورة دي مدوره و لا مربعة و لو قاصدين نحن في الاتجاه الصحيح بي كلامكم ده يبقى خمو و صرو !!
| |
|
|
|
|
|
|
Re: مريخابي و اعترف بأن الهلال هو الفريق السو� (Re: محمد الامين احمد)
|
يا محمد الامين احمد
اجبرتني مستويات المريخ المتواضعة ان اصل لدرجة الحياد بعد ان كنت متعصب و اصبحت اتحدث عن المصلحة العامة
شفت كيف انا في مراحل متقدمة عنك
كل زول في مرحلة سابقة من عمرو بيستمع لي فنان معين و يكون معجب بيهو للحد البعيد و احيانا اغينة معينة فقط و لما يكبر شوية بيلقى نفسو بيحب يستمع الى الاغنيات التي تؤثر فيه غض النظر عن المؤدي و يكبر شوية يكون معجب بكل فناني السودان دي مراحل الاعجاب و تطورها و النمو الطبيعي ليها فدحين من هذا المنطلق انت في مراحل ابتدائية لسه و تحتاج الكثير كي تصل الى مستوي تشجيعي
انا اشجع و لكن ليس بتعصب و الغلطان بقول ليهو انت غلطان حتى و لو كان الفريق الذي اشجعه
كسره
صاح المريخ احرز بطولات متواضعة و لكن رغم ذلك الهلال اكثر شهرة منه شوف عين و سمع اضان - خلونا نكون صادقين ولو مره واحدة عارف ليه ؟ لان الهلال كان يقارع الكبار بينما المريخ اشتهر بملاقاة فرق متواضعة نوعا ما و كلو بي حقو الرخيص بي رخصتو و الغالي يضوقك حلاتو
| |
|
|
|
|
|
|
Re: مريخابي و اعترف بأن الهلال هو الفريق السو� (Re: الحاج حمد الحاج)
|
ارفع البوست يا الحاج (الله يرفع درجاتك )ومبرووووووك الفوز على حامل اللقلب وفاق اسطيف
اها يااا خالد حمد لو ما زلت في رايك يبقي انت ما مريخابي ولاااا اى حاجة وهلالابي مستشعر الخطر القادم من فريق رتب صفوفو وعمل بجد للظفر بالعروسة الافريقة
{وَمِنْهُمْ مَنْ عَاهَدَ اللهَ لَئِنْ آَتَانَا مِنْ فَضْلِهِ لَنَصَّدَّقَنَّ وَلَنَكُونَنَّ مِنَ الصَّالِحِينَ . فَلَمَّا آَتَاهُمْ مِنْ فَضْلِهِ بَخِلُوا بِهِ وَتَوَلَّوْا وَهُمْ مُعْرِضُونَ . فَأَعْقَبَهُمْ نِفَاقًا فِي قُلُوبِهِمْ إِلَى يَوْمِ يَلْقَوْنَهُ بِمَا أَخْلَفُوا اللهَ مَا وَعَدُوهُ وَبِمَا كَانُوا يَكْذِبُونَ}
| |
|
|
|
|
|
|
|